ᖃᓄᐃᓘᕈᓯ ᓄᓇᕕᒻᒥ ᐃᓄᐃᑦ ᓄᓇᖃᕐᓂᕃᒍᑎᖓᓂ ᐊᖏᖃᑎᒌᒍᑎᖓᓂ
ᐊ-ᖃᓄᐃᓕᖓᓯᒪᓂᖓᓂᒃ ᑐᑭᓯᑎᑦᓯᒍᑎᒃ
ᓄᓇᕕᒃ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖓ ᐊᑎᓕᐅᕈᑎᐅᓐᓂᖁᖅ 2006ᒥ ᑲᕙᒪᖏᓐᓄᑦ ᑲᓇᑕᐅᑉ ᐊᒻᒪᓗ ᓄᓇᕗᑦ ᐊᒻᒪᓗ ᒪᑭᕕᒃ ᑯᐊᕈᕆᓴᓐ. ᑲᔪᓯᓕᕐᑎᑕᐅᓐᓂᖁᖅ 2008ᒥ. ᓄᓇᕕᒃ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖓ ᐃᓗᓕᑕᓕᒃ ᐱᓗᐊᕐᑐᓂᑦ ᓄᓇᓂᑦ ᐱᑦᓴᓂᓗ ᓄᓇᕕᐅᑉ ᐃᒪᕐᐱᖁᑎᖓᓂ, ᐃᓚᐅᑎᓪᓗᒋᑦ ᐃᓚᖓ ᔭᐃᒻᔅ ᐸᐃ, ᐃᓚᖓ ᑕᓯᐅᔭᕐᔪᐊᒥ, ᐃᓚᖓ ᓄᕗᒻᒥ, ᐅᖓᕙᒥ ᐊᒻᒪᓗ ᑕᕐᕋᖓᓂ ᓛᐸᑐᐊᒥ.
ᐊᓪᓚᑕᐅᒪᔪᒥ 7ᒥ ᓄᓇᕕᒃ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᓂ ᓄᐃᑦᓯᕗᖅ ᐊᕙᑎᒥᒃ ᖃᐅᔨᓴᕐᓂᒧᓕᖓᔪᒥᒃ ᕿᒥᕐᕈᒍᓯᒍᓯᕐᓂᑦ ᐱᕙᓪᓕᐊᓂᕐᒧᑦ ᐱᓇᓱᐊᕐᑕᐅᒐᓱᑦᑐᓂᑦ ᐊᑐᐃᓐᓇᕈᕐᑎᑕᐅᔪᓂᑦ ᑕᒫᓂ ᓄᓇᖁᑎᖓᓂ. ᒪᕐᕉᒃ ᖃᓄᐃᓘᕈᓯᐅᒐᔭᕐᑎᓗᒋᑦ ᐃᓱᒪᒋᔭᐅᕘᒃ. ᖃᓄᐃᓕᖓᒍᒪᓂᕐᒥᑎᒍᑦ ᑲᕙᒪᑐᖃᐅᑉ ᐅᕝᕙᓗᓐᓃᑦ ᓄᓇᖁᑎᖓᓂ ᒥᓂᔅᑕᖓᑕ ᐱᔪᓐᓇᐅᑎᖃᕐᓂᒥᑎᒍᑦ ᑲᔪᓯᓕᕐᑎᓯᒍᓐᓇᑐᖅ ᐱᓇᓱᐊᕐᑕᐅᒐᓱᑦᑐᒥᒃ, ᐊᓪᓚᓯᒪᖕᖏᐸᑦ, ᖃᓄᐃᓘᕐᓂᐅᔪᑦ ᑲᔪᓯᑎᑕᐅᒍᓐᓇᖁᑦ ᓄᓇᕕᒻᒥ ᐃᒪᕐᐱᓕᕆᓂᕐᒥ ᓱᕐᕋᑕᐅᒍᑎᐅᒍᓐᓇᑐᐃᑦ ᕿᒥᕐᕈᔨᖏᑦᑕ ᑲᑎᖕᖓᔨᖏᓐᓄᑦ ᑐᖕᖓᕕᖃᕐᓱᑎᑦ ᐊᓪᓚᑕᐅᒪᔪᒥ 7.5ᒥ ᐅᕝᕙᓗᓐᓃᑦ ᑲᕙᒪᑐᖃᐅᑉ ᐊᕙᑎᒥᒃ ᖃᐅᔨᓴᕐᓂᒥᒃ ᑲᑎᖕᖓᔨᖏᑦ ᑐᖕᖓᕕᖃᕐᓱᑎᑦ ᐊᓪᓚᓯᒪᔪᓂ 7.6ᒥ.
ᖃᓄᐃᓘᕐᓂᓕᒫᖏᓐᓂᑦ, ᐃᓚᐅᔪᐃᑦ ᓄᓇᓖᑦ ᐅᕝᕙᓗᓐᓃᑦ ᓄᓇᓕᓐᓂ ᑎᒥᐅᔪᐃᑦ ᖃᐃᖁᔭᐅᕗᑦ ᐃᓱᒪᒋᔭᒥᓂᑦ ᐅᖃᐅᓯᑦᓴᒥᓂᑦ ᐅᖄᒋᐊᕐᑐᖁᔭᐅᑦᓱᑎᑦ ᐱᓇᓱᐊᕐᑕᐅᒐᓱᑦᑐᓄᓕᖓᔪᓂᑦ. ᐊᓪᓚᑕᐅᒪᔪᒥ 7.5ᒥ, ᕿᒥᕐᕈᔩᑦ ᑲᑎᖕᖓᔨᖏᑦ ᑲᒪᒋᔭᑦᓴᔭᖃᕐᖁᑦ ᕿᒥᕐᕈᓗᑎᑦ ᓄᓇᖁᑎᒧᓕᖓᔪᓂᑦ ᐊᒻᒪᓗ ᐃᓅᖃᑎᒌᑦᑐ ᓱᕐᕋᑕᐅᒍᑎᒋᒍᓐᓇᑕᖏᓐᓂᑦ ᐱᓇᓱᐊᕐᑕᐅᒐᓱᑦᑐᓄᑦ ᑐᓂᔭᐅᒪᔪᓄᑦ, ᑐᑭᑖᓂᐊᓕᕋᒥᑦ ᐱᓇᓱᐊᕐᑕᐅᒐᓱᑦᑐᐃᑦ ᑐᓂᔭᐅᒪᔪᑦ ᑲᔪᓯᔪᑦᓴᐅᒪᖔᑕ ᐊᒻᒪᓗ, ᔪᑦᓴᐅᐸᑕ, ᓱᓇᓂᑦ ᒪᓕᒐᑦᓴᖃᕐᑐᓴᐅᒻᒪᖔᑕ ᐊᒻᒪᓗ ᖃᓄᐃᓕᖓᔪᑦᓴᐅᒪᖔᑕ, ᐊᒻᒪᓗ ᑕᒐ ᐊᓪᓚᒍᑎᓕᐅᓂᐊᓕᕐᒪᑕ ᖃᓄᐃᓕᖓᖁᔨᒍᑎᒥᓂᑦ ᑲᒪᒋᔭᑦᓴᓕᒻᒧᑦ ᒥᓂᔅᑕᒧ. ᕿᒥᕐᕈᓂᕐᒥᒃ ᑲᑎᖕᖓᔨᖏᑦ ᑕᓪᓕᒪᐅᕗᑦ: ᐊᖓᔪᕐᖄᖓ, ᒪᕐᕉᒃ ᑲᑎᖕᖓᔩᒃ ᑭᒡᒐᑐᕐᑑᒃ ᒪᑭᕕᒃ ᑯᐊᐳᕆᓴᓐᒥᒃ, ᐊᑕᐅᓯᖅ ᑭᒡᒐᑐᕐᑐᖅ ᑲᕙᒪᖓᓂᒃ ᑲᓇᑕᐅᑉ ᐊᒻᒪᓗ ᐊᑕᐅᓯᖅ ᑭᒡᒐᑐᕐᑐᖅ ᑲᕙᒪᖓᓂᑦ ᓄᓇᕗᑦ.
ᕿᒥᕐᕈᔩᑦ ᑲᑎᖕᖓᔨᖏᑦ ᑎᒡᒍᐊᓯᒍᓐᓇᒥᔪᑦ ᐃᓇᖐᒪᒐᔭᕐᑐᓂᑦ ᐊᓪᓚᐃᑦ ᑯᕆ ᓄᓇᓕᓕᒫᖏᓐᓂᑦ ᑐᑭᑖᕆᔨᓂᑦ ᐱᓇᓱᐊᓕᕈᑎᑦ ᓄᓇᓂᑦ ᐊᑐᕐᑕᐅᓲᓂᑦ ᐊᒻᒪᓗ ᓄᓇᒋᔭᐅᔪᓂᑦ ᑕᒪᒋᓐᓄᑦ ᐆᑦᑑᑎᒋᓗᒍ ᕿᑭᕐᑕᐃᑦ ᐃᒪᐃᓪᓗ ᐊᑐᕐᑕᐅᒥᔪᑦ ᑯᕆᒃᑯᓄᑦ. ᐃᓗᐊᓂ ᐊᓪᓚᓯᒪᔪᒥ 7.6, ᖃᐅᔨᓴᕐᓂᒥᒃ ᑲᑎᖕᖓᔨᖏᑦ ᑲᒪᒋᔭᑦᓴᔭᖃᕐᖁᑦ ᕿᒥᕐᕈᓗᑎᑦ ᐊᕙᑎᒥᒃ ᐃᓅᖃᑎᒌᑦᑐᐃᓗ ᑮᓇᐅᔭᑎᒍᑦ ᐃᑲᔪᕐᓯᔭᐅᒍᑎᒋᒍᓐᓇᑕᖏᓐᓂᑦ, ᑐᑭᑖᕈᑎᖃᕐᓗᑎᑦ ᐱᓇᓱᐊᕐᑕᐅᒐᓱᑦᑐᐃᑦ ᑲᔪᓯᔪᑦᓴᐅᒪᖔᑕ ᐊᒻᒪᓗ, ᓚᖓᑉᐸᑕ ᓱᓇᓂᑦ ᒪᓕᒐᑦᓴᖃᕆᐊᖃᕐᖃᑦ ᖃᓄᐃᓘᕆᐊᖃᕐᖃᓗ, ᐊᒻᒪᓗ ᑐᓂᔨᓗᑎᑦ ᑐᑭᑖᕈᑎᒥᓂᑦ ᑲᒪᒋᔭᑦᓴᔭᓕᒻᒧᑦ ᒥᓂᔅᑕᒧᑦ. ᑕᓪᓕᒪᓂᑦ ᑲᑎᖕᖓᔨᓕᒃ ᑎᓕᔭᐅᒪᔪᓄᑦ ᒪᑭᕕᒃ ᑯᐊᐳᕆᓴᓐ ᑲᕙᒪᖓᓄᓪᓗ ᓄᓇᕗᑦ.
ᖃᐅᔨᒋᐊᕐᕕᕕᓃᑦ
- ᓄᓇᐃᑦ ᐊᒧᔭᐅᒪᔪᑦ ᒪᓕᒐᕐᒧᑦ ᓇᒻᒥᓂᕆᔭᐅᔪᐃᓪᓗ ᓄᓇᐃᑦ ᐃᒪᕐᐱᖁᑎᖏᓐᓂ
- ᓄᓇᕕᐅᑉ ᐃᒪᕐᐱᖁᑎᖏᑦ ᓄᓇᕕᒻᒥ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᖑᑎᖓᓂ
- ᐊᓪᓚᑕᐅᒪᒍᑎᒃ 7 ᓄᓇᕕᒻᒥ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᖑᑎᖓᓂ
- ᓱᕐᕃᒍᑎᐅᒍᓐᓇᑐᓂᑦ ᖃᐅᔨᓴᕐᓂᐅᑉ ᖃᓄᐃᓘᕈᓯᖏᑦ
ᑐᑭᓯᒋᐊᕐᕕᓴᖅ:
ᓄᓇᕕᒻᒥ ᐃᒪᕐᐱᓕᕆᓂᕐᒧᑦ ᓄᓇᖁᑎᖓᓂ ᓱᕐᕋᑕᐅᒍᑎᐅᒍᓐᓇᑐᓂᑦ ᕿᒥᕐᕈᔩᑦ ᑲᑎᒪᔨᖏᑦ
ᓯᓚᑎᖓ: P.O. Box 509, Kuujjuaq QC J0M 1C0
ᐅᖄᓚᐅᑎᖓ.: 819-964-0888
ᓱᑲᑦᑐᑯᕈᑎᒃ: 819-964-0241
ᖃᕆᑕᐅᔭᑎᒍᑦ ᓯᓚᑎᖓ: mnaseer@nmrirb.ca
ᖃᕆᑕᐅᔭᑎᒍᑦ ᓄᐃᑕᑎᑦᓯᕕᖓ: http://www.nmrirb.ca/
ᑕ) ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦᑕ ᖃᓄᐃᓕᖓᒐᓱᓐᓂᖏᑦ
ᑲᔪᓯᓕᕐᑎᑕᐅᓂᖓ ᓄᓇᕕᒻᒥ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᖑᑎᖓᓂᒃ ᐊᕙᑎᓕᕆᓂᕐᒧᑦ ᖃᐅᔨᓴᕈᓯᖏᑦ 2008ᒥᓂᑦ.
ᐊᕐᕌᒍᓂᑦ ᐊᒥᓱᒐᓚᐅᓕᕐᑐᓂᑦ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᖃᐅᔨᓴᕙᓪᓕᐅᒥᓯᒪᓕᕐᖁᑦ ᑖᑦᓱᒥᖓ ᖃᓄᐃᓘᕈᓯᐅᓲᒥᒃ ᓄᓇᕕᒻᒧᑭᓯᐊᓄᓕᖓᔪᒥᒃ. ᑲᑎᖕᖓᔩᑦ ᖃᐅᔨᒍᒪᓗᐊᖕᖑᐊᒥᔪᑦ ᐊᑦᔨᒌᖕᖏᓂᖏᓐᓂᑦ ᑖᓐᓇ ᖃᐅᔨᓴᕈᓯᖅ ᓄᐃᑕᐅᓚᐅᕐᑐᕕᓃᓪᓗ ᐊᕕᑦᑐᓯᒪᔪᒥ 23ᒥ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂᑎᒍᑦ. ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑎᑦ ᑲᑎᒪᔨᖏᑦ ᐃᓱᒫᓗᑎᖃᕐᖁᑦ ᐊᒥᓱᓗᐊᕐᓂᖏᓐᓂᑦ ᖃᐅᔨᓴᕈᓯᐅᔪᐃᑦ ᓄᓇᕕᒻᒨᓕᖓᔪᐃᑦ ᐊᑕᐅᓯᕐᒧᓕᖓᑦᓱᑎᑦ ᐱᓇᓱᐊᕐᓂᐅᒐᓱᑦᑐᒧᑦ (ᐆᑦᑑᑎᒋᓗᒍ ᓯᑕᒪᐅᒍᓐᓇᑐᑦ ᖃᐅᔨᓴᕈᓯᐅᒍᓐᓇᑐᑦ) .