Kativik Environmental Advisory Committee

ᑲᑎᕕᒃ ᐊᕙᑎᓕᕆᓂᕐᒧᑦ ᐊᔪᖀᒋᐊᕐᑏᑦ
ᑲᑎᒪᕕᖓ ᓱᓇᐅᓂᖓ

ᑲᑎᕕᒃ ᐊᕙᑎᓕᕆᓂᕐᒧᑦ ᐊᔪᖀᒋᐊᕐᕕᖓᑕ ᑲᑎᒪᕕᖓ (KEAC) ᑎᓕᔭᐅᒪᒍᑎᓕᒃ ᕿᒥᕐᕈᔨᐅᓂᐊᕐᑎᓗᒍ ᐊᒻᒪᓗ ᐃᓘᓐᓈᒍᑦ ᐊᐅᓚᑕᐅᔪᓂᒃ ᐊᕙᑎᓕᕆᓂᕐᒥ ᐊᒻᒪᓗ ᐃᓅᓯᕐᒥ ᓱᕐᕋᑕᐅᒍᑎᒋᒍᓐᓇᑕᖏᓐᓂᒃ ᓴᐳᒻᒥᔨᐅᓂᐊᕐᓱᓂ ᐊᓪᓚᑕᐅᓯᒪᔪᓂ 23-ᒥ ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᒥ (JBNQA). KEACᑯᑦ ᐃᓱᐊᕆᔭᐅᓲᖅ ᐊᒻᒪᓗ ᑲᓱᕐᕕᐅᓲᖑᑦᓱᓂ ᑲᕙᒪᖏᓐᓄᑦ ᑲᓇᑕᐅᑉ ᐊᒻᒪᓗ ᑯᐯᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ (KRG), ᓄᓇᓕᓐᓄᑦ ᐊᒻᒪᓗ, ᒋᐊᖃᑐᐊᕋᒥ ᓇᔅᑲᐲᑦ ᐃᓄᖁᑎᖏᓐᓄᑦ ᑲᐅᒐᐅᒑᑦᓯᑲᒫᒥ ᐱᑦᔪᑎᒋᑦᓱᒋᑦ ᐱᖁᔦᑦ ᐊᒻᒪᓗ ᒪᓕᒐᖁᑎᓕᐊᖑᓯᒪᔪᑦ ᐱᑦᔪᑎᓖᑦ ᐊᕙᑎᓕᕆᓂᕐᒥ ᐊᒻᒪᓗ ᐃᓅᓯᕐᒥᓴᐳᒻᒥᓂᕐᒥ ᓄᓇᖁᑎᖓᓂ JBNQA 55 ᑎᑎᕐᑕᐅᒪᔫᑉ ᖁᓛᖓᓂ. KEAC-ᑯᑦ ᑲᒪᔭᑦᓴᔭᖃᕐᓚᕆᓲᑦ ᓵᖕᖓᔭᖃᕐᓂᒥᒃᐊᕙᑎᓕᕆᓂᕐᒥᒃ ᐊᒻᒪᓗ ᐃᓅᓯᕐᒥ ᓱᕐᕋᑕᐅᒍᑎᐅᒍᓐᓇᑐᐃᑦ ᕿᒥᕐᕈᔭᐅᓂᖏᓐᓂ ᐊᒻᒪᓗ ᕿᒥᕐᕈᔨᐅᓂᕐᒥ ᖃᓄᐃᓘᕈᓯᓕᐊᖑᓯᒪᔪᓂᒃ ᐊᒻᒪᓗ, ᒋᐊᖃᓕᑐᐊᕋᒥᒃ, ᐅᓐᓂᑑᑎᓕᐅᕐᓱᑎᒃ ᐋᕐᕿᒋᐊᕈᑎᑦᓴᓂᒃ. ᑌᒪᓕ, KEAC-ᑯᒃ ᒪᓕᑦᑕᐅᑎᑦᓯᓯᐊᕐᑎᓯᓲᑦ ᐱᖁᔭᕐᓂᒃ,ᒪᓕᒐᕐᓂᒃ ᐊᒻᒪᓗ ᒪᓕᒐᖃᕐᑎᓯᒍᑎᓂᒃ ᐊᑑᑎᔭᐅᒋᐊᖃᓲᓂ ᓄᓇᖓᓂ ᐊᓪᓚᑕᐅᒪᒍᑎᓕᓐᓂ 23-ᒥ JBNQA-ᒥ.

Annual Report, 2023-2024

ᑲᑎᕕᒃ ᐊᕙᑎᓕᕆᓂᕐᒧᑦ ᐊᔪᖀᒋᐊᕐᑏᑦ
ᑲᑎᒪᕕᖓᑕ ᐸᕐᓇᓯᒪᐅᑎᖓ 2020-2025-ᒥ

ᑐᓴᕋᑦᓭᑦ

ᓱᕐᕋᑕᐅᓂᕐᒧᑦ ᖃᐅᔨᓴᕐᓂᖅ ᓄᓇᕕᒻᒥ ᑲᑎᒪᓂᖓ, ᓅᕕᒻᐱᕆ 2023

2020-ᒥ, ᑭᒡᒐᑐᕐᑎᖏᑦ KEAC-ᑯᑦ, ᒪᑭᕝᕕᑯᑦ, ᐊᒻᒪᓗ ᓇᔅᑳᐲᒃᑯᑦ Kawawchikamach-ᒥ ᐋᕐᕿᔪᕕᓃᑦ ᐱᓇᓱᑦᑎᓂᒃ ᖃᐅᔨᓴᕐᓂᒧᑦ 2019-ᒥ ᑲᕙᒪᑐᖃᒃᑯᑦ ᓱᕐᕋᑕᐅᓂᕐᒧᑦ ᖃᐅᔨᓴᕐᓂᒧᑦ ᐱᖁᔭᖓᓂᒃ ᐊᒻᒪᓗ ᐃᓚᐅᑎᑦᓯᓂᖓᓄᑦ ᓄᓇᕕᐅᑉ ᓄᓇᖓᓂᒃ. ᐊᑦᔨᒌᖕᖏᓂᖏᓐᓂᒃ ᖃᐅᔨᓴᓚᐅᕐᓱᑎᒃ ᐱᖁᔭᖏᑦᑕ ᐱᕙᓪᓕᐊᔭᐅᒍᑎᖏᓐᓂᒃ ᐊᒻᒪᓗ ᐱᓇᓱᐊᓚᐅᕐᓱᑎᒃ ᐊᐱᕐᓱᑲᑕᓐᓂᒥᒃ ᕿᒥᕐᕈᓂᕐᒧᑦ ᑲᑎᒪᔨᖏᓐᓂᒃ ᓇᓗᓀᕐᓯᓱᑎᒃ ᐃᓚᐅᑎᑦᓯᑐᐃᓐᓇᕆᐊᖃᕐᓂᖏᓐᓂᒃ ᑲᕙᒪᑐᖃᒃᑯᑦ ᐱᖁᔭᖏᓐᓂᒃ, ᐱᓇᓱᑦᑏᑦ ᖃᐅᔨᓴᕐᑐᕕᓃᑦ ᐊᑦᔨᒌᖕᖏᑐᓂᒃ ᐊᑐᕐᑕᐅᒍᓐᓇᑐᓂᒃ ᐊᑐᐃᓐᓇᐅᔪᓂᒃ ᐊᑐᕐᑕᐅᑎᑦᓯᓂᕐᒧᑦ ᑖᑦᓱᒥᖓ ᐱᕙᓪᓕᐊᓂᕐᒥᒃ ᓄᓇᓕᖏᓐᓄᑦ. ᐁᕆᓕ 2022-ᒥ ᑐᓴᕐᑎᓯᒍᑎᒥ, ᐱᓇᓱᑦᑏᑦ ᓇᓗᓀᕐᓯᒪᔪᕕᓃᑦ ᐱᖓᓱᓂᒃ ᓂᕈᐊᕐᑕᐅᔪᓂᒃ ᐊᑐᓕᕐᑎᓯᓂᕐᒧᑦ ᐊᑐᕐᑕᐅᒍᓐᓇᑐᓂᒃ ᓄᓇᕕᒻᒧᑦ. ᐊᖏᖃᑎᒌᓐᓂᖅ ᐊᒻᒪᓗ ᐊᐅᓚᑦᓯᓂᕐᒧᑦ ᐊᖏᖃᑎᒌᒍᑏᑦ ᐊᑐᕐᑕᐅᖁᔭᐅᔪᖅ ᓀᑦᑐᒥᑦ ᐊᑯᓐᓂᖓᓃᑦᑐᒧᑦ ᖃᓄᐃᓘᕈᑕᐅᒍᒪᔪᑦ ᐱᑦᔪᑎᖃᕐᓱᑎᒃ ᓴᖑᒍᓐᓇᓂᖏᓐᓄᑦ ᐊᒻᒪᓗ ᐱᒍᓐᓇᓂᖏᓐᓄᑦ ᐋᕐᕿᓱᐃᓂᕐᒥᒃ ᐱᓇᓱᐊᖃᑎᒌᒍᑕᐅᓗᑎᒃ ᓯᕗᓂᐊᓂ ᑭᖑᓪᓕᒥ ᐱᕙᓪᓕᐊᑎᑦᓯᓂᕐᒧᑦ ᐱᓇᓱᐊᕐᓂᒧᑦ ᐊᑐᕐᑕᐅᓚᐅᕐᑎᓇᒍ ᓄᓇᓕᖏᓐᓂ. ᐊᑐᕐᑕᐅᖏᓐᓂᖓ ᐱᖁᔭᐅᑉ ᐊᑐᕐᑕᐅᖁᔭᐅᔪᖅ ᐊᑯᓂᐅᓂᕐᓴᒥᒃ ᐱᓇᓱᐊᕈᑎᐅᓗᑎᒃ.

ᑖᓐᓇ ᒪᓕᒐᓕᐊᕐᒧᑦ ᖃᐅᔨᓴᕐᓂᖅ ᐱᒍᓐᓇᑎᑦᓯᓂᕐᒥᔪᖅ ᑲᒪᒋᔭᖃᕐᓂᒥᒃ ᐱᓀᓗᑕᐅᔪᒥᒃ ᐊᒥᓱᖕᖑᓂᖏᓐᓄᑦ ᐊᕙᑎᒧᑦ ᐊᒻᒪᓗ ᐃᓅᖃᑎᒌᓄᑦ ᓱᕐᕃᓂᐅᔪᓂᒃ ᖃᐅᔨᓴᕐᓂᒧᑦ (IA) ᐱᕙᓪᓕᐊᓂᐅᔪᓂᒃ ᐊᑐᕐᑕᐅᔪᓂᒃ ᓄᓇᕕᒻᒥ. ᑌᒣᒻᒪᑦ, ᐃᓕᑦᓯᓂᕐᒧᑦ ᑭᖑᓂᕐᒥ ᐊᑐᕐᑕᐅᒐᓱᐊᕐᑐᕕᓂᕐᓄᑦ ᐋᕐᕿᓯᐊᕐᓯᒪᓕᕐᑎᓗᒋᑦ IA ᐱᕙᓪᓕᐊᓂᖏᑦ ᐱᕙᓪᓕᑎᑦᓯᕐᓂᒧᑦ ᐃᓄᓐᓂᒃ ᐊᒻᒪᓗ ᓄᓇᖃᕐᖄᓯᒪᔪᓂᒃ ᐊᒻᒪᓗ ᑲᔪᓯᓗᑎᒃ ᐋᕐᕿᓱᐃᓂᕐᒧᑦ ᐊᕐᖁᓯᐅᕐᓂᒧᑦ ᐊᑦᔨᒌᓕᕐᑎᓯᓂᕐᒧᑦ, ᐱᓇᓱᖃᑎᒌᑦ ᐋᕐᕿᓱᐃᕋᑖᕐᑐᕕᓃᑦ ᒪᕐᕉᓄᑦ ᐊᕐᕌᒍᓐᓄᑦ ᐱᓇᓱᐊᕐᓂᓴᒧᑦ ᐸᕐᓇᓯᒪᐅᑎᓂᒃ (2023-2025) ᐊᒻᒪᓗ ᑲᑎᒪᑎᑦᓯᓗᑎᒃ IA ᐊᑦᔨᒌᓕᕐᑎᓯᓂᖓᓄᑦ ᑲᑎᒪᓂᖏᓐᓄᑦ ᐃᓚᒋᔭᐅᓚᐅᕐᖁᖅ ᓇᓗᓀᕐᑕᐅᓯᒪᔪᓄᑦ ᐱᓇᓱᒐᑦᓴᓄᑦ. ᑌᒣᑦᑎᓗᒋᑦ, ᑲᑎᒪᓂᖅ ᐊᑐᕐᑕᐅᔪᕕᓂᖅ ᓅᕕᒻᐱᕆ 8-9, 2023-ᒥ ᐊᒻᒪᓗ ᓄᐊᑦᓯᓱᑎᒃ IA ᕿᒥᕐᕈᓂᕐᒧᑦ ᑲᑎᒪᔨᖏᓐᓂᒃ, ᐊᐅᓚᑦᓯᓂᓕᕆᔨᖏᓐᓂᒃ, ᐱᒍᓐᓇᑎᑦᓯᓂᕐᒧᑦ ᐱᓇᓱᑦᑎᓂᒃ ᐊᒻᒪᓗ ᓄᓇᓕᓕᒫᓂ ᑭᒡᒐᑐᕐᑎᓂᒃ ᑐᕌᒐᖃᕐᓱᑎᒃ ᐅᑯᓂᖓ:

• ᖃᐅᔨᒪᓕᕐᑎᓯᓂᖅ IA ᑐᖕᖓᕕᖓᓂᒃ ᓄᓇᕕᒻᒥ ᐊᒻᒪᓗ ᖃᓕᕇᑦᑐᓂᒃ;
• ᐋᕐᕿᓱᐃᓂᖅ ᐅᖄᖃᑎᒌᒍᑎᓂᒃ ᐱᓇᓱᐊᖃᑎᒌᓐᓂᒥᒃ ᐋᕐᕿᓱᐃᓂᕐᒧᑦ; ᐊᒻᒪᓗ
• ᐅᖄᖃᑎᒌᓐᓂᖅ ᐊᒻᒪᓗ ᐃᓱᒪᑦᓴᓯᐅᕐᓂᖅ ᓱᒐᒥ ᐊᒻᒪᓗ ᖃᓄᖅ ᐱᐅᓯᐅᒥᑎᑦᓯᓂᕐᒥᒃ ᐊᑦᔨᒌᓕᕐᑎᓯᓂᕐᒥᒃ IA ᐱᕙᓪᓕᐊᓂᖏᓐᓂᒃ.

A report outlining the outcome of the seminar is now available as well as summarized versions in English, French, Inuktitut and Naskapi.

ᖃᐅᔨᓴᕐᓂᖅ ᐃᓅᖃᑎᒌᓕᒫᑦ ᓱᕐᕋᑕᐅᒪᓂᖏᑦ, ᒫᑦᔨ 2023

2017-ᒥ, KEAC-ᑯᑦ ᐱᒋᐊᕐᑎᓯᓚᐅᔪᑦ ᖃᐅᔨᓴᕐᑕᐅᑎᑦᓯᖃᑦᑕᓚᖓᑦᓱᑎᒃ ᐱᓇᓱᐊᕐᑕᐅᕙᓪᓕᓂᐊᒐᓱᐊᕐᑐᓂᒃ ᐊᕙᑎᓕᕆᓂᕐᓄᑦ ᓯᑕᒪᓄᑦ ᐃᓕᖓᓗᐊᖕᖑᐊᑐᓂᒃ ᐊᑑᑎᐅᒋᐊᓕᓐᓄᑦ ᓄᓇᕕᒻᒥ. ᖃᓄᑎᒋᒃ ᐊᑦᔨᒌᖕᖏᓂᖃᕐᒪᖔᑕ ᑕᑯᒍᓐᓇᓯᒐᓱᐊᒧᑦ ᑖᒃᑯᓂᖓ ᐱᓇᓱᐊᕐᑕᐅᕙᓪᓕᐊᔪᓂᒃ, ᐊᒻᒪᓗ ᐅᓐᓂᑑᑎᓕᐅᕐᕕᒋᖃᑦᑕᓗᒋᑦ ᐊᖏᕐᑎᒋᔭᐅᓚᖓᔪᓄᑦ ᑲᔪᓯᔭᐅᖁᔨᒐᔭᑐᐊᕐᐸᑕ. KEAC-ᑯᑦ ᑎᓕᔨᒐᔭᕐᑎᓗᒋᑦ Secrétariat international francophone pour l’évaluation environnementale (international francophone secretariat for environmental assessment, SIFÉE-ᑯᓐᓂᒃ)
ᖃᐅᔨᓴᕋᔭᕐᑎᓗᒋᑦ ᐃᓄᓕᒫᑦ ᖃᓄᖅ ᓱᕐᕋᑕᐅᓂᖃᕋᔭᕐᒪᖔᑕ ᑖᒃᑯᐊ ᓯᑕᒣᑦ ᐊᕙᑎᓕᕆᓂᕐᒧᑦ ᑐᖕᖓᕕᐅᒋᐊᓖᑦ ᑐᑭᐊᒍᑦ ᓄᓇᕕᒻᒥ. ᑕᑦᓱᒪ ᐱᓇᓱᐊᕐᑕᐅᓂᖓ ᐱᖓᓱᐃᓂᒃ ᐊᓪᓚᓯᒪᔪᓂᒃ ᓄᐃᑦᓯᒍᑕᐅᓯᒪᔪᖅ:  ᐃᓗᐃᑦᑐᖅ ᖃᐅᔨᓴᕈᑎᐅᓯᒪᔪᖅ, ᐊᑐᐊᕆᐊᑭᑦᑐᖅ ᓀᓪᓕᑎᕐᓯᒪᔪᖅ, ᐊᒻᒪᓗ ᖃᐅᔨᑎᑦᓯᒍᑎᐅᑦᓯᐊᕈᓐᓇᑐᖅ. ᖃᐅᔨᒪᔭᐅᑎᑦᓯᐊᖃᑦᑕᓗᒋᓪᓗ ᖃᐅᔨᓴᕐᓂᓄᑦ ᖃᐅᔨᔭᐅᔪᕕᓃᑦ, ᐅᓐᓂᑑᑎᐅᔪᕕᓂᓪᓗ ᐊᒻᒪᓗ ᓱᓀᑦ ᓇᐅᑦᓯᑐᕐᑕᐅᓂᕐᒪᖔᑕ ᐊᓪᓚᑕᐅᓯᒪᑦᓯᐊᖃᑦᑕᑎᓪᓗᒋᑦ ᓇᒻᒥᓂᖅ ᐱᓇᓱᐊᓪᓚᕆᑦᑐᕕᓂᕐᓄᑦ ᐊᒻᒪᓗ KEAC-ᑯᓐᓄᑦ ᑖᒃᑯᐊᓚᕆᐅᓚᖓᖕᖏᑲᓗᐊᕐᐸᑕ ᐅᓐᓂᑑᑦᔭᐅᖃᑦᑕᑎᓪᓗᒋᑦ ᐃᒣᒋᐊᖁᔨᒍᑎᓂᒃ.

ᖃᐅᔨᒋᐊᑦᓯᐊᕈᒪᒍᕕᑦ ᓱᕐᕋᑕᐅᓂᐅᓯᒪᔪᐃᑦ ᓇᐅᑦᓯᑐᕐᑕᐅᓯᒪᓂᖏᓐᓄᑦ ᐃᓕᖓᔪᓂᒃ ᓄᓇᕕᒻᒥ, ᓃᓂᕐᓗᒍ ᐅᓇ, click here