KEAC-ᑯᑦ ᑎᓕᔭᐅᒪᒍᑎᖓ
- ᑎᒥᐅᔪᖓ ᐃᒫᖔᕐᑎᓯᔨᐅᓗᓂ ᑲᕙᒪᓂᒃ ᒪᑯᓄᖓ ᐱᖁᔭᓕᕆᓂᕐᓄᑦ ᐊᒻᒪᓗ ᒪᓕᒐᑦᓴᓕᕆᓂᕐᓄᑦ ᓄᓇ ᐱᑦᔪᑎᒋᓪᓗᒋᑦ ᐃᓄᓐᓂᓗ ᓴᐳᑦᔨᓯᓕᕆᓂᕐᒧᑦ, ᐊᒻᒪᓗ ᐊᐅᓚᑦᓯᓕᕆᓂᕐᓄᑦ ᑲᒪᔨᓕᕆᓂᕐᓄᓗ ᐊᐅᓚᑦᓯᓗᑎᒃ;
- ᐃᒫᖔᕐᑎᓯᓗᑎᒃ ᐱᖁᔭᓕᕆᓂᕐᓂᒃ, ᒪᓕᒐᑦᓴᓕᐊᓂᒃ ᐊᒻᒪᓗ ᐊᓯᖏᓐᓂᒃ ᓄᓇ ᐱᑦᔪᑎᕆᓗᒍ ᐃᓄᓐᓂᓗ ᓴᐳᑦᔨᐅᑎᖏᓐᓄᑦ;
- ᓄᓇᒥᒃ ᕿᒥᕐᕈᓗᑎᒃ ᐃᓄᐃᓗ ᐊᑦᑐᑕᐅᒍᑎᖏᓐᓂᑦ ᖃᐅᔨᓴᕐᓗᑎᒃ ᕿᒥᕐᕈᓗᑎᓗ ᐊᐅᓚᑕᐅᔪᓂᒃ ᒪᓕᒐᑦᓴᖏᓐᓂᓗ;
- ᖃᐅᔨᓴᕙᓪᓗᑎᒃ ᐱᓐᓀᓗᑕᓂᒃ ᐊᑐᓕᕐᑎᑕᐅᔪᑦᓴᓄᑦ ᓄᓇᓕᕆᓂᕐᒥᒃ ᐊᒻᒪᓗ ᐃᓄᓐᓂᒃ ᓴᐳᑦᔨᓕᕆᓂᕐᒧᑦ ᐊᐅᓚᑕᐅᔪᓂᒃ ᓄᓇᐅᓗ ᐊᑑᑎᔭᐅᒍᓯᖏᓐᓂᑦ;
- ᐊᕐᖁᑎᐅᓗᑎᒃ ᓄᓇᕕᒻᒥᐅᓄᑦ ᐃᑲᔪᕐᓯᓗᑎᓗ ᓄᓇᓖᑦ ᐊᒻᒪᓗ ᐊᕙᑎᖓᑕ ᐱᖁᔭᖏᓐᓂᑦ ᐊᑐᐃᓐᓇᐅᕐᑎᓂᑎᒍᑦ ᑐᓂᓯᓗᑎᓗ ᐃᑲᔪᕐᓯᒍᓐᓇᓂᕐᒥᓂᒃ.
ᓄᓇ ᐊᐅᓚᑦᓯᕕᐅᔪᖅ
ᐊᕙᑎᓕᕆᓂᕐᒧᑦ ᐊᒻᒪᓗ ᐃᓄᓐᓂᒃ ᓴᐳᑦᔩᓂᕐᒧᑦ ᐊᐅᓚᑦᓯᓂᖅ
ᐊᕙᑎᓕᕆᓂᕐᒧᑦ ᐊᒻᒪᓗ ᐃᓄᓐᓂᒃ ᓴᐳᑦᔩᓂᕐᒧᑦ ᐊᐅᓚᑦᓯᓂᖅ ᓄᓇᕕᒻᒥ ᓄᐃᑕᐅᓯᒪᔪᖅ ᐊᕕᑦᑐᓯᒪᓂᖓᓂ 23-ᒥᒃ ᔦᒥᔅ ᐯ ᐊᒻᒪᓗ ᑯᐯ ᑕᕐᕋᖓᓂ ᐊᖏᖃᑎᒌᒍᑎᖓᓂ ᐊᒻᒪᓗ ᐊᕙᑎᒥᒃ ᑲᒪᑦᓯᐊᓂᕐᒧᑦ ᐸᕐᓇᓯᒪᐅᑎᖓᓂ (Environment Quality Act), ᒪᑯᐊ ᒪᓕᑉᐳᑦ:
- ᐊᕙᑎᓕᕆᓂᕐᒧᑦ ᐊᒻᒪᓗ ᐃᓄᓐᓂᒃ ᐱᖁᔭᖃᑦᑎᓯᓂᕐᒧᑦ ᒪᓕᒐᑦᓴᓄᓪᓗ ᓄᓇᒥᒃ ᐊᑐᕐᑕᐅᓂᖃᒍᑎᖏᓐᓄᓗ ᐃᓚᖓᓂᓪᓕ ᐊᑐᓕᕐᑎᑕᐅᒪᒍᓐᓇᑐᑦ ᓄᐃᑕᐅᓗᑎᓪᓘᓃᑦ ᑲᑐᑦᔭᐅᖁᓪᓗᒋᑦ ᐅᕝᕙᓘᓐᓃᑦ ᓄᓇᒥᒃ ᐊᑦᑕᓇᕐᐸᑕ ᓄᕐᖃᑎᑕᐅᒍᓐᓇᖁᓪᓗᒋᑦ ᓴᓇᔭᐅᕕᖏᓐᓄᑦ ᐅᕝᕙᓘᓐᓃᑦ ᓱᕐᕃᒪᑉᐸᑕ ᐃᓄᐃᑦ, ᓇᔅᑳᐱᒃᑯᑦ ᐊᒻᒪᓗ ᐊᓪᓓᑦ ᐊᕙᑎᖓᓂ ᐊᒻᒪᓗ ᐆᒪᔪᖁᑎᖏᓐᓂᑦ ᐊᕙᑎᒥ;
- ᐊᕙᑎᓕᕆᓂᕐᒧᑦ ᐊᒻᒪᓗ ᐃᓄᓐᓂᒃ ᐊᑦᑐᑕᐅᒪᒍᑎᖏᓐᓂᑦ ᖃᐅᔨᓴᕐᓂᒧᑦ ᕿᒥᕐᕈᓂᕐᒧᓗ ᓄᐃᑕᐅᒪᔪᑦ ᓀᓪᓕᑎᑦᓯᒍᒪᑦᓱᑎᒃ ᐱᓐᓀᓗᑕᑦᓴᓂᒃ ᐊᕙᑎᒧᑦ ᐊᒻᒪᓗ ᐃᓄᓐᓄᑦ ᓱᕐᕋᑕᐅᒪᒍᑎᖏᓐᓂᒃ ᐱᕙᓪᓕᐊᓂᕐᓄᑦ ᐃᓄᐃᑦ, ᓇᔅᑳᐱᒃᑯᑦ ᐊᒻᒪᓗ ᐊᓪᓓᑦ ᐃᓄᖏᓐᓄᑦ ᐆᒪᔪᖁᑎᖏᓐᓄᓗ ᐊᕙᑎᖏᓐᓂᑦ;
- ᐊᑦᔨᐅᖏᑦᑐᒥᒃ ᐃᓚᐅᑎᑦᓯᒍᑎᒥᓪᓗ ᐃᓄᓐᓄᑦ, ᓇᔅᑳᐱᒃᑯᓄᑦ ᐊᓪᓓᓄᓪᓗ ᐊᒻᒪᓗ ᐊᕙᑎᓂᒃ ᓄᓇᓕᖃᕐᕕᓕᓐᓄᑦ ᐅᖓᑖᓄᓪᓗ ᓇᓗᓀᕐᑕᐅᒪᕕᖏᑦ ᐱᕙᓪᓕᐊᑕᐅᒪᕕᖏᓗ ᑭᓇᓕᒫᖅ ᐃᓚᐅᒍᓐᓇᓂᐊᕐᑐᖅ ᑐᓴᐅᒪᑎᑦᓯᓂᐅᓂᐊᕐᑐᓂᒃ ᐅᕝᕙᓘᓐᓃᑦ ᑭᒡᒐᑐᕐᑎᖏᓐᓄᑦ ᖃᖓᑐᐃᓐᓇᖅ ᕆᐊᖃᓕᕐᐸᑕ ᓴᐳᑦᔨᒍᑎᐅᓗᓂ ᐅᕝᕙᓘᓐᓃᑦ ᐊᑐᓕᕐᑎᓯᕆᐊᖃᓕᕐᐸᑕ ᐃᑲᔫᑎᓂᒃ ᐃᓄᓐᓄᑦ, ᓇᔅᑳᐱᒃᑯᑦ ᐊᒻᒪᓗ ᐊᓪᓓᑦ ᐃᓄᖏᓐᓄᑦ ᓄᐃᑕᐅᒪᔪᖅ ᐊᒻᒪᓗ ᐊᑐᓕᕐᑎᓯᒪᔪᖅ ᔦᒥᔅ ᐯ ᐊᒻᒪᓗ ᑯᐯ ᑕᕐᕋᖓᓂ ᐊᖏᖃᑎᒌᓂᖓᓂ (JBNQA);
- ᐃᓄᐃᑦ, ᓇᔅᑳᐱᒃᑯᓗ ᐊᓪᓓᓗ ᐱᒍᓐᓇᐅᑎᖏᓐᓂᑦ ᐱᔪᓐᓇᐅᑎᖏᓐᓂᓗ ᓴᐳᑦᔨᒍᑎ ᓄᐃᑕᐅᓯᒪᔪᖅ ᐊᑐᓕᕐᑎᑕᐅᒪᑦᓱᓂᓗ ᐊᕕᑦᑐᓯᒪᕕᖓᓂ 24-ᒥ ᔦᒥᔅ ᐯ ᐊᒻᒪᓗ ᑯᐯ ᑕᕐᕋᖓᓂ ᐊᖏᖃᑎᒌᓂᖓᓂ (JBNQA);
- ᐃᓄᐃᑦ, ᓇᔅᑳᐱᒃᑯᑦ ᐊᓪᓓᓗ ᐃᓄᖏᓐᓂᑦ ᓴᐳᑦᔩᓂᖅ, ᑮᓇᐅᔭᓕᐊᖏᓐᓂᓗ ᐊᕙᑎᖏᓪᓗ ᐆᒪᔪᖁᑎᖏᓐᓂᑦ ᐊᓐᓂᓇᕐᒪᑕ;
- ᐱᕙᓪᓕᐊᒍᓐᓇᖁᓪᓗᒋᑦ ᐊᕙᑎᖏᓐᓂᒃ;
- ᓴᐳᑦᔩᓂᖅ ᐱᒍᓐᓇᐅᑎᖏᓐᓂᑦ ᐱᔪᓐᓇᐅᑎᖏᓐᓂᓗ ᓇᔅᑳᐱᒃᑯᑦ ᐃᓄᖁᑎᖏᑦ ᑳᕗᐊᕗᐊᑦᓯᑲᒫᔅ-ᒥ ᐆᒪᔪᕐᓯᐅᓂᕐᓄᑦ, ᐃᖃᓪᓕᓂᕐᓄᓗ ᒥᑭᒋᐊᓕᕆᓂᕐᒧᓗ ᑯᐯ ᐅᐊᓐᓂᖓᓂ ᐃᓚᐅᔪᓄᑦ (NEQA).
2020-2025 ᐸᕐᓇᓯᒪᐅᑎ
ᐱᑦᔪᑎᖓ ᐸᕐᓇᓯᒪᐅᑎᐅᑉ 2020–2025 ᐊᕐᕌᒍᖏᓐᓂᑦ ᑐᑭᑖᕐᑎᓯᐅᑎᐅᕗᒃ KEAC-ᑯᑦ ᐊᐅᓚᑕᖏᓐᓂᑦ ᑭᐅᒍᑎᐅᓗᓂ ᐊᕙᑎᓕᕆᓂᕐᒧᑦ ᐃᓄᓐᓂᓗ ᓴᐳᑦᔨᐅᑎᖏᓐᓂᑦ ᐱᓐᓀᓗᑕᓄᑦ ᓄᓇᕕᒻᒥ, ᒪᓕᓪᓗᑎᒃ JBNQA-ᒥ ᐊᒻᒪᓗ NEQA-ᑯᓂᑦ. ᐸᕐᓇᓯᒪᐅᑎᑎᒍᑦ, KEAC-ᑯᑦ ᐱᕙᓪᓕᐊᑎᑦᓯᒍᓐᓇᓂᐊᕐᑐᑦ ᑭᐅᒋᐊᓕᓂᒃ ᐱᕙᓪᓕᐊᔪᑦᓴᓂᒃ ᑲᔪᓯᑎᒐᑦᓴᓂᓪᓗ, ᓴᐳᑦᔨᔨᓗᑎᒃ ᓄᓇᒥᐅᑕᓂᒃ, ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓᑕ ᖃᐅᔨᒪᒍᑎᖏᓐᓂᑦ ᐊᒻᒪᓗ ᐃᓅᓱᑦᓯᐊᓂᕐᒧᑦ ᓄᓇᕕᒻᒥᐅᓕᒫᓄᑦ.