ᓄᓇᕕᒻᒥᐅᑦ ᓄᓇᒥ ᑎᒍᒥᐊᕐᓂᒧᑦ ᐊᖏᒍᑎ (Nunavik Inuit Land Claims Agreement) ᓄᐃᑕᐅᓯᒪᔪᖅ 2006 ᑲᓇᑕᐅᑉ ᑲᕙᒪᖓᓄᑦ ᓄᓇᕗᒻᒧᓗ ᒪᑭᕝᕕᑯᓄᓪᓗ, ᐊᒻᒪᓗ ᐊᑐᓕᕐᑎᓯᒪᑦᓱᓂ 2008-ᒥ. ᓄᓇᓕᕆᓂᕐᒥᒃ ᐱᑦᔪᑎᖃᕐᓱᑎᒃ ᐊᒻᒪᓗ ᐱᕕᑦᓴᑖᕐᕕᐅᒍᓐᓇᑕᖏᓐᓂᑦ ᓄᓇᕕᐅᑉ ᑕᕆᐊᖓᓂ (Nunavik Marine Region), ᔦᒥᔅ ᐯ ᐃᓚᖓᓗ, ᑕᓯᐅᔭᕐᔪᐊᖅ ᐃᓚᐅᑎᓗᒍ, ᑎᑭᕌᓗᕐᔪᐊᖅ ᐃᓚᐅᑎᓗᒍ, ᐅᖓᕙᓪᓗ ᐊᒻᒪᓗ ᓛᐸᑐᐊ ᑕᕐᕋᖓ. ᐊᑐᐊᕋᕐᓴᖅ 6-ᓕᒃ ᐊᒻᒪᓗ 7-ᓕᒃ NILCA-ᒥ ᐅᖃᕐᑐᖅ ᓄᓇᐅᑉ ᐊᑐᕐᑕᐅᓂᖓ ᐊᒻᒪᓗ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᖅ ᒪᓕᒐᖃᕐᓂᐊᑐᑦ ᓄᓇᕕᐅᑉ ᑕᕆᐅᖏᓐᓂᑦ, ᑌᔭᐅᒍᓯᖃᕐᓂᐊᓗᓂ Nunavik Marine Region-ᒥᒃ.

ᓄᓇᕕᐅᑉ ᑕᕆᐊᖓᓂ ᓄᓇᖕᖑᐊᖓ.

ᓄᓇᐅᑉ ᐊᑐᕐᓂᖓᓄᑦ ᓇᓗᓀᕐᑎᓯᓂᖅ

ᑐᕌᒐᕆᓗᐊᖕᖑᐊᑕᖓ ᓄᓇᐅᑉ ᐊᑐᕐᓂᖓᓄᑦ ᓇᓗᓀᕐᑎᓯᓂᖅ ᓄᓇᕕᐅᑉ ᑕᕆᐅᖏᓐᓂᑦ, ᐊᐅᓚᑕᐅᓂᖃᕐᓱᓂ ᐊᑐᐊᕋᑦᓴᒥᒃ 6-ᓕᒃ NILCA-ᒥ, ᓴᐳᑦᔨᔨᕆᐊᒥᒃ ᐊᒻᒪᓗ ᓄᐃᑦᓯᕆᐊᒥᒃ ᐅᓪᓗᒥᐅᔪᖅ ᐊᒻᒪᓗ ᓯᕗᓂᑦᓴᒥᒃ ᐃᓄᓐᓂᒃ ᓄᓇᓕᓐᓂᓗ ᐃᓗᓯᕐᓱᓯᐊᖁᓪᓗᒋᑦ ᐃᓗᓕᒃᑯᑦ ᐅᕝᕙᓘᓐᓃᑦ ᓄᓇᕕᐅᑉ ᑕᕆᐅᖓᓂ, ᑲᓇᑕᒥᐅᓪᓗ ᑲᒪᑦᓯᐊᖁᓪᓗᒋᑦ ᓴᐳᑦᔩᕆᑦᓯᐊᓗᑎᒃ ᐊᒻᒪᓗ ᑲᒪᑦᓯᐊᓗᑎᒃ ᐅᓪᓗᒥᐅᔪᒥ ᐊᒻᒪᓗ ᓯᕗᓂᑦᓴᒥ ᓄᓇᕕᒻᒥᐅᓄᑦ ᐊᒻᒪᓗ ᓄᓇᕕᒻᒥᐅᑦ ᓄᓇᖓᓄᑦ. ᐱᔭᑦᓴᖅ ᐸᕐᓀᒍᑎᐅᓗᓂ ᐊᑐᐃᓐᓇᐅᑎᓯᓂᕐᒧᑦ ᐊᒻᒪᓗ ᐊᑐᓕᕐᑎᓯᓂᕐᒧᑦ ᓄᓇᐅᑉ ᐊᑐᕐᓂᖓᓂ ᐱᕙᓪᓖᕆᒍᑎᐅᓗᓂ ᐊᒻᒪᓗ ᐱᕕᕐᓴᑖᕐᕕᐅᒍᓐᓇᑐᓂᒃ ᐱᕙᓪᓕᐊᒍᑎᖓᓂᓪᓗ ᓄᓇᕕᐅᑉ ᑕᕆᐅᖏᓐᓂᑦ. ᓄᓇᕕᐅᑉ ᑕᕆᐅᖏᓐᓂᑦ ᐸᕐᓀᒍᑎᓄᑦ ᑲᑎᒪᔩᑦ ᑲᒪᔨᐅᓂᐊᕐᓗᑎᒃ ᐊᐅᓚᕙᓪᓕᐊᓂᖓᓂ ᐊᑐᓕᕐᑎᓯᓂᖏᓐᓂᓗ ᓄᓇᐅᑉ ᐊᑐᕐᓂᖏᓐᓄᑦ.

ᓄᓇᐅᑉ ᐊᑐᕐᓂᖓᓂ ᐸᕐᓀᓂᖅ ᓄᓇᕕᐅᑉ ᑕᕆᐊᖏᓐᓂᑦ ᐱᓇᓱᖃᑎᖃᕐᓂᐊᑐᑦ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᓄᑦ ᓄᐃᑕᐅᒪᔪᖅ ᐊᑐᐊᕋᑦᓴᒥᒃ 7-ᓕᒃ NILCA-ᒥ. ᑌᒣᒻᒪᑦ, ᐱᔭᑦᓴᓂᒃ ᐱᕙᓪᓕᐊᑎᑦᓯᓂᖅ ᖃᐅᔨᓴᕐᑕᐅᖄᕆᐊᓕᒃ ᓄᓇᕕᐅᑉ ᑕᕆᐅᖏᓐᓂᑦ ᑲᑎᒪᔨᖏᓐᓄᑦ ᓈᒻᒪᓯᐊᕐᒪᖔᑦᑕ ᓄᓇᐅᑉ ᐊᑐᕐᓂᖓᓄᑦ ᑐᓂᔭᐅᓚᐅᕐᑎᓇᒋᑦ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᓄᑦ ᑲᒪᕆᔭᐅᓚᐅᕐᑎᓇᒋᑦ.

ᓱᕐᕋᑕᐅᒪᔪᓂᒃ ᖃᐅᔨᓴᕐᓂᖅ
ᓱᕐᕋᑕᐅᒪᔪᓂᒃ ᖃᐅᔨᓴᕐᓂᖅ ᓄᐃᑕᐅᓯᒪᔪᖅ ᐊᑐᐊᕋᑦᓴᒥᒃ 7-ᓕᒃ NILCA-ᒥ ᐱᑦᓯᐊᕆᐊᖃᕐᓂᒧᑦ ᓄᓇᕕᐅᑉ ᑕᕆᐅᖏᓐᓂᑦ ᓱᕐᕋᑕᐅᓂᖃᕐᐸᑦ ᕿᒥᕐᕈᓂᕐᒧᑦ ᑲᑎᒪᔨᖏᓐᓄᑦ. ᐊᑑᑎᓂᒻᒪᕆᖓ ᕿᒥᕐᕈᓂᕐᒧᑦ ᑲᑎᒪᔨᖏᓐᓄᑦ ᐱᔭᑦᓴᓂᒃ ᕿᒥᕐᕈᕙᓪᓗᑎᒃ ᓈᒻᒪᕆᔭᐅᒻᒪᖔᑦᑕ ᐊᒻᒪᓗ ᑐᑭᑖᕆᓗᑎᒃ ᖃᐅᔨᓴᕐᑕᐅᓂᐊᓕᕐᒪᖔᑦᑕ ᓱᕐᕋᑕᐅᒪᔪᓂᒃ ᖃᐅᔨᓴᕐᑎᓄᑦ ᒪᓕᑦᑐᕆᐊᖃᓂᐊᕐᑐᒥᒃ ᐊᑐᐊᕋᕐᓴᒥ 7-ᓕᒥᒃ, ᖃᐅᔨᓴᓗᒍᑎᒃ ᕿᒥᕐᕈᓕᒍᑎᓗ ᐆᒪᔪᖃᒍᓐᓇᕕᓐᓂᒃ ᐊᒻᒪᓗ ᐃᓄᓐᓂᒃ ᐊᑦᑐᐃᒍᓐᓇᐸᑕᑦ ᑐᑦᓯᒐᐅᑎᓕᐅᕆᐊᖃᕐᓂᐊᑐᑦ, ᑐᑭᑖᕆᓗᑎᒃ ᐱᔭᑦᓴᒥ ᑐᑦᓯᕋᐅᑎᒃ ᑲᔪᓯᕐᑕᐅᓂᐊᕐᒪᖔᑦ ᐊᒻᒪᓗ ᒪᓕᒐᑦᓴᖃᕆᐊᖃᕐᓂᐊᒪᖔᑦ, ᐊᒻᒪᓗ ᐱᔭᑦᓴᓂᒃ ᐃᑉᐱᒍᓱᓂᖏᓐᓂᑦ ᒪᓕᑦᑐᓂᒃ ᐊᑐᐊᕋᑦᓴᒥᒃ 7-ᓕᒥᒃ. ᓄᓇᕕᐅᑉ ᑕᕆᐊᖏᓐᓂᑦ ᓱᕐᕋᑕᐅᓂᖏᓐᓂᑦ ᕿᒥᕐᕈᓂᕐᒧᑦ ᑲᑎᒪᔨᖏᑦ ᑐᓂᔨᓂᐊᕐᓗᑎᒃ ᒪᓕᒐᑦᓴᓕᐊᕐᓂᒃ ᑲᓇᑕᐅᑉ ᒥᓂᔅᑕᒃᑯᖏᓐᓄᑦ, ᑲᒪᔨᐅᒻᒪᑕ ᐊᖏᒍᑎᒥᒃ. ᑕᓪᓕᒪᓂᒃ ᐱᓇᓱᑦᑎᓖᑦ: ᐱᖓᓱᑦ ᑲᓇᑕᐅᑉ ᑲᕙᒪᖓᓂ (ᓂᒍᐊᕐᑕᐅᓯᒪᔪᑦ ᒪᑭᕝᕕᑯᓐᓄᑦ), ᐊᑕᐅᓯᖅ ᓄᓇᕗᑦ ᑲᕙᒪᖓᓂ, ᐊᒻᒪᓗ ᐊᖓᔪᕐᖃᒪᕆᒃ ᑎᓕᔭᐅᓯᒪᔪᖅ ᑲᓇᑕᐅᑉ ᑲᕙᒪᖓᓄᑦ ᑐᓴᐅᒪᐅᑎᒌᕋᒥᒃ ᓄᓇᕗᑦ ᑲᕙᒪᖓᓂ. ᓄᒍᐊᕐᑕᐅᔪᖅ ᐊᒻᒪᓗ ᑎᓕᔭᐅᓯᒪᔪᖅ ᐊᖓᔪᕐᖄᒪᕆᒃ, ᓄᓇᕕᒻᒥᐅᓄᑦ ᐱᐅᒋᓂᕐᐹᖓ ᓂᒍᐊᕐᑕᐅᓲᒍᒻᒥᔪᑦ.

ᑐᕌᒐᕆᓗᐊᖕᖑᐊᑕᖓ ᓄᓇᕕᐅᑉ ᑕᕆᐅᖓᓂ ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ ᑲᑎᒪᔨᖏᓐᓄᑦ ᑲᔪᓯᑎᑦᓯᓂᖅ ᐊᐅᓚᓂᕆᔭᒥᓂᒃ ᖃᖓᓕᒫᑦᓯᐊᑯᑦ ᓴᐳᑦᔩᓂᕐᒧᑦ ᐊᒻᒪᓗ ᓄᐃᑦᓯᓂᕐᒧᑦ ᐅᓪᓗᒥᐅᔪᖅ ᐊᒻᒪᓗ ᓯᕗᓂᑦᓴᒥᒃ ᖃᓄᐃᖕᖏᑦᓯᐊᖁᓪᓗᒋᑦ ᐃᓄᐃᑦ ᓄᓇᓕᓐᓂᒃ ᐅᕝᕙᓘᓐᓃᑦ ᐊᑐᕐᓂᖓ ᓄᓇᕕᐅᑉ ᑕᕆᐊᖏᑦ, ᐊᒻᒪᓗ ᓴᐳᑦᔩᕆᓂᖅ ᐆᒪᒍᓐᓇᑐᓕᒫᓂᒃ ᓄᓇᕕᐅᑉ ᑕᕆᐅᖓᓂ.

ᐱᔭᑦᓴᐅᑉ ᐊᖏᒍᑎᖓ ᑐᓂᔭᐅᓗᑎᒃ ᓄᓇᕕᐅᑉ ᑕᕆᐅᖓᓂ ᓱᕐᕋᑕᐅᒪᔪᓂᒃ ᕿᒥᕐᕈᓂᕐᒧᑦ ᑲᑎᒪᔨᖏᓐᓄᑦ. ᐃᓗᖃᕐᓗᑎᒃ ᒪᓕᒐᑦᓴᓂᒃ ᒪᓕᑦᑕᐅᕆᐊᖃᕐᓂᐊᑐᓂᒃ ᐱᔭᑦᓴᐅᑉ ᑐᑭᑖᕐᓯᒪᔭᖏᓐᓂᑦ ᐊᒻᒪᓗ, ᕆᐊᖃᕐᐸᑦ, ᓇᓗᓀᒃᑯᑕᖃᕐᓗᑎᒃ ᐃᑉᐱᒍᓱᓐᓂᒥᒃ ᐃᓕᔭᐅᕆᐊᖃᓚᖓᔪᓂᒃ.

ᐃᓄᓕᒫᑦ ᐃᓚᐅᓂᖓ
ᓄᓇᕕᐅᑉ ᑕᕆᐅᖓᑕ ᓱᕐᕋᑕᐅᓂᖏᓐᓂᑦ ᖃᐅᔨᓴᕐᓂᒧᑦ ᑲᑎᒪᔩᑦ ᑐᑦᓯᕋᒍᓐᓇᑐᑦ ᓄᓇᓖᑦ ᐃᓱᒫᓗᒍᑎᖏᓐᓂᑦ ᐊᒻᒪᓗ ᐊᕙᑎᖏᓐᓂᑦ ᑎᒥᐅᔪᓄᑦ, ᒪᑯᓄᖓ ᓄᓇᕕᐅᑉ ᑕᕆᐅᖓᓂᑦ ᐆᒪᔪᖏᓐᓂᑦ ᖃᐅᔨᓴᕐᑎᖏᓐᓄᑦ ᐊᒻᒪᓗ ᓄᓇᕕᐅᑉ ᑕᕆᐅᖓᓂ ᐊᑐᐃᓐᓇᐅᕐᑎᕆᔩᑦ ᑲᑎᒪᔨᖏᓐᓄᑦ ᐃᓄᓐᓂᒃ ᑲᑎᓯᓕᕐᒪᑕ.