ᐃᒪᖅ

ᓄᓇᕕᒻᒥ, ᑕᓰᑦ ᐊᒻᒪᓗ ᐃᒪᕐᐲᑦ ᐊᒥᓲᒻᒪᑕ ᓄᓇᕕᒻᒥ ᐊᒻᒪᓗ ᑲᒪᕆᔭᐅᑦᓯᐊᕆᐊᖃᕐᓱᑎᒃ ᐱᒋᐅᕐᓴᑕᐅᓗᓂ ᑕᒪᓐᓇ ᐃᒪᖃᑦᓯᐊᓂᖅ. ᒪᕆᓪᓕ, ᐊᒥᓱᐃᑦ ᑕᓰᑦ ᑰᓪᓗ ᐃᓄᓐᓄᑦ ᐊᑐᕐᑕᐅᒪᑕ ᓇᔅᑳᐱᒃᑯᓄᓪᓗ ᐊᐅᓪᓛᑐᓄᑦ. ᑖᑦᓱᒧᖓ, ᓄᓇ ᐊᕿᓪᓕᕙᓪᓕᐊᓂᖓ ᓱᕐᕃᒪᒻᒥᔪᖅ ᐊᕙᑎᓂᒃ ᓄᓇᐅᑉ ᐅᕐᖂᓯᕙᓪᓕᐊᓂᖓᓄᑦ, ᓱᑲᓯᕆᐊᕐᓯᒪᑦᓱᓂ ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓᓄᑦ, ᐊᓯᑦᔨᒍᓯᖓ ᐊᖏᔪᕐᔪᐊᒥ ᐅᓇᒻᒥᓇᕐᒪᑦ. ᒥᑭᓪᓗᑕᒃᑯᑦ ᑐᑭᓯᓇᕐᒪᑕ ᖃᐅᓯᑦᑑᖏᑦ ᓄᓀᑦ ᐊᒻᒪᓗ ᑕᓯᖏᑦ ᑕᕐᕋᒥ ᐊᑐᓕᕐᑎᑕᐅᒍᑕᖓᓂᑦ ᓴᐳᑦᔩᕆᓂᕐᒧᑦ ᐊᕙᑎᓂᒃ ᐊᑐᒻᒪᕆᓚᕿᔪᖅ.

KEAC-ᑯᑦ ᖃᐅᔨᓴᕐᐸᑐᑦ ᐃᒪᐅᑉ ᐱᐅᓯᖏᓐᓂᑦ ᐊᓯᑦᔨᓕᕐᒪᖔᑦᑕ ᑐᑭᑖᒍᑎᖃᕐᓂᐊᕋᒥᒃ ᒪᓕᒐᑦᓴᓂᒃ ᓄᓇᕕᒻᒥ. ᑕᒪᓐᓇ ᐃᓚᐅᔪᖅ ᓄᓇᕕᒻᒥᐅᑦ ᐃᓗᓯᖓᓄᑦ, ᒪᑯᓄᖓᓗᐊᖕᖑᐊᖅ ᐃᒪᖃᒍᓐᓇᓂᖓᓄᑦ ᓄᓇᓕᓐᓂᑦ ᐃᒥᕐᑕᓂᒃᑯᑦ, ᐊᒻᒪᓗ ᑌᒪᖕᖓᑦ ᐋᕐᕿᕆᐊᒋᐊᖃᕐᓂᖓᓄᑦ ᓄᑕᐅᓯᓕᕐᑎᓂᒃᑯᑦ ᐃᒪᖃᕐᑎᓯᓂᕐᒧᑦ. KEAC-ᑯᑦ ᖃᐅᔨᓴᕐᐸᒥᔪᑦ ᐱᖁᔭᓂᒃ ᒪᓕᒐᑦᓴᓂᓪᓗ ᐱᑦᓯᐊᑕᐅᖁᕕᑦᓱᑎᒃ ᐃᓱᒪᑦᓴᓯᐅᕐᑕᓂᒃ ᐊᑕᐅᓯᑐᐊᒍᒻᒪᑕ ᐊᒻᒪᓗ ᐊᓐᓂᓇᕐᓱᑎᒃ ᓄᓇᕕᐅᑉ ᐃᒪᖃᕐᕕᖏᑦ ᐃᒪᕐᐱᖏᓪᓗ.

ᖃᒻᒥᖅ ᐊᑑᑎᔭᐅᓚᐅᔪᐃᑦ

  • ᐅᖃᐅᓯᖃᕐᕕᒋᑦᓱᒍ ᑲᓇᑕᐅᑉᐃᒪᕐᐱᓕᕆᓂᕐᒥ ᐋᕐᕿᓯᒪᐅᑎᑦᓴᓕᐊᖓᓂ.
  • ᐅᖃᐅᓯᑦᓴᓂᒃ ᑐᓂᓯᑦᓱᑕ ᐱᓪᓗᒍ ᒪᓕᒐᖅ ᐊᓯᕈᑦᑕᐅᑌᓕᒋᐊᖃᕐᓂᖓᓄᑦ ᐃᒪᕐᓱᐃᑦ ᐊᒻᒪᓗ ᐃᒣᑦ ᐊᒻᒪᓗ ᐊᑑᑎᑎᑕᐅᒍᑎᖏᑦ ᓄᓇᕕᒻᒥ.
  • ᐃᑉᐱᒌᓐᓇᓱᒍ ᓴᓗᒻᒪᓴᕐᑕᐅᓂᖏᑦ ᐃᓪᓗᐃᑦ ᐃᒪᖃᐅᑎᖏᑦᑕ ᓄᓇᕕᒻᒥ.

ᑕᑯᒋᐊᕈᓐᓇᑕᑎᑦ ᑐᓴᕐᑎᓯᐅᑎᓕᐊᖑᓯᒪᔪᑦ ᑕᒪᑐᒧᖓᓕᖓᔪᓄᑦ ᐅᕙᓂ: https://keacccek.org/en/briefs-andposition-papers/