Kativik Environmental Advisory Committee

ᑲᑎᕕᒃ ᐊᕙᑎᓕᕆᓂᕐᒧᑦ ᐊᔪᖀᒋᐊᕐᑏᑦ
ᑲᑎᒪᕕᖓ ᓱᓇᐅᓂᖓ

ᑲᑎᕕᒃ ᐊᕙᑎᓕᕆᓂᕐᒧᑦ ᐊᔪᖀᒋᐊᕐᕕᖓᑕ ᑲᑎᒪᕕᖓ (KEAC) ᑎᓕᔭᐅᒪᒍᑎᓕᒃ ᕿᒥᕐᕈᔨᐅᓂᐊᕐᑎᓗᒍ ᐊᒻᒪᓗ ᐃᓘᓐᓈᒍᑦ ᐊᐅᓚᑕᐅᔪᓂᒃ ᐊᕙᑎᓕᕆᓂᕐᒥ ᐊᒻᒪᓗ ᐃᓅᓯᕐᒥ ᓱᕐᕋᑕᐅᒍᑎᒋᒍᓐᓇᑕᖏᓐᓂᒃ ᓴᐳᒻᒥᔨᐅᓂᐊᕐᓱᓂ ᐊᓪᓚᑕᐅᓯᒪᔪᓂ 23-ᒥ ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᒥ (JBNQA). KEACᑯᑦ ᐃᓱᐊᕆᔭᐅᓲᖅ ᐊᒻᒪᓗ ᑲᓱᕐᕕᐅᓲᖑᑦᓱᓂ ᑲᕙᒪᖏᓐᓄᑦ ᑲᓇᑕᐅᑉ ᐊᒻᒪᓗ ᑯᐯᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ (KRG), ᓄᓇᓕᓐᓄᑦ ᐊᒻᒪᓗ, ᒋᐊᖃᑐᐊᕋᒥ ᓇᔅᑲᐲᑦ ᐃᓄᖁᑎᖏᓐᓄᑦ ᑲᐅᒐᐅᒑᑦᓯᑲᒫᒥ ᐱᑦᔪᑎᒋᑦᓱᒋᑦ ᐱᖁᔦᑦ ᐊᒻᒪᓗ ᒪᓕᒐᖁᑎᓕᐊᖑᓯᒪᔪᑦ ᐱᑦᔪᑎᓖᑦ ᐊᕙᑎᓕᕆᓂᕐᒥ ᐊᒻᒪᓗ ᐃᓅᓯᕐᒥᓴᐳᒻᒥᓂᕐᒥ ᓄᓇᖁᑎᖓᓂ JBNQA 55 ᑎᑎᕐᑕᐅᒪᔫᑉ ᖁᓛᖓᓂ. KEAC-ᑯᑦ ᑲᒪᔭᑦᓴᔭᖃᕐᓚᕆᓲᑦ ᓵᖕᖓᔭᖃᕐᓂᒥᒃᐊᕙᑎᓕᕆᓂᕐᒥᒃ ᐊᒻᒪᓗ ᐃᓅᓯᕐᒥ ᓱᕐᕋᑕᐅᒍᑎᐅᒍᓐᓇᑐᐃᑦ ᕿᒥᕐᕈᔭᐅᓂᖏᓐᓂ ᐊᒻᒪᓗ ᕿᒥᕐᕈᔨᐅᓂᕐᒥ ᖃᓄᐃᓘᕈᓯᓕᐊᖑᓯᒪᔪᓂᒃ ᐊᒻᒪᓗ, ᒋᐊᖃᓕᑐᐊᕋᒥᒃ, ᐅᓐᓂᑑᑎᓕᐅᕐᓱᑎᒃ ᐋᕐᕿᒋᐊᕈᑎᑦᓴᓂᒃ. ᑌᒪᓕ, KEAC-ᑯᒃ ᒪᓕᑦᑕᐅᑎᑦᓯᓯᐊᕐᑎᓯᓲᑦ ᐱᖁᔭᕐᓂᒃ,ᒪᓕᒐᕐᓂᒃ ᐊᒻᒪᓗ ᒪᓕᒐᖃᕐᑎᓯᒍᑎᓂᒃ ᐊᑑᑎᔭᐅᒋᐊᖃᓲᓂ ᓄᓇᖓᓂ ᐊᓪᓚᑕᐅᒪᒍᑎᓕᓐᓂ 23-ᒥ JBNQA-ᒥ.

Each year the KEAC publishes an annual report to summarize its accomplishments, operations and financial statement. Click below to read our 2024-2025 Annual Report.

ᑐᓴᕋᑦᓭᑦ

ᑐᕌᒐᖓ 2025-2030-ᒥ

ᑐᕌᒐᖓ 2025-2030-ᒥ ᐱᓇᓱᐊᕐᑕᐅᔪᑦᓴᓄᑦ ᐸᕐᓇᓯᒪᐅᑏᑦ ᐱᐅᓂᕐᓴᒥᒃ ᑕᑯᓐᓇᓂᖃᕐᓂᒧᑦ ᐃᑲᔫᑎᑦᓴᓂᒃ ᑲᑎᕕᒃ ᐊᕙᑎᓕᕆᓂᕐᒧᑦ ᐊᔪᖀᒋᐊᕐᑏᑦ ᑲᑎᒪᔨᖏᑦᑕ (KEAC) ᐊᒻᒪᓗ ᓇᓗᓀᕐᓗᒋᑦ ᐱᓇᓱᐊᕐᑕᐅᔪᒃ ᑭᐅᓂᖃᑦᓯᐊᒪᖔᑕ ᐊᕙᑎᒧᑦ ᐊᒻᒪᓗ ᐃᓅᖃᑎᒌᓄᑦ ᓴᐳᒻᒥᔭᐅᓂᖏᓐᓅᓕᖓᔪᓄᑦ ᓄᓇᕕᒻᒥ, ᒪᓕᑦᓱᑎᒃ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎᒧᑦ (JBNQA) ᐊᒻᒪᓗ ᑯᐯᒃ ᑕᕐᕋᖓᑕ ᑲᓇᓐᓇᖓᓂ ᐊᖏᖃᑎᒌᒍᑎᒃ (NEQA). KEAC ᑲᔪᓯᑎᑦᓯᓚᖓᕗᑦ ᑖᒃᑯᓂᖓ ᑐᕌᒐᑦᓴᓂᒃ ᐊᒻᒪᓗ ᖃᓄᐃᓘᕈᑎᑦᓴᓂᒃ, ᐱᓇᓱᐊᖃᑎᖃᕐᓗᑎᒃ ᐸᕐᓇᓯᒪᔪᓕᐅᖃᑎᒋᖃᑦᑕᑕᒥᓂᒃ, ᐊᑐᕐᓗᑎᒃ ᐃᓘᓐᓈᒍᑦ, ᓄᕐᖃᖓᑎᑦᓯᒐᓱᐊᕐᓂᒥᒃ ᐊᒻᒪᓗ ᑲᒪᑦᓯᐊᓂᕐᒥᒃ ᐊᑐᕐᓗᑎᒃ

ᖁᕕᐊᑎᖃᕐᓂᖅ 50-ᒋᓕᕐᑕᖓᓂᒃ ᔭᐃᒻᔅ ᐸᐃ ᐊᒻᒪᓗ ᐅᑭᐅᕐᑕᑐᒥ ᑯᐊᐃᒃᒥ ᐊᖏᖃᑎᒌᒍᑕᐅᓯᒪᓂᖓᓂᒃ

0 ᐊᒃᕌᒍᐃᑦ ᓈᓯᒪᓕᕐᑐᑦ, ᐃᓄᑐᐃᓀᑦ ᐊᓪᓓᓗ ᑭᖑᓂᕐᒥ ᐊᖏᖃᑎᒌᒐᓱᐊᓚᐅᕐᓯᒪᓂᖏᓐᓂ ᑌᔭᐅᒍᓯᓕᒃ ᔭᐃᒻᔅ ᐸᐃ ᐊᒻᒪᓗ ᐅᑭᐅᕐᑕᑐᒥ ᑯᐸᐃᒃᒥ ᐊᖏᖃᑎᒌᒍᑎᒃ.  ᔭᐃᒻᔅ ᐸᐃ ᐊᒻᒪᓗ ᐅᑭᐅᑕᑐᒥ ᑯᐸᐃᒃ ᐊᖏᖃᑎᒌᒍᑕᐅᓂᕕᓂᖓ ᓯᕗᓪᓕᐹᑦᓯᐊᖑᓯᒪᕗᖅ ᓄᓇᓕᑐᖃᑦᓴᔭᓅᓕᖓᑎᓪᓗᒍ ᐊᑎᓕᐅᕈᑕᐅᓯᒪᔪᖅ ᑲᓇᑕᒥ, ᓄᐃᑦᓯᓂᕐᒧᑦ ᐱᖁᔭᑎᒍᑦ ᓇᒻᒥᓂᖅ ᑲᕙᒪᒍᓐᓇᓂᕐᒥ ᓄᓇᖁᑎᒥᓂᒃ ᓇᒻᒥᓂᖅ ᐊᐅᓚᑦᓯᒍᓐᓇᓂᕐᒧᑦ, ᓄᓇᓕᒻᒥ ᑲᕙᒪᒍᓐᓇᓂᕐᒧᑦ, ᐊᒻᒪᓗ ᐃᓗᒃᕈᓯᑐᖃᕐᒥᒍᑦ ᐊᐅᓚᑦᓯᒍᓐᓇᓂᕐᒥ. ᓇᔅᑲᐱᒃᑯ ᐊᓪᓚᖏ ᑭᖑᓂᐊᒍᑦ ᐃᓚᐅᖃᑕᐅᓕᕐᓯᒪᕗᑦ ᐊᖅᑯᑎᖃᕐᓱᑎᒃ ᐊᓓᑦ ᐊᖏᖃᑎᒌᒍᑕᐅᓂᕕᓂᖓᒍᑦ,1978-ᖑᑎᓪᓗᒍ.

ᓯᑉᑎᒻᐱᕆ 23, 2025-ᒥ, ᑲᑎᕕᒃ ᐃᓕᓴᕐᓂᓕᕆᓂᕐᒥ ᐊᔪᖀᒋᐊᕐᑏᑦ ᑲᑎᒪᔨᖏᑦ ᑲᑎᓯᓯᒪᕗᑦ ᔦᐃᒻᔅ  ᐸᐃᒥ  ᐊᖏᖃᑎᒌᒍᑕᐅᓯᒪᔪᒥ ᖃᐅᔨᑎᑦᓯᓂᕐᒧᑦ ᑲᑎᒪᔨᖏᑦ ᐊᕙᑎᖓᑕ ᐊᒻᒪᓗ ᒪᖃᐃᓐᓂᒥ, ᐃᖃᓗᓐᓂᐊᓂᕐᒥᓗ, ᒥᑭᒋᐊᕐᓂᐊᓂᕐᒥ ᑐᑭᒧᐊᕐᑎᓯᓂᕐᒧᑦ ᑲᑎᒪᔨᖏ ᑯᒃᔪᐊᕋᐱᒃ-ᒍᐊᑦᒪᑰᔅᑐᐃ. ᑐᕌᒐᕆᒐᓱᑦᑕᖓ ᐃᖅᑲᐅᒪᑦᓯᓂᕐᒧᑦ ᔦᒻᔅ ᐸᐃ ᐅᑭᐅᕐᑕᑐᖓᓂ ᑯᐸᐃᒃ ᐊᖏᖃᑎᒌᒍᑕᐅᓯᒪᓂᖓᓄᑦ 50 ᐊᒃᕌᒍᕐᑖᓂᖓᓂᒃ ᖁᕕᐊᑕᐅᓂᖓᓄᑦ, ᐊᒪᓗ ᐱᓗᐊᕐᑐᒥᒃ ᐱᓇᓱᐊᕐᑕᐅᓂᕕᓂᖏᓐᓄᑦ ᐊᒻᒪᓗ ᐊᓪᓚᖁᑎᖏᓐᓂ  ᑖᒃᑯᐊ ᐱᖓᓱᐃ ᐅᑭᐅᕐᑕᑐᒥ ᓄᓇᓕᓐᓂ ᑲᑎᒪᔨᖏᑦᑕ, ᕿᒥᒃᓂᖃᕐᓗᑎᒃ ᐊᓃᒍᑎᒋᓯᒪᔭᖏᓐᓂ, ᑭᖑᓂᕐᒥ ᐱᓀᓗᑕᐅᖃᑦᑕᓯᒪᔪᑦ ᐊᕕᑦᑐᓯᒪᔪᓂ ᓄᓇᓂ ᐊᖏᖃᑎᒌᒍᑕᐅᓯᒪᓂᖓᓂ ᑯᐸᐃᒃᒥ, ᒫᓐᓇ  ᖃᓄᐃᓘᕈᑕᐅᓕᕐᓂᖓ ᐊᒻᒪᓗ ᓂᕆᐅᓐᓇᑑᕙᑦ ᐃᑲᔪᖃᑎᒌᓪᓗᑎᒃ ᐊᑐᓂᑦ ᓄᓇᓖᑦ.

ᐊᑦᑐᑕᐅᓯᒪᓂᕐᒧ ᕿᒥᒃᕈᓂᕐᒧ ᑲᑎᖕᖓᓂᖅ ᐊᒻᒪᓗ ᓄᓇᓕᒻᒥ ᐊᕕᑦᑐᓯᒪᔪᓂᒃ ᑲᑎᑎᑦᓯᓂᖅ

2019-ᒥ, ᑲᑎᕕᒃ ᐃᓕᓴᕐᓂᓕᕆᓂᕐᒥ ᐊᔪᖀᒋᐊᕐᑏᑦ ᑲᑎᒪᔨᖏᑦ, ᐃᒪᐅᑎᓪᓗᒋᑦ ᒪᑭᕝᕕᑯᑦ, ᓇᔅᑲᐱᒃᑯ ᐊᓓᑦ ᑲᐅᒐᐅᒐᐅᑦᓯᑲᒪᒃᒥᐅ ᓄᐃᑦᓯᒪᕗᑦ ᓱᖅᑲᑕᐅᒪᐅᑎᓂ ᕿᒥᒃᕈᓂᕐᒧᑦ ᑲᑎᒪᔨᓂᒃ ᐱᓇᓱᐊᑎᐅᓂᐊᕐᑎᓗᖏᑦ, ᐱᒋᐊᖕᖓᐅᑎᖃᕐᓗᑎ ᕿᒥᒃᕈᓂᕐᒥ ᓈᒻᒪᓯᓕᕐᑎᓯᓂᕐᒧᑦ ᐊᑑᑎᔭᐅᒍᓐᓇᑐᓂᒃ ᐱᕕᑦᓴᖃᕐᑎᓯᐅᑎᒐᔭᕐᑐᑦ ᐊᑖᓂᑦᑎᓗᒍ ᓱᖅᑲᑕᐅᓯᒪᓂᕐᒥ ᕿᒥᒃᕈᓂᕐᒧᑦ ᐱᖁᔭᐅᑉ ᑭᓯᐊᓂ ᐊᓯᑦᔨᓯᒪᔪᖅ ᑲᑎᒪᒍᑕᐅᓂᒃᑯᑦ ᓄᐃᑦᓯᓂᕐᒨᓕᖓᑎᓪᓗᒋᑦ ᐱᕕᑦᖃᕐᑎᓯᕐᒧᑦ ᐊᒻᒪᓗ ᑲᑎᒪᓂᖃᕐᑎᓯᓂᕐᒧᑦ ᐅᖄᖄᑎᒌᒍᑎᒋᓗᒍ ᓱᖅᑲᑕᐅᒪᓂᕐᒧᑦ ᕿᒥᒃᕈᓂᕐᒥᒃ ᓄᓇᕕᒻᒥ.

ᓄᕕᒻᐱᕆ 2023-ᒥ ᐱᓇᓱᑎᕈᕐᓯᒪᔪᐃᑦ ᐊᑐᐃᓐᓇᕈᕐᑎᓚᐅᔪᕗᑦ ᓱᖅᑲᑕᐅᒪᓂᕐᒥ ᕿᒥᒃᕈᓂᕐᒧᑦ ᓇᒻᒪᓯᓕᕐᑎᓯᓂᕐᒥ ᑲᑎᒪᐅᑎᖃᕐᓂᒥᒃ ᑲᑎᑎᑦᓯᓚᐅᔪᔪ ᕿᒥᒃᕈᓂᕐᒧᑦ ᑲᑎᒪᔨᓂᒃ, ᐊᐅᓚᑦᓯᓂᓕᕆᔨᓂᒃ, ᐱᕕᑦᓴᖃᕐᑎᓯᒍᓐᓇᑐᓂᓪᓗ  ᐊᒻᒪᓗ ᓄᓇᓕᓕᒫᓂᑦ ᐱᓯᒪᔪᓂᒃ ᑭᒃᑲᑐᕐᑎᖏᓐᓂᒃ ᖃᐅᔨᕚᓪᓕᑎᑦᓯᓂᕐᒨᓕᖓᑎᓪᓗᒍ ᓱᒃᕋᑕᐅᓯᒪᓂᕐᓂ ᕿᒥᒃᕈᓂᕐᒥ ᐱᔭᑦᓴᕆᔭᖏᓐᓂ ᓄᓇᕕᒻᒥ ᐊᒻᒪᓗ ᖃᓂᖕᖏᑕᕆᔭᖏᓐᓂ ᐃᓂᐅᔪᓂ; ᓄᐃᑦᓯᓂᕐᒧ ᖃᓄᐃᓘᖃᑎᒌᒍᓐᓇᓂᕐᒥᒃ ᐃᑲᔪᕐᑎᒋᕆᐅᕐᓴᕈᓐᓇᓗᑎᒃ ᐅᖄᖃᑎᒌᓪᓗᑎᒃ ᐊᒻᒪᓗ ᐅᖄᒍᑎᒋᓗᒋᑦ ᐃᓱᒪᒋᔭᖏᑦ ᓱᓇ ᐱᑦᔪᑎᒋᑦᓱᒍ ᐊᒻᒪᓗ ᖃᓄᕐᑑᕈᑎᒋᓗᒍ ᓱᖅᑲᑕᐅᒪᐅᑏᑦ ᐃᑯᓪᓚᐅᒥᒋᐊᖃᕐᓂᖏᓐᓂᒃ.  ᐊᓪᓚᓯᒪᐅᑎᑦ ᓇᓗᓀᕐᕐᓯᔪᑦ ᓱᓀᑦ ᒪᓂᔭᐅᓐᓂᒪᖔᑕ ᑲᑎᒪᓂᕐᒥ ᐊᑐᐃᓐᓇᐅᔪᑦ ᓀᓪᓕᑎᕐᓯᒪᔪ ᑦᐊᓪᓚᓯᒪᔪᑦ ᖃᓪᓗᓇᑎᑐᑦ, ᐅᐃᒍᐃᑎᑐᑦ ᐃᓄᒃᑎᑐᓪᓗ ᐊᒻᒪᓗ ᓇᔅᑲᐱᑦᑎᑐ.v

ᒫᓐᓇᐅᔪᖅ ᐱᓇᓱᐊᕐᑏᑦ ᑲᑎᒪᑎᑦᓯᓛᕐᑐ ᓱᖅᑲᑕᐅᓯᒪᐅᑎᑦ ᕿᒥᒃᕈᔭᐅᓂᖏᓐᓄᑦᓄᓇᓕᒻᒥ ᑲᑎᒪᓂᐊᕈᓯᕐᓂ ᑐᓴᐅᒪᔭᐅᒃᑲᐃᓂᕐᒧᑦ ᓱᖅᑲᑕᐅᓯᒪᐅᑎᓄᑦ ᕿᒥᒃᕈᔭᐅᒍᑎᕕᓂᖏᓐᓂᒃ ᐊᒻᒪᓗ ᐅᖄᖃᑎᒌᒍᑎᖃᕐᓗᑎᒃ ᖃᓄᖅ ᓄᓇᓖᑦ ᐃᓚᐅᖃᑕᐅᓂᖏᓐᓂ ᓱᓇᓂᓪᓗ ᑭᖕᖒᒪᑦᓯᒪᖔᑕ ᐃᓚᐅᖃᑕᐅᓂᕐᒧᑦ ᑖᒃᑯᓇᓂ ᖃᓄᐃᓘᕐᓂᐅᔪᓂ. ᓯᕗᓪᓕᐹᒥ ᑲᑎᒪᓂᐊᕈᓯᖃᓚᐅᔪᑦ ᑰᑦᔪᐊᕌᐱᒻᒥ ᔫᓂ 11, 2025-ᒥ, ᐊᒻᒪᓗ ᑭᖑᓪᓕᖓ ᑯᒃᔪᐊᒦᓚᐅᔪᔪᖅ ᓯᑎᒻᐱᕆ 23, 2025-ᒥ. ᐱᖓᔪᐊᑦ ᐸᕐᓇᑕᐅᒪᔪᖅ ᖁᐊᕐᒦᓛᕐᑎᓗᒍ ᕕᕈᐊᕆ 2026-ᒥ.  ᑐᑭᓯᒋᐊᑦᓯᐊᕈᒪᔪᖃᕐᐸᑦ, ᖃᐅᔨᒍᓐᓇᖁᑎᑦ ᐊᓪᓚᑎᖓᓂᒃ ᐅᕙᓂ keac-ccek@krg.ca.