ᓴᓃᑦ ᐊᐅᓚᑕᐅᓂᖓ
ᐊᐅᓚᑦᓯᓂᖅ ᓴᓂᓐᓂᒃ ᐱᔭᑦᓴᓕᐸᐅᔮᓗᖅ ᓄᓇᕕᒻᒥ ᑭᓯᐊᓂ ᑕᒪᒃᑯᐊ ᑲᒪᒋᔭᐅᑦᓯᐊᕈᓐᓇᑐᑦ. ᐱᔭᑦᓴᐅᑉ ᐊᑐᓕᕐᑎᓯᒍᑎᖓ ᐊᒥᓱᓂᒃ ᑭᒡᒐᑐᐃᔨᒻᒪᕆᓕᒃ: ᑯᐯ ᑲᓇᑕᐅᓗ ᑲᕙᒪᖏᒃ, ᐊᒻᒪᓗ ᓄᓇᕕᒻᒥ ᓄᓇᓕᓐᓂᓗ ᑎᒥᐅᔪᖏᑦ ᓂᐅᕕᕐᑎᓯᔩᓗ (ᓂᐅᕕᕐᕖᑦ, ᐊᐅᓪᓚᑎᑦᓯᔩᑦ, ᓴᓇᒐᑦᓴᓂᒃ ᑲᒪᔩᑦ, ᑕᒪᒃᑯᐊᓚᑳᑦ.). ᓄᑕᐅᓯᓕᕐᑎᕆᓂᖅ ᐊᐅᓚᑦᓯᓂᕐᒥᒃ ᐊᓂᑦᓯᕕᓐᓂᑦ ᒪᓕᒐᓕᐅᕐᓂᑯᑦ ᐊᕙᑎᒧᑦ ᐱᐅᔪᑐᐃᓐᓇᐅᖏᑦᑐᖅ; ᐃᑲᔪᕐᓯᒍᓐᓇᒥᔪᑦ ᐃᓄᓐᓂᒃ ᑮᓇᐅᔭᓕᐅᓂᒃᑯᓗ. ᑐᑭᓯᒍᓐᓇᐅᑎᓂᒃ ᓄᐃᑦᓯᓱᑎᓗ ᓀᓪᓕᒋᐊᕈᓐᓇᑐᓂᒃ, ᐊᑐᕆᐊᓪᓚᒍᓐᓇᑕᓂᒃ, ᓴᓗᒻᒪᓴᕈᓐᑐᓂᒃ ᐊᒻᒪᓗ ᐅᑎᕐᑎᒍᓐᓇᑐᓂᒃ.
ᖃᒻᒥᖅ ᐊᑑᑎᔭᐅᓚᐅᔪᐃᑦ
- ᖃᐅᔨᓴᕐᓗᒋᑦ ᑲᕙᒪᑐᖃᒃᑯᑦ ᐃᓪᓓᒍᑎᑦᓴᔭᓂᒃ ᐊᑕᐅᓯᕕᑦᓱᒋᑦ ᐊᑐᕐᑕᐅᓲᑦ ᐊᑐᕐᑕᐅᒋᐊᖃᕈᓐᓀᓂᖏᓐᓂᒃ ᐊᑐᓕᕐᑕᐅᑎᑦᓯᒪᒪᖔᑕ ᐊᒻᒪᓗ ᐋᕐᕿᒋᐊᕐᓯᒪᒻᒪᖔᑕ ᐅᕐᓱᐊᓗᖃᐅᑏᑦ ᐅᕐᓱᐊᓗᓕᕆᓂᕐᓄᓗ ᒪᓕᒐᐅᑎᔭᐅᔪᓂᒃ ᐊᑐᕐᑕᐅᑎᑦᓯᐊᕋᓗᐊᕐᒪᖔᑕ
- ᐅᖃᐅᓯᑦᓴᖃᕐᕕᐅᓯᒪᔪᑦ ᐃᑉᐱᒋᔭᖃᕋᓱᐊᕐᓂᑦ ᐊᑑᑎᔭᐅᒋᐊᓖᑦ ᒪᓕᑦᑕᐅᒋᐊᓖᑦ ᐱᑦᔪᑎᒋᑦᓱᒋᑦ ᐱᕙᓪᓕᐊᑎᑦᓯᒐᓱᐊᕐᓂᒧᑦ ᐊᑐᓕᕐᑎᑦᓯᓂᕐᒧᓗ ᐊᒻᒪᓗ ᑮᓇᐅᔭᑎᒍᑦ ᓴᐳᒻᒥᒋᐊᖃᕐᓂᒧᑦ ᑮᓇᐅᔦᕈᑎᐅᓯᒪᑦᓱᑎᒃ ᐅᑎᕐᑎᑕᐅᒍᑎᑦᓭᑦ ᐋᕐᕿᓱᕐᓯᒪᐅᑎᖏᑦ ᐱᑦᔪᑎᒋᑦᓱᒋᑦ ᓇᓪᓕᑳᕐᑕᐅᓯᒪᑦᓱᑎᒃ ᕿᒣᓐᓇᑕᐅᓂᑯᐃᑦ ᓄᐊᑕᐅᒋᖃᕐᓂᖏᓐᓄᑦ, ᑐᖕᖓᕕᒋᑦᓱᒋᑦ EPR-ᑯᑦ ᒪᓕᑦᑕᐅᖁᔭᖏᑦᑎᒍᑦ, ᐃᑯᓪᓚᐅᒥᑎᑦᓯᒐᓱᐊᕈᑕᐅᒻᒪᑕ ᐊᒻᒪᓗ ᐱᑦᓴᖑᕆᐊᓪᓚᖁᓇᕐᓱᑎᒃ
- ᐅᖃᐅᓯᑦᓴᖃᕐᕕᐅᓯᒪᒻᒥᔪᖅ 2022-2027 ᐊᕐᕌᒍᖏᓐᓂ ᖃᓄᕐᑑᕈᑎᑦᓭᑦ ᐸᕐᓇᓯᒪᐅᑎᖏᑦ ᓯᕐᒦᑦ ᓴᐳᒻᒥᔭᐅᒋᐊᖃᕐᓂᖏᓐᓄᑦ ᐊᒻᒪᓗ ᒪᓕᒐᑦᓴᓕᐅᒋᐊᖃᕐᓂᓄᑦ ᑲᒪᑦᓯᐊᕋᓱᐊᕐᓂᒧᑦ ᐊᒻᒪᓗ ᓱᒃᑯᓇᕐᑐᑕᑦᓯᔭᐅᓯᒪᔪᓂᒃ ᑲᒪᑦᓯᐊᕋᓱᐊᕈᑎᑦᓴᓂᒃ ᐱᐅᓯᐅᒥᑎᑦᓯᒐᓱᐊᕈᑎᑦᓴᓂᓪᓗ ᓄᓇᖓᑕ ᓯᕐᒥᖏᓐᓂᒃ ᐊᒻᒪᓗ ᐃᑉᐱᒋᑦᓭᓇᕋᓱᐊᕐᓗᒋᑦ ᓱᒃᑯᑌᓕᑎᑦᓯᒐᓱᐊᒧᑦ ᐸᕐᓇᓯᒪᐅᑎᓕᐅᕐᓯᒪᓗᒋᑦ ᓄᓇᖃᕐᖄᓯᒪᔪᐃᑦ, ᐅᑭᐅᕐᑕᑐᒥᐅᑦ ᐊᒻᒪᓗ ᑎᑭᑕᐅᑐᐃᓐᓇᑲᓪᓚᖃᔭᖕᖏᑐᐃᑦ ᓄᓇᓖᑦ.
- ᐃᓚᐅᕕᐅᓚᐅᔪᒻᒥᔪᑦ ᓄᓇᕕᒻᒥ ᑲᕐᖓᓂᓗᑯᓂᒃ ᑲᒪᒋᔭᖃᕋᓱᐊᕐᓱᑎᒃ ᐱᓇᓱᐊᖃᑎᒌᑦᑐᐃᑦ ᑎᓕᔭᐅᒪᓚᐅᔪᒻᒪᑕ ᑐᑭᓯᒪᑎᑦᓯᒐᓱᐊᕐᑎᐅᖁᔭᐅᑦᓱᑎᒃ ᓴᓗᒣᓪᓕᑎᕐᑕᐅᓯᒪᔪᐃᑦ ᖃᓄᑐᐃᓐᓇᖅ ᑲᒪᒋᔭᐅᒋᐊᖃᕐᒪᖔᑕ ᑲᒪᒋᔭᖃᖃᑎᐅᒋᐊᓕᓐᓂᒃ ᓄᓇᓕᓕᒫᓂ ᐊᒻᒪᓗ ᑲᕙᒪᒃᑯᓂ ᐱᓯᒪᔪᓂᒃ. ᐱᓇᓱᐊᖃᑎᒌᑦᑐᐃᑦ ᓇᓗᓀᕐᓯᓚᕆᓚᐅᔪᑦᓱᑎᒃ ᐱᓂᐊᕐᓂᓕᕆᐅᑎᐅᒋᐊᓕᓐᓂᒃ, ᐱᔭᕆᐊᑭᑦᑐᑐᐃᓐᓇᐅᖏᑦᑐᓂᓪᓗ ᐱᓇᓱᐊᕐᑕᐅᒋᐊᓕᓐᓂᒃ ᐊᒻᒪᓗ ᐋᕐᖀᒐᓱᐊᕈᑎᑦᓴᓂᒃ ᓴᓗᒣᑦᑐᓂᒃ ᑲᒪᖁᔭᐅᑦᓱᑎᒃ ᑌᒣᓚᐅᔪᒻᒪᑕ ᐃᓄᓕᒫᑦ ᖃᓄᐃᖕᖏᓯᐊᕆᐊᖃᕐᓂᖏᓐᓄᑦ ᐊᕙᑎᐅᓪᓗ ᓴᐳᒻᒥᔭᐅᑦᓯᐊᒋᐊᖃᕐᓂᖓᓄᑦ.
- ᐃᑉᐱᒋᑦᓯᐊᓗᒋᑦ ᐱᑦᓴᖑᒋᐊᓪᓚᕈᓐᓇᑐᐃᑦ ᓄᓇᒥᒃ ᓱᕐᕃᑐᐃᓐᓇᕆᐊᓖᑦ ᒪᓕᒐᓕᐅᕐᑕᐅᓯᒪᐅᑎᖏᑦ ᐱᑦᔪᑎᒋᓗᒋᑦ ᑮᓇᐅᔭᓕᐅᕋᓱᐊᕐᑏᑦ ᑲᒪᑦᓯᐊᕆᐊᖃᕐᒪᑕ ᕿᒣᓐᓇᑕᕕᓂᖏᑦ ᓱᕃᑐᐃᓐᓇᕆᐊᖃᕐᒪᑕ ᓄᓇᓂᒃ ᐊᒻᒪᓗ ᓱᒃᑯᐃᑐᐃᓐᓇᕆᐊᓕᓐᓂᒃ ᐱᑦᓴᓕᐅᕐᑏᑦ ᑲᒪᒋᔭᖃᒋᐊᖃᕐᒪᑕ ᓱᒃᑯᐃᔪᕕᓂᐅᑉᐸᑕ ᓂᐅᕐᕈᑎᒋᕙᑦᑕᖏᑦ.
- ᐃᑉᐱᒋᑦᓯᐊᓗᒋᑦ ᓴᓕᒣᓪᓕᑎᕐᑕᐅᓯᒪᔪᐃᑦ ᓄᓇᕕᒻᒥ ᕿᒣᓐᓇᑕᐅᓂᑯᐃᑦ ᐃᓚᒋᔭᐅᒻᒥᑎᓪᓗᒋᑦ ᐅᔭᕋᕐᓂᐊᑎᓄᑦ ᐱᑦᓴᓯᐅᕐᕕᐅᓯᒪᔪᐃᑦ ᐊᒻᒪᓗ ᐊᖁᐃᒪᕕᐅᓯᒪᔪᐃᑦ ᐅᔭᕋᕐᓂᐊᕋᑦᓴᓯᐅᕐᑐᓄᑦ, ᑲᕙᒪᑐᖃᒃᑯᑦ ᓄᓇᒋᓂᕋᕐᑕᖏᓐᓂ, ᑲᓇᑕᐅᓪᓗ ᕿᑎᖓᓂ ᕿᒣᓐᓇᑕᐅᖃᑦᑕᓂᑯᐃᑦ ᐊᖁᐃᒪᕖᑦ ᐊᑐᐊᒐᕐᖑᑕᐅᓯᒪᒻᒪᑕ ᓇᓃᒻᒪᖔᑕ Green Corner-ᑯᑦ ᐊᓪᓚᑕᕕᓂᖏᓐᓂ 128-ᖑᒍᑎᒋᓕᕐᑕᐃᑦ ᑕᕐᕋᓕᒃᑯᑦ ᐊᑐᐊᒐᓕᐊᕆᓯᒪᔭᖏᑦ ᑐᖕᖓᕕᒋᑦᓱᒋᑦ.
ᑕᑯᒋᐊᕈᓐᓇᑕᑎᑦ ᑐᓴᕐᑎᓯᐅᑎᓕᐊᖑᓯᒪᔪᑦ ᑕᒪᑐᒧᖓᓕᖓᔪᓄᑦ ᐅᕙᓂ: https://keac-ccek.org/en/briefs-and-position-papers/
ᒪᓕᒐᑦᓭᑦ ᑲᒪᑦᓯᐊᓂᕐᒧᑦ ᐱᐅᒡᒍᑏᑦ ᓄᓇᒧᑦ ᐊᑦᑕᓇᒍᓐᓇᑐᓂᒃ ᓄᓇᕕᒻᒥ
2016-ᒥ, KEAC-ᑯᑦ ᓄᐃᑦᓯᕆᐊᓪᓚᓚᐅᔪᑦ ᐱᖓᓱᓂᑦ ᒪᓕᒐᑦᓴᓂᒃ ᑐᓂᔭᓂᑦ ᑲᕙᒫᐱᓐᓄᑦ, ᑎᒥᐅᔪᓄᑦ, ᓂᐅᕕᕐᕕᓄᑦ ᐊᒻᒪᓗ ᐃᓄᓕᒫᓄᑦ ᐅᐸᑦᑕᐅᕕᓐᓄᑦ ᓄᓇᕕᒻᒥ ᖃᐅᔨᒪᐅᑎᓂᒃ ᐱᐅᒡᒍᕕᓃᑦ ᓄᓇᒧᑦ ᐊᑦᑕᓇᕐᑐᓂᒃ ᑲᒪᔨᑦᓯᐊᕆᐊᒥᒃ.
- ᒪᓕᒐᑦᓴᖅ No. 1: ᐱᐅᒡᒍᑎᕕᓃᑦ ᓄᓇᒧᑦ ᐊᑦᑕᓇᒍᓐᓇᑐᑦ ᑲᒪᕆᔭᐅᑦᓯᐊᕆᐊᖃᓂᖓᓄᑦ ᒪᓕᒐᑦᓴᖅ ᓄᓇᕕᒻᒥ ᑲᕙᒫᐱᓐᓄᓗ ᐊᒻᒪᓗ ᑎᒥᐅᔪᓄᑦ
- ᒪᓕᒐᑦᓴᖅ No. 2: ᐱᐅᒡᒍᑎᕕᓂᕐᓂᑦ ᓄᓇᒧᑦ ᐊᑦᑕᓇᒍᓐᓇᑐᑦ ᑲᒪᕆᔭᐅᑦᓯᐊᕆᐊᖃᕐᓂᖓᓄᑦ ᓄᓇᕕᒻᒥ ᐃᓄᓕᒫᖏᓐᓄᓗ
- ᒪᓕᒐᑦᓴᖅ No. 3: ᓄᓇᒧᑦ ᐱᐅᖕᖏᑐᖅ ᑯᕕᑉᐸᖅ ᑭᐅᑦᓴᐅᑎᒋᕆᐊᖃᕐᓂᒧᑦ ᐸᕐᓇᓯᒪᐅᑎ ᓄᓇᕕᒻᒥ ᑲᕙᒫᐱᖏᓐᓄᓗ ᑎᒥᐅᔪᖏᓐᓄᓗ
NEWS
ᐊᕙᑎᓕᕆᓂᕐᓄᑦ ᐃᓄᓕᒫᕐᑎᓯᓂᕐᒧᑦ ᐊᓪᓚᕕᖓ (BAPE) ᑐᓴᕐᑎᓯᐅᑎᓕᐊᕕᓂᖓ ᓴᓃᑦ ᖃᓄᐃᓘᕐᑕᐅᓲᖑᒻᒪᖔᑕ ᐊᒻᒪᓗ ᐅᓚᑕᐅᓲᖑᒻᒪᖔᑕ ᒥᑦᓵᓄᑦ, ᔭᓄᐊᕆ 2022
ᒫᑦᔨ 8, 2021-ᒥ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᖃᓄᕐᑑᕈᑎᖃᕐᓂᒥ ᑐᕐᖃᑕᕐᕕᖓ (MELCCH) ᑎᓕᓯᓚᐅᔪᖅ ᐊᕙᑎᓕᕆᓂᕐᓄᑦ ᐃᓄᓕᒫᕐᑎᓯᓂᕐᒧᑦ ᐊᓪᓚᕕᖓᓂᒃ (BAPE) ᑯᐯᓕᒫᒥ ᖃᐅᔨᓴᖁᔨᑦᓱᓂ ᐊᒻᒪᓗ ᓇᐅᓕᒫᓂᒃ ᐃᓄᓕᒫᕐᑎᓯᓂᕐᒥᒃ ᓴᓃᑦ ᖃᓄᐃᓘᕐᑕᐅᓲᖑᒻᒪᖔᑕ ᐊᒻᒪᓗ ᐊᐅᓚᑕᐅᓲᖑᒻᒪᖔᑕ ᒥᑦᓵᓄᑦ.
ᑎᓕᔭᐅᒍᑎᖓ ᐃᓚᖃᕐᑎᓗᒍ ᓄᓇ ᓇᓗᓀᕐᑕᐅᒪᔪᖅ 23-ᒥ ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᓂ (JBNQA) ᐊᒻᒪᓗ ᓇᓗᓀᕐᑕᐅᓯᒪᔪᖅ 14-ᒥ ᑯᐯᑉ ᓇᔅᑳᐲᑦ ᐊᖏᖃᑎᒌᒍᑎᖓᓂ. ᖃᓄᐃᓘᕐᑎᐅᓂᕐᒥᑕ ᐃᓗᐊᒍᑦ ᐃᓱᐊᕆᔭᐅᓂᕐᒥᓄᑦ ᐊᒻᒪᓗ ᐃᓕᑕᕆᔭᐅᓂᕐᒥᓄᑦ ᑲᕙᒪᓄᑦ ᓇᓗᓀᕐᑕᐅᒪᔪᒥ 23-ᒥ ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᒥ (JBNQA), KEAC-ᑯᑦ ᐊᖏᓚᐅᔪᑦ ᑲᑎᖕᖓᕕᐊ ᐱᓕᐅᕆᐊᒥᒃ ᐊᒻᒪᓗ ᑐᑭᒧᐊᕐᑎᓯᖃᑕᐅᓚᖓᒋᐊᒥᒃ ᐃᓄᓕᒫᕐᑎᓯᓂᕐᒥ ᓄᓇᕕᒻᒥ ᐱᓇᓱᖃᑎᒋᓗᒋᑦ BAPE-ᑯᑦ. ᒪᓕᑦᓱᒍ ᑲᔪᓯᒋᐊᕈᑕᐅᒋᐊᓖᑦ ᓇᓗᓀᕐᑕᐅᒪᔪᑦ JBNQA-ᒥ, ᐃᓄᓕᒫᕐᑎᓯᓂᖅ ᐊᑑᑎᑎᑕᐅᓚᐅᔪᖅ ᔫᓂ 9-ᒥ 10-ᒥᓗ 2021-ᒥ ᑰᑦᔪᐊᒥ.
ᐅᖃᖃᑎᒌᑦᑎᓗᒋᑦ ᐃᓚᐅᖃᑕᐅᔪᑦ ᐃᓱᒫᓘᑎᓗᐊᖕᖑᐊᒥᓂᒃ ᐅᖃᓚᐅᔪᑦ ᐃᒫᒃ: ᓄᓇᓕᒻᒥᐅᑦ ᐊᓂᕐᑎᕆᔭᖓ ᐊᒻᒪᓗ ᐊᕙᑎᐅᑉ ᓱᕐᕋᑕᐅᓂᕆᓲᖓᓴᓃᑦ ᐃᑯᐊᓪᓚᑕᐅᒻᒪᑕ ᐊᒻᒪᓗ ᑮᓇᐅᔭᖃᕐᑎᑕᐅᑦᓯᐊᖏᓐᓂᖓ ᓴᓃᑦᐊᐅᓚᑕᐅᒍᑎᖏᑦ, ᕿᒣᓐᓇᑯᐃᑦ ᒧᓂᓯᐹᓕᑎᐅᑉ ᑎᑎᕐᑕᐅᒪᓂᖓᑕ ᓯᓚᑖᓃᑦᑐᑦ, ᒪᓕᒉᑦ ᐊᒻᒪᓗ ᐱᓇᓲᑏᑦ ᐋᕐᕿᒋᐊᕐᓯᒪᓗᑎᒃ ᐅᑭᐅᕐᑕᑐᒥᐅᑎᒍᑦ ᐊᑑᑎᔭᓪᓚᕆᑦᑎᓄᑦ, ᓴᓂᒃᑯᕖᑦ ᓴᓂᖃᕈᓐᓇᕕᖏᑦ ᐊᒻᒪᓗ ᐊᐅᓚᑕᐅᒍᑎᖏᑦ, ᐊᒻᒪᓗ ᑐᓴᐅᒪᑎᑕᐅᖕᖏᓗᐊᕐᓂᐅᓲᑦ ᐊᒻᒪᓗ ᐃᑲᔪᕐᓯᔭᐅᖕᖏᓗᐊᕐᓂᐅᓲᑦ ᐃᓄᑦᑎᑑᕐᑐᑦ / ᖃᓪᓗᓈᑎᑑᕐᑐᓗ.
ᐅᖃᐅᓯᑦᓴᕕᓃᑦ ᐃᓄᓕᒫᕐᑎᓯᓂᕐᒥ ᐃᑲᔪᕐᓯᓚᐅᔪᑦ BAPE-ᑯᑦ ᑐᓴᕐᑎᓯᐅᑎᓕᐊᖓᓂt (ᐅᐃᒍᐃᑎᑑᑐᐃᓐᓇᑐᑦ) ᑐᓴᕋᑦᓴᓕᐊᖑᓚᐅᔪᑦ ᔭᓄᐊᕆ 2022-ᖑᑎᓪᓗᒍ. ᑐᓴᕐᑎᓯᐅᑎ ᓄᐃᑕᑎᑦᓯᔪᖅ 11-ᓂᒃ ᐃᓂᓪᓚᒋᐊᕈᑎᑦᓴᓂᒃ ᒪᓕᒋᐊᕐᑕᐅᒍᑎᑦᓴᓕᐊᖑᓯᒪᑦᓱᑎᒃ ᑲᕙᒪᒃᑯᓄᑦ ᑐᑭᑖᕆᓕᕐᐸᑕ ᓴᓃᑦ ᐊᐅᓚᑕᐅᒍᑎᖏᓐᓅᓕᖓᔪᓄᑦ. ᐱᓗᐊᕐᑐᖅ, ᒪᓕᒋᐊᕈᑎᑦᓴᖓ 10 ᓵᖕᖓᔭᖃᓗᐊᖕᖑᐊᑐᖅ ᓄᓇᓄᑦ ᐅᖓᓯᑦᑐᒥᐅᓄᑦ ᐊᒻᒪᓗ ᑐᑭᓯᓇᕐᑎᓯᑦᓱᓂ ᓴᓃᑦ ᐊᐅᓚᑕᐅᒍᑎᖏᑦᑕ ᖃᓄᐃᓘᑦᔪᓯᖏᑦᐊᑑᑎᑎᑕᐅᒋᐊᖃᕐᓂᖏᓐᓂᒃ ᓇᓪᓕᖁᐊᒌᒍᓐᓇᕕᓕᒫᒥᓄᑦ ᑯᐯᓕᒫᒥ. ᑲᕙᒪᒃᑯᑦ ᐃᓱᒪᑦᓯᐊᕆᐊᖃᕐᒥᔪᑦ ᐃᓅᓯᕆᔭᐅᔪᓂᒃ ᓄᓇᖁᑎᓖᓪᓗ ᐱᐅᓯᓪᓗᑐᖏᓐᓂᒃ ᖃᓂᖕᖏᑐᒥᐅᓂᒃ ᐊᒻᒪᓗ ᐃᓱᒪᒋᔭᖃᑦᓯᐊᓗᑎᒃ ᑖᒃᑯᓂᖓ ᐱᓇᓱᑦᑎᖃᕆᐊᖃᓕᕐᐸᑕ ᑮᓇᐅᔭᖃᕐᑎᑕᐅᒋᐊᖃᓕᕐᐸᑕᓗ ᐊᒻᒪᑕᐅᖅ ᐱᐅᓂᕐᐹᓂᑦ ᓴᓃᑦ ᐊᐅᓚᑕᐅᒍᓯᖏᓐᓂᒃ ᐋᕐᕿᓯᒪᐅᑎᖃᕐᑎᓯᐊᕐᓗᒋᑦ ᒪᓕᑦᓯᐊᑐᓂᒃ ᐃᓱᒪᒋᔭᐅᔪᓂᒃ ᑮᓇᐅᔭᑎᒍᑦ ᒪᑭᑕᑦᓯᐊᒋᐊᖃᕐᓂᒥ. A ᑐᓴᕐᑎᓯᐅᑎᓀᓪᓕᑎᕐᓯᒪᔪᖅt ᐊᑐᐃᓐᓇᐅᒥᔪᖅ ᖃᓪᓗᓈᑎᑑᕐᑐᖅ.
ᐊᒻᒪᑕᐅᖅ, ᐊᕕᑦᑐᓯᒪᔪᒥ 11-ᒥ BAPE-ᑯᑦ ᑐᓴᕐᑎᓯᐅᑎᖓᓂt ᑐᓴᕐᑕᐅᑎᑕᐅᒻᒥᔪᖅ ᐊᒻᒪᓗ ᐅᓐᓂᑑᑎᖃᕐᓱᓂ ᓴᓃᑦ ᖃᓄᐃᓘᕐᑕᐅᓲᖑᒻᒪᖔᑕ ᐊᒻᒪᓗ ᐊᐅᓚᑕᐅᓲᖑᒻᒪᖔᑕ ᒥᑦᓵᓄᑦ, ᐃᓚᒋᔭᐅᑎᓪᓗᒍ ᓄᓇᕕᒃ. ᐃᓘᓐᓇᒐᓚᑎᒃ ᐃᓱᓕᒋᐊᕈᑎᓖᑦ ᑌᑰᓇ ᐊᓪᓚᑕᐅᒪᕕᖓᓄᑦ BAPE-ᑯᑦ ᑲᑎᒪᕕᖓᑕ ᐃᓱᒪᒋᔭᖏᓐᓂᒃ ᐊᒻᒪᑕᐅᖅ ᓄᓇᖃᕐᖄᓯᒪᔪᐃᑦ ᐃᓱᒪᒋᔭᖏᓐᓂᒃ ᓴᓃᑦ ᖃᓄᖅ ᐱᐅᓯᒋᐊᕐᑕᐅᒍᓐᓇᕋᔭᕐᒪᖔᑕ ᐊᐅᓚᑕᐅᒍᓯᖏᑦ ᓄᓇᖁᑎᒥᓂ.