ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒃ ᓄᓇᕕᒻᒥ

ᑐᑭᓯᑎᑦᓯᒋᐊᖕᖓᐅᑎᒃ

ᔦᒥᔅ ᐯ ᐊᒻᒪᓗ ᑯᐯ ᑕᕐᕋᖓᓂ ᐊᖏᖃᑎᒌᒍᑎ (The James Bay and Northern Quebec Agreement) ᐊᖏᕈᑕᐅᓯᒪᔪᖅ 1975-ᒥ ᑯᐯ ᑲᓇᑕᐅᓗ ᑲᕙᒪᖏᓐᓄᑦ, ᐱᖓᓱᑦ ᑲᕙᒣᑦ ᑎᒥᐅᔪᖁᑎᖏᓪᓗ (Hydro-Québec, the James Bay Energy Corporation and the James Bay Development Corporation), ᑯᐯᒥ ᐊᓪᓓᑦ ᑲᑎᒪᔨᒻᒪᕆᖏᑦ ᐊᒻᒪᓗ ᑯᐯ ᑕᕐᕋᖓᓂ ᐃᓄᐃᑦ ᐃᓚᐅᔪᑦ (ᐅᓪᓗᒥ ᒪᑭᕝᕕᐅᓕᕐᑐᖅ). JBNQA ᐊᖏᖃᑎᒌᕐᓂᖓ ᓯᕗᓪᓕᐅᓯᒪᔪᖅ ᐅᓪᓗᒥᓂᑕᓂᒃ ᐊᖏᖃᑎᒌᕐᓂᒧᑦ ᑲᓇᑕᒥ. 1978-ᒥ, ᑯᐯ ᑕᕐᕋᖓᑕ ᐅᐊᓐᓂᖓᓂ ᐊᖏᖃᑎᒌᕐᓂᖓ (Northeastern Québec Agreement) JBNQA ᐊᑎᓕᐅᕐᑕᐅᓯᒪᔪᖅ ᐃᓕᒌᓄᑦ ᓇᔅᑳᐱᒃᑯᓄᓪᓗ Schefferville-ᒥᐅᓄᑦ (ᐅᓪᓗᒥ ᓇᔅᑳᐱ ᓄᓇᖃᕐᓯᒪᔪᑦ ᑳᕗᐊᕗᐊᑦᓯᑲᒫᔅ-ᒥ ᐊᑎᖃᓕᕐᑐᖅ) ᐊᖏᓕᒋᐊᖁᑦᓱᒍ ᐊᖏᒍᑕᐅᔪᐃᑦ JBNQA ᐊᑖᒍᑦ ᓇᔅᑳᐱᒃᑯᑦ ᓄᓇᖓᓄᑦ ᑎᑭᑦᓱᒍ, ᐊᒻᒪᓗ ᐊᕙᑎᓕᕆᓂᕐᒧᑦ ᐃᓄᓕᒫᓂᓪᓗ ᓴᐳᑦᔩᓂᕐᒧᑦ ᓇᓗᓀᕐᓯᒪᔪᖅ ᐊᕕᑦᑐᓯᒪᓂᖓᓂ 23-ᒥᒃ. ᓄᓇᖕᖑᐊᖅ ᐊᑖᓂ ᓄᐃᑦᓯᒍᑎ ᐊᕙᑎᖓ ᐊᐅᓚᑕᐅᑦᓱᓂ JBNQA-ᑯᑎᒍᑦ ᐊᒻᒪᓗ NEQA-ᑯᑎᒍᑦ. ᑐᓴᐅᒪᔭᐅᒋᐊᖃᕐᒥᔪᖅ ᐊᕕᑦᑐᓯᒪᓂᖓᓂ 23-ᒥᒃ JBNQA-u ᓇᔅᑳᐱᒃᑯᑦ ᓄᓇᖓᓂ ᐊᑑᑎᓂᖃᒻᒪᕆᑦᑐᖅ, ᐊᕙᑎᖓᓂ 55 ᖂᓚᓂᑦ ᑕᕐᕋᒥ, ᑳᕗᐊᕗᐊᑦᓯᑲᒫᔅ ᓄᓇᓕᖓ 55- ᓕᐅᑉ ᐊᑖᓃᒐᓄᐊᕐᐸᑦ.
.

ᓱᕐᕋᑕᐅᒪᔪᓂᒃ ᖃᐅᔨᓴᕐᓂᖅ ᐸᕐᓇᓯᒪᐅᑎᒥᒃ ᐱᕙᓪᓕᐊᕆᔪᖅ ᓄᓇᐅᑉ ᐃᓗᓕᖏᑦ ᓄᓇᖓᓗ ᑲᒪᕆᔭᐅᑦᓯᐊᖁᑦᓱᒋᑦ. ᐊᑐᓕᕐᑎᑕᐅᓚᐅᕋᓂ ᐱᕙᓪᓕᐊᑎᑦᓯᒍᑎ, ᓱᕐᕋᑕᐅᒪᔪᓂᒃ ᖃᐅᔨᓴᕐᓂᖅ ᕿᒥᕐᕈᒍᑎ ᓄᐃᑦᓯᒍᑎᐅᑦᓱᓂᓗ ᓄᓇᒥ ᐆᒪᒍᓐᓇᑐᓕᒫᑦ ᖃᓄᖅ ᓱᕐᕋᑕᐅᒪᒍᓐᓇᒪᖔᑦᑕ, ᐱᕕᑦᓴᑖᕐᕕᐅᒍᓐᓇᑐᖏᓪᓗ ᐊᒻᒪᓗ ᐃᓄᐃᑦ ᐃᓗᓯᖏᑦ ᐱᑦᔪᑎᒋᓪᓗᒋᑦ ᓄᓇᓕᓐᓂᑦ. ᐃᓄᓕᒫᓄᑦ ᑐᓴᐅᒪᑎᑦᓯᓂᖅ ᑐᓴᐅᒪᐅᑎᓂᓪᓗ ᑐᓂᔭᐅᒍᓐᓇᓂᐊᕐᒪᑕ ᐱᑦᓯᐊᓗᑎᒃ ᐃᓄᐃᑦ ᐱᔪᓐᓇᐅᑎᖏᓐᓂᑦ, ᐃᓕᒌᓄᓪᓗ ᓄᓇᓕᓄᓪᓗ. ᓱᕐᕋᑕᐅᒪᔪᓂᒃ ᖃᐅᔨᓴᕐᓂᖅ ᓄᐃᑦᓯᒍᑎᐅᓂᐊᕐᓗᓂ ᐋᕐᕿᒋᐊᕆᐊᓕᓂᒃ ᐱᕙᓪᓕᐊᒍᑎᓄᑦ ᐃᑉᐱᒍᓱᓪᓗᑎᒃ (ᐅᕝᕙᓘᓐᓃᑦᓄᕐᖃᑎᑦᓯᐊᖃᑎᒃ) ᐱᐅᖏᑐᐊᕐᐸᑕ ᐃᓄᓐᓄᑦ ᐊᒻᒪᓗ ᐆᒪᒍᓐᓇᑐᓕᒫᓄᑦ ᐊᕙᑎᓂ.

ᒪᓕᑦᓱᒋᑦ ᐱᖁᔭᓕᐊᕆᔭᐅᔪᑦ ᒪᓕᒐᓕᐊᕆᔭᐅᔪᐃᓪᓗ
ᐊᑑᑎᒍᓐᓇᑐᑦ ᓄᓇᕕᒻᒥ, ᐱᔭᑦᓴᓂᒃ ᐸᕐᓇᕋᑦᓭᓗ ᓄᓇᓂᒃ ᐱᑦᔪᑎᒋᓪᓗᒋᑦ ᐊᕙᑎᓂᒃ ᑲᒪᔨᓂᕐᒧᑦ ᐊᑐᐃᓐᓇᐅᕐᑎᑕᐅᑦᓯᐊᕆᐊᓖᑦ ᖃᐅᔨᒪᐅᑎᖏᑦ ᐱᔭᑦᓴᓄᑦ ᐊᒻᒪᓗ ᐊᑦᑐᐃᓂᒋᒍᓐᓇᑕᖏᑦ ᐊᕙᑎᒃ ᐃᓄᖏᓐᓂᓗ. ᖃᐅᔨᓴᐅᑏᑦ ᒪᓕᓪᓗᒋᑦ, ᑎᒥᐅᔪᐃᑦ ᑲᒪᔨᒍᓐᓇᑐᑦ ᐊᖏᑎᖃᕆᐊᖃᓯᒍᑎᒃ ᐊᑕᐅᓯᒥᒃ ᐊᒥᓱᓂᓪᓘᓃᑦ ᐊᒻᒪᓗ, ᕆᐊᖃᕐᐸᑦ, ᒪᓕᒐᖃᕆᐊᖃᕐᓂᐊᒪᖔᑦᑕ.

ᓯᑕᒪᓂᑦ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᖅ

ᓄᓇᕕᒻᒥ ᓄᓇᕕᒻᒥ, ᓯᑕᒪᐅᓕᕐᑐᑦ ᖃᐅᔨᓴᕐᓃᑦ ᐊᑐᓕᕐᑎᑕᐅᔪᑦᓴᐅᓂᐊᕐᑐᑦ ᐱᔭᑦᓴᓂᒃ ᐱᕙᓪᓕᐊᓕᕆᓂᕐᒧᑦ:
:

  1. ᑯᐯᒥ ᐱᕙᓪᓕᐊᑎᑦᓯᓂᖅ JBNQA-ᑯᑎᒍᑦ;
  2. ᑲᓇᑕᒥ ᐱᕙᓪᓕᐊᑎᑦᓯᓂᖅ JBNQA-ᑯᑎᒍᑦ;
  3. ᑲᓇᑕᒥ ᐱᕙᓪᓕᐊᑎᑦᓯᓂᖅ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ ᐸᕐᓇᓯᒪᐅᑎᑎᒍᑦ;
  4. ᐱᕙᓪᓕᐊᑎᑦᓯᓂᖅ ᓄᓇᕕᒻᒥᐅᑦ ᓄᓇᒥ ᑎᒍᒥᐊᒍᓐᓇᐅᑎᑎᒍᑦ (NILCA);

 

 

 

ᓇᓗᓇᕈᓐᓇᓂᖓᓄᑦ ᐊᑦᔨᐅᖏᑦᑑᒍᓐᓇᓂᖓᓄᓪᓗ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ ᓄᓇᕕᒻᒥ, KEAC-ᑯᑦ ᑐᑭᓯᑦᓯᐊᕆᐊᖃᕐᓂᒥᒃ ᐊᑑᒻᒪᕆᑎᑦᓯᔪᑦ. ᑲᔪᖏᑎᑦᓯᓱᓂᓗ ᐃᓄᓕᒫᓂᒃ ᑐᓴᐅᒪᒍᒪᔪᓂᒃ ᐃᓚᐅᒍᒪᓂᒃᑯᑦ ᑖᑦᓱᒧᖓ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᓄᑦ.
KEAC-ᑯᑦ ᓄᐃᑦᓯᓚᐅᔪᑦ ᑐᑭᓯᒋᐊᒃᑲᓂᐅᑎᒥᒃ Reference Guide on Environmental and Social Impact Assessment Procedures Applicable in Nunavik, ᑕᒪᒃᑯᐊ ᑐᓴᕐᑎᓯᑦᓯᐊᕈᑏᑦ ᓯᑕᒪᓂᒃ ᓱᕐᕋᑕᐅᒪᔪᓂᒃ ᖃᐅᔨᓴᕐᑕᐅᔪᕕᓂᕐᓂᒃ ᐊᑐᓕᕐᑎᑕᐅᒍᓐᓇᑐᑦ ᐱᔭᑦᓴᓂᒃ ᐱᕙᓪᓕᐊᓂᕐᓄᑦ ᓄᓇᕕᒻᒥ, ᐃᓚᐅᑎᓗᒋᑦ ᐃᓄᐃᑦ ᐃᓚᐅᓚᐅᔪᑦ ᐃᓱᒪᒋᔭᖏᓐᓂᑦ. ᐱᕙᓪᓕᐊᑎᑕᓕᒫᑦ, ᑐᓴᕆᐊᒃᑲᓂᐅᑏᑦ, ᑕᑯᑎᑦᓯᒍᑏᑦ ᐊᒻᒪᓗ ᐱᕙᓪᓕᐊᕋᑦᓴᐅᓂᐊᕐᑐᑦ ᐃᓚᐅᔪᑦ, ᐊᒻᒪᓗ ᐅᖄᓚᕕᐅᒍᓐᓇᑐᐃᑦ ᑎᒥᐅᔪᑦ ᐃᓚᐅᔪᑦ.

ᐊᒥᓱᐃᑦ ᖃᐅᔨᓴᕐᑕᐅᓂᐊᕐᑐᑦ

KEAC-ᑯᑦ ᐃᓲᒫᓗᑦᑐᑦ, ᐃᓚᖏᑦ ᐱᔭᑦᓭᑦ ᐱᕙᓪᓕᐊᔪᑦᓴᑦ ᓄᓇᕕᒻᒥ, ᓯᑕᒪᑦ ᓱᕐᕋᑕᐅᒪᐅᔪᓂᒃ ᖃᐅᔨᓴᕐᓂᓄᑦ ᐱᕙᓪᓕᐊᑎᑕᐅᔪᑦᓴᐅᓂᐊᕈᓇᐅᒻᒪᑕ. KEAC-ᑯᑦ ᕿᒥᕐᕈᐸᑦᓱᑎᒃ ᐊᑐᓕᕐᑎᑕᐅᔪᓂᒃ ᑕᒪᒃᑯᓄᖓ ᐱᕙᓪᓕᔭᐅᔪᑦᓴᓄᑦ ᑎᒥᐅᔪᑦ ᐊᐅᓚᑕᖏᓐᓄᑦ ᐊᒻᒪᓗ, ᐊᕐᕌᒍᑦ ᐊᒥᓲᓕᕐᑐᑦ, ᐊᑐᐃᓐᓇᐅᕐᑎᓯᕙᑦᑐᑦ ᑐᓴᐅᒪᑎᑦᓯᒍᑎᓂᒃ ᑕᒪᒃᑯᓄᖓ:

ᐃᓱᒪᒋᑦᓱᒋᑦ ᐃᓄᓕᒫᑦ ᓱᕐᕋᑕᐅᒐᔭᕐᓂᖏᑦ

2017-ᒥ, KEAC-ᑯᑦ ᐱᒋᐊᕐᑎᓯᓚᐅᔪᑦ ᖃᐅᔨᓴᕐᑕᐅᖃᑦᑕᓚᖓᑎᓪᓗᒋᑦ ᐃᓄᓕᒫᑦ ᓱᕐᕋᑕᐅᒍᑎᒋᒍᓐᓇᑕᖏᑦ ᐱᓇᓱᐊᕐᑕᐅᒍᒪᔪᓄᑦ ᑖᒃᑯᓇᓂ ᓯᑕᒪᓂ ᐊᕙᑎᓕᕆᓂᕐᒧᑦ ᓇᐅᑦᓯᑐᕐᓂᐅᒋᐊᓖᑦ ᑐᖕᖓᕕᒋᓗᒋᑦ ᓄᓇᕕᒻᒥ ᐊᑑᑎᔭᐅᒍᒪᔪᓂᒃ. ᖃᓄᑎᒋᒃ ᐱᓇᓱᐊᕐᓂᐅᕙᑦᑐᐃᑦ ᐊᑦᔨᒌᖕᖏᓂᖃᕐᒪᖔᑕ ᖃᐅᔨᒍᓐᓇᖃᑦᑕᓂᐊᕋᑦᑕ, ᓇᓗᓀᖃᑦᑕᓗᒋᓪᓗ ᓲᖑᓂᕆᔭᐅᒍᓐᓇᑐᐃᑦ ᓴᖕᖐᓗᑕᐅᒍᓐᓇᑐᐃᓪᓗ ᐊᑐᓂ ᐱᓇᓱᐊᕐᓂᐅᒍᒪᔪᓄᑦ, ᐊᒻᒪᓗ ᐊᑐᐃᓐᓇᕈᑎᒍᑎᐅᖃᑦᑕᓗᑎᒃ ᐅᓐᓂᑑᑎᑦᓴᓂᒃ ᐊᖓᔪᕐᖃᐅᕕᓕᓐᓄᑦ ᐊᖏᕐᑎᐅᓱᑎᒃ ᐊᑐᓕᕐᑎᓯᔨᓄᑦ ᑕᒪᒃᑯᓂᖓ ᐱᓇᓱᐊᕐᑕᐅᒍᒪᔪᓂᒃ. KEAC-ᑯᑦ ᑎᓕᔨᓯᒪᖃᑦᑕᓚᖓᑎᓪᓗᒋᑦ Secrétariat international francophone pour l’évaluation environnementale (international francophone secretariat for environmental assessment, SIFÉE-ᑯᓐᓄᑦ) ᖃᐅᔨᓴᖃᑦᑕᓚᖓᑎᓪᓗᒋᑦ ᖃᓄᖅ ᐃᓄᓕᒫᑦ ᓱᕐᕋᑕᐅᓂᖃᕋᔭᕐᒪᖔᑕ ᑖᒃᑯᐊ ᓯᑕᒣᑦ ᐊᕙᑎᓕᕆᓂᕐᒨᓕᖓᔪᐃᑦ ᐊᑐᕐᑕᐅᖃᑦᑕᓚᖓᑐᐊᕐᐸᑕ ᓄᓇᕕᒻᒥ. ᑕᒪᑦᓱᒥᖓ ᐱᓇᓱᐊᕐᓂᖅ ᓄᐃᑦᓯᒍᑕᐅᖃᑦᑕᓚᖓᔪᓂᒃ ᐱᖓᓱᐃᓂᒃ ᐊᓪᓚᓯᒪᔪᓂᒃ: ᐃᓗᐃᑦᑐᓯᐊᓂᒃ ᖃᐅᔨᓴᕐᓂᖃᖃᑦᑕᓗᑎᒃ, ᑐᑭᓯᓇᑦᓯᐊᓗᑎᒃ ᐊᓪᓚᓯᒪᑎᓪᓗᒋᑦ ᓀᓪᓕᑎᕐᓯᒪᓗᑎᒃ ᐊᒻᒪᓗ ᖃᐅᔨᑎᑦᓯᒍᑎᖃᖃᑦᑕᓗᑎᒃ ᖃᐅᔨᔭᕕᓂᕐᒥᓂᒃ. ᖃᐅᔨᒪᔭᐅᒋᐊᓖᑦ ᖃᐅᔨᓴᕐᑐᓄᑦ ᖃᐅᔨᔭᐅᔪᕕᓃᑦ, ᐅᓐᓂᑑᑎᓕᐊᕕᓂᓪᓗ ᐊᒻᒪᓗ ᓇᐅᑦᓯᑐᕐᑕᐅᔪᕕᓃᑦ ᐊᓪᓚᑕᐅᓯᒪᑦᓯᐊᖃᑦᑕᑎᓪᓗᒋᑦ ᐱᓇᓱᐊᓪᓚᕆᑦᑐᕕᓂᕐᓄᑦ ᐊᒻᒪᓗ KEAC-ᑯᓄᑦ ᐊᑑᑎᓪᓚᕆᑦᑕᐅᓚᖓᖕᖏᑲᓗᐊᕐᐸᑕ ᐅᓐᓂᑑᑎᓕᐊᒍᓯᒪᔪᐃᑦ ᐊᓪᓚᑕᐅᒪᑦᓯᐊᖃᑦᑕᒥᑎᓪᓗᒋᑦ.