ᐊᑦᑕᓇᕈᓐᓇᑐᐃᑦ ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓᓄᑦ ᐊᖏᔫᕗᑦ ᓄᓇᕕᒻᒥ ᐊᒻᒪᓗ ᐊᑦᑕᓇᕈᓐᓇᓱᓂ ᐊᕙᑎᖓᓄᑦ ᐃᓄᖏᓐᓄᓗ. ᐃᓱᒫᓗᓇᕐᑐᐃᑦ ᐃᓄᐃᑦ ᐃᓗᓯᖓᓄᑦ ᐊᓐᓂᓇᕐᓂᖓᓄᓪᓗ, ᐆᒪᒍᓐᓇᑐᓕᒫᓄᑦ ᐊᒻᒪᓗ ᐃᓕᕐᕈᓯᒧᑦ, ᑕᕆᐅᑉ ᐱᐅᓯᑦᓱᓯᐊᕐᓂᖓᓄᑦ, ᓯᓚᐅᓗ ᐊᒻᒪᓗ ᐊᕐᖁᑎᒋᔭᐅᔪᓄᑦ ᐃᓪᓗᓕᐅᕐᕕᓄᓪᓗ, ᐊᒻᒪᓗ ᐅᓇᒻᒥᓇᕐᓱᑎᒃ ᐱᐅᓯᑐᖃᐅᑉ ᑲᔪᓯᓂᖓᓂᑦ ᒪᙯᓂᒃᑯᑦ, ᐃᖃᓪᓕᐊᓂᒃᑯᑦ ᒥᑭᒋᐊᕐᓂᐊᓂᒃᑯᓗ. ᑕᕐᕋᒥᐅᑦ ᑲᔪᓯᒍᓐᓇᓂᖓ ᐆᒪᔪᒍᓐᓇᑐᓕᒫᓄᓪᓗ ᓄᓇᓕᓐᓄᓗ ᐊᑦᑐᑕᐅᒍᓐᓇᑐᑦ ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓᓄᑦ ᐃᓱᒪᑦᓴᓯᐅᕐᑕᐅᕙᑦᑐᑦ KEAC-ᑯᓄᑦ, ᐅᓇᒻᒥᓇᕐᑐᒪᕆᐅᕗᖅ ᐃᑲᔪᖃᑎᒌᓂᒃᑯᑦ ᖃᐅᔨᓴᕐᓂᑯᓪᓗ ᑲᑐᑦᔭᐅᔪᑦᓴᐅᓗᓂ ᑕᕐᕋᒥ ᑎᒥᐅᔪᓄᑦ, ᑲᕙᒪᓄᓪᓗ, ᐃᓕᓐᓂᐊᓂᒃᑯᓗ ᐊᒻᒪᓗ ᑭᒡᒐᑐᑦᑎᒪᕆᓐᓄᑦ.

ᖃᒻᒥᖅ ᐊᑑᑎᔭᐅᓚᐅᔪᐃᑦ

• ᕿᒥᕐᕈᓱᒋᑦ ᑯᐯᒃᑯᑦ ᐃᑯᓪᓚᐅᒥᑎᑦᓯᒐᓱᐊᕐᓂᒥᒍᑦ ᐋᕐᕿᓱᕐᓯᒪᐅᑎᖏᑦ ᓯᓚᐅᑉ ᐊᓯᑦᔨᕙᓪᓕᐊᓂᖓᓄᑦ ᐃᓕᖓᔪᐃᑦ
• ᕿᒥᕐᕈᓱᒋᑦ ᓴᕐᕿᑕᐅᒋᐊᖕᖓᓯᒪᔪᐃᑦ ᓄᓇᕕᒃ ᓯᓚᐅᑉ ᐊᓯᑦᔨᕙᓪᓕᐊᓂᖓᓄᑦ ᓱᖏᐅᓯᓴᕈᑎᑦᓴᓂᒃ ᐋᕐᕿᓱᕐᓯᒪᐅᑏᑦ
• ᕿᒥᕐᕈᓚᐅᔪᒍᑦ ᑲᓇᑕᓕᒫᒥ ᐱᐅᓯᕐᓱᕈᑎᐅᓲᑦ ᐱᑦᔪᑎᒋᑦᓱᒋᑦ ᑐᓴᕐᑎᓯᐅᑎᐅᔪᕕᓂᕐᒥᒃ;
• ᖃᐅᔨᑎᑕᐅᓚᐅᔪᒍᑦ ᒫᓐᓇᖃᒻᒥᖅ ᓄᐃᑕᐅᕐᑲᒥᐅᔪᖅ ᓄᓇᕕᓕᒫᒥ ᖃᐅᔨᓴᕈᒪᔪᓄᑦ ᐊᑕᓐᓂᐅᕕᐅᖃᑦᑕᓚᖓᔪᖅ ᐱᑦᔪᑎᒋᑦᓱᒍ 172-ᖑᒍᑎᒋᓕᕐᑕᖓᓂᒃ ᑲᑎᒪᓂᖃᕐᓱᑕ;
• ᖃᐅᔨᑎᑕᐅᓚᐅᔪᒍᑦ ᖃᓄᐃᓕᖓᓕᕋᓗᐊᕐᒪᖔᑕ ᑕᕐᖁᑎᒃᑯᑦ ᐱᓇᓱᐊᕐᓂᖏᑦ ᐊᒻᒪᓗ ᐃᓐᓇᕕᒃ ᐃᑯᒪᓕᐅᕐᓂᒧᑦ ᐱᓇᓱᐊᕐᓂᖏᖅ;
• ᐊᑐᐊᒐᓕᐊᒍᓯᒪᔪᑦ Green Corner-ᑯᓄᑦ 129-ᖑᒍᑎᒋᓕᕐᑕᖓᓂᒃ ᐊᑐᐊᒐᓕᐊᕕᓃᑦ ᑕᕐᕋᓕᒃᑯᓄᑦ ᑐᖕᖓᕕᒋᑦᓱᒍ ᓄᓇᖃᖄᓯᒪᔪᐃᑦ ᓄᓇᓕᖏᓐᓂ ᑐᖕᖓᕕᖃᕐᓱᑎᒃ ᓯᓚᐅᑉ ᐊᓯᑦᔨᕙᓪᓕᐊᓂᖓᓂᒃ ᐃᑉᐱᒍᓱᒐᓱᐊᕐᓂᓄᑦ ᐱᓇᓱᐊᕈᑏᑦ ᐱᑦᔪᑎᒋᑦᓱᒋᑦ ᕿᒥᕐᕈᔭᐅᓚᐅᔪᑦ.
• ᐃᑉᐱᒋᔭᖃᕐᓂᖅ ᑯᐯᒃ ᑲᕙᒪᖓᑕ 2030-ᒧᑦ ᐸᕐᓇᓯᒪᐅᑎ ᓄᓇᕐᔪᐊᒥᒃ ᓱᕃᑦᑌᓕᒐᓱᐊᕐᓂᒧᑦ ᑮᓇᐅᔭᕐᑐᓗᐊᕐᑌᓕᓂᖅ ᐱᑦᔪᑎᒋᑦᓱᒍ ᐊᒻᒪᓗ ᖃᓄᕐᑑᓗᑯᐊᐱᒍᑎᐅᒐᔭᕐᑐᐃᑦ ᓄᓇᕕᒻᒥ.
• ᐃᑉᐱᒋᔭᖃᕐᓂᖅ ᐱᕙᓪᓕᐊᑎᑦᓯᒐᓱᐊᕐᓂᖓᓂᒃ ᑯᐯᒃᑯᑦ 2020-2030-ᒧᑦ ᐸᕐᓇᓯᒪᐅᑎ ᐃᑯᒪᓕᐅᕐᓂᒧᑦ ᐃᓕᖓᔪᐃᑦ ᐊᒻᒪᓗ ᓯᓚᐅᑉ ᐊᓯᑦᔨᕙᓪᓕᐊᓂᖓᓄᑦ ᖃᐅᔨᒋᐊᕐᕕᐅᒋᐊᖃᕐᓂᖏᑦ ᓄᓇᓕᓕᒫᑦ ᓯᕗᓕᕐᑎᖏᑦ ᑰᑦᔪᐊᒥ ᕕᐳᐊᕆ 2020-ᒥᓂᑌᑦ ᕿᒥᕐᕈᔭᐅᓚᐅᔪᑦ.
• ᓄᐃᑦᓯᓂᖅ ᑐᓂᔭᐅᓚᐅᔪᖅ KEAC-ᑯᑦ 161-ᒍᑎᖓ ᑲᑎᒪᓂᖓ ᑰᑦᔪᐊᕌᐱᒻᒥ Hydro-Québec-ᑯᓄᑦ ᓴᓗᒪᔪᑎᒍᑦ ᐃᑯᒪᓕᐅᕐᓂᒥᒃ ᐊᑐᓕᕐᑎᓯᓂᖅ ᑯᐯ ᑕᕐᕋᖓᓂ.
• ᐃᓚᐅᓂᖓ ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓᓂᑦ ᑲᑎᒪᓂᖅ ᑰᑦᔪᐊᒥ ᓅᕕᒻᒥᐱᕆ 2019-ᒥ;

ᑕᑯᒋᐊᕈᓐᓇᑕᑎᑦ ᑐᓴᕐᑎᓯᐅᑎᓕᐊᖑᓯᒪᔪᑦ ᑕᒪᑐᒧᖓᓕᖓᔪᓄᑦ ᐅᕙᓂ: https://keac-ccek.org/en/briefs-and-position-papers/