ᖃᓄᐃᓘᕈᓰᑦ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂ

ᐊ-ᖃᓄᐃᓕᖓᓯᒪᓂᖓᓂᒃ ᑐᑭᓯᒍᑎᒃ

ᐊᕕᑦᑐᓯᒪᔪᒥ 23ᒥ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂ ᓄᐃᑦᓯᓯᒪᕗᖅ ᒪᕐᕉᓂᒃ ᐊᕙᑎᒧᑦ ᐃᓅᖃᑎᒌᑦᑐᐃᓗ ᓱᕐᕋᑕᐅᓂᖏᑦᑕ ᖃᐅᔨᓴᕈᓯᕐᒥᒃ ᐊᒻᒪᓗ ᕿᒥᕐᕈᒍᓯᓂᑦ ᖃᓄᐃᓘᕈᓯᐅᓱᓂᑦ ᐊᑑᑎᔭᐅᒍᓐᓇᑐᓂᑦ ᓄᓇᕕᒻᒧᑦ ᑭᓯᐊᓂ:

ᖃᓄᐃᑦᑐᒪᖔᑕᐱᓇᓱᐊᕐᑕᐅᒐᓱᑦᑐᑦ ᑲᔪᓯᐅᒐᑐᐃᓐᓇᑐᒥᒃ ᖃᐅᔨᓴᕐᑕᐅᓗᑐᕆᐊᓖᑦ ᐅᕝᕙᓗᓐᓃᑦ ᖃᐅᔨᓴᕐᑕᐅᓗᑯᐊᐱᒋᐊᖃᖕᖏᑐᑦ ᖃᓄᐃᓘᕈᓯᐅᔪᓂᑦ ᒪᓕᓪᓗᑎᑦ. ᐱᓇᓱᐊᕐᑕᐅᒐᓱᑦᑐᐃᑦ ᐊᕕᑦᑐᓯᒪᔪᓄᑦ ᐃᓚᐅᖕᖏᑐᐃᑦ ᐊᓪᓚᓯᒪᔪᓂ ᐊᕐᕿᓱᕐᑕᐅᓯᒪᔪᓂ ᐱᕕᑦᓴᖏᓐᓂᑦ ᐃᓱᒪᒋᔭᐅᕗᑦ ᓯᓇᕐᓇᒦᑦᑐᑎᑐᑦ ᐱᓇᓱᐊᕐᑕᐅᒐᓱᑦᑐᐃᑦ. ᐊᑐᓂ ᓯᓇᕐᓇᒦᑦᑐᐃᑦ ᐱᓇᓱᐊᕐᑕᐅᒐᓱᑦᑐᐃᑦ ᖃᐅᔨᓴᕐᑕᐅᓲᖑᕗᑦ ᐊᑐᓂᐅᓈᕐᑎᑐᐃᑦ ᖃᓄᐃᓕᖓᓂᖏᑦ ᐃᑉᐱᒋᑦᓱᒋᑦ ᖃᐅᔨᓴᕐᑕᐅᒋᐊᖃᕋᓗᐊᕐᒪᖔᑕ ᖃᐅᔨᓴᕐᑕᐅᒋᐊᑐᖕᖏᒪᖔᓪᓗᓃᑦ. ᐋᕐᕿᓱᕐᓯᒪᔪᖅ 3ᒥ ᐊᕕᑦᑐᓯᒪᔪᒥ 23ᒥ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂ ᓄᐃᑦᓯᕗᖅ ᐃᓗᓕᑕᖏᓐᓂᑦ ᐊᕙᑎᒥᒃ ᐃᓅᖃᑎᒌᑦᑐᐃᓗ ᓱᕐᕋᑕᐅᒍᑎᒋᒍᓐᓇᑕᖏᑦᑕ ᖃᐅᔨᓴᕐᑕᐅᓂᖓᓂᒃ.

ᐊᕕᑦᑐᓯᒪᔪᖅ 23ᒥ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂ ᓄᐃᑦᓯᕗᖅ ᑐᖕᖓᕕᐅᓂᐊᕐᑐᓂᑦ ᒪᓕᒐᑦᓴᓕᐊᖑᓯᒪᔪᓂᑦ ᐃᓱᒪᒋᔭᐅᒋᐊᓕᓐᓂᑦ ᐱᓇᓱᐊᕐᓂᐅᒐᓱᑦᑑᑉ ᐊᑐᐃᓐᓇᕈᕐᑎᑕᐅᓂᖓᓂ ᕿᒥᕐᕈᔭᐅᓂᖓᓂᓗ:

  • ᓴᐳᒻᒥᓂᖅ ᓄᓇᖃᕐᖄᓯᒪᔪᓂᑦ, ᐃᓅᖃᑎᒌᑦᑐᖁᑎᖏᓐᓂᑦ ᑮᓇᐅᔭᖁᑎᖏᓐᓄᓕᖓᔪᓂᓗ;
  • ᓱᕐᕋᑕᐅᓂᖏᑦ ᐃᑭᓕᐅᒥᑎᓗᒋᑦ ᓄᓇᖃᕐᖄᓯᒪᔪᑦ;
  • ᓴᐳᒻᒥᓂᖅ ᐆᒪᔪᕐᓂᐊᓂᕐᒥᒃ, ᐃᖃᓪᓕᐊᓂᕐᒥᒃ ᒥᑭᒋᐊᕐᓂᐊᓂᕐᒥᓗ ᐱᒍᓐᓇᐅᑎᖏᓐᓂᑦ;
  • ᐃᓚᐅᑎᓗᒋᑦ ᓄᓇᖃᕐᖄᓯᒪᔪᑦ ᓄᓇᓕᓕᒫᓂᓗ ᓄᓇᓯᒪᔪᑦ.

ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦᑕ ᖃᓄᐃᓕᖓᒐᓱᓐᓂᖏᑦ

ᕿᒥᕐᕈᕆᐊᓪᓚᓂᖅ ᐊᕕᑦᑐᓯᒪᔪᖅ 23ᒥᑦ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂ ᓯᕕᑐᓂᕆᓚᖓᓯᒪᔭᖏᓪᓗ

ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓ ᐱᕕᑦᓴᖃᕐᑎᓯᕗᖅ ᓈᒻᒪᓯᑦᑕᑐᓂᑦ ᓄᑕᐅᓯᓕᕈᓐᓇᓗᒋᑦ ᐋᕐᕿᑕᐅᓯᒪᔪᓂᑦ ᐊᕕᑦᑐᓯᒪᔪᑦ 23ᒦᑦᑐᓂᑦ. ᐅᓪᓗᒥᒧᑦ, ᕿᒥᕐᕈᒋᐊᓪᓚᓂᕐᒥᒃ ᐱᔭᕇᕐᑕᐅᔪᖃᓚᐅᕐᓯᒪᖏᓪᓚᖅ. 2009ᒥ, ᑲᑎᕕᒃ ᐊᕙᑎᓕᕐᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᑐᓂᔨᓐᓂᖁᑦ ᑯᐸᐃᒃᑯᑦ ᑲᕙᒪᑐᖃᒃᑯᓗ ᐊᐅᓚᑦᓯᔨᖏᓐᓄᑦ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂ ᐊᓪᓚᓯᒪᔪᒥᒃ ᖃᓄᐃᓕᖓᒐᓱᓐᓂᕆᔭᒥᓂᑦ ᓲᖑᓯᒋᐊᖁᓪᓗᒍ ᐊᕙᑎᓕᕆᓂᕐᒧᑦ ᐃᓅᖃᑎᒌᑦᑐᐃᓗ ᓱᕐᕋᑕᐅᒍᑎᖏᒍᓐᓇᑕᖏᑦᑕ ᑲᒪᒋᔭᐅᓂᖏᓐᓄᓕᖓᔪᑦ ᕿᒥᕐᕈᔭᐅᓂᖏᑦᑕᓗ ᖃᓄᐃᓘᕈᓯᖏᓐᓄᓕᖓᔪᑦ ᓄᓇᕕᒻᒥ. ᐊᓪᓚᓯᒪᔪᖅ ᐃᓗᓕᑕᓕᒃ ᐱᖓᓱᓗᐊᙳᐊᓂᑦ ᖃᓄᐃᓕᖓᒋᐊᕈᑎᐅᖁᔭᐅᔪᓂᑦ: ᓄᑕᐅᓯᓕᕐᓗᒋᑦ ᐃᓗᓕᖏᑦ ᐊᑐᐃᓐᓇᕈᕐᑎᑕᐅᓂᕕᓂᖓ 1 ᐊᒻᒪᓗ 2 ᐊᕕᑦᑐᓯᒪᔪᓂᑦ 23ᒥ; ᐋᕐᕿᒋᐊᕐᓗᒍ ᐊᕙᑎᓕᕆᓂᕐᒧᑦ ᐃᓅᖃᑎᒌᑦᑐᐃᓗ ᓱᕐᕋᑕᐅᒍᑎᒋᒍᓐᓇᑕᖏᓐᓂᑦ ᕿᒥᕐᕈᓂᐅᓱᖅ ᖃᐅᔨᓴᕐᓂᐅᓗ ᖃᓄᐃᓕᖓᓂᕆᓲᖏᓐᓂᑦ ᐊᒻᒪᓗ ᓄᑕᐅᓯᓕᕐᓗᒍ ᑭᓇᓕᒫᒃᑯᓄᑦ ᑐᓴᐅᒪᑎᑦᓯᒐᓱᒍᑎᐅᓱᖅ ᐱᓇᓱᐊᕐᓂᐅᔪᓂᒫᓂᓗ ᐃᓚᐅᓕᕐᑎᓗᒋᑦ; ᓄᐃᑦᓯᓗᑎᓗ ᖃᓄᐃᓕᖓᒍᑎᐅᒍᓐᓇᕋᔭᕐᑐᓂᑦ ᐊᕙᑎᐅᑉ ᖃᐅᔨᓴᕐᑕᐅᓂᖓᓄᓕᖓᔪᓂᑦ.

 

ᑐᕐᖃᑕᕐᕕᖓ ᐱᕙᓪᓕᐊᓂᕐᒧᑦ ᑖᕗᖓᐅᓕᒍᓐᓇᑐᓂᑦ ᓄᕐᖃᑎᑦᓯᒐᓱᓐᓂᑦ ᓯᓚᐅᓗ

ᐊᓯᑦᔨᐸᓪᓕᐊᓂᖓᓂᒃ ᐱᓇᓱᖃᑎᒌᑦᑐᐃᑦ ᑭᓇᓕᒫᒃᑯᓂᑦ ᐃᓚᐅᑎᑦᓯᒐᓱᓐᓂᖅ ᐃᓚᐅᓕᐅᒥᑎᑦᓯᓂᖅ ᑭᓇᓕᒫᒃᑯᓂᑦ, ᓄᐃᑕᑦᓯᐊᓂᖅ ᐊᒻᒪᓗ ᑐᑭᓯᒪᔭᐅᒋᐊᓕᓐᓂᑦ ᐊᑐᐃᓐᓇᐅᕕᖃᕐᓂᖅ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦᑕ ᓯᕗᓪᓕᐅᔭᐅᖁᕙᖏᑦ ᐃᓗᓕᖏᓐᓂᑐᐃᑦ 2009ᒥ ᖃᓄᐃᓕᖓᒐᓱᓐᓂᕕᓂᖏᓐᓂᑦ ᐊᓪᓚᓯᒪᔪᓂᑦ ᓲᖑᓰᒋᐊᕋᓱᓐᓂᑎᒍᑦ ᐊᕙᑎᒥᒃ ᐃᓅᖃᑎᒌᓂᓗ ᓱᕐᕋᑕᐅᓂᖏᓐᓂᑦ ᖃᐅᔨᓴᕐᓂᕕᓂᕐᓂᑦ ᐊᒻᒪᓗ ᕿᒥᕐᕈᓱᑎᑦ ᖃᓄᐃᓘᕈᓯᐅᓲᓂᑦ ᓄᓇᕕᒻᒥ. 2010ᒥ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎᖓᓂ ᑯᐯᒃᒥ ᐊᐅᓚᑦᓯᔨᖏᑦ ᓄᐃᑕᐅᓐᓂᖁᑦ ᐱᓇᓱᖃᑎᒌᑦᑐᓴᔭᐅᑦᓱᑎᑦ ᑭᒡᒐᑐᕐᑎᖃᕐᓱᑎᑦ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖓᓂᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ, ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑲᒥᓯᓇ ᐊᒻᒪᓗ ᑐᕐᖃᑕᕐᕕᖓ ᐱᕙᓪᓕᐊᓂᕐᒧᑦ ᑖᕗᖓᐅᓕᒍᓐᓇᑐᓂᑦ ᓄᕐᖃᑎᑦᓯᒐᓱᓐᓂᑦ ᓯᓚᐅᓗ ᐊᓯᑦᔨᐸᓪᓕᐊᓂᖓᓂᒃ. ᐱᓇᓱᖃᑎᒌᑦᑐᐃᑦ ᐅᖄᖃᑎᒌᖏᓐᓇᖁᑦ ᖃᓄᐃᓘᕈᓯᑦᓴᒥ ᓄᑕᐅᓯᓕᕆᓂᕐᒥᒃ ᑭᓇᓕᒫᒃᑯᓄᑦ ᑐᑭᓯᒪᔭᐅᒋᐊᓕᓐᓂᑦ ᐊᒻᒪᓗ ᐃᓄᓕᒫᕐᓯᓃᑦ ᖃᓄᐃᓕᖓᓂᑦᓴᖏᓐᓂᑦ.

2012ᒥ, ᐱᓇᓱᖃᑎᒌᑦᑐᐃᑦ ᐅᓐᓂᑑᑎᓕᐅᕐᓂᖁᑦ ᐅᑯᓂᖓ:

  • ᑲᔪᓯᓕᕐᑎᓯᓂᖅ ᑭᓇᓕᒫᒃᑯᑦ ᐊᓪᓚᓯᒪᒋᐊᖃᕐᓂᖏᓐᓂᑦ ᐱᓇᓱᐊᕐᑕᐅᔪᓂᑦ ᖃᓄᐃᓘᕈᓯᓕᐊᑦᓴᓄᑦ, ᐊᑐᐃᓐᓇᐅᔪᓄᑦ ᖃᕆᑕᐅᔭᑎᒍᑦ ᐊᒻᒪᓗ ᐃᓚᐅᑎᓪᓗᒋᑦ ᐊᓪᓚᓯᒪᔪᐃᑦ ᐱᓇᓱᐊᕐᑕᐅᔪᓄᓕᖓᔪᐃᑦ;
  • ᑐᑭᓯᒪᔭᐅᑎᑦᓯᓂᖅ ᑭᓇᓕᒫᒃᑯᓄᑦ;
  • ᐃᓚᐅᑎᑦᓯᓂᖅ ᑭᓇᓕᒫᒃᑯᓂᑦ;
  • ᐊᑐᐃᓐᓇᐅᑎᑦᓯᐊᓗᒋᑦ ᑐᑭᓯᓇᕐᑎᓯᒍᑏᑦ ᐊᓪᓚᑕᐅᒪᔪᑦ ᐃᓄᓕᒫᕐᓯᒌᕐᓯᒪᓕᕐᑎᓗᒋᑦ.

ᐊᓪᓕᖓᓂ ᐁᒍᑎᒃ ᖃᕆᑕᐅᔭᑎᒍᑦ ᐊᓪᓚᓯᒪᔪᖁᑎᖏᓐᓄᑦ ᓯᕗᓂᐊᒍᑦ ᒫᓐᓇᐅᑎᓪᓗᒍᓗ ᐱᕙᓪᓕᐊᓂᕐᒥᒃ ᐱᓇᓱᐊᕐᑕᐅᔪᑦ ᑕᕐᕋᖓᓂ 55 ᐃᑰᑕᖓᓂ ᐱᓇᓱᐊᕐᑕᐅᖃᑦᑕᓯᒪᔪᑦ ᑯᐯᒃᒥ ᐊᕙᑎᓕᕆᓂᕐᒥᒃ ᐊᒻᒪᓗ ᐃᓅᖃᑎᒌᑎᒍᑦ ᖃᐅᔨᓴᕐᑕᐅᖃᑦᑕᓯᒪᔪᑦ (ᒍᐃᒍᐃᑎᑐᑦ ᑭᓯᐊᓂ)

ᐱᓇᓱᐊᕐᑕᐅᒐᓱᑦᑐᑦ ᑐᓂᔭᕕᓃᑦ ᐊᕙᑎᒧᓕᖓᔪᓂᑦ ᐃᓅᖃᑎᒌᓄᓕᖓᔪᓂᓗ ᖃᐅᔨᓴᕐᑕᐅᔪᑦᓴᐅᓱᑎᑦ ᑕᕐᕋᖓᓂ 55 ᐃᑰᑕᖓᓂ ᔮᓄᐊᕆ 2000ᒥᓂᑦ.

 

ᑐᑭᓯᒋᐊᕐᕕᖃᕈᒪᒍᕕᑦ ᖃᐅᔨᒋᐊᕐᓗᑎᑦ ᖃᕆᑕᐅᔭᒃᑯᑦ ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑐᑭᑖᕐᑐᐃᔩᑦ: http://www.keqc-cqek.ca/en/