ᐃᓕᑕᕐᓇᐅᑎᖓ

ᐃᓕᑕᕐᓇᐅᑎᖓ ᕿᑎᖓᓂᑦᑐᖅ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦᑕ ᐊᓪᓚᖑᐊᕐᓯᒪᔪᖅ ᓇᓗᓇᐃᒃᑯᑕᖓ ᐃᓗᓕᑕᓕᒃ ᐊᕙᑎᑦᑎᓂᑦᑐᓂᑦ (ᓯᓚᕐᔪᐊᖅ, ᐃᒪᕐᐱᒃ ᐊᒻᒪᓗ ᕿᓚᒃ), ᐃᓄᐃᑦ ᐱᐅᓯᑐᖃᖏᓐᓂᑦ ᐱᓯᒪᔪᖅ. ᖁᓛᓂᑦᑐᖅ ᐊᒻᒪᓗᑭᑖᑉ ᐊᑦᓴᓃᑦ, ᐅᑭᐅᕐᑕᑑᑉ ᓇᓗᓇᐃᒃᑯᑕᖓ, ᖃᑯᕐᑕᖅ ᕿᑎᖓᓃᑦᑐᖅ ᐃᑳᑯᑖᕐᑐᖅ ᐊᐳᑎᒥᒃ ᓯᑯᒥᓗ ᓄᐃᑕᑎᑦᓯᔪᖅ. ᐊᕙᑎᖓᓂᑦᑐᑦ ᐊᓪᓚᖑᐊᕐᓯᒪᔫᑉ ᐱᖓᓱᐃᑦ ᐃᓄᕐᔪᔮᕐᑐᑦ ᑕᓯᐅᕈᑎᑦᓱᑎᑦ. ᐊᑐᓂ ᑭᒡᒐᑐᕐᓱᑎᑦ ᐱᖓᓱᓂᑦ ᑎᒥᐅᔪᓂᑦ ᑲᑎᖕᖓᔨᐅᖃᑕᐅᔪᓂᑦ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ: ᑲᑎᕕᒃ ᓄᓇᓕᓕᒫᑦ ᑲᕙᒪᖓ, ᑲᕙᒪᖓ ᑯᐸᐃᒃ ᑲᕙᒪᖓᓗ ᑲᓇᑕᐅᑉ. ᑖᒃᑯᐊ ᐃᓄᕐᔪᔮᕐᑐᑦ ᐃᕐᖃᐃᑎᑦᓯᒍᑎᐅᕗᑦ ᑲᑎᕕᒃ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦᑕ ᐱᓇᓱᐊᕐᑕᖏᓐᓂᑦ ᐊᕐᓱᕈᒍᑦᔨᓂᖏᓐᓂᑦ ᓴᐳᒻᒥᒐᓱᑦᓱᑎᑦ ᐊᕙᑎᓕᒫᖓᓂ ᓄᓇᕕᐅᑉ ᐃᓅᖃᑎᒌᓐᓂᑎᒍᓕᖓᔪᓂᓪᓗ. ᑕᐅᑦᑐᖓ ᑐᖑᔪᕐᑕᖅ ᓇᓗᓇᐃᒃᑯᑕᖓᓃᑦᑐᖅ ᓄᐃᑕᑎᑦᓯᕗᖅ ᐅᑭᐅᕐᑕᑑᑉ ᓯᓚᖓᓂᒃ ᑖᑦᓱᒥᖓᓗ ᓄᓇᒥᒃ ᑲᒪᒋᔭᑦᓴᔭᖃᕐᓱᑎᑦ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ. ᑭᖑᓪᓕᐹᒥᓕ, ᑐᖑᔪᕐᑕᖅ ᖃᑯᕐᑕᓗ ᑕᐅᑦᑐᒋᒃ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦᑕ ᓇᓗᓇᐃᒃᑯᑕᖓ ᐊᑦᔨᐸᓱᒋᔭᐅᕗᖅ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᓐᓂᖓᑕ ᓇᓗᓇᐃᒃᑯᑕᖓᓄᑦ, ᐃᓚᒋᔭᐅᓪᓚᕆᑦᓱᓂ ᐊᑑᑎᓯᒪᔪᓄᑦ ᓄᓇᕕᒻᒥ ᓄᐃᑦᓯᒍᑎᕕᓂᐅᑦᓱᓂᓗ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓂᑦ.