ᓄᓇᑐᐃᓐᓇᖅ
ᐃᓗᓕᖏᑦ
ᓄᓇᕕᒃ ᑕᕐᕋᖓᓃᑦᑐᒐᓗᐊᖅ ᑭᓪᓕᖓᑕ ᑮᓇᐅᔭᓕᐅᕋᓱᓐᓂᑎᒍᑦ ᕿᔪᓐᓂᐊᕕᐅᓲᓂᑦ ᐋᕐᕿᑕᐅᓚᐅᕐᑐᕕᓂᕐᓂᑦ ᑐᕐᖃᑕᕐᕕᖓᓄᑦ ᓇᐹᕐᑐᓕᕆᓂᕐᒥ, ᐆᒪᔪᓕᕆᓂᕐᒥᒃ ᒥᕐᖑᐃᓯᕐᕕᓕᕆᓂᕐᒥᓗ (ᓇ̣ᐹᕐᑐᐃᑦ, ᐆᒪᔪᐃᑦ ᒥᕐᖑᐃᓯᕐᕖᓗ), ᓄᓇᖁᑎᖓ ᕿᔪᑦᑕᓕᒃ ᕿᔪᓐᓂᐊᕈᓐᓇᐅᑎᑖᕐᑎᓯᕕᐅᑐᐃᓐᓇᕈᓐᓇᑐᒥᒃ ᕿᔪᓐᓂᐊᓃᑦ ᑕᕐᕋᒨᕐᐸᓕᐊᑎᓪᓗᒋᑦ ᑯᐸᐃᒃ ᓄᓇᖁᑎᖓᓂ. ᕿᒥᕐᕈᓱᑎᑦ ᐊᑑᑎᔭᐅᒍᓐᓇᒐᔭᕐᒪᖔᑕ ᑌᒪᐃᑦᑐᐃᑦ ᓄᓇᕕᒻᒥ, ᖃᐅᔨᓴᕆᐊᖕᖓᑕᐅᓯᒪᓕᕐᖁᑦ.
ᖃᓄᐃᓕᖓᒐᓱᓐᓂᖏᑦ
ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐃᓱᒪᒋᔭᖃᕐᑐᑦ ᓇᐹᕐᑐᐃᑦ ᓄᓇᕕᒻᒥ ᐃᓕᑕᕆᔭᐅᔪᑦᓴᐅᒋᐊᖏᓐᓂᑦ ᓴᐳᒻᒥᔭᐅᒋᐊᖃᕐᓂᖏᑦ. ᐅᓪᓗᒥᒧ, ᐱᐅᓯᐅᒥᑎᑕᐅᑎᑦᓯᒐᓱᕐᖁᑦ ᑐᑭᓯᒪᔭᐅᓂᖏᓐᓂᑦ ᖃᓄᐃᓕᖓᓂᖏᓐᓂᑦ ᑖᒃᑯᐊ ᓇᐹᕐᑐᐃᑦ ᐊᒻᒪᓗ ᑲᔪᓯᓕᕐᑎᑕᐅᒋᐊᖃᕐᓂᖓᓂᒃ ᓱᕐᕋᑕᐅᓪᓗᐊᕋᑎᒃ ᐊᐅᓚᑦᓯᒍᑎᐅᒐᔭᕐᑐᓂᑦ ᐊᑐᕐᓂᓗᕐᑕᐅᖕᖏᒋᒃᑯᑎᑦᓴᖏᓐᓂᑦ ᓄᓇᖁᑎᖓᓂ, ᐱᓗᐊᕐᑐᒥᒃ ᓄᐃᑦᓯᓗᑎᑦ ᓄᓇᓕᓕᒫᒧᓕᖓᔪᓂᑦ ᓇᐹᕐᑐᐃᑦ ᐊᐅᓚᑕᐅᓂᑦᓴᖏᓐᓄᑦ ᐊᑐᐃᓐᓇᕈᕐᑎᒍᑎᒥᒃ.
ᓄᐃᑕᐅᒋᐊᖕᖓᒍᑎᖓ ᐃᓄᓕᒫᕐᓯᓂᕐᓄᓕᖓᔪᓂᑦ ᒪᓕᒐᖅ ᓇᐹᕐᑐᓕᕆᓂᕐᒧᑦ ᐱᕙᓪᓕᐊᓂᕐᒥᒃ ᐊᒻᒪᓗ ᓇᐹᕐᑐᐃᑦ ᐊᐅᓚᑕᐅᓂᖏᓐᓂᑦ ᖃᓄᐃᓕᖓᒋᐊᕋᓱᒍᑎᖏᑦ
ᐊᓪᓚᑕᐅᒪᒍᑎᖏᓐᓂᑦ ᑕᕗᖓᐅᓕᒍᓐᓇᑐᐃᑦ ᓇᐹᕐᑐᓕᕆᓂᕐᒧᑦ ᐱᕙᓪᓕᐊᓂᕐᒥ ᐱᖁᔭᖓ, ᒥᓂᔅᑕᖓ ᓇᐹᕐᑐᓕᕆᓂᕐᓂᑦ, ᐆᒪᔪᓕᕆᓂᕐᒥ ᐊᒻᒪᓗ ᒥᕐᖑᐃᓯᕐᕕᓕᕆᓂᕐᒥ ᐊᑐᐃᓐᓇᕈᕐᑎᒋᐊᓕᒃ ᐃᓄᓕᒫᕐᓯᓂᕐᓄᑦ ᒪᓕᒐᕐᓂᑦ ᑖᕗᖓᐅᓕᒍᓐᓇᑐᓂᑦ ᓇᐹᕐᑐᓕᕆᓂᕐᒧᑦ ᐱᕙᓪᓕᐊᓂᕐᒥ ᐊᒻᒪᓗ ᓇᐹᕐᑐᐃᑦ ᐊᐅᓚᑕᐅᓂᖏᓐᓂᑦ ᖃᓄᐃᓕᖓᒐᓱᓐᓂᓴᖏᓐᓂᑦ. ᐊᓪᓚᑕᕕᓂᕐᒥ MFFP ᐊᒻᒪᓗ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐅᖃᕆᐊᓪᓚᖃᑦᑕᓂᕐᖁᑦ ᐅᓐᓂᑑᑎᓕᐊᒥᓂᑦ ᐅᖃᖃᑦᑕᑕᕕᓂᕐᒥᓂᑦ 2011ᒥᑦ ᐊᒻᒪᓗ 2004ᒥᑦ, ᐱᓗᐊᕐᑐᒥᒃ ᓄᓇᕕᒃ ᓄᐃᑦᓯᒋᐊᓕᒃ ᓄᓇᓕᓕᒫᑎᒍᑦ ᓇᐹᕐᑐᓕᕆᓂᕐᒧᑦ ᐊᐅᓚᑦᓯᓂᕐᒧᑦ ᐊᑐᐃᓐᓇᕈᕐᑎᒍᑎᒥᒃ ᐃᓚᐅᑦᓯᐊᓗᑎᓗ ᐃᓚᐅᑎᑕᐅᔪᒥᒃ ᓄᓇᒧᑦ ᓄᓇᖁᑎᒥᑦᑐᓄᓕᖓᔪᓂᓗ ᐊᑐᐃᓐᓇᕈᕐᑎᒍᑎᒥᒃ, ᐊᒻᒪᓗ ᑯᕇ, ᐃᓄᐃᑦ ᐊᒻᒪᓗ ᓇᔅᑳᐱᒃᑯᑦ ᐃᓄᖁᑎᖏᑦ ᑐᑭᓯᒪᑎᑕᐅᒋᐊᓖᑦ ᓇᐹᕐᑐᐃᑦ ᐊᐅᓚᑕᐅᓂᖏᓐᓄᓕᖓᔪᓂᑦ ᓄᓇᖁᑎᖓᓂ.
ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑎᑦ ᑲᑎᒪᔨᖏᑦ (ᒣ 2017)
ᐃᓄᓕᒫᕐᓯᓂᖅ ᓱᕐᕃᓗᐊᕋᑎᒃ ᐱᕙᓪᓕᐊᓃᑦ ᓇᐹᕐᑐᓕᕆᓂᕐᒥᒃ ᑯᐸᐃᒃᒥ
ᐃᓄᓕᒫᕐᓯᓂᖃᕐᑎᓗᒍ ᒪᕐᕈᓗᐊᖕᖑᐊᓂᒃ ᐅᖄᒍᑎᖃᕐᓂᖁᑦ ᓄᑖᒥᒃ ᓇᐹᕐᑐᓕᕆᓂᕐᒧᓕᖓᔪᓂᑦ, ᐆᑦᑑᑎᒋᓗᒍ ᓱᕐᕋᑕᐅᓪᓗᐊᕋᑎᒃ ᐊᐅᓚᑕᐅᓂᖏᑦ ᖃᓄᐃᓘᕈᑎᑦᓴᓕᐅᕐᓗᑎᑦ ᓇᐹᕐᑐᓕᕆᓂᕐᓂᑦ ᐊᒻᒪᓗ ᑐᑭᓯᓇᕐᑎᓯᒍᑎᓕᐅᕐᓗᑎᑦ ᓯᕗᓂᑦᑎᓂ ᒪᓕᒐᑦᓴᐅᒐᔭᕐᑐᓂᑦ ᐱᑦᔪᑎᓕᓐᓂᑦ ᓱᕐᕋᑕᐅᓪᓕᐊᕋᑎᒃ ᐊᐅᓚᑕᐅᓂᕆᒐᔭᕐᑕᖏᓐᓂᑦ ᓇᐹᕐᑐᐃᑦ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᑏᑦ ᑲᑎᒪᔨᖏᑦ ᑐᓂᔨᓐᓂᖁᑦ ᖃᓄᐃᓕᖓᒐᓱᓐᓂᒥᓂᑦ ᓄᐃᑦᓯᓯᐊᕐᓱᑎᑦ ᓇᐹᕐᑐᐃᑦ ᓴᐳᒻᒥᔭᐅᒋᐊᖃᕐᓂᖏᓐᓂᑦ ᓄᓇᕕᒻᒥ ᐃᑯᐊᓪᓚᑕᐃᓕᑎᓗᒋᑦ, ᕿᔪᓐᓂᐊᑕᐅᒋᐊᖃᕋᑎᒃ ᐅᔭᕋᕐᓂᐊᕕᐅᒋᐊᖃᕋᑎᓗ, ᐅᓇᓗᑦᑕᐅᖅ ᐃᓚᐅᑎᑕᐅᑦᓯᐊᖁᓗᒋᑦ ᓄᓇᖃᕐᖄᓯᒪᔪᐃᑦ ᓄᓇᓕᒻᒥᐅᑦ ᐊᐅᓚᑕᐅᓂᑦᓴᖏᑦᑕ ᐊᑐᐃᓐᓇᕈᕐᑎᑕᐅᓂᖏᓐᓄᑦ.
ᖃᓄᐃᓕᖓᒐᓱᓐᓂᖏᓐᓂᑦ ᐊᓪᓚᓯᒪᔪᖅ ᓱᕐᕋᑕᐅᓪᓗᐊᕋᑎᒃ ᐊᐅᓚᑕᐅᓂᖏᑦ ᓇ̣ᕐᐹᕐᑐᐃᑦ (ᔭᓄᐊᕆ 2011)
ᑯᐸᐃᒃ ᓇᐹᕐᑐᖁᑎᖏᑦ ᐊᐅᓚᑕᐅᓂᖏᑦᑕ ᐱᒍᑦᔨᕕᖏᑦ
ᑲᑎᕕᒃ ᐊᕙᑎᓕᕐᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᑐᓴᕐᑎᓯᓐᓂᖁᑦ ᐃᓱᒫᓗᑎᒥᓂᑦ ᑯᐸᐃᒃᒥ ᑭᓇᓕᒫᒃᑯᓄᓕᖓᔪᓂᑦ ᓇᐹᕐᑐᓕᕆᓂᕐᒥᒃ ᐊᐅᓚᑕᐅᓂᖏᑦᑕ ᑲᑎᒪᔨᖏᓐᓂᑦ ᐱᑦᔪᑎᒋᑦᓱᒍ ᓱᕐᕋᑕᐅᓪᓗᐊᖁᓇᒋᑦ ᓇᐹᕐᑐᖏᑦ ᓄᓇᖁᑎᖓᓂ, ᓴᐳᒻᒥᔭᐅᒋᐊᖃᕐᓂᖏᓐᓂᑦ ᐊᑦᔨᒌᖕᖏᑐᐃᑦ ᓇᐹᕐᑐᓂᑦᑐᐃᑦ ᑐᑭᓯᓕᐅᒥᔭᐅᓗᑎᓗ ᑖᒃᑯᓄᖓᓄᓕᖓᔪᑦ.