ᓄᓇᕕᒃ 36%-ᓂᒃ ᑎᒍᒥᐊᕐᑐᖅ, ᐊᖏᓂᖓ 500,000 km2, ᑯᐯ ᓄᓇᖓᓂ. 2020-ᒥ, ᐅᔭᕋᓐᓂᐊᓂᕐᒧᑦ 23,000 ᐅᖓᑖᓂᒃ ᑲᒪᔪᕕᓂᐅᓚᐅᔪᑦ ᓄᓇᕕᒻᒥ, ᐱᖓᓱᑦ ᐅᔭᕋᓐᓂᐊᑏᑦ ᐃᖏᕐᕋᔪᑦ, ᐱᖓᓱᑦ ᐱᔭᑦᓭᑦ ᐊᑐᐃᓐᓇᐅᕐᑎᑕᐅᔪᑦ ᐊᒻᒪᓗ ᐱᕕᑦᓴᑖᕐᕕᓂᒃ ᖃᐅᔨᓴᖏᓐᓇᓱᑎᒃ ᓄᓇᕕᓕᒫᒥ. KEAC-ᑯᑦ ᐃᓱᒫᓗᑦᑐᑦ ᑕᒪᒃᑯᐊ ᐱᕙᓪᓕᐊᓂᖏᑦ ᓱᕐᕃᒍᓐᓇᒪᑕ ᓄᓇᕕᐅᑉ ᐊᕙᑎᖓᓂ ᐃᓄᐃᑦ ᓄᓇᖓᓂᓪᓗ ᐊᒻᒪᓗ ᑐᓴᐅᒪᑦᓯᐊᕋᓱᑦᓱᑎᒃ ᓄᓇᕕᒻᒥ ᐅᔭᕋᓐᓂᐊᓂᕐᓄᑦ ᐱᕙᓪᓕᐊᔪᓂᒃ. KEAC-ᑯᑦ ᖃᐅᔨᓴᕙᓪᓗᑐᑦ ᓱᓀᓗᐊᖕᖑᐊᖅ ᓱᕐᕃᒍᓐᓇᒪᖔᑦᑕ ᐅᔭᕋᓐᓂᐊᓂᒃᑯᑦ ᐊᐅᓚᑕᐅᔪᓄᑦ.

ᖃᒻᒥᖅ ᐊᑑᑎᔭᐅᓚᐅᔪᐃᑦ

• ᑐᓴᕐᑕᐅᑫᓂᖃᕐᓱᑕ ᐳᕐᑐᓃᑦ ᓴᓗᒻᒪᓴᕐᑕᐅᒋᐊᖃᕐᓂᖓᓂᒃ MERNᑯᓄᑦ.
• ᐃᑉᐱᒋᑦᓱᒋᑦ ᐋᕐᕿᒋᐊᕐᑕᐅᒍᑎᖏᑦ ᐊᒻᒪᓗ ᐊᑑᑎᔭᐅᒍᑎᖏᑦ ᐅᔭᕋᓐᓂᐊᓂᐅᑉ ᐱᖁᔭᖓ ᓄᓇᕕᒻᒥ.
• ᑐᓂᓯᑦᓱᑕ ᐅᖃᐅᓯᑦᓴᓂᒃ ᑯᐯᒃ ᐸᕐᓇᓯᒪᐅᑎᖓᓄᑦ ᐱᕙᓪᓕᐊᑎᑕᐅᓂᖓᓄᑦ ᐱᓪᓚᕇᑦ ᐊᒻᒪᓗ ᐋᕐᕿᓯᒪᐅᑎᐅᒋᐊᓖᑦ ᐅᔭᕋᑦᑕᔦᑦ.
• ᑐᓂᓯᑦᓱᑕ ᐅᖃᐅᓯᑦᓴᓂᒃ ᐊᒻᒪᓗ ᐃᑉᐱᒋᖏᓐᓇᓱᒍ MERN-ᑯᑦ ᓄᓇᖃᕐᖄᓯᒪᔪᓂᒃ ᐃᓄᓕᒫᕐᑎᓯᓂᕐᒧᑦ ᒪᓕᒐᖓᓂᒃ ᐅᔭᕋᕐᓂᐊᓂᕐᒨᓕᖓᔪᒥᒃ.
• ᑐᑭᒧᐊᕐᑎᓯᖃᑕᐅᑦᓱᑕ ᐃᓄᓕᒫᕐᑎᓯᓂᕐᒥ ᓄᓇᕕᒻᒥ BAPEᑯᓄᑦ ᑎᓕᔭᐅᒪᐅᑎ ᒪᓕᑦᓱᒍ ᕿᒥᕐᕈᖃᑕᐅᒋᐊᕐᖃᕐᓂᕗᑦ ᐊᒻᒪᓗ ᐃᓄᓕᒫᕐᑎᓯᒋᐊᖃᕐᓂᕗᑦ ᓄᖑᔪᐃᑦᑐᓕᕆᓂᕐᒥ ᐱᓇᓱᕝᕕᒪᕇᑦ ᑯᐯᒻᒥ.

ᑕᑯᒋᐊᕈᓐᓇᑕᑎᑦ ᑐᓴᕐᑎᓯᐅᑎᓕᐊᖑᓯᒪᔪᑦ ᑕᒪᑐᒧᖓᓕᖓᔪᓄᑦ ᐅᕙᓂ: https://keacccek.org/en/briefs-andposition-papers/