ᐅᔭᕋᕐᓂᐊᓂᕐᒥᒃ ᐱᕙᓪᓕᐊᓂᖅ ᐱᒻᒪᕆᐊᓘᕗᖅ ᐃᓄᓐᓄᑦ ᓄᓇᕕᒻᒥᐅᓄᑦ ᓄᓇᓕᓐᓂ ᖁᓕᓪᓗ ᓯᑕᒪᓪᓗᓂᑦᑐᓄᑦ. ᓄᓇᕕᒃ ᑯᐸᐃᒃᓕᒫᖅ ᑕᑯᓐᓇᓱᒍ 36 ᐳᓴᓐᑦᓗᐊᒋᕙᐅ ᐅᕝᕙᓗᓐᓃᑦ 500,000 ᓯᒃᑭᑕᓪᓗᐊᑦ ᑭᓚᒥᑕᐃᑦ, ᑯᐸᐃᒃ ᓄᓇᖁᑎᖓᓂ. 2015ᑐᐃᓐᓇᒥ, 30,000 ᐅᖓᑖᓂ ᐅᔭᕋᕐᓂᐊᕕᑦᓴᐅᒪᖔᑦ ᖃᐅᔨᓴᕐᕕᖃᕈᒪᑦᓱᑎᑦ ᐃᓐᓄᐃᓯᒪᓐᓂᖁᑦ ᓄᓇᓂᑦ, ᒪᕐᕉᒃ ᐅᔭᕋᕐᓂᐊᕖᒃ ᐃᓂᕐᕋᔫᒃ, ᑕᓪᓕᒪᐃᑦ ᐅᔭᕋᕐᓂᐊᕕᐅᓂᕐᒥᒃ ᐊᑐᐃᓐᓇᕈᕐᑎᓯᒪᔪᑐᖃᐃᑦ ᐊᒻᒪᓗ ᐊᒥᓱᐃᑦ ᐅᔭᕋᕐᓂᑦ ᕿᒥᕐᕈᔪᐃᑦ. ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐃᓱᒫᓗᑎᖃᕐᖁᑦ ᓱᕐᕃᒍᑎᐅᑐᐃᓐᓇᕆᐊᓕᓐᓂᑦ ᐅᔭᕋᕐᓂᐊᕖᑦ ᐱᕙᓪᓕᐊᓂᖏᓐᓄᑦ ᓄᓇᕕᐅᑉ ᓄᓇᖁᑎᖓᓂᒃ ᐃᓅᖃᑎᒌᑦᑐᓂᓗ.

ᐅᔭᕋᕐᓂᐊᓂᖅ ᓄᓇᕕᒻᒥ ᐱᓀᓗᑕᒻᒪᕆᐅᕗᖅ ᐃᓄᓐᓄᑦ, ᓄᓇᖃᕐᑐᓄᑦ 14ᓂᑦ ᓄᓇᓕᓐᓂᑦ, ᓇᔅᑳᐱᒃᑯᓄᓗ ᑲᒐᒐᑦᓯᑲᒪᑦᔅᒥ.  ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐃᑉᐱᒋᔭᖃᓗᐊᖕᖑᐊᓱᖑᕗᑦ ᑲᔪᓯᑎᑕᐅᒐᓗᐊᕐᒪᖔᑕ ᐊᕙᑎᒥᒃ ᖃᐅᔨᓴᕈᓯᐅᓲᑦ ᖃᓄᐃᓘᕈᓯᖏᑦ ᐅᔭᕋᕐᓂᐊᓂᕐᓂᑦ ᑲᔪᓯᓕᕐᑎᑕᐅᓂᖓᓗ ᐱᒍᓐᓇᕆᐊᓕᕕᓂᖏᑦ ᓄᓇᒧᓕᖓᔪᑦ ᐃᓅᖃᑎᒌᓐᓂᓄᓕᖓᔪᐃᓪᓗ ᓴᐳᒻᒥᔭᐅᒋᐊᖃᕐᓂᖏᑦᑕ ᐱᖁᔭᖏᑦ ᐊᓪᓚᑕᐅᒪᔪᑦ ᐊᕕᑦᑐᓯᒪᔪᒥ 23ᒥ ᔭᐃᒻᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᖓᑎᖓᓂ ᐊᒻᒪᓗ ᓴᑉᑕ 2ᒥ ᐊᕙᑎᖃᑦᓯᐊᕆᐊᖃᕐᓂᐅᑉ ᐱᖁᔭᖓᓂ.

ᒫᑦᔨ 2014ᒥ, ᑯᐯᒃ ᑲᕙᒪᖓ ᑎᓕᔨᒍᑎᖃᕐᓂᖁᑦ ᐊᓪᓚᕕᖓᓂ ᐃᓄᓕᒫᕐᓯᓂᕐᒥᒃ ᐊᕙᑎᓕᕆᓂᕐᒧᓕᖓᔪᓂᑦ ᕿᒥᕐᕈᖁᑦᓱᒋᑦ ᐃᓄᓕᒫᕐᓯᑎᑦᓯᓗᑎᓗ ᐱᑦᔪᑎᓕᒻᒥ ᓄᖑᓱᐃᑦᑐᒥᒃ ᐅᔭᕋᕐᒥᒃ ᑯᐯᒃᒥ. ᑎᓕᔭᐅᒍᑎᖓ ᑯᐯᒃᓕᒫᒧᓕᖓᓐᓂᒪᑦ, ᐃᓚᐅᑎᓪᓗᒋᑦ ᓄᓇᖁᑎᖏᑦ ᐊᐅᓚᑕᐅᔪᑦ ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎᖓᓄᑦ ᐊᒻᒪᓗ ᐅᑭᐅᕐᑕᑐᒥ ᐅᐊᓕᓐᖓᓂ ᑯᐯᒃ ᐊᖏᖃᑎᒌᒍᑎᖓᓂ, ᐊᓪᓚᕕᖓ ᐃᓄᓕᒫᕐᓯᓂᕐᒥᒃ ᐊᕙᑎᓕᕆᓂᕐᒧᓕᖓᔪᓂᑦ ᐅᖄᖃᑎᖃᕐᓂᖁᑦ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᒃᑯᓂᑦ ᐊᒻᒪᓗ ᔦᒻᔅ ᐯᒥᐅᑦ ᐊᔪᖀᒋᐊᕐᑏᑦ ᑲᑎᖕᖓᔨᖏᓐᓂᑦ ᐊᕙᑎᓕᕆᓂᕐᒥᒃ ᐃᓚᐅᖁᔨᑦᓱᑎᑦ ᐃᓄᓕᒫᕐᓯᑎᑦᓯᓗᑎᑦ ᐊᑐᐃᓐᓇᕈᕐᑎᑕᐅᔪᑦᓴᓕᐊᒥᒃ ᓄᓇᕕᒻᒥ ᐊᒻᒪᓗ ᔦᒻᔅ ᐯ ᓄᓇᖁᑎᖓᓂ.

ᐱᖓᓱᐃᓕᕿᖓᔪᓂᑦ ᐃᓄᓕᒫᕐᓯᖃᑦᑕᑐᕕᓃᑦ ᐊᓪᓚᕕᖏᑦ ᐃᓄᓕᒫᕐᓯᓂᕐᒥᒃ ᐊᕙᑎᓕᕆᓂᕐᒧᓕᖓᔪᓂᑦ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐊᒻᒪᓗ ᔦᒻᔅ ᐯᒥᐅᑦ ᐊᔪᖀᒋᐊᕐᑏᑦ ᑲᑎᖕᖓᔨᖏᓐᓂᑦ ᐊᕙᑎᓕᕆᓂᕐᒥᒃ ᐊᑦᔨᒌᖕᖏᑐᓂ ᓄᓇᓕᓐᓂ ᓄᓇᕕᒻᒥ ᐊᒻᒪᓗ ᔦᒻᔅ ᐯ ᓄᓇᖁᑎᖏᓐᓂ ᑕᕐᕿᖏᓐᓂᑦ ᒣᒥᑦ ᑎᓯᒻᐱᕆ 2014ᒥ. ᐃᓄᓕᒫᕐᓯᓂᖃᕐᑎᓗᒋᑦ, ᑭᓇᑐᐃᓐᓇᑯᑦ ᐱᕕᑦᓴᖃᕐᑎᑕᐅᓐᓂᖁᑦ ᐅᖄᒍᑎᖃᕐᓗᑎᑦ ᐃᓱᒪᒋᔭᒥᓂᑦ, ᐅᖃᐅᓯᑦᓴᒥᓂᑦ ᐅᖄᕕᑦᓴᖃᕐᑎᑕᐅᑦᓱᑎᑦ ᐊᐱᕐᓱᓗᑎᓗ. ᐊᒥᓲᓂᕐᓭᑦ, ᐃᓚᐅᔪᑦ ᐅᖃᖃᑦᑕᓂᕐᖁᑦ ᐃᓱᒫᓗᑎᒥᓂᑦ ᓱᕐᕋᑕᐅᒍᑎᐅᒍᓐᓇᑐᓂᑦ ᐊᕙᑎᖁᑎᖓᓂᒃ ᐅᔭᕋᕐᒧᑦ ᓄᖑᔪᐃᑦᑐᒧᑦ ᐅᔭᕋᐅᑉ ᕿᓂᕐᑕᐅᓂᖓᓂᑦ ᐅᔭᕋᕐᓂᐊᑕᐅᓂᖓᓄᓗ, ᐆᒪᔪᐃᑦ ᐆᒪᔪᕐᓂᐊᓲᖏᑦ ᐱᕈᕐᑐᐃᓗ ᓄᓂᕙᓲᖏᑦ, ᐃᓄᐃᓪᓗ ᐃᓗᓯᖏᑦ ᐊᑦᑕᓀᑦᑐᒦᒋᐊᖃᕐᓃᓗ. ᐅᖃᕐᓂᒥᔪᑦ ᖃᐅᔨᒪᓇᖕᖏᒋᐊᖓᓂᒃ ᖃᓄᓪᓗᐊᑎᒋᒃ ᐱᐅᓂᕐᓴᐅᒐᔭᕐᒪᖔᑦ ᑮᓇᐅᔭᑎᒍᑦ ᐃᑲᔪᕐᓯᒍᑎᒋᒍᓐᓇᕋᔭᕐᑕᖏᑦ ᑕᑯᓐᓈᓱᒋᑦ ᐊᑦᑕᓇᕐᑑᒍᑎᒋᑐᐃᓐᓇᕆᐊᓕᖏᓐᓄᑦ.

ᔪᓓ 2015ᒥ, ᑐᕐᖃᑕᕐᕕᖓ ᐱᕙᓪᓕᐊᓂᕐᒥᒃ ᑖᕗᖓᐅᓕᒍᓐᓇᑐᓂᑦ ᐊᕙᑎᒥᒃ ᓄᕐᖃᑎᑦᓯᒐᓱᓐᓂᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂᒃ ᓄᐃᑦᓯᓂᕐᖁᑦ ᐊᓪᓚᓯᒪᔪᒥᒃ ᐱᑦᔪᑎᓕᒻᒥᒃ ᖃᐅᔨᓴᕐᑕᐅᒍᑎᐅᔪᒥᒃ ᑭᓇᓕᒫᒃᑯᓗ ᐃᓚᐅᑎᓪᓗᒋᑦ ᑲᑎᒪᓂᕐᓂᑦ ᐱᑦᔪᑎᓕᒻᒥᒃ ᐅᔭᕋᕐᒥᒃ ᓄᖑᔪᐃᑦᑐᒥᒃ ᑯᐯᒃᒥ ᐊᑐᐃᓐᓇᕈᕐᑎᑕᐅᔪᕕᓂᖅ ᐊᓪᓚᕕᖓ ᐃᓄᓕᒫᕐᓯᓂᕐᒥᒃ ᐊᕙᑎᓕᕆᓂᕐᒧᓕᖓᔪᓂᑦ ᐊᓪᓚᕕᖓᓂ ᐃᓄᓕᒫᕐᓯᓂᕐᒥᒃ ᐊᕙᑎᓕᕆᓂᕐᒧᓕᖓᔪᓂᑦ ᐊᕕᑦᑐᓯᒪᔪᒥ 13ᒥ ᐊᓪᓚᓯᒪᔪᓂ, ᐃᓄᒃᑎᑐᓕᕐᑎᑕᐅᒪᔪᖅ, ᑯᕆᑎᑐᑦ ᖃᓪᓗᓈᑎᑐᓪᓗ, ᐅᑭᐅᕐᑕᑐᖓᓄᑦ ᑯᐯᒃ ᐃᓕᖓᔪᖅ ᐊᑐᐃᓐᓇᕈᕐᑎᑕᐅᕕᐅᑦᓱᓂ ᑕᒪᒋᓐᓄᒃ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓄᑦ ᐊᒻᒪᓗ ᔦᒻᔅ ᐯᒥᐅᑦ ᐊᔪᖀᒋᐊᕐᑏᑦ ᑲᑎᖕᖓᔨᖏᓐᓂᑦ ᐊᕙᑎᓕᕆᔨᒃᑯᓄᑦ.

ᑐᑭᓯᓇᕐᑎᓯᒍᑎᒃ ᖃᐅᔨᓴᕐᑕᐅᓂᖓ ᐃᓄᓕᒫᕐᓯᓂᕐᓗ ᑭᓇᓕᒫᒃᑯᓂᑦ (ᒍᐃᒍᐃᑎᑐᑦ ᑭᓯᐊᓂ)

ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐱᓇᓱᐊᕐᑕᐅᑎᑦᓯᒐᓱᒃᑯᑦ ᐊᕙᑎᒥᒃ ᓱᕐᕃᓗᐊᖕᖏᑐᓂᑦ ᐱᕙᓪᓕᐊᓂᕐᒥᒃ, ᑐᓴᐅᒪᔭᐅᑎᑦᓯᓯᐊᕋᓱᓐᓂᒥᓗ ᑐᓴᕐᑕᐅᒪᒋᐊᓕᓐᓂᑦ ᐃᓄᓐᓄᑦ ᑎᒥᐅᔪᓄᓪᓗ ᐃᓄᓕᒫᕐᓯᓂᕐᓄᑦ ᐃᓚᐅᔪᕕᓂᕐᓄᑦ, ᐱᓗᐊᕐᑐᒥᒃ ᐃᓗᓕᖏᑦ ᐅᔭᕋᕐᓂᐊᕕᑦᓴᐅᒪᖔᑕ ᕿᒥᕐᕈᓂᕐᓄᓕᖓᔪᐃᑦ, ᐅᔭᕋᕐᓂᐊᓂᖅ ᐊᒻᒪᓗ ᐅᔭᕋᕐᓂᐊᕕᕕᓃᑦ ᖃᓄᐃᓕᒋᐊᕐᑕᐅᓂᖏᑦ. ᐊᒥᓱᓂᑦ ᐱᖁᔭᓂᑦ ᕿᒥᕐᕈᖃᑦᑕᓯᒪᕗᑦ ᐋᕐᕿᒋᐊᕐᑕᐅᖁᑦᓱᒍ ᑯᐸᐃᒃ ᐅᔭᕋᕐᓂᐊᓂᕐᒧᑦ ᐱᖁᔭᖏᑦ. ᐃᓘᓐᓇᒍᓕ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᕐᐅᑏᑦ ᑲᑎᒪᔨᖏᑦ ᐅᑉᐱᕆᔭᖃᕐᖁᑦ ᐱᒻᒪᕆᐅᒋᐊᖓ ᓲᖑᓯᓕᐅᒥᑎᓗᒍ ᑯᐸᐃᒃᒥ ᐅᔭᕋᕐᓂᐊᓂᕐᒧᑦ ᐱᖁᔭᖏᑦ.

-ᐊᓪᓚᑕᕕᓂᖏᑦ ᖃᓄᐃᓕᖓᒐᓱᓐᓂᒥᓂᒃ ᐱᖁᔭᖅ 43 ᒥᑦᓵᓄᑦ, ᐅᔭᕋᕐᓂᐊᓂᕐᒥᒃ ᐱᖁᔭᖏᑦ (ᓯᑦᑎᒻᐱᕆ 2013)

-ᑐᑭᓯᔭᐅᑎᑦᓯᓂᖅ ᐱᖁᔭᖅ 43ᒥᒃ ᑲᑎᒪᔨᖏᓐᓂᑦ ᐱᕈᕐᓴᐃᔨᓕᕆᔨᒃᑯᑦ, ᐃᖃᓗᓐᓂᐊᑐᓕᕆᔨᒃᑯᑦ, ᐃᑯᒪᓕᕆᔨᒃᑯᑦ ᓄᓇᓕᕆᔨᒃᑯᓂᓗ ᑯᐸᐃᒃ ᑲᕙᒪᖓᑕ ᑲᑎᒪᕕᒻᒪᕆᖓᓂ (ᓯᑦᑎᒻᐱᕆ 30, 2013)

-ᐊᓪᓚᑕᕕᓂᖏᑦ ᖃᓄᐃᓕᖓᒐᓱᓐᓂᒥᓂᒃ ᐱᖁᔭᖅ 14ᒥ, ᐱᖁᔭᐃᑦ ᐱᕙᓪᓕᐊᑕᐅᓂᖏᓐᓄᓕᖓᔪᑦ ᐅᔭᕋᕐᓂᐊᑕᐅᒍᓐᓇᑐᐃᑦ ᐃᑉᐱᒋᓗᒋᑦ ᓄᑕᐅᓯᓕᕈᓐᓇᑐᓂᑦ ᐱᕙᓪᓕᐊᓂᖅ (ᐊᐅᒡᒍᓯ 2011)

-ᐊᓪᓚᑕᕕᓂᖅ ᐱᑦᔪᑎᖃᕐᓱᓂ ᐱᖁᔭᖅ 79ᒥ, ᐱᖁᔭᒥᒃ ᑲᔪᓯᓕᕐᑎᓯᒍᑎᒃ ᐅᔭᕋᕐᓂᐊᓂᕐᒧᓕᖓᔪᖅ (ᐊᐃᕆᓕ 2010)

-ᑐᑭᓯᔭᐅᑎᑦᓯᓂᖅ ᐱᖁᔭᖅ 79ᒥᒃ ᑲᑎᒪᔨᖏᓐᓄᑦ ᐱᕈᕐᓴᐃᔨᓕᕆᔨᒃᑯ, ᐃᖃᓗᓐᓂᐊᑐᓕᕆᔨᒃᑯᑦ, ᐃᑯᒪᓕᕆᔨᒃᑯᑦ ᓄᓇᓕᕆᔨᒃᑯᓂᓗ ᑯᐸᐃᒃ ᑲᕙᒪᖓᑕ ᑲᑎᒪᕕᒻᒪᕆᖓᓂ (ᐊᐅᒡᒍᓯ 2010)

ᑐᕐᖃᑕᕐᕕᖓ ᐃᑯᒪᓕᕆᓂᕐᒧᑦ ᑖᕗᖓᐅᓕᒍᓐᓇᑐᓕᕆᓂᕐᒧᓗ ᓄᓇᖃᕐᖄᓯᒪᔪᓂᑦ ᓄᓇᓕᖏᓐᓂᑦ ᐃᓄᓕᒫᕐᓯᓂᕐᒧᑦ ᐱᖁᔭᖏᑦ

ᕕᕈᐊᕆ 2018ᖑᓪᓗᒍ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐅᖃᐅᓯᑦᓴᖃᕐᓂᖁᑦ ᑐᕐᖃᑕᕐᕕᖓᓄᑦ ᐃᑯᒪᓕᕆᓂᕐᒥᒃ ᑖᕗᖓᐅᓕᒍᓐᓇᑐᓕᕆᓂᕐᒥᒃ ᑐᖕᖓᕕᒋᓲᖏᓐᓂᑦ ᐊᓪᓚᓯᒪᔪᓂᑦ ᑌᔭᐅᔪᖅ ᓄᓇᖃᕐᖄᓯᒪᔪᑦ ᓄᓇᓕᖏᓐᓂᑦ ᐃᓄᓕᒫᕐᓯᓂᖅ ᐱᖁᔭᖓ ᐅᔭᕋᕐᓂᐊᓂᓕᕆᓂᕐᒥ. ᐊᓪᓚᓯᒪᔪᖓᓂ ᐊᐱᕆᒍᑎᖃᕐᓂᖁᑦ ᐱᖁᔭᖅ ᑲᔪᓯᑎᑕᐅᒍᓐᓇᕋᓗᐊᕐᒪᖔᑦ ᓄᓇᕕᒻᒥ ᐊᓪᓚᓯᒪᔪᖁᑎᖏᑦ ᐃᓄᓕᒫᕐᓯᓂᕐᒧᑦ ᐊᓪᓚᓯᒪᔪᕐᑕᖃᖕᖏᒪᑕ ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎᖓᓂ ᐊᒻᒪᓗ ᐊᕙᑎᐅᑉ ᖃᓄᐃᖕᖏᓯᐊᕆᐊᖃᕐᓂᖓᓂ ᐱᖁᔭᖓᓂᒃ. ᑲᑎᒪᔩᑦ ᑐᑦᓯᕋᕈᑎᖃᕐᓂᒥᔪᑦ ᐱᖁᔭᖅ ᓇᓗᓀᕐᓯᖁᓗᒍ ᓄᓇᓕᓕᒫᓂ ᑎᒥᐅᔪᓂᑦ ᖃᐅᔨᒋᐊᕐᕕᐅᒐᔭᕐᑐᓂᑦ ᐃᓄᓕᒫᕐᓯᓂᖃᑦᓴᐸᑕ ᓄᓇᕕᒻᒥ.

ᒫᑦᔨ 2018ᒥ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐅᖃᐅᓯᑦᓴᖃᕐᕕᖃᕐᓂᒥᔪᑦ ᑐᕐᖃᑕᕐᕕᖓ ᐃᑯᒪᓕᕆᓂᕐᒧᑦ ᑖᕗᖓᐅᓕᒍᓐᓇᑐᓕᕆᓂᕐᒧᓗ ᓄᓇᖃᕐᖄᓯᒪᔪᓂᒃ ᓄᓇᓕᓐᓂ ᐃᓄᓕᒫᕐᓯᓂᕐᒧᑦ ᐱᖁᔭᖓᓂᒃ ᑲᔪᓯᓕᕐᑎᑕᐅᔪᒥᒃ ᑐᕐᖃᑕᕐᕕᐅᑉ ᐱᖓᓱᓂᑦ ᐱᔅᓇᔅᓄᓕᖓᔪᓂᑦ: ᐃᑯᒪᓕᕆᓂᖅ, ᐅᔭᕋᕐᓂᐊᕖᑦ, ᓄᓇᓕᕆᓂᕐᒥᓗ. ᐊᓪᓚᑕᕕᓂᓄᑦ ᐊᓪᓚᓯᓚᔪᑦ ᑐᖕᖓᕕᐅᔪᖅ ᐅᖃᕐᓯᒪᔪᖅ ᐱᖁᔭᖅ ᐃᓇᖐᖕᖏᑎᓪᓗᒍ ᐊᖏᕈᑎᐅᓯᒪᔪᓂᑦ ᐅᑦᑑᑎᒋᓗᒍ ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎᖓᓂᒃ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᑐᑭᓯᒋᐊᑦᓯᐊᑎᑕᐅᒍᒪᔪᑦ ᐱᖁᔭᐅᑉ ᑲᔪᓯᓕᕐᑎᑕᐅᓂᖓᓄᑦ ᓄᓇᕕᒻᒥ. ᐅᓇᒋᐊᓪᓚᓗ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᑐᑦᓯᕋᕈᑎᖃᕐᖁᑦ ᑐᕐᖃᑕᕐᕕᖓ ᐃᑯᒪᓕᕆᓂᕐᒧᑦ ᑖᕗᖓᐅᓕᒍᓐᓇᑐᓕᕆᓂᕐᒧᓗ ᑐᑭᓯᓇᕐᑎᓯᓯᑦᓯᐊᕆᐊᖃᕐᓂᖏᓐᓂᑦ ᖃᓄᐃᓗᕐᑐᓴᔭᐅᓂᕐᒥᓂᒃ ᖃᓄᐃᓗᕋᓱᓐᓂᒥᓗ ᐃᓄᓕᒫᕐᓯᓂᕐᒧᓕᖓᔪᓂᑦ ᐃᓄᐃᑦ ᓇᔅᑳᐱᒃᑯᓗ ᓄᓇᓕᖏᓐᓂᑦ.

ᐅᓯᐊᓂᒃ ᐊᐃᕋᓐ ᐅᐊᕐ ᑯᐊᐳᕆᓴᓐ ᖃᐅᔨᓴᕐᓂᖃᓚᐅᔪᑦ ᐅᔭᕋᕐᓂᐊᕕᑦᓴᐅᒪᖔᑦ ᓄᓇᓕᖓᑕ ᐊᐅᐸᓘᑉ ᓴᓂᐊᓂ ᕿᒥᕐᕈᓱᑎᑦ ᐃᓪᓗᖃᕐᕕᐅᒐᔭᕐᑐᓂᑦ, ᐃᓂᕐᕋᓂᕆᒐᔭᕐᑕᖓᓂ ᓄᕐᖃᑎᑕᐅᓂᖓᓂᓗ ᐊᐃᕋᓐᒥᒃ ᐅᔭᕋᕐᓂᐊᓂᐅᒐᔭᕐᑐᖅ ᐃᓪᓗᖁᑎᐅᒐᔭᕐᑐᐃᓗ. ᐃᓱᒫᓗᑎᒋᑦᓱᒋᑦ ᐱᓇᓱᐊᕐᓂᐅᒐᔭᕐᑑᑉ ᐊᕙᑎᐅᑉ ᐃᓅᖃᑎᒌᑦᑐᐃᓗ ᓱᕐᕋᑕᐅᒍᑎᒋᒍᓐᓇᑕᖏᓐᓂᑦ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᑕᑯᓂᐊᕐᓂᖁᑦ ᓇᒻᒥᓂᓕᐅᔪᐃᑦ ᐃᓂᒋᓚᐅᕐᑐᑕᖓᓄᑦ ᔪᓂ 2012ᖑᑎᓪᓗᒍ. ᓄᓇᓕᒻᒥᐅᓂᑦ ᓄᓇᓕᓕᒫᒥᐅᓂᓗ ᐃᓚᐅᔪᓂᑦ ᐊᐅᐸᓗᒻᒥ ᑲᑎᓯᓐᓂᒥᔪᑦ ᖃᐅᔨᓴᕐᓱᑎᑦ ᓄᓇᓕᒻᒥ ᐅᔭᕋᕐᓂᐊᕕᑦᓴᐅᒪᖔᑦ ᖃᐅᔨᓴᕐᑐᐃᑦ ᖃᓄᐃᓗᕐᓂᖏᓐᓂᑦ. ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐃᓱᒫᓗᑎᖃᕐᓂᖁᑦ ᐊᒥᓱᐃᓂᑦ ᐊᕙᑎᖓᑕ ᖃᐅᔨᓴᕐᑕᐅᒍᓯᖏᓐᓂᑦ ᐊᑑᑎᔭᐅᓲᓂᑦ ᑖᑦᓱᒧᖓ ᐊᑑᑎᔭᐅᔪᓂᑦ. ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐃᓱᒫᓗᑎᖃᕐᖁᑦ ᐊᒥᓱᒐᓓᑦ ᐊᑦᔨᒌᖕᖏᑐᑦ ᐊᕙᑎᐅᑉ ᖃᐅᔨᓴᕐᑕᐅᒍᓯᒋᓲᖏᓐᓂᑦ ᑲᔪᓯᑎᑕᐅᓲᓂᑦ ᑖᑦᓱᒧᖓ ᐱᓇᓱᐊᕐᑕᐅᒐᓱᑦᑐᒧᑦ ᐊᒻᒪᓗ ᑲᒪᖏᔭᖃᕆᐊᓪᓛᓱᑎᓗ ᐱᓀᓗᑕᐅᔪᒥᒃ ᐊᒻᒪᓗ ᐅᖄᒍᑎᖃᑦᓯᐊᓱᑎᑦ ᑲᒪᒋᔭᑦᓴᔭᖃᓲᓄᑦ.

ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑲᑎᒪᔩᑦ ᐊᒻᒪᓗ ᑲᓇᑕᐅᑉ ᐊᕙᑎᒥᒃ ᖃᐅᔨᓴᕐᓂᒥᒃ ᐱᒍᑦᔨᕕᖓ ᕿᒥᕐᕈᔪᑦ ᐱᓇᓱᐊᕐᑕᐅᔪᒥᒃ:

ᐊᕙᑎᒥᒃ ᐊᒻᒪᓗ ᐃᓅᖃᑎᒌᓄᓕᖓᔪᓂᑦ ᖃᐅᔨᓴᕐᓂᖅ ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑲᑎᒪᔨᖏᓐᓄᑦ

ᐊᕙᑎᐅᑉ ᖃᐅᔨᓴᕐᑕᐅᓂᖓ ᑲᓇᑕᐅᑉ ᐊᕙᑎᒥᒃ ᖃᐅᔨᓴᕐᓂᒥᒃ ᐱᒍᑦᔨᕕᖏᓐᓄᑦ

ᒫᓐᓇᐅᑎᓪᓗᒍ ᖃᓄᐃᓕᖓᓂᖓ ᐊᔅᐱᔅᑐᔅ ᕿᐊᓪ ᐅᔭᕋᕐᓂᐊᓂᕐᒥ ᐃᓂᖓ (ᐳᕐᑐᓂᖅ), ᐃᓂᕐᕋᔪᕕᓂᖅ 1972ᒥᑦ 1984ᒧᑦ, ᐃᓱᒫᓗᑎᒋᔭᐅᔪᖅ ᐃᓄᓐᓄᑦ ᓄᓇᕕᒻᒥ ᐊᒻᒪᓗ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᓐᓄᑦ ᐱᓗᐊᕐᑐᒥ ᓯᑑᖏᓐᓇᖃᑦᑕᒪᑕ ᓄᐃᑦᓯᓱᑎᑦ ᐊᒥᐊᒃᑯᕕᓂᖏᓐᓂᑦ ᐅᔭᕋᕐᓂᐊᓂᕕᓂᐅᑉ ᐊᒻᒪᓗ ᓴᐅᔭᐅᒪᔪᕕᓂᕐᓂᑦ ᐱᖁᑎᓂᑦ ᓄᓇᖁᑎᖓᓂ.

2012ᒥ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᓈᒪᓃᑎᓐᓂᖁᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ ᐃᓕᑕᕐᓯᒍᑎᒥᒃ ᕕᓂᒃᔅ ᐊᕙᑎᓕᕆᓂᕐᒧᑦ ᐃᓕᑕᕆᔭᐅᒍᑎᖓᓂᑦ ᐱᓇᓱᐊᒻᒪᕆᓂᕆᓯᒪᔭᖏᓐᓂᑦ ᐅᔭᕋᕐᓂᐊᕕᕕᓂᕐᓂᑦ ᐱᐅᓯᕐᒥᓄᑦ ᐅᑎᕐᑎᓯᒐᓱᓐᓂᕕᓂᖏᓐᓄᑦ ᐅᔭᕋᕐᓂᐊᕕᑦᓴᐅᒪᖔᑦ ᖃᐅᔨᓴᕐᕕᐅᖃᑦᑕᓯᒪᔪᓂᑦ ᓄᓇᓂᑦ ᓄᓇᕕᒻᒥ. ᑕᐃᑲᓂᑦᓴᐃᓇᖅ ᐊᕐᕌᒍᒥ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐃᓕᑕᕆᔭᐅᒍᑎᑖᕐᓂᒥᔪᖅ ᓄᓇᓕᐊᕈᐃᑦ ᓄᓇᓖᓪᓗ ᐱᒍᑦᔨᕕᖏᓐᓄᓕᖓᔪᓂᑦ.

ᕋᒃᓚᓐ ᐅᔭᕋᕐᓂᐊᕕᖓ ᐃᓂᕐᕋᑎᑕᐅᔪᖅ ᑭᓕᓐᑯᐊᕐ ᑯᕈᑉᑯᓄᑦ ᓄᓇᕕᐅᑉ ᑕᕐᕋᖓᓃᑦᓱᓂ, 50 ᑭᓚᒥᑕᒐᓚᓐᓂᑦ ᐅᖓᓯᓐᓂᓕᒃ ᐱᖑᐊᓗᐃᑦ ᒥᕐᖑᐃᓯᕐᕕᖓᓄ, ᐊᑯᓐᓂᖓᓃᑦᓱᓂ ᓄᓇᓕᖏᑦᑕ ᓴᓪᓗᐃᑦ ᐊᒻᒪᓗ ᑲᖏᕐᓱᔪᐊᖅ. ᐃᓄᓕᒫᕐᓯᓂᖃᕐᑎᓗᒋᑦ ᑐᕐᖃᑕᕐᕕᖓ ᐱᕙᓪᓕᐊᓂᕐᓂᑦ ᐊᕗᖓᐅᓕᒍᓐᓇᑐᓂᑦ, ᐊᕙᑎᒧᑦ ᐊᒻᒪᓗ ᐃᑯᓪᓚᑎᑦᓯᒐᓱᓐᓂᒧᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᓂᒃᑯᖏᑦ ᓄᕕᒻᐱᕆ 2010ᒥ, ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔨᖏᑦ ᐅᖃᕐᓂᖁᑦ ᐃᓱᒫᓗᑎᒥᓂᑦ ᐅᔭᕋᕐᓂᐊᕕᐅᑉ ᓱᒃᑯᓇᕐᑐᑕᖃᕐᑕᐃᓕᑦᑎᓯᓂᕐᒥᓂᒃ ᓱᓕᓂᕃᒍᑎᖏᓐᓂᑦ. ᑕᐃᒣᒻᒪᑦ ᑐᕐᖃᑕᕐᕕᖓ ᐱᕙᓪᓕᐊᓂᕐᓂᑦ ᐊᕗᖓᐅᓕᒍᓐᓇᑐᓂᑦ, ᐊᕙᑎᒧᑦ ᐊᒻᒪᓗ ᐃᑯᓪᓚᑎᑦᓯᒐᓱᓐᓂᒧᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᓂᒃᑯᑦ ᐋᕐᕿᒋᐊᕆᓐᓂᖁᑦ ᐃᓚᖏᓐᓂᑦ ᐊᕕᑦᑐᓯᒪᔪᓂᑦᑐᓂᑦ ᓱᓕᓂᕃᒍᑎᓂᑦ, ᐃᓚᐅᒻᒥᑎᓪᓗᒋᑦ ᑕᐃᒃᑯᐊ ᐳᔪᕆᓂᓕᐅᕐᓂᖏᑦ ᐃᑯᒪᑎᒍᓪᓗ ᓱᕐᕃᓂᖏᑦ. ᑖᒃᑯᐊ ᐱᓇᐃᓗᑕᐅᔪᑦ ᓱᕐᕃᕗᑦ ᒥᕐᖑᐃᓯᕐᕕᒥᒃ.

ᐊᓪᓚᑕᕕᓂᖅ ᐱᑦᔪᑎᓕᒃ ᐅᖄᒍᑎᒋᓐᓂᐅᔪᕕᓂᖅ ᓱᒃᑯᓇᕐᑐᑕᖃᕐᑕᐃᓕᑎᑦᓯᓂᕐᒥᒃ ᓱᓕᓂᕃᒍᑎᒃ ᕋᒃᓚᓐ ᐅᔭᕋᕐᓂᐊᕕᖓᓂᒃ (ᓄᕕᒻᐱᕆ 2010)