ᐊᑐᓕᕐᑎᑕᐅᓯᓚᐅᔪᑎᓪᓗᒍ ᓱᕐᕋᑕᐅᓂᕐᓄᑦ ᐱᖁᔭᖅ (Imack Assessment Act (IAA) ᐋᑲᔅᑎ 2019-ᒥ ᐊᑐᓕᕐᑎᑕᐅᓂᕆᓯᒪᔭᖓᓂ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ ᐸᕐᓇᓯᒪᐅᑎ, ᑲᔪᓯᓯᓚᐅᔪᑦ ᐊᕙᑎᓂᒃ ᖃᐅᔨᒪᐅᑎᓂᒃ ᓄᐃᑦᓯᒋᐊᒥᒃ ᐊᒻᒪᓗ ᑭᒡᒐᑐᐃᓂᕐᒥᒃ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ ᐸᕐᓇᓯᒪᐅᑎᐅᑉ ᐊᐅᓚᑕᐅᓂᖓᓄᑦ ᐊᑐᓕᕐᑎᑕᐅᓯᒪᔪᑦ JBNQA-ᑯᑎᒍᑦ, NEQA-ᑯᑎᒍᑦ ᐊᒻᒪᓗ NILCA-ᑯᑎᒍᑦ. ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ ᐸᕐᓇᓯᒪᐅᑎ ᓄᐃᑦᓯᒋᐊᓪᓚᓯᒪᔪᖅ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ ᑲᓇᑕᒥ, ᐊᖏᓕᒋᐊᕐᑎᓯᔪᑦᓴᐅᓚᖓᔪᖅ ᐱᔭᑦᓴᓂᒃ ᖃᐅᔨᓴᕐᑕᐅᔪᑦᓴᓂᒃ ᐊᒻᒪᓗ ᐊᒥᓱᒋᐊᓪᓚᓂᒃ ᑐᑦᓯᕋᐅᑎᓂᒃ ᖃᐅᔨᓴᕐᓂᓄᑦ ᓄᓇᕕᒻᒥ. ᑕᒪᓐᓇ ᐃᓚᐅᑎᑦᓯᓂᐊᕐᑐᖅ ᑐᑭᓯᒐᑦᓴᓂᒃ ᐃᓄᐃᑦ ᓱᕐᕋᑕᐅᒪᓂᖏᓐᓂᑦ ᐊᒻᒪᓗ ᐱᔪᓐᓇᐅᑎᓂᒃ ᓄᓇᖃᕐᖄᓯᒪᔪᓄᑦ. ᑕᒪᒃᑯᐊ ᓄᑖᑦ ᑲᔪᓯᑎᑦᓯᓂᐊᕐᑐᑦ ᐱᑦᓯᐊᓂᖏᓐᓂᑦ JBNQA ᐊᐅᓚᑕᖏᓐᓄᑦ, NEQA-ᑯᓄᓪᓗ NILCA-ᒧᓪᓗ, ᑌᒪᖕᖓᑦ ᒪᓕᑦᓯᐊᑕᐅᑎᑦᓯᕙᑦᑐᑦ ᐃᓄᐃᑦ ᓱᕐᕋᑕᐅᒪᒍᑎᖏᓐᓂᑦ ᓇᔅᑳᐱ-ᑯᓗ ᐱᔪᓐᓇᐅᑎᖏᓐᓂᑦ.

ᓄᓇᕕᒻᒥᐅᑎᒍᑦ ᐱᓇᓱᖃᑎᒌᕝᕕᖓᑕ ᑲᑎᒪᕕᖓ

ᐊᑐᓕᕐᑎᑕᐅᕐᖃᒥᖅ ᐱᖁᔭᖅ ᓱᕐᕋᑕᐅᓂᕐᒧᑦ ᖃᐅᔨᓴᕐᓂᒥ ᐱᕕᑦᓴᐅᕗᖅ ᐃᓱᒪᑦᓴᓯᐅᕈᑕᐅᓗᓂ ᐊᒻᒪᓗ ᒪᓂᔨᒍᑎᓕᐅᕈᑎᐅᓗᓂ ᖃᓄᐃᓕᖓᐅᑎᑦᓴᓂᒃ ᐊᒥᓲᓕᖓᔪᓂᒃ ᓱᕐᕋᑕᐅᒪᓂᕐᒧᑦ ᖃᐅᔨᓴᕐᓂᖃᕐᒪᑦ ᓄᓇᕕᒻᒥ. ᑌᒣᑦᒪᑦ ᓱᕐᕋᑕᐅᒪᓂᕐᒧᑦ ᖃᐅᔨᓴᕐᓂᒧᑦ ᐱᖁᔭᕐᒥ ᓄᓇᕕᒻᒥᐅᑎᒍᑦ ᐱᓇᓱᖃᑎᒌᕝᕕᖓᑕ ᑲᑎᕝᕕᖓ ᓄᐃᑎᑕᐅᓯᒪᔪᖅ KEAC-ᒧᑦ, ᒪᑭᕝᕕᒧᑦ ᐊᒻᒪᓗ ᓇᔅᑳᐲᑦ ᑲᐅᒐᐅᒑᑦᓯᑲᒫᒥᐅᓄᑦ ᑲᐅᔨᓴᕐᓂᐅᓂᐊᕐᑎᓗᒍ ᓱᕐᕋᑕᐅᓂᐅᑉ ᖃᐅᔨᓴᕈᓯᖏᓐᓂᒃ JBNQA-ᒦᑦᑐᓂᒃ, NEQA-ᒦᑦᑐᓂᒃ, NILCA-ᒦᑦᑐᓂᒃ ᐊᒻᒪᓗ ᑲᕙᒪᑐᖃᒃᑯᑦ IAA-ᑖᕐᖃᒥᖓᓂᒃ .ᑐᕌᒐᓱᑦᑐᑦ ᓄᐊᑦᓯᓂᕐᒥᒃ ᖃᐅᔨᒪᔭᐅᒋᐊᓕᓐᓂᒃ ᐊᒻᒪᓗ ᐱᓇᓲᑎᓂᒃ ᕿᒥᕐᕈᓂᕐᒧᑦ ᐊᑦᔨᒌᖕᖏᑐᑦ ᐊᑐᓕᕐᑎᑕᐅᒍᓯᖏᓐᓂᒃ ᒪᓂᔭᐅᒪᓲᓂᒃ ᓄᑖᒥIAA-ᒥ ᐊᒻᒪᓗ ᓇᓪᓕᖄᓛᕐᓂᐊᓱᑎᒃ ᐃᓱᐊᕐᓂᐹᒥᒃ(ᓂᒃ) ᐊᑐᓕᕐᑎᓯᒋᐊᕐᓂᒥ ᓄᓇᕕᒻᒥ ᐊᒻᒪᓗ ᐃᒪᖁᑎᖓᓂ

ᓅᕕᒻᐱᕆ 2020-ᒥ, ᑲᑎᒪᔨᐊᐲᑦ ᑐᓂᓯᓚᐅᔪᑦ ᐊᓪᓚᕕᖓᓂᒃ ᑐᓴᕐᑎᓯᐅᑎᓕᐊᒥᓂᒃ ᐊᓪᓚᓯᒪᑎᓪᓗᒋᑦ ᐱᖓᓱᐃᑦ ᓱᕐᕋᑕᐅᓂᖃᓲᑦ ᖃᐅᔨᓴᕈᓰᑦ ᓄᐃᑕᐅᒪᔪᑦ JBNQA-ᒧᑦ, NEQA-ᒧᑦ ᐊᒻᒪᓗ NILCA-ᒧᑦ ᐊᒻᒪᑕᐅᖅ ᐊᑑᑎᓲᑐᖃᕐᒥᒃ ᐃᓘᓐᓈᒍᑦ ᐱᐅᓯᕆᔭᐅᑎᑕᐅᓲᓂᒃ ᐱᖓᓱᐃᓕᖓᓂᕐᒥ ᐊᒻᒪᓗ ᑲᕙᒪᑐᖃᒃᑯᑦ ᖃᓄᐃᓘᕈᓯᖏᑦ ᐊᒻᒪᑕᐅᖅ ᐃᓱᐃᓪᓖᓂᕆᓲᖏᑦ ᐊᒥᓱᐃᓕᖓᓕᑐᐊᕐᒪᑕ ᖃᓄᐃᓘᕈᓯᓕᒫᑦ ᓄᓇᕕᒻᒥ.

ᐃᓄᓕᒫᑦ ᐃᓚᐅᓂᖓ
ᓱᕐᕋᑕᐅᓂᕐᒧᑦ ᖃᐅᔨᓴᕐᕕᖓ ᑲᓇᑕᐅᑉ ᖃᕆᑕᐅᔭᑎᒍᑦ ᐱᓇᓱᐊᕐᑕᐅᒍᒪᔪᓂᒃ ᖃᐅᔨᓴᕐᑕᐅᖁᔭᐅᔪᓂᒃ
ᐊᓪᓚᑕᐅᒪᒍᑎᑖᕐᕕᓕᒃ. ᐃᓄᓕᒫᑦ ᐃᓚᐅᕕᖃᕈᓐᓇᑐᑦ ᓇᓪᓕᐊᓂᑐᐃᓐᓇᖅ ᖃᓄᐃᑦᑐᒦᓕᕐᓂᖏᓐᓂᒃ ᓱᕐᕋᑕᐅᒪᓂᐅᑉ ᖃᐅᔨᓴᕐᑕᐅᓂᖓᓂ. ᑐᑭᓯᒋᐊᕈᒪᒍᕕᑦ ᓃᓂᕐᓗᒍᐅᕙᓂ.