ᐱᓇᓱᐊᕐᑕᐅᔪᓂᑦ ᓄᓇᓂᑦ ᑯᐸᐃᒃ ᓄᓇᖁᑎᖓᓂ (ᐆᑦᑑᑎᒋᓗᒍ ᐅᔭᕋᕐᓂᐊᓃᑦ, ᐊᕐᖁᑏᑦ, ᐊᓯᖏᓪᓗ) ᐊᕙᑎᓕᕆᓂᕐᒧᓕᖓᔪᓂᑦ ᐊᒻᒪᓗ ᐃᓅᖃᑎᒌᑦ ᓱᕐᕋᑕᐅᒍᑎᒋᒍᓐᓇᑕᖏᓐᓂᑦ ᖃᐅᔨᓴᕐᑕᐅᓂᖏᑦ ᕿᒥᕐᕈᒍᓯᖏᓪᓗ ᐊᓪᓚᑕᐅᒪᕗᑦ ᐊᕕᑦᑐᓯᒪᔪᒥ 23ᒥ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᖓᓂ, ᑯᐸᐃᒃ ᐊᐅᓚᑦᓯᔨᖏᑦ ᑲᒪᒋᔭᑦᓴᔭᖃᕐᖁᑦ, ᐅᑯᐊ ᑐᕐᖃᑕᕐᕕᖓ ᐱᕙᓪᓕᐊᓂᕐᒧᑦ ᑖᕗᖓᐅᓕᒍᓐᓇᑐᓂᑦ ᐊᕙᑎᒧᑦ ᐊᒻᒪᓗ ᐃᑯᓪᓚᑎᑦᓯᒐᓱᓐᓂᒧᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᓂ. ᖃᓄᐃᓘᕈᓯᖅ, ᓄᐃᑕᐅᒋᐊᓪᓚᓯᒪᔪᖅ ᐊᕙᑎᒥᒃ ᖃᓄᐃᖕᖏᓯᐊᕆᐊᖃᕐᓂᖓᓂᒃ ᐱᖁᔭᖓᓂ, ᓄᐃᑦᓯᒍᑎᐅᕗᖅ ᑭᖑᓕᕆᑦᑐᓂᑦ ᖃᓄᐃᓘᕆᐊᒍᓯᐅᔪᓂᑦ ᐊᒥᓱᐃᓗ ᐊᑑᑎᔭᐅᓲᖑᑦᓱᑎᑦ ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑐᑭᑖᕐᑐᐃᔨᒃᑯᓄᑦ.

ᓄᐃᑕᐅᒪᔪᖅ ᐱᓯᒪᑦᓱᓂ ᐊᕕᑦᑐᓯᒪᔪᖅ 23ᒥ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂ, ᑐᑭᑖᕐᑐᐃᔩᑦ ᐃᒻᒥᒍᕐᓱᑎᑦ ᑎᒥᐅᕗᑦ ᐱᓯᒪᑦᓱᑎᑦ ᑐᕐᖃᑕᕐᕕᖓᓂ ᐱᕙᓪᓕᐊᓂᕐᒧᑦ ᑖᕗᖓᐅᓕᒍᓐᓇᑐᓂᑦ ᐊᕙᑎᒧᑦ ᐃᑯᓪᓚᑎᑦᓯᒐᓱᓐᓂᒧᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᑕᓪᓕᒪᐅᑦᓱᑎᑦ ᑯᐸᐃᒃ ᑲᕙᒪᖓᓂ ᑭᒡᒐᑐᕐᑏᑦ ᐊᒻᒪᓗ ᓯᑕᒪᑦ ᐃᓄᐃᑦ ᑭᒡᒐᑐᕐᑏᑦ. ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑐᑭᑖᕐᑐᐃᔩᑦ ᐃᑉᐱᒋᔭᑦᓴᔭᖃᕐᖁᑦ ᖃᐅᔨᓴᕐᓗᑎᑦ ᕿᒥᕐᕈᓗᑎᓗ ᐱᕙᓪᓕᐊᓂᕐᒧᓕᖓᔪᓂᑦ ᓄᓇᕕᒻᒥ ᐅᖃᕐᑕᐅᒪᔪᖅ ᑕᒪᓐᓇ ᑐᕐᖃᑕᕐᕕᖓᓄᑦ ᐱᕙᓪᓕᐊᓂᕐᒧᑦ ᑖᕗᖓᐅᓕᒍᓐᓇᑐᓂᑦ ᐊᕙᑎᒧᑦ ᐃᑯᓪᓚᑎᑦᓯᒐᓱᓐᓂᒧᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂ. ᐱᒋᐊᕐᓂᖓᓂ ᖃᓄᐃᓗᕋᓱᓐᓂᐅᑉ ᕿᒥᕐᕈᓲᑦ ᐱᒋᐊᕙᓪᓕᐊᓂᖓᓂᒃ ᐱᓇᓱᐊᕐᑕᐅᒐᓱᑦᑑᑉ ᐊᓪᓚᑕᐅᒪᒍᑎᖏᓐᓂᑦ ᐊᒻᒪᓗ, ᐊᑐᐃᓐᓇᕈᕐᑎᒋᐊᖃᕈᑎᒃ, ᐊᑐᐃᓐᓇᕈᕐᑎᓲᑦ ᑐᑭᓯᑎᑦᓯᒍᑎᒥᒃ ᐱᓇᓱᐊᕐᑕᐅᒐᓱᑦᑐᖅ ᐃᓚᐅᑎᑕᐅᖕᖏᒍᑎᖏᓐᓂᑦ ᖃᓄᐃᓘᕈᓯᐅᓚᖓᔪᓄᑦ ᐅᕝᕙᓗᓐᓃᑦ ᐊᑐᐃᓐᓇᕈᕐᑎᓗᑎᑦ ᖃᓄᐃᓘᕈᑎᐅᖁᔭᐅᔪᓂᑦ ᐱᑕᖃᕆᐊᓕᓐᓂᑦ ᖃᓄᐃᑦᑐᒍᓐᓇᓂᖏᓐᓂᑦ ᓱᕐᕋᑕᐅᒍᑎᐅᒍᓐᓇᑐᐃᑦ ᖃᐅᔨᓴᖁᓗᒋᑦ ᐱᓇᓱᐊᕋᓱᑦᑐᐃᑦ.

ᑕᒪᒋᓐᓂ, ᑐᑭᑖᕈᑎᒥᓂᑦ ᑐᓂᔨᓲᑦ ᑐᕐᖃᑕᕐᕕᖓᓄᑦ ᐱᕙᓪᓕᐊᓂᕐᒧᑦ ᑖᕗᖓᐅᓕᒍᓐᓇᑐᓂᑦ ᐊᕙᑎᒧᑦ ᐃᑯᓪᓚᑎᑦᓯᒐᓱᓐᓂᒧᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂᒃ. ᑭᖑᓂᐊᒍᑦ, ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑐᑭᑖᕐᑐᐃᔩᑦ ᕿᒥᕐᕈᓲᑦ ᓇᓪᓕᑐᐃᓐᓇᖏᓐᓂᑦ ᓱᕐᕃᒍᑕᐅᒍᓐᓇᑐᓂᑦ ᖃᐅᔨᓴᕈᑎᕕᓂᕐᓂᑦ ᐅᑎᕐᕕᒋᒋᐊᓪᓚᕈᓐᓇᓱᒋᑦ ᐃᓄᓕᒫᕐᓯᓂᖃᕈᓐᓇᓱᑎᓗ ᓄᓇᓕᓐᓂᑦ ᐱᓇᓱᐊᕐᓂᐅᒐᓱᑦᑐᒧᑦ ᐊᑦᑐᐊᔭᐅᔪᓂᑦ. ᑐᑭᑖᕈᑎᖏᑦ ᐊᖏᕈᑎᖃᕈᓐᓇᑐᑦ ᐱᓇᓱᐊᕐᑕᐅᒐᓱᑦᑐᓂᑦ ᒪᓕᒐᑦᓴᖃᕐᓗᑎᑦ ᒪᓕᒐᑦᓴᖃᖕᖏᓗᑎᓗᓐᓃᑦ, ᑐᓂᔭᐅᓲᖑᕗᑦ ᑐᕐᖃᑕᕐᕕᖓᓄᑦ ᐱᕙᓪᓕᐊᓂᕐᒧᑦ ᑖᕗᖓᐅᓕᒍᓐᓇᑐᓂᑦ ᐊᕙᑎᒧᑦ ᐃᑯᓪᓚᑎᑦᓯᒐᓱᓐᓂᒧᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ. ᑐᕐᖃᑕᕐᕕᖓᑦ ᐱᕙᓪᓕᐊᓂᕐᒧᑦ ᑖᕗᖓᐅᓕᒍᓐᓇᑐᓂᑦ ᐊᕙᑎᒧᑦ ᐃᑯᓪᓚᑎᑦᓯᒐᓱᓐᓂᒧᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂ ᑲᒪᒋᔭᑦᓴᔭᓖᑦ ᑐᑭᑖᕆᔨᐅᓚᖓᓗᑎᑦ ᑭᖑᓕᐹᖓᓂ ᐱᕙᓪᓕᐊᓂᕐᒧᓕᖓᔪᑦ ᐱᓇᓱᐊᕐᑕᐅᒐᑦᓴᐃᑦ ᐊᖏᕐᑕᐅᓂᐊᕐᒪᖔᑕ ᐅᕝᕙᓗᓐᓃᑦ ᐊᖏᕐᑕᐅᓂᐊᖕᖏᒪᖔᑕ ᐊᒻᒪᓗ ᑐᓂᔨᒋᐊᖃᓂᐊᕐᓱᑎᑦ ᑐᑭᑖᕈᑎᒥᓂᑦ ᐱᓇᓱᐊᕐᓂᐅᒐᓱᑦᑐᒥᒃ ᐱᒋᐊᕐᑎᓯᒐᓱᑦᑐᓄᑦ.

ᐱᖁᔭᖏᑦ: ᐊᕙᑎᐅᑉ ᖃᓄᐃᖕᖏᓯᐊᕆᐊᖃᕐᓂᖓᑕ ᐱᖁᔭᖓ

ᑐᕐᖃᑕᕐᕕᖓ ᐱᕙᓪᓕᐊᓂᕐᒧᑦ ᑖᕗᖓᐅᓕᒍᓐᓇᑐᓂᑦ ᐊᕙᑎᒧᑦ ᐃᑯᓪᓚᑎᑦᓯᒐᓱᓐᓂᒧᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᖓᓂ ᐃᓗᓕᑕᓕᒃ ᐅᑭᐅᕐᑕᑐᒥ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᒧᓕᖓᔪᒥᒃ. ᐃᓚᐅᒻᒥᓱᓂ ᐃᓘᓐᓈᒍᑦ ᑕᑯᓐᓇᑕᐅᒋᓕᓐᓂᑦ, ᓄᐃᑕᑎᑦᓯᕕᖓ ᓄᐃᑕᑎᑦᓯᔪᖅ ᐱᓇᓱᐊᕐᑕᐅᒐᓱᑦᑐᐃᑦ ᐊᕙᑎᓕᕆᓂᕐᒧᑦ ᖃᐅᔨᓴᕐᑕᐅᒋᐊᓕᓐᓂᑦ ᐊᒻᒪᓗ ᑕᐃᒃᑯᐊ ᑐᕐᖃᑕᕐᕕᖓᓄᑦ ᐱᕙᓪᓕᐊᓂᕐᒧᑦ ᑖᕗᖓᐅᓕᒍᓐᓇᑐᓂᑦ ᐊᕙᑎᒧᑦ ᐃᑯᓪᓚᑎᑦᓯᒐᓱᓐᓂᒧᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂ ᑐᑭᑖᕈᑕᐅᓯᒪᓕᕐᑐᓂᑦ.

ᖃᓄᐃᓕᖓᒐᓱᓐᓂᖏᓐᓂᑦ ᓄᐃᑦᓯᒋᐊᖕᖓᐅᑎᒃ ᐅᑭᐅᕐᑕᑐᒥ ᐱᕙᓪᓕᐊᔭᐅᒐᓱᑦᑐᓂᑦ

2013ᒥ, ᑐᕐᖃᑕᕐᕕᖓ ᐱᕙᓪᓕᐊᓂᕐᒧᑦ ᑖᕗᖓᐅᓕᒍᓐᓇᑐᓂᑦ ᐊᕙᑎᒧᑦ ᐃᑯᓪᓚᑎᑦᓯᒐᓱᓐᓂᒧᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂ ᑐᓴᕐᑎᓯᒍᑎᓕᐅᕐᓂᖁᑦ ᑐᑭᓯᒪᔭᐅᒋᐊᓖᑦ ᖃᓄᐃᓕᖓᒐᓱᓐᓂᐅᔪᐃᑦ ᓄᐃᑦᓯᒋᐊᖕᖓᐅᑎᓂᑦ ᑲᔪᓯᓕᕐᑎᑕᐅᓂᑦᓴᖓᓂ ᐱᓇᓱᐊᕐᑕᐅᒐᓱᑦᑑᑉ ᐅᑭᐅᕐᑕᑐᒥ ᐱᓇᓱᐊᕋᓱᑦᑐᓄᑦ ᐱᕙᓪᓕᐊᓂᕐᒥᒃ ᐱᓇᓱᐊᕐᓂᐅᔪᓂᑦ ᓄᓇᖁᑎᖓᓂ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᑕ. ᐊᓪᓚᓯᒪᔪᖅ ᓄᐃᑦᓯᕗᖅ ᐃᓗᓕᑕᖏᓐᓂᑦ ᐃᓚᐅᒋᐊᓕᓐᓂᑦ ᐱᓇᓱᐊᕐᑕᐅᒐᓱᑦᑑᑉ ᐱᒋᐊᕐᓂᖓᓂ ᑐᑭᓯᓇᕈᑎᖏᓐᓄᑦ ᓱᓇᐃᓗ ᑭᖕᖑᒪᒋᔭᐅᒻᒪᖔᑕ ᓱᕐᖁᐃᓇᑦᓯᐊᖏᑦᑐᓄᑦ ᐱᓇᓱᐊᕐᑕᐅᒐᓱᑦᑐᓄᑦ ᖃᐅᔨᓴᕐᑕᐅᓯᒪᒋᐊᓖᑦ ᐃᒻᒥᒎᓈᕐᑎᓗᑎᑦ ᑐᑭᑖᕈᑎᐅᓂᐊᓕᕐᒪᑕ ᖃᐅᔨᓴᕐᑕᐅᒋᐊᖃᕐᒪᖔᑕ ᖃᐅᔨᓴᕐᑕᐅᒋᐊᖃᖕᖏᒪᖔᑕᓗᓐᓃᑦ.

ᖃᕆᑕᐅᔭᑎᒍᑦ ᓄᐃᑕᑎᑦᓯᕕᖓ ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑐᑭᑖᕐᑐᐃᔩᑦ ᐃᓗᓕᑕᓕᒃ ᑐᑭᓯᒪᒍᑎᓂᑦ ᑖᑦᓱᒧᖓ ᑎᒥᐅᔪᒧᑦ, ᐃᓚᐅᑎᓪᓗᒋᑦ ᑲᑎᖕᖓᔨᖏᑦ, ᐱᓇᓱᐊᕐᑕᐅᒐᓱᑦᑐᑦ ᐊᕙᑎᓕᕆᓂᕐᒧᑦ ᖃᐅᔨᓴᕐᑕᐅᒋᐊᓖᑦ, ᐃᓗᓕᑕᖏᑦ ᓱᕐᕋᑕᐅᒍᑎᐅᒍᓐᓇᑐᓂᑦ ᖃᐅᔨᓴᕈᑎᕕᓂᕐᓂᑦ, ᑭᓇᓕᒫᒃᑯᑦ ᐃᓚᐅᓂᕕᓂᖏᑦ, ᐊᒻᒪᓗ ᐊᓪᓚᕕᐅᓱᕐᓗ ᐱᓇᓱᐊᕐᓂᐅᒐᓱᑦᑐᓂᑦ.

ᐱᓇᓱᖃᑎᒌᑦ ᐃᓄᐃᑦ ᐃᓚᐅᑦᓯᐊᖁᓗᒋᑦ – ᑐᕐᖃᑕᕐᕕᖓᑦ ᐱᕙᓪᓕᐊᓂᕐᒧᑦ ᑖᕗᖓᐅᓕᒍᓐᓇᑐᓂᑦ ᐊᕙᑎᒧᑦ ᐃᑯᓪᓚᑎᑦᓯᒐᓱᓐᓂᒧᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂ ᑐᕐᖃᑕᕐᕕᖓᑦ ᐱᕙᓪᓕᐊᓂᕐᒧᑦ ᑖᕗᖓᐅᓕᒍᓐᓇᑐᓂᑦ ᐊᕙᑎᒥᒃ ᐃᑯᓪᓚᑎᑦᓯᒐᓱᓐᓂᒥᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂ

ᓄᐃᑦᓯᓂᕐᖁᑦ ᐱᓇᓱᖃᑎᒌᑐᓴᓂᑦ 2010ᖑᑎᓪᓗᒍ ᐱᐅᓯᐅᒥᑎᑦᓯᒐᓱᑦᓱᑎᑦ ᐃᓄᐃᑦ ᐃᓚᐅᓕᐅᒥᖁᑦᓱᒋᑦ, ᐃᔨᕐᓯᒪᔭᖃᖕᖏᓗᑎᑦ ᐊᒻᒪᓗ ᐱᒍᓐᓇᕕᖃᑦᓯᐊᓗᑎᑦ ᑐᑭᓯᒪᔭᐅᒋᐊᓕᓐᓂᑦ ᐊᕙᑎᓕᕆᓂᕐᒧᓕᖓᔪᓂᑦ ᖃᐅᔨᓴᕈᓰᑦ ᖃᓄᐃᓘᕐᓂᕆᓲᖏᓐᓂᑦ. ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ, ᑲᑎᕕᒃ ᐊᕙᑎᖃᑦᓯᐊᓂᕐᒧᓕᖓᔪᓂᑦ ᑐᑭᑖᕐᑐᐃᔩᑦ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐱᓇᓱᖃᑎᒌᑦᑎᐅᔪᓄᑦ ᐃᓚᒋᔭᐅᕗᑦ. ᐱᐅᓯᐅᒥᑎᑦᓯᓂᕐᒥᒃ ᐃᓄᐃᑦ ᐃᓚᐅᒋᐊᖃᕐᓂᖏᑦ ᐱᒻᒪᕆᖁᑎᒋᔭᐅᒻᒪᑦ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑎᑦ ᑲᑎᒪᔨᖏᓐᓄᑦ, ᑲᐃᓪᓗᑐᐃᒋᐊᓪᓛᖁᑦ ᓱᓕᑦᓯᐊᑐᓂᑦ ᐊᓯᑦᔨᓂᑦᓴᓂᑦ ᓱᑲᑦᑑᕕᒋᒍᓐᓇᑕᓕᒫᖓᒍᑦ.

ᖃᓄᐃᓕᖓᒐᓱᓐᓂᒥᒃ ᐊᓪᓚᓯᒪᔪᖁᑎᖓ ᓲᖑᓯᒋᐊᕐᑎᓯᓂᕐᒥᒃ ᐊᕙᑎᒥᒃ ᐃᓅᖃᑎᒌᑦᑐᐃᓗ ᓱᕐᕋᑕᐅᒍᑎᒋᒍᓐᓇᑕᖏᑦᑕ ᖃᐅᔨᓴᕐᑕᐅᓂᖓᓂᒃ ᐊᒻᒪᓗ ᕿᒥᕐᕈᔭᐅᓂᖓᓂᒃ ᖃᓄᐃᓘᕈᓯᐅᓲᑦ ᓄᓇᕕᒻᒥ (ᐊᐃᕆᓕ 2009)

ᐊᑭᖓ ᐋᕐᕿᓯᒪᔪᖅ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᖅ

ᑯᐸᐃᒃ ᓯᕿᓂᖓᓂ, ᐱᓇᓱᐊᕐᓂᒥᒃ ᐱᕙᓪᓕᐊᒐᓱᑦᑐᐃᑦ ᐊᑭᓖᒋᐊᖃᓲᑦ ᐱᕙᓪᓕᐊᓂᓕᒫᖏᓐᓂᑦ ᐊᕙᑎᐅᑉ ᖃᐅᔨᓴᕐᑕᐅᓂᖏᓐᓂᑦ. ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᕿᒥᕐᕈᒋᐊᓪᓚᓂᕐᖁᑦ ᑖᑦᓱᒥᖓ ᐱᓇᓱᐊᕐᑕᐅᒐᓱᑦᑐᐃᑦ ᑯᐸᐃᒃ ᓄᓇᖁᑎᖓᓃᑦᑐᐃᑦ ᐊᕙᑎᒧᓕᖓᔪᓂᑦ ᕿᒥᕐᕈᔭᐅᒋᐊᓖᑦ ᐋᕐᕿᑕᐅᒪᔪᑦ ᐊᕕᑦᑐᓯᒪᔪᒥ 23ᒥ ᔭᐃᒻᔅ ᐸᐃᒃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂ.

ᐊᓪᓚᑕᕕᓂᖏᑦ ᐱᑦᔪᑎᓖᑦ ᐊᑭᓖᒍᑎᐅᓲᓂ ᐱᓇᓱᐊᕐᑕᐅᒐᓱᑦᑐᓄᓕᖓᔪᑦ ᐊᕙᑎᐅᑉ ᐃᓅᖃᑎᒌᑦᑐᐃᓗ ᖃᐅᔨᓴᕐᑕᐅᓂᖏᓐᓂᑦ ᕿᒥᕐᕈᔭᐅᓂᖏᓐᓂᓗ ᖃᓄᐃᓘᕐᓂᕆᓲᖏᑦ ᓄᐃᑕᕕᓃᑦ ᓵᑉᑕ 2ᒥ ᐊᕙᑎᐅᑉ ᖃᓄᐃᖕᖏᓯᐊᕆᐊᖃᕐᓂᖓᓂ ᐱᖁᔭᖅ (ᕕᕈᐊᕆ 2012)

ᑐᓂᕐᑕᓂᐊᕐᓂᖅ ᐃᓗᕐᕈᓯᖅ

ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᕿᒥᕐᕈᓂᕐᖁᑦ ᑐᑭᓯᓇᕐᑎᓯᒍᑎᓂᑦ ᐱᒋᐊᕐᑎᓯᓂᐊᕐᑐᓄᓕᖓᔪᓂᑦ ᐱᓇᓱᐊᕐᓂᐅᔪᒥᒃ ᐃᓱᒪᒋᔭᐅᒋᐊᓖᑦ ᑕᐃᑦᓱᒪᓂᑕᐃᑦ ᑐᓂᕐᑕᓂᐊᕐᓂᒧᓕᖓᔪᑦ ᑲᔪᓯᑎᑕᐅᓂᑦᓴᖓᓄᑦ ᖃᐅᔨᓴᕐᓃᑦ ᓱᕐᕃᒍᑎᐅᒍᓐᓇᑐᓂᑦ ᐊᕙᑎᒥᒃ ᒪᓕᓪᓗᑎᑦ ᐱᖁᔭᖏᓐᓂᑦ ᐊᕙᑎᐅᑉ ᖃᓄᐃᙱᓯᐊᕆᐊᖃᕐᓂᖓᓂᒃ ᓄᐃᑕᐅᔪᕕᓂᖅ ᑐᕐᖃᑕᕐᕕᖓᓄᑦ ᐃᓗᕐᕈᓯᓕᕆᓂᐅᑉ ᑐᑭᓯᒪᖃᑎᒌᓐᓂᓕᕆᓂᐅᓗ. ᑐᑭᓯᓇᕐᑎᓯᒍᑎᒃ ᓄᐃᑦᓯᕗᖅ ᐱᖁᔭᑎᒍᑦ ᑐᖕᖓᕕᖏᓐᓂᑦ ᐃᓗᕐᕈᓯᒧᓕᖓᔪᓂᑦ ᑕᐃᑦᓱᒪᓂᑕᕐᓄᓕᖓᔪᓂᑦ ᐱᖁᑎᓂᑦ, ᑐᓂᕐᑕᓂᐊᕐᕕᐅᑉ ᓄᓇᖓ ᐊᕙᑎᖓᓂ ᖃᐅᔨᓴᕐᓂᒧᓕᖓᔪᓂᑦ, ᐊᒻᒪᓗ ᖃᓄᐃᓗᕆᐊᖃᕐᓂᖏᓐᓂᑦ ᐱᓇᓱᐊᕐᓂᒥᒃ ᐱᒋᐊᕐᑎᓯᓱᖕᖑᔪᑦ ᒪᓕᒋᐊᓕᖏᑦ ᐱᑦᔪᑎᖃᕐᓱᑎᑦ ᐃᓗᕐᕈᓯᒧᓕᖓᔪᓂᑦ ᑕᐃᑦᓱᒪᓂᑕᕐᓄᓕᖓᔪᓂᑦ ᐱᖁᑎᓂᑦ ᐱᕙᓪᓕᐊᔭᐅᒐᓱᑦᑑᑉ ᐊᕙᑎᖓᓂ.

ᐱᓇᓱᐊᕐᓂᐅᒐᓱᑦᑐᒥᒃ ᐱᒋᐊᕐᑎᓯᓱᖕᖑᔪᓄᑦ ᑐᑭᓯᓇᕐᑎᓯᒍᑎᒃ

ᑲᕙᒪᑐᖃᒃᑯᑦ ᖃᓄᐃᓘᕈᓯᖏᑦ ᑐᖕᖓᕕᖃᕐᓱᑎᑦ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᓂᒃ