ᓄᓇᕕᐅᑉ ᐊᕙᑎᖓᓂ ᐊᒻᒪᓗ ᐊᕙᑎᖓᑕ ᐊᑑᑎᕐᓯᒪᔭᖏᓐᓂᑦ ᐊᔪᒉᑦᑐᖃᕐᒪᑦ ᑕᑯᒥᓇᕐᑐᓂᑦ ᐊᒥᓱᓂᒃ ᓴᐴᑦᔨᔭᐅᒪᔪᑦᓴᐹᓘᒻᒪᑕ ᓄᓇᐅᑉ ᐱᐅᓯᖏᑦ. ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓ ᐊᒻᒪᓗ ᐱᔭᑦᓭᑦ ᐱᕙᓪᓕᐊᓂᖏᑦ ᐊᑦᑐᐃᒪᒻᒪᑕ ᐋᕐᕿᓯᒪᒍᓯᖏᓐᓂᑦ ᓄᓇᒥᐅᑌᑦ ᐆᒪᔪᐃᓪᓗ. ᓄᓀᑦ ᐃᓚᖏᑦ ᓇᓗᓀᕐᑕᐅᓯᒪᔪᑦ ᐊᒻᒪᓗ ᒥᕐᖑᐃᓯᕐᕕᓴᐅᑦᓱᑎᒃ ᐃᓚᖏᑦ ᓴᐳᑦᔨᔭᐅᒪᔪᐃᓪᓗ ᑯᐯ ᑲᕙᒪᖓᓄᑦ. ᑐᓴᐅᒪᐅᑎᓃᑦ ᐊᒻᒪᓗ ᐃᑲᔪᖃᑎᒌᕐᓂᓄᑦ ᓄᓇᓕᓐᓂᑦ ᐃᑲᔪᕐᓯᒍᑎ ᐱᔭᑦᓴᓂᒃ ᒥᕐᖑᐃᓯᕐᕕᓄᑦ ᓄᓇᓂᓪᓗ ᓴᐳᑦᔨᔭᐅᒪᔪᓂᒃ ᑲᔪᓯᖁᓪᓗᒋᑦ ᑕᒪᒃᑯᓄᖓ ᐃᓄᓐᓄᑦ, ᐊᓪᓚᓄᑦ ᐊᒻᒪᓗ ᓇᔅᑳᐱᒃᑯᓄᑦ. ᐊᑕᐅᑦᓯᑯᑦ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᒥᕐᖑᐃᓯᕐᕖᑦ ᐃᓗᐊᒍᑦ, ᐊᕙᑎᓕᕆᓂᕐᒧᑦ ᓯᓚᕐᔪᐊᓗ ᐅᕐᖂᓯᕙᓪᓕᐊᓂᖓᓄᑦ ᐃᓱᒪᕐᓴᓯᐅᕐᑏᑦ ᒥᓂᔅᑕᒃᑯᖓᓄᑦ (the environment and the fight against climate change) ᐊᒻᒪᓗ ᓇᐹᕐᑐᓕᓐᓄᑦ, ᐆᒪᔪᓐᓄᓗ ᒥᕐᖑᐃᓯᕐᕕᓄᓪᓗ ᒥᓂᔅᑕᒃᑯᖓᓄᑦ (forests, wildlife and parks) ᑲᒪᔨᐅᔪᑦ ᑲᒪᑦᓯᐊᓂᕐᒥᒃ ᒥᕐᖑᐃᓯᕐᕕᓂᒃ ᓄᓀᓗ ᓴᐳᑦᔨᔭᐅᒪᓂᖏᓐᓂᑦ, ᓴᐳᑦᔩᓂᕐᒧᑦ ᐱᕙᓪᓕᐊᓂᕐᓄᓗ ᐊᐅᓚᑦᓯᓂᕐᒧᓗ.

KEAC-ᑯᑦ ᐃᓱᒪᕗᑦ ᐃᓄᐃᑦ ᓇᔅᑳᐱᒃᑯᓗ ᐃᓚᐅᓂᖓ ᐆᒪᒍᓐᓇᑐᓕᒫᓂᑦ ᐱᓐᓀᓗᑕᖏᓐᓄᑦ ᖃᐅᔨᓴᕐᓂᓄᑦ ᐊᒻᒪᓗ ᐊᐅᓚᑦᓯᓯᐊᒍᓐᓇᓂᐊᕐᒪᑕ ᓄᓇᖃᕐᖄᓯᒪᔪᑦ ᖃᐅᔨᒪᓂᖏᓐᓂᑦ ᑐᓂᔨᒍᓐᓇᕆᐊᒥᒃ ᑐᑭᓯᓕᐅᒥᓂᐊᕐᒪᑕ ᐊᕙᑏᑦ ᐆᒪᒍᓐᓇᑐᓕᒫᖏᓐᓂᑦ. ᐊᒻᒪᓗ, KEAC-ᑯᑦ ᖃᐅᔨᓴᕐᐸᓱᑎᒃ ᒥᕐᖑᐃᒥᕐᕕᓕᐊᓂᒃ ᓇᓗᓀᕐᓰᕙᑦᓱᑎᒃ ᓄᓇᓂᒃ ᓴᐳᑦᔨᔭᐅᒪᔪᓂᒃ, ᐃᓚᐅᑎᑦᓯᓂᒃᑯᑦ ᐃᓄᓕᒫᓂᒃ ᑐᓴᐅᒪᑎᑦᓯᓂᕐᒥᒃ ᕈᓐᓇᓕᕐᐸᑕ ᐊᒻᒪᓗ ᑐᓂᔨᒋᐊᒥᒃ ᐅᓐᓂᑑᑎᓂᒃ ᑐᓴᐅᒪᒍᑎᓂᓪᓗ ᑲᒪᔪᑦᓴᓄᑦ. KEAC-ᑯᑦ ᓴᐳᑦᔩᒋᐊᒥᒃ ᐃᓱᒪᓗᐊᖕᖑᐊᑐᑦ ᐃᓄᐃᑦ ᐱᔪᓐᓇᐅᑎᖏᓐᓂᑦ ᒪᙯᕐᓂᒧᑦ, ᐃᖃᓪᓕᐊᓂᕐᒧᑦ ᐊᒻᒪᓗ ᒥᑭᒋᐊᕐᓂᐊᓂᕐᒧᑦ ᓇᔅᑳᐱᒃᑯᓄᑦ ᐊᑑᑎᔭᐅᒍᓐᓇᐸᑕᓗ, ᒥᕐᖑᐃᓯᕐᕕᓕᐊᕐᓯᒪᔪᓄᓪᓗ, ᐊᕙᑎᓂᒃ ᑲᒪᑦᓯᐊᓂᕐᒧᓗ ᐊᒻᒪᓗ ᐃᓗᕐᕈᓯᓂᒃ ᓴᐳᑦᔨᓂᕐᒧᑦ (ᑐᓂᕐᑕᓂᐊᕐᕖᑦ), ᒥᕐᖑᐃᓯᕐᕖᑦ ᐊᖏᓂᕆᓂᐊᕐᑕᖏᑦ, ᐊᒻᒪᓗ ᐅᔭᕋᓐᓂᐊᓂᕐᒧᑦ ᖃᐅᔨᓴᕐᑎᓄᑦ ᐊᑑᑎᒍᒫᕐᑐᑦ ᖃᒻᒥᑯᑦ.

ᖃᒻᒥᖅ ᐊᑑᑎᔭᐅᓚᐅᔪᐃᑦ

• ᐅᖃᐅᓯᑦᓴᖃᕐᕕᐅᓯᒪᔪᑦ ᐋᕐᕿᒋᐊᕐᑕᐅᒍᑎᕕᓂᖏᑦ ᐃᓕᒪᓇᕐᑐᒥᑦᑐᕆᔭᐅᓕᕐᑐᐃᑦ ᐅᕝᕙᓘᓐᓃᑦ ᓱᒃᑯᑐᐃᓐᓇᓂᐊᖕᖑᕆᔭᐅᓕᕐᑐᐃᑦ ᐱᕈᑦᑐᐃᑦ ᖃᓄᐃᑦᑐᑐᐃᓐᓀᑦ ᐱᑦᔪᑎᒋᑦᓱᒋᑦ ᐊᒻᒪᓗ ᓇᔪᓲᖏᑦ ᐊᒻᒪᓗᑦᑕᐅᖅ ᐳᕕᕐᓂᑐᒥ ᖃᕐᖃᖅ Draba (Draba Puvirnituq) ᐃᓕᔭᐅᖃᑕᐅᖁᑦᓱᒍ ᑖᕙᓂᒥ ᐱᕈᓲᑦ ᐱᑦᔪᑎᒋᑦᓱᒋᑦ. Green Corner-ᑯᑦ ᐊᓪᓚᓯᒪᓚᐅᔪᑦ ᐱᕈᑦᑐᐃᑦ ᓇᓪᓕᐊᓗᑯᐊᐱᐅᒻᒪᖔᑕ ᐊᑐᐊᒐᓕᐊᕕᓂᖏᓐᓂ 131-ᖑᒍᑎᒋᓕᕐᑕᖓᓂ ᑕᕐᕋᓕᒃᑯᑦ ᐊᑐᐊᒐᓕᐊᒋᓲᖏᑦᑎᒍᑦ
• ᐅᖃᕐᕕᒋᑦᓱᒍ MFFP-ᑯᑦ ᓂᕐᔪᑎᓂᒃ ᒪᓕᒐᖓ
• ᐅᖃᐅᓯᑦᓴᓂᒃ ᑐᓂᓯᑦᓱᑕ ᐱᖁᔭᑦᓴᓕᐊᑉ Bill 46 ᒥᑦᓵᓄᑦ, ᐱᖁᔭᑦᓴᖅ ᐃᓚᒋᐊᕈᑕᐅᓗᓂ ᓄᓇᐅᑉ ᐱᐅᓯᕐᓱᓂᖓᑕ ᐊᓯᕈᑦᑕᐅᒋᐊᖃᖕᖏᓂᖓᑕ ᒪᓕᒐᖓᓄᑦ ᐊᒻᒪᓗ ᐊᓯᖏᑦ ᐃᓗᓕᖏᓐᓃᑐᑦ
• ᐅᖃᐅᓯᑦᓴᓂᒃ ᑐᓂᓯᑦᓱᑕ ᒪᓕᒐᓕᐊᕆᓯᒪᔭᖏᓐᓄᑦ ᑯᐯᒃ ᒥᕐᖑᐃᓯᕐᕕᖏᓐᓄᑦ
• ᑐᓴᕋᑦᓴᖑᕐᑎᓯᑦᓱᑕ ᐃᓱᒪᒋᔭᑦᑎᓂᒃ ᐊᓪᓚᓯᒪᑎᓪᓗᒋᑦ ᑲᕙᒣᑦ ᐊᖏᕐᓯᒪᓂᖓᓄᑦ 50%-ᐳᓴᒥᒃ Plan Nord ᓄᓇᖁᑎᖓᓂ ᐊᕙᑎᒥᒃ ᓴᐳᒻᒥᔭᐅᒋᐊᖃᕐᓂᖓᓄᑦ, ᐱᐅᓯᕐᓱᑎᖏᓐᓇᓗᒍ ᐆᒪᔪᐃᑦ ᐱᕈᕐᑐᐃᓗ ᐱᑐᑦᓯᒪᖃᑎᒌᕝᕕᖓ, ᑲᔪᖏᕐᓴᑕᐅᓗᓂ ᐱᐅᓯᕐᓱᓂᖓ ᐊᒻᒪᓗ ᐊᑦᔨᒌᖕᖏᑐᐃᑦ ᐱᕙᓪᓕᐊᑕᐅᔪᑦ ᐱᓇᓱᕝᕕᒪᕆᑎᒍᑦ ᐱᓇᓱᐊᕐᑕᒥᒍᑦ ᐋᒥᑦᓯᓲᖑᓂᖏᑦ.

ᑕᑯᒋᐊᕈᓐᓇᑕᑎᑦ ᑐᓴᕐᑎᓯᐅᑎᓕᐊᖑᓯᒪᔪᑦ ᑕᒪᑐᒧᖓᓕᖓᔪᓄᑦ ᐅᕙᓂ: https://keac-ccek.org/en/briefs-and-position-papers/