NILCA: ᓄᓇᐅᑉ ᐊᑐᕐᓂᖓᓄᑦ ᓇᓗᓀᕐᑎᓯᓂᖅ ᐊᒻᒪᓗ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᖅ

ᓄᓇᕕᒻᒥᐅᑦ ᓄᓇᒥ ᑎᒍᒥᐊᕐᓂᒧᑦ ᐊᖏᕈᑎᖓ (Nunavik Inuit Land Claims Agreement) ᓄᐃᑕᐅᓯᒪᔪᖅ 2006 ᑲᓇᑕᐅᑉ ᑲᕙᒪᖓᓄᑦ ᓄᓇᕗᒻᒧᓗ ᒪᑭᕝᕕᑯᓄᓪᓗ, ᐊᒻᒪᓗ ᐊᑐᓕᕐᑎᓯᒪᑦᓱᓂ 2008-ᒥ. ᓄᓇᓕᕆᓂᕐᒥᒃ ᐱᑦᔪᑎᖃᕐᓱᑎᒃ ᐊᒻᒪᓗ ᐱᕕᑦᓴᑖᕐᕕᐅᒍᓐᓇᑕᖏᓐᓂᑦ ᓄᓇᕕᐅᑉ ᑕᕆᐊᖓᓂ (Nunavik Marine Region), ᔦᒥᔅ ᐯ ᐃᓚᖓᓗ, ᑕᓯᐅᔭᕐᔪᐊᖅ ᐃᓚᐅᑎᓗᒍ, ᑎᑭᕌᓗᕐᔪᐊᖅ ᐃᓚᐅᑎᓗᒍ, ᐅᖓᕙᓪᓗ ᐊᒻᒪᓗ ᓛᐸᑐᐊ ᑕᕐᕋᖓ. ᐊᑐᐊᕋᕐᓴᖅ 6-ᓕᒃ ᐊᒻᒪᓗ 7-ᓕᒃ NILCA-ᒥ ᐅᖃᕐᑐᖅ ᓄᓇᐅᑉ ᐊᑐᕐᑕᐅᓂᖓ ᐊᒻᒪᓗ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᖅ ᒪᓕᒐᖃᕐᓂᐊᑐᑦ ᓄᓇᕕᐅᑉ ᑕᕆᐅᖏᓐᓂᑦ, ᑌᔭᐅᒍᓯᖃᕐᓂᐊᓗᓂ Nunavik Marine Region-ᒥᒃ ᓄᓇᕕᐅᑉ ᐃᒪᕐᐱᖁᑎᖓ.

ᓄᓇᕕᐅᑉ ᑕᕆᐊᖓᓂ ᓄᓇᖕᖑᐊᖓ.

ᓄᓇᐅᑉ ᐊᑐᕐᓂᖓᓄᑦ ᓇᓗᓀᕐᑎᓯᓂᖅ

ᓄᓇᐅᑉ ᐊᑐᕐᓂᖓᓄᑦ ᓇᓗᓀᕐᑎᓯᓂᖅ ᑐᕌᒐᕆᓗᐊᖕᖑᐊᑕᖓ ᓄᓇᐅᑉ ᐊᑐᕐᓂᖓᓄᑦ ᓇᓗᓀᕐᓯᓂᖅ ᓄᓇᕕᐅᑉ ᑕᕆᐅᖓᓂᒃ, ᐊᐅᓚᑕᐅᓂᖃᕐᓱᓂ ᐊᑐᐊᕋᑦᓴᒥᒃ 6-ᓕᒃ NILCA-ᒥ, ᓴᐳᑦᔨᓯᒪᒋᐊᒥᒃ ᐊᒻᒪᓗ ᓄᐃᑦᑕᑎᑦᓯᒋᐊᒥᒃ ᐅᓪᓗᒥᐅᔪᖅ ᐊᒻᒪᓗ ᓯᕗᓂᑦᓴᒥᒃ ᐃᓄᓐᓂᒃ ᓄᓇᓕᓐᓂᓗ ᐃᓗᓯᕐᓱᓯᐊᖁᓪᓗᒋᑦ ᐃᓗᓯᒃᑯᑦ ᐅᕝᕙᓘᓐᓃᑦ ᓄᓇᕕᐅᑉ ᑕᕆᐅᖓᓂ, ᑲᓇᑕᒥᐅᓪᓗ ᑲᒪᑦᓯᐊᖁᓪᓗᒋᑦ ᓴᐳᑦᔩᒋᑦᓯᐊᓗᑎᒃ ᐊᒻᒪᓗ ᑲᒪᑦᓯᐊᓗᑎᒃ ᐅᓪᓗᒥᐅᔪᒥ ᐊᒻᒪᓗ ᓯᕗᓂᑦᓴᒥ ᓄᓇᕕᒻᒥᐅᓄᑦ ᐊᒻᒪᓗ ᓄᓇᕕᒻᒥᐅᑦ ᓄᓇᖓᓄᑦ. ᐱᔭᑦᓴᖅ ᐸᕐᓀᒍᑎᐅᓗᓂ ᐊᑐᐃᓐᓇᐅᑎᓯᓂᕐᒧᑦ ᐊᒻᒪᓗ ᐊᑐᓕᕐᑎᓯᓂᕐᒧᑦ ᓄᓇᐅᑉ ᐊᑐᕐᓂᖓᓂ ᐱᕙᓪᓖᒍᑎᐅᓗᓂ ᐊᒻᒪᓗ ᐱᕕᕐᓴᑖᕐᕕᐅᒍᓐᓇᑐᓂᒃ ᐱᕙᓪᓕᐊᒍᑎᖓᓂᓪᓗ ᓄᓇᕕᐅᑉ ᑕᕆᐅᖏᓐᓂᑦ. ᓄᓇᕕᐅᑉ ᑕᕆᐅᖏᓐᓂᑦ ᐸᕐᓀᒍᑎᓄᑦ ᑲᑎᒪᔩᑦ ᑲᒪᔨᐅᓂᐊᕐᓗᑎᒃ ᐊᐅᓚᕙᓪᓕᐊᓂᖓᓂ ᐊᑐᓕᕐᑎᓯᓂᖏᓐᓂᓗ ᓄᓇᐅᑉ ᐊᑐᕐᓂᖏᓐᓄᑦ.

ᓄᓇᐅᑉ ᐊᑐᕐᓂᖓᓂ ᐸᕐᓀᓂᖅ ᓄᓇᕕᐅᑉ ᑕᕆᐊᖏᓐᓂᑦ ᐱᓇᓱᖃᑎᖃᕐᓂᐊᑐᑦ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᓄᑦ ᓄᐃᑕᐅᒪᔪᖅ ᐊᑐᐊᕋᑦᓴᒥᒃ 7-ᓕᒃ NILCA-ᒥ. ᑌᒣᒻᒪᑦ, ᐱᔭᑦᓴᓂᒃ ᐱᕙᓪᓕᐊᑎᑦᓯᓂᖅ ᖃᐅᔨᓴᕐᑕᐅᖄᕆᐊᓕᒃ ᓄᓇᕕᐅᑉ ᑕᕆᐅᖏᓐᓂᑦ ᑲᑎᒪᔨᖏᓐᓄᑦ ᓈᒻᒪᓯᐊᕐᒪᖔᑦᑕ ᓄᓇᐅᑉ ᐊᑐᕐᓂᖓᓄᑦ ᑐᓂᔭᐅᓚᐅᕐᑎᓇᒋᑦ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᓄᑦ ᑲᒪᒋᔭᐅᓚᐅᕐᑎᓇᒋᑦ.

ᓱᕐᕋᑕᐅᒪᔪᓂᒃ ᖃᐅᔨᓴᕐᓂᖅ

ᓱᕐᕋᑕᐅᒪᔪᓂᒃ ᖃᐅᔨᓴᕐᓂᖅ ᓄᐃᑕᐅᓯᒪᔪᖅ ᐊᑐᐊᕋᑦᓴᒥᒃ 7-ᓕᒃ NILCA-ᒥ ᐱᑦᓯᐊᕆᐊᖃᕐᓂᒧᑦ ᓄᓇᕕᐅᑉ ᑕᕆᐅᖏᓐᓂᑦ ᓱᕐᕋᑕᐅᓂᖃᕐᐸᑦ ᕿᒥᕐᕈᓂᕐᒧᑦ ᑲᑎᒪᔨᖏᓐᓄᑦ. ᐊᑑᑎᓂᒻᒪᕆᖓ ᕿᒥᕐᕈᓂᕐᒧᑦ ᑲᑎᒪᔨᖏᓐᓄᑦ ᐱᔭᑦᓴᓂᒃ ᕿᒥᕐᕈᕙᓪᓗᑎᒃ ᓈᒻᒪᒋᔭᐅᒻᒪᖔᑦᑕ ᐊᒻᒪᓗ ᑐᑭᑖᕆᓗᑎᒃ ᖃᐅᔨᓴᕐᑕᐅᓂᐊᓕᕐᒪᖔᑦᑕ ᓱᕐᕋᑕᐅᒪᔪᓂᒃ ᖃᐅᔨᓴᕐᑎᓄᑦ ᒪᓕᒋᐊᖃᓂᐊᕐᑐᒥᒃ ᐊᑐᐊᕋᕐᓴᒥ 7-ᓕᒥᒃ, ᖃᐅᔨᓴᓕᕈᑎᒃ ᕿᒥᕐᕈᓕᕈᑎᓗ ᐆᒪᔪᖃᒍᓐᓇᕕᓐᓂᒃ ᐊᒻᒪᓗ ᐃᓄᓐᓂᒃ ᐊᑦᑐᐃᒍᓐᓇᐸᑕᑦ ᑐᑦᓯᕋᐅᑎᓕᐅᕆᐊᖃᕐᓂᐊᑐᑦ, ᑐᑭᑖᕆᓗᑎᒃ ᐱᔭᑦᓴᒥ ᑐᑦᓯᕋᐅᑎᒃ ᑲᔪᓯᕐᑕᐅᓂᐊᕐᒪᖔᑦ ᐊᒻᒪᓗ ᒪᓕᒐᑦᓴᖃᕆᐊᖃᕐᓂᐊᒪᖔᑦ, ᐊᒻᒪᓗ ᐱᔭᑦᓴᓂᒃ ᐃᑉᐱᒍᓱᓂᖏᓐᓂᑦ ᒪᓕᑦᑐᓂᒃ ᐊᑐᐊᕋᑦᓴᒥᒃ 7-ᓕᒥᒃ. ᓄᓇᕕᐅᑉ ᑕᕆᐅᖏᓐᓂᑦ ᓱᕐᕋᑕᐅᓂᖏᓐᓂᑦ ᕿᒥᕐᕈᓂᕐᒧᑦ ᑲᑎᒪᔨᖏᑦ ᑐᓂᔨᓂᐊᕐᓗᑎᒃ ᒪᓕᒐᑦᓴᓕᐊᕐᓂᒃ ᑲᓇᑕᐅᑉ ᒥᓂᔅᑕᒃᑯᖏᓐᓄᑦ, ᑲᒪᔨᐅᒻᒪᑕ ᐊᖏᕈᑎᒥᒃ. ᑕᓪᓕᒪᓂᒃ ᐱᓇᓱᑦᑎᓖᑦ: ᐱᖓᓱᑦ ᑲᓇᑕᐅᑉ ᑲᕙᒪᖓᓂ (ᓂᕈᐊᕐᑕᐅᓯᒪᔪᑦ ᒪᑭᕝᕕᑯᓐᓄᑦ), ᐊᑕᐅᓯᖅ ᓄᓇᕗᑦ ᑲᕙᒪᖓᓂ, ᐊᒻᒪᓗ ᐊᖓᔪᕐᖃᒪᕆᒃ ᑎᓕᔭᐅᓯᒪᔪᖅ ᑲᓇᑕᐅᑉ ᑲᕙᒪᖓᓄᑦ ᑐᓴᐅᒪᐅᑎᒌᕋᒥᒃ ᓄᓇᕗᑦ ᑲᕙᒪᖓᓂ. ᓂᕈᐊᕐᑕᐅᔪᖅ ᐊᒻᒪᓗ ᑎᓕᔭᐅᓯᒪᔪᖅ ᐊᖓᔪᕐᖄᒪᕆᒃ, ᓄᓇᕕᒻᒥᐅᓄᑦ ᐱᐅᒋᓂᕐᐹᖓ ᓂᕈᐊᕐᑕᐅᓲᒍᒻᒥᔪᑦ.

ᑐᕌᒐᕆᓗᐊᖕᖑᐊᑕᖓ ᓄᓇᕕᐅᑉ ᑕᕆᐅᖓᓂ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ ᑲᑎᒪᔨᖏᓐᓄᑦ ᑲᔪᓯᑎᑦᓯᓂᖅ ᐊᐅᓚᓂᕆᔭᒥᓂᒃ ᖃᖓᓕᒫᑦᓯᐊᑯᑦ ᓴᐳᑦᔩᓂᕐᒧᑦ ᐊᒻᒪᓗ ᓄᐃᑦᓯᓂᕐᒧᑦ ᐅᓪᓗᒥᐅᔪᖅ ᐊᒻᒪᓗ ᓯᕗᓂᑦᓴᒥᒃ ᖃᓄᐃᖕᖏᑦᓯᐊᖁᓪᓗᒋᑦ ᐃᓄᐃᑦ ᓄᓇᓕᓐᓂᒃ ᐅᕝᕙᓘᓐᓃᑦ ᐊᑐᕐᓂᖓ ᓄᓇᕕᐅᑉ ᑕᕆᐅᖏᑦᑕ, ᐊᒻᒪᓗ ᓴᐳᑦᔩᓂᖅ ᐆᒪᒍᓐᓇᑐᓕᒫᓂᒃ ᓄᓇᕕᐅᑉ ᑕᕆᐅᖓᓂ.

ᐱᔭᑦᓴᐅᑉ ᐊᖏᕈᑎᖓ ᑐᓂᔭᐅᓗᑎᒃ ᓄᓇᕕᐅᑉ ᑕᕆᐅᖓᓂ ᓱᕐᕋᑕᐅᒪᔪᓂᒃ ᕿᒥᕐᕈᓂᕐᒧᑦ ᑲᑎᒪᔨᖏᓐᓄᑦ. ᐃᓗᓕᖃᕐᓗᑎᒃ ᒪᓕᒐᑦᓴᓂᒃ ᒪᓕᑦᑕᐅᒋᐊᖃᕐᓂᐊᑐᓂᒃ ᐱᔭᑦᓴᐅᑉ ᑐᑭᑖᕐᓯᒪᔭᖏᓐᓂᑦ ᐊᒻᒪᓗ, ᕆᐊᖃᕐᐸᑦ, ᓇᓗᓀᒃᑯᑕᖃᕐᓗᑎᒃ ᐃᑉᐱᒍᓱᓐᓂᒥᒃ ᐃᓕᔭᐅᒋᐊᖃᓚᖓᔪᓂᒃ.

ᐃᓄᓕᒫᑦ ᐃᓚᐅᓂᖓ
ᓄᓇᕕᐅᑉ ᑕᕆᐅᖓᑕ ᓱᕐᕋᑕᐅᓂᖏᓐᓂᑦ ᖃᐅᔨᓴᕐᓂᒧᑦ ᑲᑎᒪᔩᑦ ᑐᑦᓯᕋᒍᓐᓇᑐᑦ ᓄᓇᓖᑦ ᐃᓱᒫᓗᒍᑎᖏᓐᓂᑦ ᐊᒻᒪᓗ ᐊᕙᑎᖏᓐᓂᑦ ᑎᒥᐅᔪᓄᑦ, ᒪᑯᓄᖓ ᓄᓇᕕᐅᑉ ᑕᕆᐅᖓᓂᑦ ᐆᒪᔪᖏᓐᓂᑦ ᖃᐅᔨᓴᕐᑎᖏᓐᓄᑦ ᐊᒻᒪᓗ ᓄᓇᕕᐅᑉ ᑕᕆᐅᖓᓂ ᐊᑐᐃᓐᓇᕈᕐᑎᕆᔩᑦ ᑲᑎᒪᔨᖏᓐᓄᑦ ᐃᓄᓐᓂᒃ ᑲᑎᓯᓕᕐᒪᑕ.