ᐃᒪᖅ
ᓄᓇᕕᒻᒥ, ᐃᒪᕐᓱᐃᑦ ᐊᒻᒪᓗ ᐃᒣᑦ ᐊᒥᓲᒻᒪᑕ ᐊᒻᒪᓗ ᑲᒪᕆᔭᐅᑦᓯᐊᕆᐊᖃᕐᓱᑎᒃ ᐱᒋᐅᕐᓴᑕᐅᓗᓂ ᑕᒪᓐᓇ ᐃᒪᖃᑦᓯᐊᓂᖅ. ᒪᕆᓪᓕ, ᐊᒥᓱᐃᑦ ᑕᓰᑦ ᑰᓪᓗ ᐃᓄᓐᓄᑦ ᐊᑐᕐᑕᐅᒪᑕ ᓇᔅᑳᐱᒃᑯᓄᓪᓗ ᐊᐅᓪᓛᑐᓄᑦ. ᑖᑦᓱᒧᖓ, ᓄᓇ ᐊᕿᓪᓕᕙᓪᓕᐊᓂᖓ ᓱᕐᕃᒪᒻᒥᔪᖅ ᐊᕙᑎᓂᒃ ᓄᓇᐅᑉ ᐅᕐᖂᓯᕙᓪᓕᐊᓂᖓᓄᑦ, ᓱᑲᓯᒋᐊᕐᓯᒪᑦᓱᓂ ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓᓄᑦ, ᐊᓯᑦᔨᒍᓯᖓ ᐊᖏᔪᕐᔪᐊᒥ ᐅᓇᒻᒥᓇᕐᒪᑦ. ᐅᑭᑦᑕᓯᒪᔪᒥᒃ ᑐᑭᓯᒪᔭᐅᒍᑎᖃᕐᒪᑕ ᖃᐅᓯᕐᑑᖏᑦ ᓄᓀᑦ ᐊᒻᒪᓗ ᑕᓯᖏᑦ ᑕᕐᕋᒥ ᐱᔭᕐᓃᑑᑎᑦᓯᕗᖅ ᐊᑐᓕᕐᑎᑕᐅᒍᑎᖓᓂᑦ ᓴᐳᑦᔩᒍᑏᑦ ᐊᕙᑎᒥᒃ.
KEAC-ᑯᑦ ᖃᐅᔨᓴᕐᐸᑐᑦ ᐃᒪᐅᑉ ᐱᐅᓯᖏᓐᓂᑦ ᐊᓯᑦᔨᓕᕐᒪᖔᑦᑕ ᑐᑭᑖᕈᑎᖃᕐᓂᐊᕋᒥᒃ ᒪᓕᒐᑦᓴᓂᒃ ᓄᓇᕕᒻᒥ. ᑕᒪᓐᓇ ᐃᓚᐅᔪᖅ ᓄᓇᕕᒻᒥᐅᑦ ᐃᓗᓯᖓᓄᑦ, ᒪᑯᓄᖓᓗᐊᖕᖑᐊᖅ ᐃᒪᖃᕈᓐᓇᓂᖓᓄᑦ ᓄᓇᓕᓐᓂᑦ ᐃᒥᕐᑕᓂᒃᑯᑦ, ᐊᒻᒪᓗ ᑌᒪᖕᖓᑦ ᐋᕐᕿᕆᐊᒋᐊᖃᕐᓂᖓᓄᑦ ᓄᑕᐅᓯᓕᕐᑎᓂᒃᑯᑦ ᐃᒪᖃᕐᑎᓯᓂᕐᒧᑦ. KEAC-ᑯᑦ ᖃᐅᔨᓴᕐᐸᒥᔪᑦ ᐱᖁᔭᓂᒃ ᒪᓕᒐᑦᓴᓂᓪᓗ ᐱᑦᓯᐊᑕᐅᖁᔨᑦᓱᑎᒃ ᐃᓱᒪᑦᓴᓯᐅᕐᑕᓂᒃ ᐊᑕᐅᓯᑐᐊᒍᒻᒪᑕ ᐊᒻᒪᓗ ᐊᓐᓂᓇᕐᓱᑎᒃ ᓄᓇᕕᐅᑉ ᐃᒪᖃᕐᕕᖏᑦ ᐃᒪᕐᐱᖏᓪᓗ.
Water Governance in Nunavik
Drinking water management in Nunavik given its geographical locations, population numbers, climate factors including permafrost, limited access to technical resources, and infrastructure. To clarify roles and responsibilities, the KEAC decided to map the governance of Nunavik’s drinking water management system its newly published document: Water Governance in Nunavik: Who Does What? (November 2025)
ᖃᒻᒥᖅ ᐊᑑᑎᔭᐅᓚᐅᔪᐃᑦ:
- ᐱᑕᖃᕐᑎᓯᔪᕕᓃᑦ ᐅᖃᐅᓯᑦᓴᓂᒃ ᒪᓂᔭᐅᒪᔪᒧᑦ ᐋᕐᕿᒋᐊᕆᒍᑎᓄᑦ ᒪᓕᒐᕐᓄᑦ ᐃᒪᐅᑉ ᐱᖁᑎᖏᓐᓄᑦ ᓇᒻᒥᓂᕆᔭᐅᔪᓂ ᑯᐯᒃᑯᓄᑦ.
- ᖃᐅᔨᓴᕐᑐᕕᓃᑦ ᐃᒪᐅᑉ ᖃᓄᐃᑦᑑᓂᖓᑕ ᐱᓀᓗᑕᖓᓂᒃ ᐊᒻᒪᓗ ᓱᕐᕃᒍᓐᓇᓂᖓᓂᒃ ᐊᕙᑎᒥᒃ ᐊᒻᒪᓗ ᓄᓇᓕᓐᓂ ᐃᒥᕐᑕᕕᐅᖃᑦᑕᑐᒥᒃ ᐊᒻᒪᓗ ᐋᕐᕿᓱᕐᓯᒪᓂᖓᓂᒃ.
- ᑐᓴᕐᑎᑕᐅᔪᕕᓃᑦ ᐱᑦᔪᑎᒋᑦᓱᒍ ᐅᑭᐅᕐᑕᑑᑉ ᓄᓇᖓᓂ ᑲᓇᑕᐅᑉ ᓯᑯᓯᐅᕐᑎᖏᓐᓂᑦ (CCG) 178-ᖑᒍᑎᖓᓂ ᑲᑎᒪᓂᖓᑕ.
- ᐅᖃᐅᓯᑦᓴᖃᕐᕕᓕᕕᓃᑦ ᐃᒪᕐᐱᓕᕆᔩᑦ ᐃᒪᕐᒥᒃ ᓱᒃᑯᑎᑦᓯᑌᓕᑦᓱᑎᒃ ᑲᔪᓯᒍᓐᓇᑐᓂᒃ ᑮᓇᐅᔭᓕᐅᕋᓱᐊᕐᓂᒧᑦ ᐸᕐᓇᓯᒪᐅᑎᖏᓐᓂᒃ.
- ᐅᖃᐅᓯᑦᓭᑦ ᑐᓂᔭᐅᓚᐅᔪᑦ ᑲᕙᒪᑐᖃᒃᑯᑦ ᐃᒪᕐᐱᓕᕆᔨᖏᓐᓄᑦ ᐱᑦᔪᑎᒋᑦᓱᒋᑦ ᑲᕙᒪᑐᖃᒃᑯᑦ ᐱᓇᓱᐊᕆᐊᓕᖏᑦ ᐃᒪᕐᓗ ᐱᑦᔪᑎᒋᑦᓱᒋᑦ ᒪᓕᒋᐊᓕᖏᑦ
- ᖃᐅᔨᑎᑕᐅᓯᒪᔪᒍᑦ ᐃᒪᖅ ᐱᑦᔪᑎᒋᑦᓱᒍ ᐊᑦᔨᒌᖕᖏᑐᓂᒃ ᖃᐅᔨᓴᕐᓂᖃᓛᕐᓂᖓᓂᒃ ᑕᒐᑕᒐ ᐱᓇᓱᐊᕐᑕᐅᓚᖓᔪᓂᒃ ᓄᓇᕕᒻᒥ ᐊᒻᒪᓗ ᓄᐃᑕᐅᓚᐅᔪᓂᖏᓐᓂᒃ ᓄᓇᕕᒻᒥ ᐃᒪᕐᒥᒃ ᐃᒥᕋᑦᓴᐅᒍᓐᓇᓂᖓᓄᑦ ᖃᐅᔨᓴᕐᑎᐅᓗᑎᒃ ᑲᑎᒪᔨᐅᓚᖓᔪᐃᑦ ᑲᑎᒪᓂᖃᕐᓱᑎᒃ 173-ᖑᒍᑎᖓᓂᒃ
- ᐅᖃᐅᓯᑦᓴᑎᓐᓂᒃ ᑐᓴᕐᑎᓯᒍᑎᖃᕐᓯᒪᔪᒍᑦ ᑲᓇᑕᒥ Blue Economy Strategy-ᑎᓄᑦ ᐃᓕᖓᔪᓂᒃ.
- ᐅᖃᐅᓯᑦᓴᑎᓐᓂᒃ ᑐᓂᔨᓯᒪᔪᒍᑦ ᐱᖁᔭᖕᖑᑎᑕᐅᓯᒪᔪᒧᑦ ᐱᐅᓕᑦᓯᒐᓱᐊᕐᓂᒧᑦ ᐃᒪᕐᑕᓕᓐᓂᒃ ᐊᒻᒪᓗ ᐃᒪᕐᓂᒃ ᓄᓇᕕᒻᒦᑐᓂᒃ.
- ᐃᑉᐱᒋᓗᒍ ᐃᒪᐅᑉ ᖃᓄᐃᓐᓂᖓ ᐊᒻᒪᓗ ᖃᓄᖅ ᓱᕐᕃᓯᒪᒍᓐᓇᒪᖔᑦ ᐊᕙᑎᑦᑎᓂᒃ ᐊᒻᒪᓗ ᓄᓇᓕᒻᒥ ᐃᒪᑦᓯᐊᑖᕐᕕᐅᒍᓐᓇᑐᐃᑦ ᐱᑦᔪᑎᒋᓗᒋᑦ ᐋᕐᕿᓱᕐᓯᒪᐅᑎᑦᓴᖓᓗ ᐃᒪᑦᓯᐊᓕᕆᓂᐅᑉ
ᑕᑯᒋᐊᕈᓐᓇᑕᑎᑦ ᑐᓴᕐᑎᓯᐅᑎᓕᐊᖑᓯᒪᔪᑦ ᑕᒪᑐᒧᖓᓕᖓᔪᓄᑦ ᐅᕙᓂ: https://keac-ccek.org/en/briefs-and-position-papers/