ᓯᓚᐅᑉ ᐅᕐᖂᓯᕙᓪᓕᐊᓂᖓᓄᑦ ᓱᕐᕋᑕᐅᒪᓃᑦ ᐊᒥᓲᓕᕙᓪᓕᐊᒪᑕ, ᓄᓇᕕᒃ ᐊᑦᑐᑕᐅᒪᔪᐸᐅᔮᓘᒻᒪ ᐊᒥᓱᓄᑦ ᐱᕙᓪᓕᐊᔪᓄᑦ ᐃᓄᑦᑖᕐᐸᓕᐊᓂᖓᓄᓪᓗ, ᐊᐅᓚᒍᓐᓇᐅᑎᓂᒃ ᑭᖕᖒᒪᑦᓯᓂᖓᓄᓪᓗ, ᐊᕙᑎᖓᓗ ᐱᕕᑦᓴᖃᕐᓂᔪᐊᖓᓄᑦ ᐃᒪᕐᒧᑦ ᐃᑯᒪᐅᑎᓕᐅᕐᓂᒧᓪᓗ. ᓄᓇᐅᑉ ᐊᑐᕐᑕᐅᓂᖓᑕ ᐱᕙᓪᓕᐊᓂᖓ ᐸᕐᓇᓯᒪᐅᑎᐅᕗᑦ ᑲᕙᒪᐅᑉ ᐱᔭᑦᓴᖏᓐᓄᑦ, KEAC-ᑯᑦ ᐃᓱᒪᕗᑦ ᐊᑐᒻᒪᕆᓂᖓᓂᑦ ᐱᕙᓪᓕᒍᑏᑦ ᐃᑲᔪᕐᑎᒌᓂᒃᑯᑦ ᑎᒍᒥᐊᕐᑕᐅᔪᑦᓴᐅᒪᑕ ᑭᒡᒐᑐᐃᔨᖏᓐᓄᑦ, ᑲᕙᒣᑦ ᐊᐅᓚᑦᓯᕕᖏᑦᑕ ᑲᒪᒋᒋᐊᓕᖏᑦ ᐊᒻᒪᓗ ᓄᓇᕕᒻᒥᐅᑦ ᖃᓄᖅ ᐃᑉᐱᓂᐊᕐᒪᖔᑦᑕ ᓴᓗᒪᔪᓂᒃ ᐃᑯᒪᓕᐅᕈᓐᓇᐅᑎᓂᒃ ᓄᓇᕕᐅᑉ ᓄᓇᓕᖏᓐᓂᑦ.

ᖃᒻᒥᖅ ᐊᑑᑎᔭᐅᓚᐅᔪᐃᑦ

• ᐅᖃᐅᓯᑦᓴᓕᕕᓃᑦ ᑲᑎᕕᒻᒨᓕᖓᔪᒥᒃ ᐃᓄᓕᒫᓄᑦ ᓄᓇᐅᑉ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑎᓄᑦ (PATP) ᑕᕐᕋᖓᓄᑦ ᑯᐯᒃ ᓄᓇᖓᑕ.
• ᕿᒥᕐᕈᔪᕕᓃᑦ MAMH 2023-2027 ᐊᑐᓕᕐᑎᓯᓂᕐᓄᑦ ᐸᕐᓇᓯᒪᐅᑎᖓᓂᒃ ᑲᓇᑕᒥ ᓴᓇᒪᓂᖏᓐᓄᑦ ᐊᒻᒪᓗ ᓄᓇᐅᑉ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑎᓄᒃ ᒪᓕᒐᖓᓄᑦ.
• ᕿᒥᕐᕈᑕᐅᓯᒪᔪᑦ ᑯᐯᒃᑯᑦ ᑲᕙᒪᖓᑕ 2022-2026 ᓇᐅᓕᒫᓄᑦ ᐊᑐᕐᑕᐅᒍᓐᓇᓂᖓᓄᑦ ᐸᕐᓇᓯᒪᐅᑎ
• ᕿᒥᕐᕈᑕᐅᓯᒪᔪᑦ ᒪᓕᒐᑦᓴᓕᐊᖑᒪᔫᑉ ᓴᕐᕿᑕᐅᒋᐊᖕᖓᐅᑎᕕᓂᖓ ᓄᓀᑦ ᐊᑐᕐᑕᐅᒍᓐᓇᓂᖓ ᑲᑎᕕᐅᑉ ᓄᓇᖁᑎᖓᓂ
• ᐅᖃᐅᓯᑦᓴᖃᕐᕕᐅᓯᒪᔪᖅ ᓯᓚᐅᑉ ᐊᓯᑦᔨᕙᓪᓕᐊᓂᖓᓄᑦ ᓱᖏᐅᓯᓴᕋᓱᐊᕈᑎᑦᓭᑦ ᓴᕐᕿᑕᐅᒋᐊᖕᖓᐅᑎᕕᓂᖏᑦ ᕿᔪᑦᑕᓕᒻᒥ ᑲᒪᒍᑎᐅᒐᔭᕐᑐᐃᑦ
• Société du Plan Nord’s Northern Action Plan, 2020- 2023 ᐸᕐᓇᓯᒪᐅᑎ ᐃᑉᐱᒍᓲᑎᑦᓴᓂᒃ ᑲᔪᑎᑦᓯᒍᑎᑦᓴᓂᖅ
• ᐅᖃᐅᓯᑦᓴᓂᒃ ᑐᓂᔭᐅᓯᒪᔪᑦ MAMH-ᑯᑦ ᑲᓇᑕᓕᒫᒥ ᖃᓪᓗᓈᕐᔪᐊᒥᐅᑦ ᐊᒻᒪᓗ ᓄᓇᓕᓕᒫᓂ ᐸᕐᓇᓯᒪᐅᑎᐅᑉ ᐋᕐᕿᓱᕐᑕᐅᓯᒪᓂᖓ ᐱᑦᔪᑎᒋᑦᓱᒍ

ᑕᑯᒋᐊᕈᓐᓇᑕᑎᑦ ᑐᓴᕐᑎᓯᐅᑎᓕᐊᖑᓯᒪᔪᑦ ᑕᒪᑐᒧᖓᓕᖓᔪᓄᑦ ᐅᕙᓂ: https://keac-ccek.org/en/briefs-and-position-papers/