ᐅᔭᕋᕐᓂᐊᓂᖅ ᐊᒻᒪᓗ ᐅᕋᕐᓂᐊᕋᑦᓴᓯᐅᕐᓃᑦ
ᓄᓇᕕᒃ 36%-ᓂᒃ ᑎᒍᒥᐊᕐᑐᖅ, ᐊᖏᓂᖓ 500,000 km2, ᑯᐯ ᓄᓇᖓᓂ. 2023-ᒥ, ᐅᔭᕋᓐᓂᐊᓂᕐᒧᑦ 23,000 ᐅᖓᑖᓂᒃ ᑲᒪᔪᕕᓂᐅᓚᐅᔪᑦ ᓄᓇᕕᒻᒥ, ᐱᖓᓱᑦ ᐅᔭᕋᓐᓂᐊᑏᑦ ᐃᖏᕐᕋᔪᑦ, ᐱᖓᓱᑦ ᐱᔭᑦᓭᑦ ᐊᑐᐃᓐᓇᐅᕐᑎᑕᐅᔪᑦ ᐊᒻᒪᓗ ᐱᕕᑦᓴᑖᕐᕕᓂᒃ ᖃᐅᔨᓴᖏᓐᓇᓱᑎᒃ ᓄᓇᕕᓕᒫᒥ. KEAC-ᑯᑦ ᐃᓱᒫᓗᑦᑐᑦ ᑕᒪᒃᑯᐊ ᐱᕙᓪᓕᐊᓂᖏᑦ ᓱᕐᕃᒍᓐᓇᒪᑕ ᓄᓇᕕᐅᑉ ᐊᕙᑎᖓᓂ ᐃᓄᐃᑦ ᓄᓇᖓᓂᓪᓗ ᐊᒻᒪᓗ ᑐᓴᐅᒪᑦᓯᐊᕋᓱᑦᓱᑎᒃ ᓄᓇᕕᒻᒥ ᐅᔭᕋᓐᓂᐊᓂᕐᓄᑦ ᐱᕙᓪᓕᐊᔪᓂᒃ. KEAC-ᑯᑦ ᖃᐅᔨᓴᕙᓪᓗᑐᑦ ᓱᓇᓗᐊᖕᖑᐊᖅ ᓱᕐᕃᒍᓐᓇᒪᖔᑦᑕ ᐅᔭᕋᓐᓂᐊᓂᒃᑯᑦ ᐊᐅᓚᑕᐅᔪᓄᑦ.
ᖃᒻᒥᖅ ᐊᑑᑎᔭᐅᓚᐅᔪᐃᑦ:
- ᐊᓂᕐᓂᓴᖃᑦᓯᐊᕋᓱᐊᕐᑎᓯᓂᕐᒧᑦ ᒪᓕᒐᓕᐊᒍᓯᒪᔪᑦ ᖃᓄᓪᓗᐊᑎᒋᑦ ᑭᑭᐊᑦᓴᔭᖅ ᐊᓂᕐᓂᓴᒨᒋᐊᖃᕐᒪᖔᑦ 300m ᑭᑭᐊᑦᓴᔭᖅ ᑐᖕᖓᕕᒋᔭᐅᑎᓪᓗᒍ
- ᑐᓴᕐᑕᐅᑫᓂᖃᕐᓱᑕ ᐳᕐᑐᓃᑦ ᓴᓗᒻᒪᓴᕐᑕᐅᒋᐊᖃᕐᓂᖓᓂᒃ MERN-ᑯᓄᑦ.
- ᐃᑉᐱᒋᑦᓱᒋᑦ ᐋᕐᕿᒋᐊᕐᑕᐅᒍᑎᖏᑦ ᐊᒻᒪᓗ ᐊᑑᑎᔭᐅᒍᑎᖏᑦ ᐅᔭᕋᓐᓂᐊᓂᐅᑉ ᐱᖁᔭᖓ ᓄᓇᕕᒻᒥ, ᐱᓗᐊᕐᑐᖅ ᒪᓂᔭᐅᓯᒪᔪᑦ ᐅᔭᕋᕐᓂᐊᕕᐅᒍᒪᑦᓱᑎᒃ.
- ᑐᓂᓯᑦᓱᑕ ᐅᖃᐅᓯᑦᓴᓂᒃ ᑯᐯᒃ ᐸᕐᓇᓯᒪᐅᑎᖓᓄᑦ ᐱᕙᓪᓕᐊᑎᑕᐅᓂᖓᓄᑦ ᐱᓪᓚᕇᑦ ᐊᒻᒪᓗ ᐋᕐᕿᓯᒪᐅᑎᐅᒋᐊᓖᑦ ᐅᔭᕋᑦᑕᔦᑦ.
- ᑐᓂᓯᑦᓱᑕ ᐅᖃᐅᓯᑦᓴᓂᒃ ᐊᒻᒪᓗ ᐃᑉᐱᒋᖏᓐᓇᓱᒍ MERN ᑯᑦ ᓄᓇᖃᕐᖄᓯᒪᔪᓂᒃ ᐃᓄᓕᒫᕐᑎᓯᓂᕐᒧᑦ ᒪᓕᒐᖓᓂᒃ ᐅᔭᕋᕐᓂᐊᓂᕐᒨᓕᖓᔪᒥᒃ.
ᑕᑯᒋᐊᕈᓐᓇᑕᑎᑦ ᑐᓴᕐᑎᓯᐅᑎᓕᐊᖑᓯᒪᔪᑦ ᑕᒪᑐᒧᖓᓕᖓᔪᓄᑦ ᐅᕙᓂ: https://keacccek.org/en/briefs-andposition-papers/