ᓯᓚᐅᑉ ᐊᓯᑦᔨᑕᕐᓂᖓ

ᐃᓗᓕᖏᑦ

ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓ ᐅᖁᒪᐃᓪᓕᐅᑎᑦᓯᕗᖅ ᓄᓇᕕᐅᑉ ᓄᓇᖁᑎᖓᓂᒃ ᐃᓄᐃᓪᓗ ᐊᕙᑎᖏᓐᓂᑦ. ᓱᕐᕃᕗᑦ ᐊᒥᓱᓂᑦ ᖃᓄᐃᖕᖏᓯᐊᕐᓂᒧᓕᖓᔪᓂᑦ ᐊᑦᑕᓇᕐᑐᒦᒋᐊᖃᖕᖏᓂᕐᒧᓕᖓᔪᓂᓗ ᐊᑦᑐᐃᕗᖅ ᓄᓇᖁᑎᖓᓃᑦᑐᓂᑦ. ᐃᓱᒫᓗᑎᐅᔪᓄᑦ ᐃᓚᐅᒻᒥᔪᑦ ᓱᒃᑯᓯᒪᔪᕐᓂᐊᑕᐅᓂᖏᑦ ᓄᑕᐅᓯᓕᕐᑕᐅᒋᐊᖃᕐᓂᖏᓪᓗ ᐃᓪᓗᐃᑦ ᐅᓇᓗᑦᑕᐅᖅ ᐃᒥᕐᑕᐅᓲᒥᒃ ᐃᒪᑦᓯᐊᖃᕆᐊᖃᕐᓂᖏᑦ ᐊᒻᒪᓗ ᐃᓅᒐᓱᒍᑐᒥᑎᒍᑦ ᐆᒪᔪᕐᓂᐊᓂᖏᑦ, ᐃᖃᓪᓕᐊᓂᖏᑦ ᐊᒻᒪᓗ ᒥᑭᒋᐊᕐᓂᐊᓂᖏᑦ. ᐃᓗᓕᑕᖏᓐᓂ, ᐊᓯᑦᔨᕙᓪᓕᐊᒐᓗᐊᕐᒪᑦ ᐊᓯᑦᔨᒋᐊᕐᓂᕆᓲᖏᑦ ᐅᑭᐅᕐᑕᑐᒥ ᐊᕙᑎᖓ ᓄᓇᓕᖏᓐᓗ ᐱᒻᒪᕆᐊᓗᕗᖅ.

ᖃᓄᐃᓕᖓᒐᓱᓐᓂᖏᑦ

ᒫᓐᓇᐅᑎᓪᓗᒍ ᖃᓄᐃᓕᖓᓂᐅᓕᕐᑐᑦ ᐊᒻᒪᓗ ᓱᕐᕃᓂᐅᓚᖓᔪᑦ ᓂᕆᐅᒋᔭᐅᔪᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᓄᓇᖁᑎᖓᓂ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓯᒪᑦᓴᓯᐅᕐᑏᑦ ᑲᑎᒪᔨᖏᑦ ᐱᓇᓱᐊᕐᑐᑦ ᐱᐅᓯᐅᒥᑎᑦᓯᒐᓱᑦᓱᑎᑦ ᐱᓇᓱᖃᑎᒌᓐᓂᐅᔪᓂᑦ ᖃᐅᔨᒪᖃᑎᒌᓐᓂᐅᔪᓂᑦ ᐅᑭᐅᕐᑕᑐᒥ ᑎᒥᐅᔪᐃᓪᓗ, ᐊᑦᔨᒌᖕᖏᑐᑦ ᑲᕙᒪᐅᔪᑦ, ᐊᒻᒪᓗ ᐋᑉᐳᖓᐃᑦᓴᓂᕐᒥᒃ ᐱᓇᓱᐊᕐᑏᑦ ᑲᕙᒪᓐᓂᐊᑎᐅᔪᐃᓪᓗ ᐊᑦᔨᒌᖕᖏᑐᑦ. ᒫᓐᓇᒧᑦ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᑲᔪᓯᕗᑦ ᑐᑭᓯᒪᑦᓯᐊᕋᓱᓐᓂᑎᒍᑦ ᓄᑖᓂᑦ ᖃᓄᕐᑑᕈᑎᐅᔪᓂᑦ ᑐᓴᐅᒪᔭᐅᑎᒐᓱᑦᓱᒋᓗ ᖃᓄᐃᓕᖓᒐᓱᖁᔨᒍᑎᐅᔪᐃ ᐊᐅᓚᑦᓯᔨᓄᑦ.

ᑲᕙᒪᐅᑉ ᖃᓄᐃᓘᒍᑎᑦᓴᓕᐊᕕᓂᖏᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᖃᓄᐃᓕᖓᒋᐊᕈᑎᑦᓴᓕᐊᕕᓃᑦ ᐃᓕᖓᔪᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᖃᓄᐃᓘᕈᑎᑦᓴᖏᑦ ᐊᑐᐃᓐᓇᕈᕐᑎᑕᐅᒪᔪᑦ, 2013-2020.

ᓯᓚᐅᑉ ᐊᓯᑦᔨᓂᖓᓄᑦ ᑲᑎᒪᓂᐊᕈᓯᖅ

ᐅᑦᑑᐱᕆ 2016ᒥ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐊᒻᒪᓗ ᓄᓇᖃᕐᖄᓯᒪᔪᑦ ᐅᑭᐅᕐᑕᑐᒧᓕᖓᔪᓂᑦ ᐱᒍᑦᔨᕕᖓ ᑲᓇᑕᒥ, ᒪᑭᕝᕕᒃ ᑯᐊᐳᕆᓴᓐ, ᑲᑎᕕᒃ ᓄᓇᓕᓕᒪᑦ ᑲᕙᒪᖓ, ᑯᐯᒃᒥ ᖃᐅᔨᓴᕐᓂᒧᑦ ᐱᓇᓱᐊᕐᑐᑦ Ouranos, ᐊᕙᑎᐅᑉ ᐊᒻᒪᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂ ᑲᓇᑕᒥ ᐊᒻᒪᓗ ᐃᓗᓯᓕᕆᔨᒃᑯᑦ ᑲᓇᑕᒥ ᑲᑎᒪᓂᐊᕈᓯᖃᕐᑎᓯᓐᓂᖁᑦ ᑰᑦᔪᐊᒥ. ᑭᖑᓂᐊᒍᑦ, ᐃᓚᑰᒍᑎᐅᔪᓂᑦ ᖃᐅᔨᓴᕐᑕᐅᒪᔪᓂᑦ ᑐᓴᕐᑎᓯᒍᑎᓕᐅᕐᓂᖁᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᖃᐅᔨᒪᒍᓯᐅᔪᓂᑦ ᓄᓇᕕᒻᒥᐅᓄᑦ ᓄᓇᑦᓯᐊᕗᒥᐅᓄᓗ ᐊᑐᐃᓐᓇᕈᕐᑎᑕᐅᑦᓱᓂ Ouranos-ᑯᓄᑦ