ᑲᕙᒪᑐᖃᒃᑯᑦ ᖃᓄᐃᓘᕈᓯᖏᑦ ᑐᖕᖓᕕᖃᕐᓱᑎᑦ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂᒃ

ᐊ-ᖃᓄᐃᓕᖓᓯᒪᓂᖓᓂᒃ ᑐᑭᓯᑎᑦᓯᒍᑎᒃ

ᐱᓇᓱᐊᕋᑦᓭᑦ ᑲᕙᒪᑐᖃᒃᑯᑦ ᐊᐅᓚᑦᓯᕕᖓᓂᑦ ᐱᑦᔪᑎᖓ ᐊᕙᑎᑦᑎᓃᑦᑐᑦ ᐊᒻᒪᓗ ᐃᓅᖃᑎᒌᑎᒍᑦ ᓱᕐᕃᓯᒪᓂᖓ ᖃᐅᔨᒍᑏᑦ ᕿᒥᕐᕈᔭᐅᓯᒪᔪᑦ ᐱᐅᓯᑦᓴᓕᐊᕆᔭᐅᓯᒪᔪᑦ ᐃᓂᒋᔭᖓᓂ 23 ᔦᓯᓯ ᐯ ᐊᖏᖃᑎᒌᓐᓂᖓᒍᑦ, ᐊᖓᔪᕐᖄᕆᔭᐅᔪᖅ ᑲᓇᑕᒥ ᐊᕙᑎᓕᕆᓕᕐᒧᑦ ᖃᐅᔨᒋᐊᕐᕕᖓ, ᐱᒍᓐᓇᕕᒥᒍᑦ ᑲᕙᑐᖃᒃᑯᑦ ᐊᐅᓚᑦᓯᔨᐅᓂᒃᑯᑦ, ᐱᒍᓐᓇᕕᖃᕐᑎᓯᑦᓱᓂᓗ. ᓄᓇᕕᒻᒥ, ᒪᕐᕉᒃ ᑎᒥᐅᔫᒃ ᓴᐳᒻᒥᕘᒃ ᑲᓇᑕᒥ ᐊᕙᑎᓕᕆᓂᕐᒧᑦ ᖃᐅᔨᒋᐊᕐᕕᖓᓂ ᓄᐃᑦᓯᖁᑦᓱᒍ ᐊᕙᑎᑦᑎᓃᑦᑐᑦ ᖃᐅᔨᒍᑎᖏᓐᓂᑦ, ᖃᐅᔨᓴᕐᓂᓕᕆᓂᒃᑯᑦ ᑲᑎᒪᔨᐊᐱᖏᑦ ᐊᕙᑎᓕᕆᔩᓪᓗ ᐊᒻᒪᓗ ᐃᓅᖃᑎᒌᑎᒍᑦ ᓱᕐᕃᓯᒪᓂᖓᑕ ᕿᒥᕐᕈᔭᐅᒍᑎᖓ.

ᖃᐅᔨᓴᕐᓂᓕᕆᔨᒃᑯᑦ ᑲᑎᒪᔨᐊᐱᖏᑦ ᑲᒪᒋᔭᖃᓲᖑᕗᑦ ᐱᓇᓱᐊᕋᑦᓭᑦ ᓄᐃᑕᕈᓐᓀᒪᖔᑦᑕ ᐃᓂᓪᓚᑕᐅᒪᔪᓂ 1-ᒥᓗ 2-ᒥᓗ ᐃᓂᒋᔭᖓᓂ 23-ᒥ ᔦᒥᓯ ᐯ ᐊᖏᖃᑎᒌᓐᓂᖓᑎᒍᑦ ᐊᒻᒪᓗ ᐃᓱᒪᒋᔭᐅᑦᓱᑎᑦ ᓯᓇᕐᓇᐅᑉ ᐃᓂᖓᓃᓐᓂᖏᑦ ᐱᑦᔪᑎᑦᓴᖓ ᐅᕝᕙᓘᓐᓃᑦ ᓄᐃᑎᑕᕕᓂᐅᓐᓂᖓ ᐱᐅᓯᑦᓴᓕᐊᕆᔭᐅᓯᒪᔪᓂᑦ. ᖃᐅᔨᓴᕐᓂᓕᕆᔨᒃᑯᑦ ᑲᑎᒪᔨᐊᐱᖏᑦ ᓯᑕᒪᓂᑦ ᐃᓚᐅᔫᔪᖃᕐᖁᖅ: ᒪᕐᕉᒃ ᑎᓕᔭᐅᒪᔫᒃ ᑲᓇᑕᐅᑉ ᑲᕙᒪᖓᓄᑦ ᒪᕐᕉᒃ ᑎᓕᔭᐅᒪᑦᓱᑎᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ. ᓱᕐᖁᐃᓯᑦᓯᐊᕋᓱᐊᕐᓃᑦ ᐱᓇᓱᐊᕋᑦᓴᐅᔪᓂᑦ, ᖃᐅᔨᓴᕐᓂᓕᕆᔨᒃᑯᑦ ᑲᑎᒪᔨᖏᑦ ᑐᓂᔨᓯᒪᕗᑦ ᐅᓐᓂᑑᑎᓂᑦ ᑲᕙᒪᑐᖃᒃᑯᑦ ᐊᐅᓚᑦᓯᔨᖏᓐᓄᑦ ᑐᑭᑖᕐᑎᓯᔨᐅᑦᓱᑎᓗ ᐃᓘᓐᓈᒍᑦ.

ᖃᐅᔨᓴᕐᓂᓕᕆᓂᒃᑯᑦ ᑲᑎᒪᔨᐊᐱᖏᑦ ᐊᕙᑎᓕᕆᔩᓪᓗ ᐊᒻᒪᓗ ᐃᓅᖃᑎᒌᑎᒍᑦ ᓱᕐᕃᓯᒪᓂᖓᑕ ᕿᒥᕐᕈᔭᐅᒍᑎᖓ ᑲᒪᒋᔭᖃᕐᑐᖅ ᕿᒥᕐᕈᓂᕐᒥᒃ ᐱᓇᓱᐊᕋᑦᓴᐅᔪᓂᑦ ᑲᕙᒪᑐᖃᒃᑯᑦ ᐊᐅᓚᑦᓯᕕᖓᑎᒍᑦ ᐱᐅᓯᑦᓴᓕᐊᕆᔭᐅᓯᒪᓂᖓᑎᒍᑦ. ᑖᓐᓇ ᑎᒥᐅᔪᖅ ᑕᓪᓕᒪᓂᑦ ᐃᓚᐅᔪᖃᕐᖁᖅ: ᐱᖓᓱᐃᑦ ᑲᓇᑕᐅᑉ ᑲᕙᒪᖓᓄᑦ ᑎᓕᔭᐅᓯᒪᔪᑦ ᒪᕐᕉᒃ ᑎᓕᔭᐅᒪᑎᓪᓗᒋᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ. ᑐᑭᒧᐊᕐᑎᓯᔨ ᑎᓕᔭᐅᒪᑎᓪᓗᒍ ᑲᓇᑕᐅᑉ ᑲᕙᒪᖓᓄᑦ. ᓱᕐᖁᐃᑕᐅᒐᓱᐊᕐᓃᑦ ᒪᓕᑦᓱᒋᑦ, ᐊᕙᑎᓕᕆᔩᓪᓗ ᐊᒻᒪᓗ ᐃᓅᖃᑎᒌᑎᒍᑦ ᓱᕐᕃᓯᒪᓂᖓᑕ ᕿᒥᕐᕈᔭᐅᒍᑎᖓ ᓄᐃᑦᓯᕗᑦ ᑲᓇᑕᒥ ᐊᕙᑎᓕᕆᓂᕐᒧᑦ ᖃᐅᔨᒋᐊᕐᕕᖓᓂᑦ ᐅᓐᓂᑑᑎᓂᑦ ᐱᓇᓱᐊᕋᑦᓭᑦ ᐊᖏᕐᑕᐅᔪᑦᓴᐅᒪᖔᑕ ᒪᓕᒐᕐᑖᔪᑦᓴᐅᒪᖔᑕ ᔪᑦᓴᐅᖏᒻᒪᖔᑕᓗ. ᑭᒡᒐᓕᕋᕐᕕᒃ ᑐᑭᑖᑎᓯᔪᑦᓴᑑᕗᖅ ᑐᓂᓯᓂᕐᒥᒃ ᐱᓇᓱᐊᕋᑦᓴᐅᔪᑦᓴᓂᒃ ᐃᑲᔪᕐᑑᑎᓂᑦ.

ᖃᐅᔨᒋᐊᕐᕕᓴᖅ

ᒪᓕᒉᑦ ᑲᕙᒪᑐᖃᒃᑯᑦ ᐱᐅᓯᑦᓴᓕᐊᕆᓯᒪᔭᖏᑦ ᔦᓯᒥ ᐯ ᐊᖏᖃᑎᒌᓐᓂᕕᓂᖓᑕ ᐃᓂᖓᓂ 23 (ᐱᓇᓱᐊᕋᑦᓴᐅᔪᐃᑦ ᐱᑦᔪᑎᖏᑦ ᕿᒥᕐᕈᔭᐅᒍᓐᓇᑐᑦ)

ᒪᓕᒉᑦ ᑲᕙᒪᑐᖃᒃᑯᑦ ᐱᐅᓯᑦᓴᓕᐊᕆᓯᒪᔭᖏᑦ ᔦᒥᓯ ᐯ ᐊᖏᖃᑎᒌᓐᓂᕕᓂᖓᑕ ᐃᓂᖓᓂ 23(’ᓯᓇᕐᓇᐅᑉ ᐃᓂᖓ’ ᐱᓇᓱᐊᕋᑦᓴᐃᑦ)

ᐊᐅᓚᑦᓯᔩᑦ ᒪᓕᒐᖏᑦ ᐊᕙᑎᓕᕆᔩᓪᓗ ᐊᒻᒪᓗ ᐃᓅᖃᑎᒌᑎᒍᑦ ᓱᕐᕃᓯᒪᓂᖓᑕ ᕿᒥᕐᕈᔭᐅᒍᑎᖓᑕ ᓱᓂᕕᓂᖏᑦ

ᑐᑦᓯᕋᐅᑏᑦ ᐱᓇᓱᐊᕋᑦᓴᓄᑦ ᑲᕙᒪᑐᖃᒃᑯᑦ ᐊᐅᓚᑦᓯᕕᖓᑎᒍᑦ ᐱᑦᔪᑎᖓ ᔦᒥᓯ ᐯ ᐊᖏᖃᑎᒌᓐᓂᕕᓂᖓᑕ ᐃᓂᖓᓂ 23(ᐱᓇᓱᐊᕋᑦᓭᑦ ᐊᑑᑎᔭᐅᔪᑦ ᐱᔭᕇᕐᑕᐅᓯᒪᔪᐃᓪᓗ)


ᑐᑭᓯᒋᐊᕐᕕᓭᑦ:

ᐊᕙᑎᓕᕆᔩᓪᓗ ᐊᒻᒪᓗ ᐃᓅᖃᑎᒌᑎᒍᑦ ᓱᕐᕃᓯᒪᓂᖓᑕ ᕿᒥᕐᕈᔭᐅᒐᑎᖓᑕ ᓱᓂᕕᓂᖏᑦ
Address: 1550 D’Estimauville Ave, Quebec City QC G1J 0C1
ᐅᖄᓚᐅᑎᖓ: 418-648-7831
ᓱᑲᑦᑐᑰᒍᑎᖓ: 418-649-6443
ᖃᕆᑕᐅᔭᒃᑯᑦ: Kambale.Katahwa@ceaa-acee.gc.ca

ᑐᑭᓯᕆᐊᑦᓯᐊᕈᒪᒍᕕᑦ ᖃᐅᔨᒋᐊᕐᕕᖃᕈᓐᓇᐳᑎᑦ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔩᖓᑕ ᐊᓪᓚᕕᖓᓄᑦ ᐅᕗᖓ: keac-ccek@krg.ca

ᓄᓇᐅᑉ ᐊᕕᑦᑐᓯᒪᓂᖓᑕ ᐱᐅᓯᑦᓴᓕᐊᕆᔭᐅᓯᒪᔪᑦ ᔦᒥᓯ ᐯ ᐊᖏᖃᑎᒌᓐᓂᕕᓂᖓᓄᑦ