ᐊᕙᑎᐅᑉ ᖃᐅᔨᓴᕐᑕᐅᓂᖓ
ᐊ-ᖃᓄᐃᓕᖓᓯᒪᓂᖓᓂᒃ ᑐᑭᓯᒍᑎᒃ
ᐊᕙᑎᐅᑉ ᖃᐅᔨᓴᕐᑕᐅᓂᖓ ᐱᕙᓪᓕᐊᓂᐅᕗᖅ ᐊᑐᐃᓐᓇᕈᕐᑎᒋᐅᕐᓴᓂᐅᑦᓱᓂ ᑐᕌᒐᖃᕐᓱᓂ ᓱᕐᕋᑕᐅᓪᓗᐊᖁᓇᒋᑦ ᐆᒪᔪᐃᑦ ᓄᓇᐃᓗ. ᑲᔪᓯᓕᕐᑎᑕᐅᓚᐅᕐᑎᓇᒋᑦ ᐱᕙᓪᓕᐊᓂᕐᒧᑦ ᐱᓇᓱᐊᕐᓂᐅᔪᑦ, ᖃᐅᔨᓴᕐᖄᓲᑦ ᕿᒥᕐᕈᓱᑎᓗ ᐃᓘᓐᓇᓕᒫᖏᓐᓂᑦ ᓱᕐᕃᔪᓂᑦ ᐱᕈᕐᑐᓂᑦ, ᐆᒪᔪᓂᑦ, ᐊᒻᒪᓗ ᖃᓄᐃᓕᖓᓂᖏᓐᓂᑦ ᐃᓄᐃᑦ ᓄᓇᓕᓖᑦ ᐱᓇᓱᐊᕐᕕᐅᓱᖕᖑᔪᒥ. ᐅᓇᐅᒻᒥᔪᖅ, ᑭᓇᓕᒫᒃᑯᓄᑦ ᑐᓴᐅᒪᔭᐅᑎᑦᓯᓃᑦ ᐃᓄᓕᒫᕐᓯᓃᓪᓗ ᐋᕐᕿᑕᐅᒪᔪᑦ ᐱᕕᑦᓴᖃᕐᑎᓯᓂᐊᕐᒪᑕ ᐊᕙᑎᓕᕆᔭᐅᓂᖓᓄᓕᖓᔪᖅ ᐃᑉᐱᒋᔭᖃᕐᓂᐊᒪᑦ ᐱᒻᒪᕆᖁᑎᖏᓐᓂᑦ ᐃᓄᑑᓈᕐᑎᑐᑦ, ᐊᒥᓱᐃᖑᔪᑦ ᐃᓄᐃᑦ ᓄᓇᓖᓪᓗᑦ. ᐊᕙᑎᐅᑉ ᖃᐅᔨᓴᕐᑕᐅᓂᖓ ᐃᑲᔪᕐᓯᓲᖑᕗᖅ ᐱᐅᓯᐅᒥᑎᑦᓱᒋᑦ ᐱᕙᓪᓕᐊᓂᐅᔪᐃᑦ ᐱᓇᓱᐊᕐᑕᐅᔪᐃᑦ ᖃᓄᐃᓘᕈᓯᒋᓚᖓᔭᖏᑦ ᐊᒻᒪᓗ ᖃᐅᔨᓴᕐᑕᐅᓂᖏᑦ ᓱᕐᕃᓂᕐᓗᒍᑎᐅᒍᓐᓇᑐᐃᑦ ᐃᓄᓐᓂᑦ ᐊᕙᑎᒦᑦᑐᓂᓗ ᓇᕝᕚᕋᓱᑦᓱᑎᑦ ᐲᕐᓯᒍᑎᑦᓴᖏᓐᓂᑦ ᒥᑭᓕᐅᒥᒍᑎᑦᓴᖏᓐᓂᓗᓐᓃᑦ ᑐᖕᖓᕕᖃᕐᓱᑎᑦ ᐊᑦᔨᒌᖕᖏᑐᓂᑦ ᐱᖁᔭᓂᑦ ᓄᓇᕕᒻᒨᓕᖓᔪᓂᑦ, ᑮᓇᐅᔭᓕᐅᕋᓱᐊᕐᑎᒃ ᑎᒥᐅᔪᓗᓐᓃᑦ ᐊᑐᐃᓐᓇᕈᕐᑎᑐᑦ ᐱᓇᓱᒐᔭᕐᓂᒥᓂᑦ ᐊᕙᑎᐅᑉ ᖃᓄᐃᓕᖓᓂᖓᓂᒃ ᐊᓯᑦᔩᒪᕆᓚᖓᒍᓂ ᖃᐅᔨᓴᕐᓯᒪᓪᓚᕆᒋᐊᖃᕐᖁᖅ ᐊᕙᑎᒧᓕᖓᔪᓂᑦ ᐃᓅᖃᑎᒌᓪᓗ ᓱᕐᕋᑕᐅᒍᑎᒋᒍᓐᓇᑕᖏᓐᓄᓕᖓᔪᓂᑦ ᐱᓇᓱᐊᕐᑕᒥᓄᑦ. ᕿᒥᕐᕈᔭᐅᒌᕐᓯᒪᓕᕐᐸᑕ ᖃᐅᔨᓴᕐᑕᐅᒍᑎᕕᓃᑦ, ᑲᒪᒋᔭᑦᓴᔭᓖᑦ ᑎᒥᐅᔪᑦ ᑐᑭᑖᓂᐊᓕᕐᖁᑦ ᐊᑕᐅᓯᕐᒥᒃ ᐅᓄᕐᓂᓴᒋᐊᓪᓚᓂᓗᓐᓃᑦ ᐊᖏᕐᑕᐅᒍᑎᖃᕆᐊᖃᕐᒪᖔᑕ ᐊᒻᒪᓗ, ᐊᖏᕐᑕᐅᒍᑎᖃᕆᐊᖃᕐᐸᑕ, ᑖᒃᑯᐊ ᐃᓗᓕᑕᖃᓂᐊᕐᒪᖔᑕ ᖃᓄᐃᓕᖓᒐᓱᖁᔨᒍᑎᐅᔪᓂᑦ ᒪᓕᑦᑕᐅᖁᔭᐅᔪᓂᑦ.
ᓄᓇᕕᒻᒥ, ᓯᑕᒪᓄᑦ ᑎᑭᑦᑐᓂᑦ ᐊᕙᑎᐅᑉ ᖃᐅᔨᓴᕐᑕᐅᓂᖏᓐᓄᓕᖓᔪᓂᑦ ᐊᑑᑎᑎᑕᐅᒍᓐᓇᖁᑦ:
- ᖃᓄᐃᓘᕈᓰᑦ ᓄᐃᑕᕕᓃᑦ ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎᖓᑎᒍᑦ:
- ᑲᕙᒪᑐᖃᐅᑉ ᖃᓄᐃᓘᕈᓯᒋᓲᖏᑦ ᑲᓇᑎᐊᓐ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᒧᓕᖓᔪᖅ ᐱᖁᔭᖓ;
- ᖃᓄᐃᓘᕈᓯᐅᓲᑦ ᐅᕘᓇ ᓄᓇᕕᒻᒥ ᐃᓄᐃᑦ ᓄᓇᑖᕐᓂᒧᓕᖓᔪᖅ ᐊᖏᖃᑎᒌᒍᑎᖓ.
ᓯᑕᒪᐃᑦ ᖃᓄᐃᓘᕈᓰᑦ ᐃᓗᓕᑕᓖᑦ ᐊᑦᔨᒌᖏᓐᓇᓕᒫᑲᓴᓂᑦ ᖃᓄᐃᓘᕈᑎᐅᒋᐊᓕᓐᓂᑦ:
- ᑐᑭᓯᓇᕐᑎᓯᒋᐊᖕᖓᐅᑎᓕᐅᕐᓂᖅ ᐱᓇᓱᐊᕐᑕᐅᒐᓱᑦᑑᑉ ᖃᓄᐃᓕᖓᒐᓱᓐᓂᖓᓂᒃ ᐱᓇᓱᐊᕐᑎᐅᒐᓱᑦᑐᓄᑦ;
- ᐊᑐᐃᓐᓇᕈᕐᑎᓂᖅ ᑐᑭᒧᐊᓐᓂᓴᖏᓐᓂᑦ ᖃᓄᐃᓕᖓᓂᑦᓴᖏᓐᓂᑦ ᓱᕐᕃᓂᐅᒍᓐᓇᑐᐃᑦ ᖃᐅᔨᓴᕐᓂᖓᓂ;
- ᐱᔭᕆᕐᓗᓂ ᓱᕐᕃᒍᑎᐅᒍᓐᓇᑐᓂᑦ ᖃᐅᔨᓴᕈᑎᓂᑦ ᐱᓇᓱᐊᕋᓱᑦᑐᐃᑦ;
- ᑐᓴᐅᒪᔭᐅᒋᐊᓪᓚᕆᐊᓕᓐᓂᑦ ᑐᑦᓯᕋᕐᓗᑎ ᐱᓇᓱᐊᕋᓱᑦᑐᓂᑦ;
- ᐱᕕᑦᓴᖃᕐᑎᓯᓗᓂ ᑭᓇᓕᒫᒃᑯᑦ ᑐᓴᐅᒪᑎᑕᐅᓗᑎᑦ ᐃᓄᓕᒫᕐᓯᔭᐅᓗᑎᓗ;
- ᖃᐅᔨᓴᕐᓂᖅ ᐊᑐᐃᓐᓇᕈᕐᑎᓂᓗ ᑐᑭᓯᓇᕐᑎᓯᒍᑎᒥᒃ ᖃᓄᐃᓕᖓᒋᐊᖁᔨᒍᑎᓂᓗ;
- ᑐᑭᑖᕈᑎᐅᔪᖅ ᐱᑦᔪᑎᓕᒃ ᐱᓇᓱᐊᕐᑕᐅᒐᓱᑦᑑᑉ ᐊᖏᕐᑕᐅᒍᑎᖓᓂᒃ ᑯᐸᐃᒃ ᐊᒻᒪᓗ ᑲᕙᒪᑐᖃᒃᑯᑦ ᑐᕐᖃᑕᕐᕕᒋᓐᓂᑦ ᑲᒪᒋᔭᑦᓴᔭᓕᐅᔪᓂᑦ.
ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᖃᓄᐃᓕᖓᒐᓱᓐᓂᖏᑦ ᖃᓄᐃᓘᕈᓯᕐᓄᓕᖓᔪᓂᑦ
ᑭᓇᓕᒫᒃᑯᑦ ᖃᐅᔨᒪᑎᑕᐅᒋᐊᓖᑦ ᐊᕙᑎᓕᕆᓂᐅᑉ ᖃᐅᔨᓴᕈᓯᖏᑦᑕ ᖃᓄᐃᓘᕐᓂᕆᓲᖏᓐᓂᑦ
ᐱᔭᕆᐊᑐᔫᓂᖓ ᐊᒻᒪᓗ ᐊᑦᔨᖐᖕᖏᑐᓂᓗ ᐃᓗᓕᑕᖃᕐᓂᖓ ᐊᕙᑎᐅᑉ ᖃᐅᔨᓴᕐᑕᐅᓂᖓᑕ ᖃᓄᐃᓘᕈᓯᒋᓲᖏᑦ ᐊᑑᑎᔭᐅᒋᐊᖃᓲᑦ ᓄᓇᕕᒻᒥ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐱᒻᒪᕆᖁᑎᖃᕐᖁᑦ ᑐᑭᓯᒪᔭᐅᑎᑦᓯᒋᐊᕐᓗᑎᑦ ᐊᑦᔨᒌᖕᖏᑐᓂᑦ ᖃᓄᐃᓘᕈᓯᐅᔪᓂᑦ. ᑲᔪᓯᑎᑦᓯᒐᓱᒻᒥᔪᑦ ᐃᓄᐃᑦ ᐃᓚᐅᑦᓯᐊᓂᖏᓐᓂᑦ ᐃᓄᓕᒫᕐᓯᓂᐅᔪᓄᑦ ᖃᐅᔨᓴᕉᑕᕆᑎᓪᓗᒋᑦ ᐱᓇᓱᐊᕐᑕᐅᔪᑦᓴᓂᑦ.
ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐅᓐᓂᑑᑎᓕᐅᕐᓂᖁᑦ ᐊᒥᓱᒐᓚᓐᓂᑦ ᐱᓇᓱᐊᕐᑕᐅᔪᒨᓕᖓᔪᓂᑦ ᓄᓇᕕᐅᑉ ᐃᓄᖁᑎᖏᑦᑕ ᓄᓇᓕᖏᓐᓄᓕᖓᔪᓂᑦ, ᐃᓚᐅᑎᓪᓗᒍ ᓄᐃᑦᓯᓂᖅ ᐃᓕᓐᓂᐊᓂᕐᒧᓕᖓᔪᓂᑦ ᐊᒻᒪᓗ ᑐᑭᓯᒪᒍᑎᑦᓴᓕᐅᕐᓂᒧᓕᖓᔪᓂᑦ ᐃᓗᓕᑕᓕᓐᓂᑦ ᑐᑭᓯᓇᑲᓪᓚᑐᐃᓐᓇᑐᓂᑦ ᐊᓪᓚᑕᐅᓯᒪᔪᓂᑦ ᐊᕙᑎᐅᑉ ᖃᐅᔨᓴᕐᑕᐅᓂᖓᓄᓕᖓᔪᓂᑦ ᐊᒻᒪᓗ ᐃᓄᓕᒫᕐᓯᒍᓰᑦ ᖃᓄᐃᓕᖓᓂᕆᓲᖏᓐᓂᑦ.
ᐊᑐᕐᑕᐅᒍᓯᖏᑦ ᐊᑦᔨᒌᖕᖏᑐᐃᑦ ᖃᓄᐃᓘᕈᓯᐅᔪᑦ ᐱᕙᓪᓕᐊᔭᐅᔪᑦᓴᓂᑦ ᐱᓇᓱᐊᕐᑕᐅᔪᐃᑦ
ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐃᓱᒪᒋᔭᓖᑦ ᐊᒥᓲᓗᐊᕐᑐᓂᑦ ᐊᕙᑎᒧᓕᖓᔪᓂᑦ ᖃᐅᔨᓴᕈᓯᖃᕆᐊᖏᓐᓂᑦ ᓄᓇᕕᒻᒥ. ᐊᑕᐅᓯᐊᐱᒻᒧᑦ ᐱᕙᓪᓕᐊᓂᕐᒥᒃ ᐱᓇᓱᐊᕐᑕᐅᔪᒧᑦ, ᓯᑕᒪᓂᑦ ᖃᓄᐃᓘᕈᓯᖃᑐᐃᓐᓇᕆᐊᖃᕐᒪᑕ. ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᑲᒪᒋᔭᖃᓲᑦ ᑲᔪᓯᓕᕐᑎᑕᐅᓂᖏᓐᓂᑦ ᐊᕙᑎᐅᑉ ᖃᐅᔨᓴᕐᑕᐅᓂᖏᓐᓄᓕᖓᔪᐃᑦ ᖃᓄᐃᓘᕈᓯᖏᓐᓂᑦ ᑲᒪᒋᔭᑦᓴᓕᓐᓄᑦ ᑎᒥᐅᔪᑦ ᐊᒻᒪᓗ ᓄᐃᑦᓯᓯᒪᑦᓱᑎᑦ ᖃᓄᐃᓕᖓᒐᓱᐊᕐᓂᒥᓂᒃ ᐊᓪᓚᓯᒪᔪᑎᓪᓗᒋᑦ ᑖᒃᑯᓄᖓᓄᓕᖓᔪᓂᑦ.