ᐊᕕᑦᑐᓯᒪᓂᖓ 23-ᒥᒃ JBNQA-ᒥ ᐊᑐᓕᕐᑎᓯᔪᖅ ᐊᕙᑎᓂᒃ ᐃᓄᓕᒫᓂᓪᓗ ᓴᐳᑦᔩᓂᕐᒧᑦ ᓄᓇᕕᒻᒥ. ᒪᓕᒐᑦᓴᖅ ᒪᕐᕉᓂᒃ ᐱᕙᓪᓕᐊᑎᑦᓯᒍᑏᓂᒃ ᐃᓗᓕᓕᒃ:

• ᓴᐳᑦᔩᓂᖅ ᐃᓄᓐᓂᒃ, ᓇᔅᑳᐱᒃᑯᓂᒃ ᐊᒻᒪᓗ ᐊᓪᓚᓂᒃ;
• ᓀᓪᓕᑎᑦᓯᓂᖅ ᐊᕙᑎᓂᒃ ᐃᓄᓕᒫᓂᓪᓗ ᓱᕐᕋᑕᐅᒪᒍᑎᖏᓐᓂᑦ ᐱᕙᓪᓕᐊᑕᐅᒪᔪᓄᑦ;
• ᑲᓇᑕᒥ ᐱᔭᑦᓴᓂᒃ ᓄᐃᑦᓯᓂᖅ ᑲᓇᑕ ᐱᖁᔭᖏᑎᒍᑦ (ᐅᒥᐊᒃᑯᕖᑦ, ᑕᒪᒃᑯᐊᓚᑳᑦ.)
• ᓴᐳᑦᔩᓂᖅ ᒪᙯᕐᓂᒥᒃ, ᐃᖃᓪᓕᐊᓂᕐᒥᒃ ᐊᒻᒪᓗ ᒥᑭᒋᐊᕐᓂᐊᓂᒃ ᐃᓄᓐᓄᑦ, ᓇᔅᑳᐱᒃᑯᓄᑦ ᐊᒻᒪᓗ ᐊᓪᓚᓄᑦ;
• ᓴᐳᑦᔩᓂᖅ ᐆᒪᔪᓕᒫᓂᒃ, ᐆᒪᔪᖃᕐᕕᓕᒫᓂᒃ ᐊᒻᒪᓗ ᐆᒪᒍᓐᓇᕕᓕᒫᓂᒃ
• ᐃᓚᐅᑎᑦᓯᓂᖅ ᐃᓄᓐᓂᒃ, ᓇᔅᑳᐱᒃᑯᓂᒃ ᐊᓪᓚᓂᒃ ᐊᒻᒪᓗ ᐃᓄᓕᒫᓂᒃ ᐊᕙᑎᒥᒃ ᐃᓚᐅᒍᓐᓇᑐᓄᑦ ᐸᕐᓇᓯᒪᐅᑎᒥᒃ
• ᐱᔪᓐᓇᐅᑎᖏᑦ ᐊᒻᒪᓗ ᐱᒍᓐᓇᐅᑎᖏᑦ ᓄᓇᖃᕐᖄᓯᒪᖕᖏᑐᓄᑦ;
• ᐱᕕᑦᓴᖃᕐᑎᓯᓂᖅ ᐱᕙᓪᓕᐊᓂᕐᓄᑦ, ᒪᓕᓪᓗᓂ JBNQA ᒪᓕᒐᖏᓐᓂᑦ.

ᒪᓕᒐᑦᓴᖅ ᒪᕐᕉᓂᒃ ᐱᕙᓪᓕᐊᑎᑦᓯᒍᑏᓂᒃ ᐃᓗᓕᓕᒃ:

• ᑯᐯᒥ ᐱᔭᑦᓴᓂᒃ ᓄᐃᑦᓯᓂᖅ ᑯᐯ ᐱᖁᔭᖏᑎᒍᑦ (ᐅᔭᕋᓐᓂᐊᓂᖅ, ᐊᕐᖁᑎᓕᕆᓂᖅ, ᑕᒪᒃᑯᐊᓚᑳᑦ.)
• ᑲᓇᑕᒥ ᐱᔭᑦᓴᓂᒃ ᓄᐃᑦᓯᓂᖅ ᑲᓇᑕ ᐱᖁᔭᖏᑎᒍᑦ (ᐅᒥᐊᒃᑯᕖᑦ, ᑕᒪᒃᑯᐊᓚᑳᑦ.)

ᐃᓂᓪᓚᑕᐅᒪᔫᒃ 1 ᐊᒻᒪᓗ 2 ᐊᕕᑦᑐᓯᒪᔪᒥᒃ 23-ᒥᒃ ᐃᓗᓕᖏᑦ ᐅᖃᑦᓯᐊᑐᑦ ᐱᔭᑦᓭᑦ ᐊᐅᓚᑕᐅᒍᓯᖏᓐᓂᑦ ᐅᕝᕙᓘᓐᓃᑦ ᐱᕙᓪᓕᐊᑕᐅᒋᐊᑐᖕᖏᓂᖏᓐᓄᑦ. ᐱᔭᑦᓭᑦ ᒪᓕᕐᖃᔭᖕᖏᑐᑦ ᐊᐅᓚᑕᐅᒍᓯᖏᓐᓂᑦ ᐃᓂᓪᓚᑕᐅᒪᔪᓂᒃ ᓇᓗᓀᕐᑕᐅᒪᒍᓯᖏᑦ ᐃᓗᐃᒃᑲᓂᖃᕐᑎᑕᐅᖕᖏᑐᑦ. ᐃᓗᐃᒃᑲᓂᖃᕐᑎᑕᐅᖕᖏᑐᐃᑦ ᖃᐅᔨᓴᕐᑕᐅᓲᑦ ᐱᕙᓪᓕᐊᒍᓯᓕᒫᖏᑦ ᑐᑭᑖᕐᑕᐅᕙᓪᓕᐊᓕᕈᑎᒃ ᐃᓚᐅᓂᐊᕐᒪᖔᑦᑕ ᐅᕝᕙᓘᓐᓃᑦ ᕆᐊᑐᖕᖏᐸᑕ ᖃᐅᔨᓴᐅᑎᓄᑦ. ᖃᐅᔨᓴᕐᑕᐅᓕᕈᑎᒃ ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑐᑭᑖᕐᑐᐃᔨᒃᑯᓄᑦ (Kativik Environmental Quality Commission) (ᐱᔭᑦᓭᑦ ᑯᐯ ᐱᖁᔭᖏᒍᑦ ᐊᐅᓚᑕᐅᔪᑦ) ᐅᕝᕙᓘᓐᓃᑦ ᕿᒥᕐᕈᓂᕐᒧᑦ ᑲᑎᒪᔨᖏᓐᓄᑦ (ᐱᔭᑦᓭᑦ ᑲᓇᑕ ᐱᖁᔭᖏᑎᒍᑦ ᐊᐅᓚᑕᐅᔪᑦ), ᑕᒪᕐᒥᒃ ᒪᓕᑦᑐᑦ ᐊᕕᑦᑐᓯᒪᔪᒥᒃ 23-ᒥᒃ. ᐃᓂᓪᓚᑕᐅᒪᔪᖅ 3 ᐊᕕᑦᑐᓯᒪᔪᒥᒃ 23-ᒥᒃ ᓄᐃᑦᓯᔪᑦ ᒪᓕᒐᓂᒃ ᐊᕙᑎᓕᕆᓂᕐᒧᑦ ᐃᓄᓕᒫᓂᓪᓗ ᓴᐳᑦᔨᔨᐅᓂᕐᒧᑦ ᐅᖃᑦᓯᐊᑐᓂᒃ.

ᐱᔭᑦᓴᓕᕆᒍᓰᑦ ᑯᐯᒥ

ᐱᔭᑦᓭᑦ ᑯᐯ ᐱᖁᔭᖏᑦᑕ ᐊᑖᒍᑦ (ᐅᔭᕋᓐᓂᐊᓂᖅ, ᐊᕐᖁᑎᓕᕆᓂᖅ, ᑕᒪᒃᑯᐊᓚᑳᑦ.) ᐱᑦᔪᑎᒋᓪᓗᒍ ᐊᕙᑎᓂᒃ ᐊᒻᒪᓗ ᐃᓄᓕᒫᓂᒃ ᓴᐳᑦᔩᓂᕐᒧᑦ ᖃᐅᔨᓴᕐᓂᖅ ᐊᒻᒪᓗ ᕿᒥᕐᕈᒋᐊᓪᓚᓂᕐᒧᑦ ᐊᐅᓚᑕᐅᔪᖅ ᐊᕕᑦᑐᓯᒪᔪᒧᑦ 23-ᒥᒃ JBNQA-ᒥ, ᒥᓂᔅᑕᐅᑉ ᑐᖓᓪᓕᖓ ᐊᕙᑎᓕᕆᓂᕐᒧᑦ ᐊᒻᒪᓗ ᐃᓱᒪᑦᓴᓯᐅᕐᓂᒧᑦ ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓᓄᑦ ᑲᒪᔩᑦ ᒥᓂᔅᑕᒃᑯᖏᑦ (the environment and the fight against climate change), ᑯᐯ ᐊᐅᓚᑦᓯᕕᖓᑕ ᑲᒪᔨᐅᒍᓐᓇᓂᒥᒍᑦ, ᑲᒪᔨᒻᒪᕆᐅᓂᐊᕐᖁᑦ.

ᐱᕙᓪᓕᓂᖓ, ᓴᓇᔭᐅᓯᒪᔪᖅ ᐊᕙᑎᖃᑦᓯᐊᓂᕐᒧᑦ ᐸᕐᓇᓯᒪᐅᑎᒃᑯᑦ (Environment Quality Act), ᓄᐃᑦᓯᕗᖅ ᒪᓕᒐᑦᓴᐅᓂᐊᕐᑐᓂᒃ, ᐊᒥᓱᑦ ᐊᐅᓚᑕᐅᔪᑦ ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑐᑭᑖᕐᑐᐃᔨᒃᑯᓄᑦ. ᓴᓇᔭᐅᓯᒪᔪᖅ ᒪᓕᑦᓱᓂ 23-ᒥᒃ ᐊᕕᑦᑐᓯᒪᔪᒥᒃ, ᑲᑎᒪᔨᖏᑦ ᓇᒻᒥᓂᒃ ᒪᑭᑕᔪᑦ. ᐃᓄᖏᑦ ᖁᓕᐅᖏᒐᕐᑐᑦ: ᑕᓕᒣᑦ ᑎᓕᔭᐅᒪᑎᓗᒋᑦ ᑯᐯ ᑲᕙᒪᖓᓄᑦ ᐊᒻᒪᓗ ᓯᑕᒪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ.

ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑐᑭᑖᕐᑐᐃᔨᒃᑯᑦ ᕿᒥᕐᕈᓲᑦ ᐱᔭᑦᓭᑦ ᐱᕙᓪᓕᐊᓂᖏᓐᓂᑦ ᓄᓇᕕᒻᒥ ᑯᐯ ᐊᐅᓚᑦᓯᕕᖓᓄᑦ ᑎᓕᔭᐅᒪᔪᖅ. ᓯᕗᓪᓕᒥ, ᕿᒥᕐᕈᓲᑦ ᐱᔭᑦᓭᑦ ᓱᕐᖁᐃᓯᕕᖏᓐᓂᑦ ᐊᒻᒪᓗ, ᐱᔭᑦᓴᓕᒫᑦ, ᐸᕐᓀᓱᑎᒃ ᑐᓴᕆᐊᖕᖓᐅᑎᓂᒃ ᐊᒻᒪᓗ ᓱᕐᕋᑕᐅᔪᓂᒃ ᖃᐅᔨᒪᐅᑎᓂᒃ ᐅᕝᕙᓘᓐᓃᑦ ᒪᓕᒐᒥᓂᒃ ᐊᓪᓚᓗᑎᒃ ᓱᕐᕋᑕᐅᔪᓂᒃ ᑐᓴᕐᑎᓯᒍᑎᓂᒃ ᐊᑐᐃᓐᓇᐅᕐᑎᓯᓗᑎᒃ ᐱᔭᑦᓴᓂᑦ ᑲᒪᔨᖏᓐᓄᑦ. ᑕᒪᕐᒥᒃ, ᑐᓴᕐᑎᓯᒍᑎᐅᓗᑎᒃ ᐊᖏᕈᑕᐅᔪᓂᒃ ᑯᐯ ᐊᐅᓚᑦᓯᕕᖓᓄᑦ. ᑕᒐ, ᑲᑎᒪᔩᑦ ᕿᒥᕐᕈᓯᓗᑎᒃ ᐱᔭᑦᓴᓂᒃ ᑐᑭᓯᒍᑎᓂᕐ ᓱᕐᕋᑕᐅᓂᐊᕐᑐᓄᑦ ᐊᒻᒪᓗ ᐃᓄᓕᒫᓂᒃ ᑐᓴᐅᒪᐅᑎᒍᓐᓇᓂᐊᓕᕋᒥᒃ ᓄᓇᓕᓐᓄᑦ. ᐅᓐᓂᑐᐃᒍᑏᑦ ᐱᔭᑦᓴᓂᒃ ᐊᖏᕈᑎᓄᑦ ᐱᐅᓯᕆᓂᐊᕐᑕᖏᓐᓂᑦ ᐃᓗᓕᖃᕐᑎᓗᒍ, ᕈᓐᓀᑎᓗᒍᓪᓘᓃᑦ, ᑐᓂᔭᐅᓯᓂᐊᕐᓗᑎᒃ ᑯᐯ ᐊᐅᓚᑦᓯᕕᖓᓄᑦ, ᑐᑭᑖᕐᑎᓯᔨᐅᓂᐊᕐᒪᑕ ᑭᖑᓪᓕᒥ ᐊᒻᒪᓗ ᑐᓴᕐᑎᓯᓗᑎᒃ ᑐᑭᑖᕐᑕᐅᒪᔪᓂᒃ ᐱᔭᑦᓴᓄᑦ.

ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑐᑭᑖᕐᑐᐃᔨᒃᑯᑦ ᑲᒪᔨᐅᔪᑦ ᖃᕆᑕᐅᔭᒃᑯᑦ ᑐᑦᓯᕋᐅᑎᓂᒃ project registry.

ᐊᕙᑎᓕᕆᓂᕐᒧᑦ ᐊᒻᒪᓗ ᐃᓱᒪᑦᓴᓯᐅᕐᓂᒧᑦ ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓᓄᑦ ᒥᓂᔅᑕᒃᑯᖏᑦ ᑲᒪᔨᐅᔪᑦ ᖃᕆᑕᐅᔭᒃᑯᑦ ᑐᑦᓯᕋᐅᑎᓂᒃ project registry (ᐅᐃᒍᐃᑎᑑᕐᑐᑦ).

ᐊᕙᑎᓕᕆᓂᕐᒧᑦ ᐊᒻᒪᓗ ᐃᓱᒪᑦᓴᓯᐅᕐᓂᒧᑦ ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓᓄᑦ ᒥᓂᔅᑕᒃᑯᖏᑦ ᑲᒪᔨᐅᔪᑦ ᖃᕆᑕᐅᔭᒃᑯᑦ ᑐᑦᓯᒐᐅᑎᓂᒃ project registry (ᐅᐃᒍᐃᑎᑑᕐᑐᑦ).

ᐃᓄᓕᒫᑦ ᐃᓚᐅᓂᖓ

ᑲᔪᖏᕐᑎᓯᔪᑦ ᐃᓄᓕᒫᓂᒃ ᐃᓚᐅᖁᔨᓪᓗᑎᒃ ᐱᕙᓪᓕᐊᓂᖓᓂ ᑯᐯᒥ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ, ᐊᓪᓚᓯᒪᔪᓕᐅᕐᓗᑎᒃ ᑐᓂᔭᑦᓴᓂᒃ ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑐᑭᑖᕐᑐᐃᔨᒃᑯᓄᑦ ᐃᓄᓕᒫᓄᑦ ᑐᓴᕐᑕᐅᒍᓐᓇᕙᓪᓗᓲᑦ ᐊᒻᒪᓗ ᐃᓕᔭᐅᑦᓱᑎᒃ ᐱᔭᑦᓴᓂᒃ ᑐᑦᓯᕋᐅᑎᓄᑦ. ᐃᓄᖏᑦ ᐃᓕᔭᐅᔪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐃᑉᐱᒍᓱᑦᑎᐅᓲᑦ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ ᑐᓂᓯᑦᓱᑎᒃ ᑲᑎᒪᔨᓄᑦ ᓱᓀᑦ ᐱᓐᓀᓗᑕᕆᔭᐅᒻᒪᖔᑦᑕ ᐊᕙᑎᒥ. ᑕᒐ ᑲᑎᒪᔩᑦ ᑐᑭᑖᓯᑦᓱᑎᒃ ᑐᓴᐅᒪᐅᑎᒍᑎᓂᒃ ᐊᒻᒪᓗ ᐃᓄᓕᒫᓂᒃ ᖃᐅᔨᓴᓂᐊᕋᒥᒃ ᑐᓴᐅᒪᒌᕋᒥᒃ ᐱᔭᑦᓴᓂᒃ ᑐᑦᓯᕋᐅᑎᓂᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᓪᓗ, ᐊᒻᒪᓗ ᓄᓇᓕᓐᓂᑦ ᑎᒥᐅᔪᓂᓪᓗ.

ᑕᒪᒃᑯᐊ ᐱᑦᓯᐊᕆᐊᓕᒻᒪᕇᑦ, ᐱᔭᑦᓴᖅ ᓄᐃᑕᐅᓕᕐᐸᑦ, ᑐᑦᓯᕋᐅᑏᑦ ᐅᖄᔭᐅᒌᕐᐸᑕ ᐊᕙᑎᒥ ᑎᒥᐅᔪᓄᑦ ᐊᒻᒪᓗ ᓄᓇᓕᓐᓄᑦ ᐱᔭᑦᓴᒥᒃ ᑐᓴᐅᒪᑎᑦᓯᓯᐊᕐᓂᖅ.
ᐱᕙᓪᓖᕆᐊᕈᓰᑦ ᑲᓇᑕᒥ
ᐱᔭᑦᓭᑦ ᑲᓇᑕᐅᑉ ᐱᖁᔭᖏᑦᑕ ᐊᑖᒍᑦ (ᐅᒥᐊᒃᑯᕖᑦ, ᑕᒪᒃᑯᐊᓚᑳᑦ.) ᐊᕙᑎᓕᕆᓂᕐᒧᑦ ᐃᓄᓕᒫᓂᓪᓗ ᓱᕐᕃᓂᕐᒧᑦ ᐱᑦᔪᑎᒋᓪᓗᒋᑦ ᐊᒻᒪᓗ ᕿᒥᕐᕈᓗᒋᑦ ᓄᐃᑕᐅᒪᔪᑦ ᐊᕕᑦᑐᓯᒪᔪᒥ 23-ᒥᒃ JBNQA-ᒥ, ᐊᖓᔪᕐᖄᒪᕆᖓ ᓱᕐᕋᑕᐅᒪᔪᓂᒃ ᖃᐅᔨᒪᐅᑎᓄᑦ ᑲᓇᑕᒥ (Impact Assessment Agency of Canada), ᑲᒪᒋᒍᓐᓇᑕᒥᒍᑦ ᑲᓇᑕᐅᑉ ᐊᐅᓚᑦᓯᕕᖓᓂ, ᐊᖏᕈᑎᒥᒃ ᑲᒪᔨᐅᕗᖅ. ᒪᕐᕉᒃ ᑎᒥᐅᔫᒃ ᐃᓚᐅᔫᒃ ᐊᑐᓕᕐᑎᓯᓂᕐᓄᑦ ᑲᓇᑕᐅᑉ ᐱᕙᓪᓖᕆᐊᕈᑎᖏᓐᓂᑦ: ᑕᕐᕋᒥ ᖃᐅᔨᓴᕐᓂᓄᑦ ᑲᑎᒪᔩᑦ ᐊᕙᑎᓕᕆᓂᕐᒧᑦ ᐃᓄᓕᒫᓂᓪᓗ ᓱᕐᕋᑕᐅᒪᒍᑎᖏᓐᓂᑦ ᕿᒥᕐᕈᕆᐊᖃᕐᓂᐊᑐᑦ (COFEX-North).

ᖃᐅᔨᓴᕐᓂᓄᑦ ᑲᑎᒪᔩᑦ ᑲᒪᔨᐅᔪᑦ ᓇᓪᓕᖏᑦ ᐱᔭᑦᓭᑦ ᓄᐃᖕᖏᐸᑕ ᐃᓂᓪᓚᑕᐅᒪᔪᓂᒃ 1 ᐊᒻᒪᓗ 2 ᐊᕕᑦᑐᓯᒪᔪᒥᒃ 23-ᒥᒃ ᐊᒻᒪᓗ ᐱᔭᑦᓴᖅ ᐊᑦᔨᐅᖏᓂᐊᑉᐸᑦ ᐅᕝᕙᓘᓐᓃᑦ ᐃᓚᐅᒍᓐᓀᓗᓂ ᑲᓇᑕᒥ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᓄᑦ. ᕿᒥᕐᕈᑕᐅᒌᕐᐸᑦ, ᖃᐅᔨᓴᕐᓂᓄᑦ ᑲᑎᒪᔩᑦ ᑐᓂᔨᒍᓐᓇᓂᐊᕐᓗᑎᒃ ᐅᓐᓂᓯᐅᑎᓂᒃ ᑲᓇᑕᐅᑉ ᐊᐅᓚᑦᓯᕕᖓᓄᑦ ᑲᒪᔨᐅᒻᒪᑕ ᑐᑭᑖᕐᕋᑦᓴᓂᒃ. ᖃᐅᔨᓴᕐᓂᓄᑦ ᑲᑎᒪᔩᑦ ᓯᑕᒪᓂᒃ ᐃᓄᓖᑦ: ᒪᕐᕉᒃ ᑲᓇᑕᐅᑉ ᑲᕙᒪᖓᓂ ᐊᒻᒪᓗ ᒪᕐᕉᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ.

ᖃᐅᔨᓴᕐᓂᓄᑦ ᑲᑎᒪᔩᑦ ᑲᒪᔨᐅᔪᑦ ᓇᓪᓕᖏᑦ ᐱᔭᑦᓭᑦ ᓄᐃᖕᖏᐸᑕ ᐃᓂᓪᓚᑕᐅᒪᔪᓂᒃ 1 ᐊᒻᒪᓗ 2 ᐊᕕᑦᑐᓯᒪᔪᒥᒃ 23-ᒥᒃ ᐊᒻᒪᓗ ᐱᔭᑦᓴᖅ ᐊᑦᔨᐅᖏᓂᐊᑉᐸᑦ ᐅᕝᕙᓘᓐᓃᑦ ᐃᓚᐅᒍᓐᓀᓗᓂ ᑲᓇᑕᒥ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᓄᑦ. ᕿᒥᕐᕈᑕᐅᒌᕐᐸᑦ, ᖃᐅᔨᓴᕐᓂᓄᑦ ᑲᑎᒪᔩᑦ ᑐᓂᔨᒍᓐᓇᓂᐊᕐᓗᑎᒃ ᐅᓐᓂᑑᑎᓂᒃ ᑲᓇᑕᐅᑉ ᐊᐅᓚᑦᓯᕕᖓᓄᑦ ᑲᒪᔨᐅᒻᒪᑕ ᑐᑭᑖᕐᕋᑦᓴᓂᒃ. ᖃᐅᔨᓴᕐᓂᓄᑦ ᑲᑎᒪᔩᑦ ᓯᑕᒪᓂᒃ ᐃᓄᓖᑦ: ᒪᕐᕉᒃ ᑲᓇᑕᐅᑉ ᑲᕙᒪᖓᓂ ᐊᒻᒪᓗ ᒪᕐᕉᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ.

ᑕᕐᕋᒥ ᖃᐅᔨᓴᕐᓂᓄᑦ ᑲᑎᒪᔩᑦ ᐊᕙᑎᓕᕆᓂᕐᒧᑦ ᐃᓄᓕᒫᓂᓪᓗ ᓱᕐᕋᑕᐅᒪᒍᑎᖏᓐᓂᑦ ᕿᒥᕐᕈᑏᑦ (COFEX-North) ᑲᒪᔩᑦ ᐱᔭᑦᓴᓂᒃ ᑭᒥᕐᕈᓂᕐᒥᒃ ᑲᓇᑕᒥ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᓄᑦ. ᑕᓪᓕᒪᓂᒃ ᐱᓇᓱᑦᑎᓖᑦ: ᐱᖓᓱᑦ ᑎᓕᔭᐅᒪᔪᑦ ᑲᓇᑕᐅᑉ ᑲᕙᒪᖓᓄᑦ ᐊᒻᒪᓗ ᒪᕐᕉᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ. ᐊᖓᔪᕐᖄᒪᕆᖓ ᑎᓕᔭᐅᒪᔪᖅ ᑲᓇᑕᐅᑉ ᑲᕙᒪᖓᓄᑦ. ᕿᒥᕐᕈᕆᕈᑎᒃ, COFEX-North-ᑯᑦ ᑐᓂᔨᓲᑦ ᐃᓱᒪᑦᓴᒥᓂᒃ ᐊᖏᕈᑕᐅᓂᐊᕐᒪᑕ ᐱᔭᑦᓭᑦ ᒪᓕᒐᖃᕐᓗᑎᒃ, ᕈᓐᓀᓗᑎᓪᓘᓃᑦ, ᑲᓇᑕᐅᑉ ᐊᐅᓚᑦᓯᕕᖓᓄᑦ, ᑲᒪᔨᐅᒻᒪᑕ ᐊᖏᕈᑎᓂᒃ ᐊᒻᒪᓗ ᑐᓂᔨᓂᐊᕐᓗᑎᒃ ᑐᑭᑖᕈᑎᓂᒃ ᐱᔭᑦᓴᓄᑦ.

ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ ᐊᐅᓚᑦᓯᕕᖓ ᑲᓇᑕᒥ ᑐᓴᐅᒪᒍᑎᓖᑦ ᖃᕆᑕᐅᔭᒃᑯᑦ project impact assessment registry.

ᐃᓄᓕᒫᑦ ᐃᓚᐅᓂᖓ
ᑲᔪᖏᕐᑎᓯᔪᑦ ᐃᓄᓕᒫᓂᒃ ᐃᓚᐅᖁᔨᓪᓗᑎᒃ ᐱᕙᓪᓕᐊᓂᖓᓂ ᑯᐯᒥ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ, ᐊᓪᓚᓯᒪᔪᓕᐅᕐᓗᑎᒃ ᑐᓂᔭᑦᓴᓂᒃ ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑐᑭᑖᕐᑐᐃᔨᒃᑯᓄᑦ ᐃᓄᓕᒫᓄᑦ ᑐᓴᕐᑕᐅᒍᓐᓇᕙᓪᓗᓲᑦ ᐊᒻᒪᓗ ᐃᓕᔭᐅᑦᓱᑎᒃ ᐱᔭᑦᓴᓂᒃ ᑐᑦᓯᕋᐅᑎᓄᑦ. ᐃᓄᖏᑦ ᐃᓕᔭᐅᔪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐃᑉᐱᒍᓱᑦᑎᐅᓲᑦ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ ᑐᓂᓯᑦᓱᑎᒃ ᑲᑎᒪᔨᓄᑦ ᓱᓀᑦ ᐱᓐᓀᓗᑕᕆᔭᐅᒻᒪᖔᑦᑕ ᐊᕙᑎᒥ. ᑕᒐ ᑲᑎᒪᔩᑦ ᑐᑭᑖᓯᑦᓱᑎᒃ ᑐᓴᐅᒪᐅᑎᑦᓯᒍᑎᓂᒃ ᐊᒻᒪᓗ ᐃᓄᓕᒫᓂᒃ ᖃᐅᔨᓴᓂᐊᕋᒥᒃ ᑐᓴᐅᒪᒌᕋᒥᒃ ᐱᔭᑦᓴᓂᒃ ᑐᑦᓯᕋᐅᑎᓂᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᓪᓗ, ᐊᒻᒪᓗ ᓄᓇᓕᓐᓂᑦ ᑎᒥᐅᔪᓂᓪᓗ.

ᑕᒪᒃᑯᐊ ᐱᑦᓯᐊᕆᐊᓕᒻᒪᕇᑦ, ᐱᔭᑦᓴᖅ ᓄᐃᑕᐅᓕᕐᐸᑦ, ᑐᑦᓯᕋᐅᑏᑦ ᐅᖄᔭᐅᒌᕐᐸᑕ ᐊᕙᑎᒥ ᑎᒥᐅᔪᓄᑦ ᐊᒻᒪᓗ ᓄᓇᓕᓐᓄᑦ ᐱᔭᑦᓴᒥᒃ ᑐᓴᐅᒪᑎᑦᓯᓯᐊᕐᓂᖅ.