ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎᒃ (JBNQA) ᐊᑎᓕᐅᕐᑐᕕᓃᑦ 1975-ᖑᑎᓪᓗᒍ ᑲᕙᒪᖓᓗ ᑲᓇᑕᐅᑉ ᐊᒻᒪᓗ ᑯᐯᒃ, ᐱᖓᓱᑦ ᑯᐯᒃ ᑲᕙᒪᖓᓂ ᑯᐊᐳᕇᓭᑦ (ᑰᓐᓂᐊᑎᒃᑯᑦ ᑯᐯᒻᒥ, ᔦᒥᔅ ᐯ ᐃᑯᒪᓕᐅᕐᓂᒧᑦ ᑯᐊᐳᕇᓴᖓ ᐊᒻᒪᓗ ᔦᒥᔅ ᐯᒥ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᖓ), ᑯᔩᒃᑯᑦ ᑯᐯᒻᒥ ᑲᑎᒪᔨᕐᔪᐊᖏᑦ ᐊᒻᒪᓗ ᑯᐯᒃ ᑕᕐᕋᖓᓂ ᐃᓄᐃᑦ ᑲᑐᑦᔨᖃᑎᒌᖏᑦ (ᒫᓐᓇᐅᔪᖅ ᖃᐅᔨᒪᔭᐅᔪᑦ ᒪᑭᕝᕕᒃᑯᑦ). JBNQA ᓯᕗᓪᓕᐸᐅᑦᓱᓂ ᓅᑕᖑᑦᓱᓂ ᐊᖏᖃᑎᒌᒍᑎ ᐊᑎᓕᐅᕐᑕᐅᔪᕕᓂᖅ ᑲᓇᑕᒥ. 1978-ᒥ, ᑯᐯᒃ ᑕᕐᕋᖓᑕ ᑲᓇᓐᓇᖓᓂ ᐊᖏᖃᑎᒌᒍᑎ (NEQA) ᐊᑎᓕᐅᕐᑕᐅᔪᕕᓂᖅ ᐱᓇᓱᐊᖃᑎᒌᑦᑐᓄᑦ JBNQA-ᒧᑦ ᐊᒻᒪᓗ ᓇᔅᑳᐱᒃᑯᑦ ᑲᐅᒐᐅᒐᐅᑦᓯᑲᒫᔅᒥᐅᑦ ᑲᕙᒫᐱᒃᑯᖏᑦ (ᖃᐅᔨᒪᔭᐅᔪᑦ ᓇᔅᑳᐲᑦ ᓄᓇᖃᕐᖄᓯᒪᔪᑦ ᑲᐅᒐᐅᒐᐅᑦᓯᑲᒫᔅᒥᐅᑦ) ᐅᖓᕝᕙᕆᐊᕐᑕᐅᖁᑦᓱᒋᑦ ᐱᓇᓱᐊᕈᑏᑦ ᐋᕐᕿᑕᐅᓯᒪᔪᑦ JBNQA-ᑯᑎᒍᑦ ᓇᔅᑳᐱᒃᑯᓄᑦ ᐊᒻᒪᓗ ᓄᓇᖓᓄᑦ, ᐃᓚᐅᑎᓪᓗᒍ ᐊᕙᑎᒧᑦ ᐊᒻᒪᓗ ᐃᓅᖃᑎᒌᑦ ᓴᐳᒻᒥᔭᐅᓂᖓᓄᑦ ᐊᑐᕐᑕᐅᓲᖅ ᐋᕐᕿᑕᐅᔪᕕᓂᖅ ᐊᕕᑦᑐᓯᒪᔪᒥ 23-ᒥ.

ᐊᕕᑦᑐᓯᒪᓂᖓ 23-ᒥᒃ JBNQA-ᒥ ᐊᑐᓕᕐᑎᓯᔪᖅ ᐊᕙᑎᓂᒃ ᐃᓄᓕᒫᓂᓪᓗ ᓴᐳᑦᔩᓂᕐᒧᑦ ᓄᓇᕕᒻᒥ. ᒪᓕᒐᑦᓴᖅ ᒪᕐᕉᓂᒃ ᐱᕙᓪᓕᐊᑎᑦᓯᒍᑏᓂᒃ ᐃᓗᓕᓕᒃ:

• ᓴᐳᑦᔩᓂᖅ ᐃᓄᓐᓂᒃ, ᓇᔅᑳᐱᒃᑯᓂᒃ ᐊᒻᒪᓗ ᐊᓪᓚᓂᒃ;
• ᓀᓪᓕᑎᑦᓯᓂᖅ ᐊᕙᑎᓂᒃ ᐃᓄᓕᒫᓂᓪᓗ ᓱᕐᕋᑕᐅᒪᒍᑎᖏᓐᓂᑦ ᐱᕙᓪᓕᐊᑕᐅᒪᔪᓄᑦ;
• ᑲᓇᑕᒥ ᐱᔭᑦᓴᓂᒃ ᓄᐃᑦᓯᓂᖅ ᑲᓇᑕ ᐱᖁᔭᖏᑎᒍᑦ (ᐅᒥᐊᒃᑯᕖᑦ, ᑕᒪᒃᑯᐊᓚᑳᑦ.)
• ᓴᐳᑦᔩᓂᖅ ᒪᙯᕐᓂᒥᒃ, ᐃᖃᓪᓕᐊᓂᕐᒥᒃ ᐊᒻᒪᓗ ᒥᑭᒋᐊᕐᓂᐊᓂᒃ ᐃᓄᓐᓄᑦ, ᓇᔅᑳᐱᒃᑯᓄᑦ ᐊᒻᒪᓗ ᐊᓪᓚᓄᑦ;
• ᓴᐳᑦᔩᓂᖅ ᐆᒪᔪᓕᒫᓂᒃ, ᐆᒪᔪᖃᕐᕕᓕᒫᓂᒃ ᐊᒻᒪᓗ ᐆᒪᒍᓐᓇᕕᓕᒫᓂᒃ
• ᐃᓚᐅᑎᑦᓯᓂᖅ ᐃᓄᓐᓂᒃ, ᓇᔅᑳᐱᒃᑯᓂᒃ ᐊᓪᓚᓂᒃ ᐊᒻᒪᓗ ᐃᓄᓕᒫᓂᒃ ᐊᕙᑎᒥᒃ ᐃᓚᐅᒍᓐᓇᑐᓄᑦ ᐸᕐᓇᓯᒪᐅᑎᒥᒃ
• ᐱᔪᓐᓇᐅᑎᖏᑦ ᐊᒻᒪᓗ ᐱᒍᓐᓇᐅᑎᖏᑦ ᓄᓇᖃᕐᖄᓯᒪᖕᖏᑐᓄᑦ;
• ᐱᕕᑦᓴᖃᕐᑎᓯᓂᖅ ᐱᕙᓪᓕᐊᓂᕐᓄᑦ, ᒪᓕᓪᓗᓂ JBNQA ᒪᓕᒐᖏᓐᓂᑦ.

ᒪᓕᒐᑦᓴᖅ ᒪᕐᕉᓂᒃ ᐱᕙᓪᓕᐊᑎᑦᓯᒍᑏᓂᒃ ᐃᓗᓕᓕᒃ:

• ᑯᐯᒥ ᐱᔭᑦᓴᓂᒃ ᓄᐃᑦᓯᓂᖅ ᑯᐯ ᐱᖁᔭᖏᑎᒍᑦ (ᐅᔭᕋᓐᓂᐊᓂᖅ, ᐊᕐᖁᑎᓕᕆᓂᖅ, ᑕᒪᒃᑯᐊᓚᑳᑦ.)
• ᑲᓇᑕᒥ ᐱᔭᑦᓴᓂᒃ ᓄᐃᑦᓯᓂᖅ ᑲᓇᑕ ᐱᖁᔭᖏᑎᒍᑦ (ᐅᒥᐊᒃᑯᕖᑦ, ᑕᒪᒃᑯᐊᓚᑳᑦ.)

ᐃᓂᓪᓚᑕᐅᒪᔫᒃ 1 ᐊᒻᒪᓗ 2 ᐊᕕᑦᑐᓯᒪᔪᒥᒃ 23-ᒥᒃ ᐃᓗᓕᖏᑦ ᐅᖃᑦᓯᐊᑐᑦ ᐱᔭᑦᓭᑦ ᐊᐅᓚᑕᐅᒍᓯᖏᓐᓂᑦ ᐅᕝᕙᓘᓐᓃᑦ ᐱᕙᓪᓕᐊᑕᐅᒋᐊᑐᖕᖏᓂᖏᓐᓄᑦ. ᐱᔭᑦᓭᑦ ᒪᓕᕐᖃᔭᖕᖏᑐᑦ ᐊᐅᓚᑕᐅᒍᓯᖏᓐᓂᑦ ᐃᓂᓪᓚᑕᐅᒪᔪᓂᒃ ᓇᓗᓀᕐᑕᐅᒪᒍᓯᖏᑦ ᐃᓗᐃᒃᑲᓂᖃᕐᑎᑕᐅᖕᖏᑐᑦ. ᐃᓗᐃᒃᑲᓂᖃᕐᑎᑕᐅᖕᖏᑐᐃᑦ ᖃᐅᔨᓴᕐᑕᐅᓲᑦ ᐱᕙᓪᓕᐊᒍᓯᓕᒫᖏᑦ ᑐᑭᑖᕐᑕᐅᕙᓪᓕᐊᓕᕈᑎᒃ ᐃᓚᐅᓂᐊᕐᒪᖔᑦᑕ ᐅᕝᕙᓘᓐᓃᑦ ᕆᐊᑐᖕᖏᐸᑕ ᖃᐅᔨᓴᐅᑎᓄᑦ. ᖃᐅᔨᓴᕐᑕᐅᓕᕈᑎᒃ ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑐᑭᑖᕐᑐᐃᔨᒃᑯᓄᑦ (Kativik Environmental Quality Commission) (ᐱᔭᑦᓭᑦ ᑯᐯ ᐱᖁᔭᖏᒍᑦ ᐊᐅᓚᑕᐅᔪᑦ) ᐅᕝᕙᓘᓐᓃᑦ ᕿᒥᕐᕈᓂᕐᒧᑦ ᑲᑎᒪᔨᖏᓐᓄᑦ (ᐱᔭᑦᓭᑦ ᑲᓇᑕ ᐱᖁᔭᖏᑎᒍᑦ ᐊᐅᓚᑕᐅᔪᑦ), ᑕᒪᕐᒥᒃ ᒪᓕᑦᑐᑦ ᐊᕕᑦᑐᓯᒪᔪᒥᒃ 23-ᒥᒃ. ᐃᓂᓪᓚᑕᐅᒪᔪᖅ 3 ᐊᕕᑦᑐᓯᒪᔪᒥᒃ 23-ᒥᒃ ᓄᐃᑦᓯᔪᑦ ᒪᓕᒐᓂᒃ ᐊᕙᑎᓕᕆᓂᕐᒧᑦ ᐃᓄᓕᒫᓂᓪᓗ ᓴᐳᑦᔨᔨᐅᓂᕐᒧᑦ ᐅᖃᑦᓯᐊᑐᓂᒃ.

ᐱᔭᑦᓴᓕᕆᒍᓰᑦ ᑯᐯᒥ

ᐱᔭᑦᓭᑦ ᑯᐯ ᐱᖁᔭᖏᑦᑕ ᐊᑖᒍᑦ (ᐅᔭᕋᓐᓂᐊᓂᖅ, ᐊᕐᖁᑎᓕᕆᓂᖅ, ᑕᒪᒃᑯᐊᓚᑳᑦ.) ᐱᑦᔪᑎᒋᓪᓗᒍ ᐊᕙᑎᓂᒃ ᐊᒻᒪᓗ ᐃᓄᓕᒫᓂᒃ ᓴᐳᑦᔩᓂᕐᒧᑦ ᖃᐅᔨᓴᕐᓂᖅ ᐊᒻᒪᓗ ᕿᒥᕐᕈᒋᐊᓪᓚᓂᕐᒧᑦ ᐊᐅᓚᑕᐅᔪᖅ ᐊᕕᑦᑐᓯᒪᔪᒧᑦ 23-ᒥᒃ JBNQA-ᒥ, ᒥᓂᔅᑕᐅᑉ ᑐᖓᓪᓕᖓ ᐊᕙᑎᓕᕆᓂᕐᒧᑦ ᐊᒻᒪᓗ ᐃᓱᒪᑦᓴᓯᐅᕐᓂᒧᑦ ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓᓄᑦ ᑲᒪᔩᑦ ᒥᓂᔅᑕᒃᑯᖏᑦ (the environment and the fight against climate change), ᑯᐯ ᐊᐅᓚᑦᓯᕕᖓᑕ ᑲᒪᔨᐅᒍᓐᓇᓂᒥᒍᑦ, ᑲᒪᔨᒻᒪᕆᐅᓂᐊᕐᖁᑦ.

ᐱᓇᓱᐊᕈᑏᑦ ᐋᕐᕿᓱᐃᒍᑕᐅᕗᖅ ᐊᑦᔨᒌᖕᖏᑐᓂᒃ ᐱᓇᓱᐊᕐᑕᐅᔪᑦᓴᓂᒃ, ᐊᒥᓱᐃᑦ ᐱᓇᓱᐊᕐᑕᐅᓲᑦ ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᖓᓄᑦ ᑐᑭᑖᕐᑐᐃᔩᑦ (KEQC). ᓄᐃᑕᐅᔪᕕᓃᑦ ᒪᓕᑦᓱᒍ ᐊᕕᑦᑐᓯᒪᔪᖅ 23, KEQC ᐃᒻᒥᒎᕐᓱᓂ ᑎᒥᐅᔪᖅ ᐊᒻᒪᓗ ᖁᓕᐅᖕᖏᒐᕐᑑᓱᑎᒃ ᐃᓚᐅᔪᑦ: ᑕᓪᓕᒪᑦ ᑎᒡᒍᐊᑕᐅᒪᔪᑦ ᑯᐯᒃ ᑲᕙᒪᖓᓄᑦ ᐊᒻᒪᓗ ᓯᑕᒪᑦ ᑲᑎᕕᕐ ᓄᓇᓕᓕᒫᑦ ᑲᕙᒪᖓᓄᑦ (KRG) ᐊᒻᒪᓗ ᐱᑕᖃᕐᑎᓯᑦᓱᑎᒃ ᖃᕆᑕᐅᔭᑎᒍᑦ ᐱᓇᓱᐊᕐᑕᐅᔪᒧᑦ ᐊᑎᓕᐅᕐᕕᖓᓂᒃ. MELCCFP ᐱᑕᖃᕐᑎᓯᒻᒥᔪᖅ ᖃᕆᑕᐅᔭᑎᒍᑦ ᐱᓇᓱᐊᕐᑕᐅᔪᒧᑦ ᐊᑎᓕᐅᕐᕕᖓᓂᒃ. (ᐅᐃᒍᐃᑎᑐᑦ).

ᐃᓄᓕᒫᑦ ᐃᓚᐅᓂᖓ

ᐃᓚᐅᔪᑦ ᑎᒡᒍᐊᑕᐅᒪᔪᑦ KEQC-ᒃᑯᓃᑦᑐᑦ KRG-ᒃᑯᓄᑦ ᑐᕌᖓᑎᑕᐅᕗᑦ ᐃᑉᐱᒋᔭᖃᕐᓂᒧᑦ ᓱᕐᕃᓂᐅᔪᓄᑦ ᐅᖃᐅᓯᐅᔪᓂᒃ ᒪᓕᒉᑦ ᑭᐅᓂᖃᖁᓪᓗᒋᑦ ᓄᓇᓕᓕᒫᓂ ᐃᓱᒫᓗᑎᐅᔪᓂᒃ. ᐊᒻᒪᓗᒋᐊᓪᓚᒃ, ᑭᓇᑐᐃᓐᓇᑯ ᐱᒍᓐᓇᕕᖃᕐᑐᑦ ᑭᒡᒐᑐᕐᑎᖃᕐᓂᒥᒃ KEQC-ᒃᑯᓄᑦ, ᐃᓄᓕᒫᕐᑎᓯᑐᐃᓐᓇᕆᐊᓖᑦ ᖃᐅᔨᒋᐊᕐᕕᖃᕐᓗᑎᒃ ᕆᐊᖃᑐᐊᕈᑎᒃ. ᑭᓇᑐᐃᓐᓇᑯᒃ ᐃᓚᐅᓂᖏᑦ ᐊᐅᓚᑕᐅᕗᑦ ᑐᑭᓯᒋᐊᕈᑎᓄᑦ ᐊᒻᒪᓗ ᐃᓄᓕᒫᓄᑦ ᖃᐅᔨᒋᐊᕐᕕᖃᕐᓂᒧᑦ ᐱᓇᓱᐊᕈᑎᓄᑦ. ᐱᓇᓱᐊᕐᑕᐅᔪᑦ ᐱᑕᖃᕆᐊᓖᑦ ᑐᓴᐅᒪᑎᑦᓯᓂᕐᒧᑦ ᐊᒻᒪᓗ ᐃᓄᓕᒫᓂᒃ ᖃᐅᔨᒋᐊᕐᕕᖃᕐᓂᒧᑦ ᐱᓇᓱᐊᕐᑕᐅᒍᑎᓂᒃ ᑐᑭᑖᕐᑕᐅᒐᔭᕐᑐᑦ KEQC-ᒃᑯᓄᑦ ᑐᖕᖓᕕᖃᕐᓗᑎᒃ ᐱᒻᒪᕆᐅᓂᖏᓐᓂᒃ ᐊᒻᒪᓗ ᓱᕃᓂᕆᑐᐃᓐᓇᕆᐊᖃᕐᓂᖏᓐᓄᑦ ᐃᓅᖃᑎᒌᓂᒃ ᐊᒻᒪᓗ ᐊᕙᑎᖓᓂᒃ.

ᓄᐃᑕᑎᑦᓯᒍᑎ ᐊᑖᓂ ᓀᓪᓕᑎᕐᓯᒪᔪᓂᒃ ᐱᓇᓱᐊᕐᑕᖏᓐᓂᒃ KEQC-ᒃᑯᑦ ᑯᐯᒻᒥ ᓱᕐᕃᓂᕐᒧᑦ ᖃᐅᔨᓴᕐᑕᐅᓂᖓᓄᑦ ᐱᓇᓱᐊᕐᑕᐅᒍᑎᖏᓐᓂᒃ ᒪᑉᐱᕋᐅᑉ 23 ᐊᑖᒍᑦ JBNQAᒥ.

 

ᑲᑎᕕᒃ ᐊᕙᑎᖃᑦᓯᐊᕆᐊᖃᕐᓂᒧᑦ ᑐᑭᑖᕐᑐᐃᔩᑦ (KEQC) – ᑯᐯᒻᒥ ᕿᒥᕐᕈᓂᕐᒧᑦ ᑲᑎᒪᔩᑦ
ᐱᖁᔭᑎᒍᑦ ᐱᒍᓐᓇᐅᑎᖃᕐᑎᑕᐅᔪᖅ	ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎ (JBNQA), 1975
ᖃᓄᐃᓕᖓᓂᖏᑦ ᕿᒥᕐᕈᔩᑦ	ᖁᓕᐅᖕᖏᒐᕐᑐᑦ ᐃᓚᐅᔪᑦ: ᓯᑕᒪᑦ ᑎᒡᒍᐊᑕᐅᒪᔪᑦ ᑲᕙᒪᖓᓄᑦ ᑯᐯᒃᑯᑦ ᐊᒻᒪᓗ ᓯᑕᒪᑦ ᑎᒡᒍᐊᑕᐅᒪᔪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ. ᐃᑦᓯᕙᐅᑕᖅ ᑎᒡᒍᐊᑕᐅᒪᔪᖅ ᑲᕙᒪᖓᓄᑦ ᑯᐯᒃᑯ ᑭᓯᐊᓂ ᐊᖏᕐᑕᐅᒋᐊᓕᒃ KRG-ᒃᑯᓄᑦ.
ᓱᕐᕋᑕᐅᓂᕐᒧᑦ ᖃᐅᔨᓴᕐᕕᐅᔪᖅ	ᐊᕕᑦᑐᓯᒪᓂᖓᑕ 7 ᐊᑦᔨᖑᐊᖅ 1
ᐱᓇᓱᐊᕐᑕᐅᔪᓄᑦ ᐊᑐᕐᑐᑦ	ᐱᓇᓱᐊᕐᑕᐅᔪᑦ ᑯᐯᒻᒥ ᐱᔪᓐᓇᓂᖃᕐᕕᐅᔪᑦ ᐊᓪᓚᑕᐅᓯᒪᔪᑦ ᐃᓚᒋᐊᕈᑎᒥ I JBNQA-ᒥ ᐱᓇᓱᐊᕐᑕᐅᔪᓪᓗ ᖃᐅᔨᓴᕐᑕᐅᔪᑦ KEQC-ᑯᓐᓄᑦ ᖃᐅᔨᓇᓱᓪᓗᒋᑦ ᐱᓇᓱᐊᕐᑕᐅᔪᑦᓴᐅᒪᖔᑕ  .
ᑲᒪᒋᓗᐊᖕᖑᐊᑕᖏᑦ	–        ᕿᒥᕐᕈᓗᑎᒃ ᐊᕙᑎᓕᕆᓂᕐᒧᑦ ᐊᒻᒪᓗ ᐃᓅᖃᑎᒌᓐᓄᑦ ᓱᕐᕋᑕᐅᓂᖏᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᐱᓇᓱᐊᕐᑕᐅᔪᓄᑦ ᑯᐯᒃ ᐊᐅᓚᑦᓯᕕᖃᕐᕕᖓᓂ. –        ᐊᓪᓚᕆᐊᖕᖓᑐᑦ ᒪᓕᒐᕐᓂᒃ ᓱᕐᕋᑕᐅᓂᕐᒧᑦ ᖃᐅᔨᓴᕐᑕᐅᒍᑎᓂᒃ. –        ᑐᑭᑖᓲᖅ ᐊᖏᕐᓂᒥᒃ, ᖏᓐᓂᒥᓪᓘᓃᑦ, ᐱᓇᓱᐊᕐᑕᐅᔪᑦ ᐊᒻᒪᓗ ᖃᓄᐃᓕᖓᓂᖏᑦ ᐊᖏᕐᑕᐅᓂᖓᓅᓕᖓᔪᑦ. –        ᐃᓄᓕᒫᓂᒃ ᑲᑎᒪᑎᑦᓯᓲᑦ ᖃᐅᔨᒋᐊᕐᓂᖃᕐᑎᓯᑦᓱᑎᒃ, ᕆᐊᖃᑐᐊᕋᒥᒃ, ᐅᖃᐅᓯᑦᓴᕆᔭᐅᔪᓂᓪᓗ ᐃᓱᒪᒋᔭᐅᔪᓂᓪᓗ ᐃᓄᓕᒫᕐᑎᓯᑦᓱᑎᒃ ᐱᑖᓲᑦ.
IA ᐱᓇᓱᐊᕐᓂᖏᑦ ᐃᓘᓐᓈᒍᑦ ᖃᐅᔨᓴᕐᑕᐅᓂᖏᓐᓄᑦ	–        ᐱᓇᓱᐊᕐᑕᐅᑎᑦᓯᒐᓱᐊᕐᑐᑦ ᑐᓂᓯᓲᑦ ᐱᒋᐊᖕᖓᓂᖓᓂ ᐱᓇᓱᐊᕐᑕᐅᔪᒧᑦ ᑐᓴᐅᒪᑎᑦᓯᒍᑎᓂᒃ ᑯᐯᒻᒥ ᐊᐅᓚᑦᓯᓂᓕᕆᔨᒧᑦ. –        ᑯᐯᒻᒥ ᐊᐅᓚᑦᓯᓂᓕᕆᔨ ᑐᓂᓯᓲᑦ ᐱᓇᓱᐊᕐᑕᐅᔪᒧᑦ ᑐᓴᐅᒪᑎᑦᓯᒍᑎᓂᒃ KEAC-ᒃᑯᓄᑦ. –        KEQC ᖃᐅᔨᓴᓲᖅ ᑐᓴᐅᒪᑎᑦᓯᒍᑎᓂᒃ, ᐊᑐᐃᓐᓇᕈᕐᑎᓲᖅ ᒪᓕᑦᑕᐅᒋᐊᓕᓐᓂᒃ ᐊᖏᓂᖓᓄᑦ ᓱᕐᕋᑕᐅᓂᐅᓚᖓᔪᓄᑦ ᐅᖃᐅᓯᔪᓂᒃ ᐁᑦᑐᐃᓱᓂᓗ ᐅᖃᕐᑕᐅᔪᑦ ᒪᓕᒋᐊᓕᖏᓐᓂᒃ ᑯᐯᒻᒥ ᐊᐅᓚᑦᓯᓂᓕᕆᔨᒧᑦ. –        ᑯᐯᒻᒥ ᐊᐅᓚᑦᓯᓂᓕᕆᔨ ᐁᑦᑐᐃᓲᑦ ᒪᓕᑦᑕᐅᒋᐊᓕᓐᓂᒃ ᐱᓇᓱᐊᕐᑕᐅᑎᑦᓯᒐᓱᐊᕐᑐᒧᑦ. –        ᐱᓇᓱᐊᕐᑕᐅᑎᑦᓯᒐᓱᐊᕐᑐᖅ ᐊᑐᐃᓐᓇᕈᕐᑎᓲᖅ ᓱᕐᕋᑕᐅᓂᕐᒧᑦ ᐅᖃᐅᓯᑦᓴᐅᔪᓂᒃ  ᑐᓂᓯᑦᓱᓂᓗ ᑯᐯᒻᒥ ᐊᐅᓚᑦᓯᓂᓕᕆᔨᒧᑦ. –        ᑯᐯᒻᒥ ᐊᐅᓚᑦᓯᓂᓕᕆᔨ ᐁᑦᑐᐃᓲᖅ ᓱᕐᖃᑕᐅᓂᕐᒧᑦ ᐅᖃᐅᓯᑦᓴᓄᑦ ᑐᓴᕐᑎᓯᒍᑎᓂᒃ KEAC-ᒃᑯᓄᑦ. –        KEQC ᕿᒥᕐᕈᓲᖅ ᓱᕐᕋᑕᐅᓂᕐᒧᑦ ᐅᖃᐅᓯᑦᓴᐅᔪᓂᒃ ᐊᒻᒪᓗ ᐃᒣᓗᖁᔨᒍᑎᓕᐅᕐᓱᓂ ᑯᐯᒻᒥ ᐊᐅᓚᑦᓯᓂᓕᕆᔨ ᐊᖏᕐᑐᓴᐅᒻᒪᖔᑦ ᐱᓇᓱᐊᕐᑕᐅᔪᒥᒃ ᓱᓇᓂᓪᓗ ᖃᓄᐃᓕᖓᓂᐅᔪᓂᒃ ᐱᑕᖃᕐᑎᓗᒍ. –        ᑯᐯᒻᒥ ᐊᐅᓚᑦᓯᓂᓕᕆᔨ ᐁᑦᑐᐃᓲᖅ ᑭᖑᓪᓕᐹᒥ ᑐᑭᑖᕈᑎᒥᒃ.
ᐊᓯᖏᑦ ᑐᓴᐅᒪᔭᐅᒋᐊᓖᑦ	–        ᑯᐯᒻᒥ ᐊᐅᓚᑦᓯᓂᓕᕆᔨ ᐱᓇᓱᐊᓲᖅ ᐊᑯᓐᓂᖏᓐᓃᓱᓂ KEAC-ᒃᑯᑦ ᐊᒻᒪᓗ ᐱᓇᓱᐊᕐᑕᐅᑎᑦᓯᒐᓱᐊᕐᑐᓄᑦ. –        ᑲᓇᑕ ᐊᒻᒪᓗ ᑯᐯᒃ ᑕᒪᖏᒃ ᐊᖏᖃᑎᒌᒍᑎᒃᑯᑦ ᑲᑎᑎᑦᓯᓱᑎᒃ ᒪᕐᕉᓂᒃ ᓱᕐᕋᑕᐅᓂᕐᒧᑦ ᕿᒥᕐᕈᓂᕐᒧᑦ ᐱᓇᓱᐊᕐᑕᐅᒍᑎᓂᒃ ᐅᖃᕐᑕᐅᔪᓂᒃ JBNQA-ᒥ ᐱᑕᖃᕐᑎᑕᐅᔪᓄᑦ ᓲᓱᒋᔭᖃᕐᓱᓂ ᐱᒍᓐᓇᐅᑎᖏᓐᓂᒃ ᐊᒻᒪᓗ ᓱᓕᓂᐊᕐᓂᕋᕈᑎᓂᒃ ᓄᓇᕕᒻᒥᐅᓕᒫᓄᑦ. –        ᐃᓚᖏᑦ ᐱᓇᓱᐊᕐᑕᐅᔪᑦ ᖃᐅᔨᓴᕐᑕᐅᓴᐅᑎᒋᒍᓐᓇᑐᑦ (ᐃᓚᒋᐊᕈᑎ I ᐊᕕᑦᑐᓯᒪᔪᒥ 23, JBNQA), ᐃᓚᖏᓪᓗ ᖃᐅᓕᓴᕐᑕᐅᒋᐊᑐᖕᖏᑐᑦ (ᐃᓚᒋᐊᕈᑎ II ᐊᕕᑦᑐᓯᒪᔪᒥ 23, JBNQA) ᐃᓚᖏᓪᓗ ᓇᓗᓇᕐᑐᒦᑦᑐᑦ (ᐱᓇᓱᐊᕐᑕᐅᔪᑦ ᐊᓪᓚᑕᐅᓯᒪᖕᖏᑐᑦ ᐃᓚᒋᐊᕈᑎᒥ I ᐅᕝᕙᓘᓐᓃᑦ II). ᓇᓗᓇᕐᑐᒦᑦᑐᑦ ᐱᓇᓱᐊᕐᑕᐅᔪᑦ ᖃᐅᔨᓴᕐᑕᐅᒋᐊᓖᑦ KEQC-ᑯᓐᓄᑦ ᑐᑭᑖᕐᑕᐅᒋᐊᖃᕐᒪᑕ ᕿᒥᕐᕈᔭᐅᔪᑦᓴᐅᒪᖔᑕ. –        MELCCFP ᐱᑕᖃᕐᑎᓯᓲᑦ ᐱᓪᓗᑯᒋᐊᓕᓐᓄᑦ ᖃᐅᔨᒪᔨᐅᓂᕐᒧᑦ ᑯᐯᒻᒥ ᐃᓚᐅᔪᓄᑦ KEQC-ᒃᑯᓄᑦ. –        ᐃᓄᓕᒫᓂᒃ ᖃᐅᔨᒋᐊᕐᓂᖃᕆᐊᑐᖏᒃᑲᓗᐊᕐᑎᓗᒋᑦ ᓯᕗᓂᐊᓂ ᓱᕐᕋᑕᐅᓂᕐᒧᑦ ᐅᖃᐅᓯᐅᔪᖅ ᑐᓂᔭᐅᑎᓪᓗᒋᑦ, KEQC ᐅᖃᐅᓯᑦᓴᓂᒃ ᐱᑖᕐᑎᑕᐅᒍᓐᓇᑐᖅ ᖃᖓᑐᐃᓐᓇᖅ ᐱᓇᓱᐊᕐᑕᐅᑎᓪᓗᖏᑦ ᑐᑭᑖᕈᓐᓇᓱᓂᓗ ᖃᐅᔨᒋᐊᕐᓗᓂ ᓄᓇᓕᓐᓄᑦ ᖃᖓᑐᐃᓐᓇᖅ ᕆᐊᖃᕐᑐᕆᓕᑐᐊᕈᓂ. –        KEQC-ᒃᑯᑦ ᐱᓇᓱᐊᕐᓂᖏᑦ ᐅᖃᕐᑕᐅᓯᒪᔪᑦ JBNQA-ᒥ ᓴᖑᒍᓐᓇᑐᑦ ᐱᒍᓐᓇᑎᑦᓯᓱᓂᓗ ᐊᐅᓚᑕᐅᑎᓗᒋᑦ ᐊᓯᖏᓐᓄᑦ ᕿᒥᕐᕈᔨᐅᓂᕐᒧᑦ ᑎᒥᐅᔪᓄᑦ ᐱᐅᖕᖏᑐᒥᒃ ᓱᕐᕋᑕᐅᓂᖃᕐᑎᓯᑦᑌᓕᒪᒍᒪᓂᕐᒧᑦ ᖃᓕᕇᑦᑐᓄᑦ ᐱᓇᓱᐊᕐᑕᐅᓂᖏᓐᓄᑦ.

 

ᐱᕙᓪᓖᕆᐊᕈᓰᑦ ᑲᓇᑕᒥ

ᐱᔭᑦᓭᑦ ᑲᓇᑕᐅᑉ ᐱᖁᔭᖏᑦᑕ ᐊᑖᒍᑦ (ᐅᒥᐊᒃᑯᕖᑦ, ᑕᒪᒃᑯᐊᓚᑳᑦ.) ᐊᕙᑎᓕᕆᓂᕐᒧᑦ ᐃᓄᓕᒫᓂᓪᓗ ᓱᕐᕃᓂᕐᒧᑦ ᐱᑦᔪᑎᒋᓪᓗᒋᑦ ᐊᒻᒪᓗ ᕿᒥᕐᕈᓗᒋᑦ ᓄᐃᑕᐅᒪᔪᑦ ᐊᕕᑦᑐᓯᒪᔪᒥ 23-ᒥᒃ JBNQA-ᒥ, ᐊᖓᔪᕐᖄᒪᕆᖓ ᓱᕐᕋᑕᐅᒪᔪᓂᒃ ᖃᐅᔨᒪᐅᑎᓄᑦ ᑲᓇᑕᒥ (Impact Assessment Agency of Canada), ᑲᒪᒋᒍᓐᓇᑕᒥᒍᑦ ᑲᓇᑕᐅᑉ ᐊᐅᓚᑦᓯᕕᖓᓂ, ᐊᖏᕈᑎᒥᒃ ᑲᒪᔨᐅᕗᖅ. ᒪᕐᕉᒃ ᑎᒥᐅᔫᒃ ᐃᓚᐅᔫᒃ ᐊᑐᓕᕐᑎᓯᓂᕐᓄᑦ ᑲᓇᑕᐅᑉ ᐱᕙᓪᓖᕆᐊᕈᑎᖏᓐᓂᑦ: ᑕᕐᕋᒥ ᖃᐅᔨᓴᕐᓂᓄᑦ ᑲᑎᒪᔩᑦ ᐊᕙᑎᓕᕆᓂᕐᒧᑦ ᐃᓄᓕᒫᓂᓪᓗ ᓱᕐᕋᑕᐅᒪᒍᑎᖏᓐᓂᑦ ᕿᒥᕐᕈᕆᐊᖃᕐᓂᐊᑐᑦ (COFEX-North).

ᕿᒥᕐᕈᓂᒧᑦ ᑲᑎᒪᔩᑦ ᑲᒪᒋᔭᖃᕐᑐᑦ ᐅᓐᓂᑑᑦᔨᓂᕐᒥᒃ ᑲᕙᒪᑐᖃᒃᑯᑦ ᐊᐅᓚᑦᓯᔨᖓᓄᑦ ᐱᓇᓱᐊᕐᑕᐅᔪᑦ ᓄᐃᑕᖕᖏᑐᑦ ᐋᕐᕿᑕᐅᓯᒪᔪᓂ 1 ᐅᕝᕙᓘᓐᓃᑦ 2 ᐊᕕᑦᑐᓯᒪᔪᓂ 23-ᒥ ᐊᒻᒪᓗ ᐃᓱᒪᒋᔭᐅᔪᑦ ᓇᓗᓇᕐᑐᒦᑦᑐᑦ ᐱᓇᓱᐊᕐᑕᐅᔪᑦ ᒪᓕᒋᐊᖃᕐᒪᖔᑕ ᐅᕝᕙᓘᓐᓃᑦ ᖃᐅᓴᕐᑕᐅᒋᐊᑐᖕᖏᑐᑦ ᑲᕙᒪᑐᖃᒃᑯᑦ ᓱᕐᕋᑕᐅᓂᕐᒧᑦ ᖃᐅᓴᕐᑕᐅᓂᕐᒧᑦ ᐊᑐᓲᖏᓐᓄᑦ. ᕿᒥᕐᕈᓂᕐᒧᑦ ᑲᑎᒪᔩᑦ ᐅᑯᐊᖑᔪᑦ: ᒪᕐᕉᒃ ᑎᒡᒍᐊᑕᐅᓯᒪᔪᑦ ᑲᕙᒪᖓᓄᑦ ᑲᓇᑕᐅᑉ ᐊᒻᒪᓗ ᒪᕐᕉᒃ KRG-ᒃᑯᓄᑦ.

ᕿᒥᕐᕈᔨᖏᑦ ᑲᕙᒪᑐᖃᒃᑯᑦ COFEX-North ᑲᒪᒋᔭᓖᑦ ᕿᒥᕐᕈᓂᕐᒥᒃ ᐱᓇᓱᐊᕐᑕᐅᔪᓂᒃ ᖃᐅᔨᓴᕐᑕᐅᒋᐊᓕᓐᓂᒃ ᑲᕙᒪᑐᖃᒃᑯᑦ ᓱᕐᕋᑕᐅᓂᕐᒧᑦ ᖃᐅᔨᓴᕐᓂᒧᑦ ᐊᑐᓲᖏᓐᓄᑦ. ᑕᓪᓕᒪᓂᒃ ᐃᓚᐅᔪᓕᒃ: ᐱᖓᓱᑦ ᑎᒡᒍᑕᐅᒪᔪᑦ ᑲᕙᒪᖓᓄᑦ ᑲᓇᑕᐅᑉ ᐊᒻᒪᓗ ᒪᕐᕉᒃ KRG-ᒃᑯᓄᑦ. ᑲᑎᒪᑎᑦᓯᔨᖓ ᑎᒡᒍᐊᑕᐅᒪᔪᑦ ᑲᕙᒪᖓᓄᑦ ᑲᓇᑕᐅᑉ.

ᓱᕐᕋᑕᐅᒪᔪᓂᒃ ᖃᐅᔨᓴᕐᓂᒧᑦ ᐊᐅᓚᑦᓯᕕᖓ ᑲᓇᑕᒥ ᑐᓴᐅᒪᒍᑎᓖᑦ ᖃᕆᑕᐅᔭᒃᑯᑦ project impact assessment registry.

ᐃᓄᓕᒫᑦ ᐃᓚᐅᓂᖓ

ᐃᓚᐅᑎᑦᓯᒐᓱᐊᕐᓂᒧᑦ ᐃᓄᓕᒫᓂᒃ ᐊᓪᓗᕆᐊᕐᓂᓕᒫᖏᓐᓂ ᑲᕙᒪᑐᖃᒃᑯᑦ ᓱᕐᕋᑕᐅᓂᕐᒧᑦ ᖃᐅᔨᓴᕐᓂᒧᑦ ᐱᓇᓱᐊᕈᑎᖏᓐᓄᑦ, ᐊᓪᓚᓯᒪᔪᑦ ᑐᓂᔭᐅᔪᑦ COFEX-North-ᑯᓐᓄᑦ ᐃᓄᓕᒫᓄᑦ ᑕᑯᔭᐅᒍᓐᓇᑎᑕᐅᖏᓐᓇᒐᓚᓲᑦ ᐊᒻᒪᓗ ᐃᓚᒋᐊᕈᑎᐅᑎᑕᐅᑦᓱᑎᒃ ᐱᓇᓱᐊᕐᑕᐅᔪᓄᑦ ᐊᓪᓚᑕᐅᓯᒪᔪᓄᑦ. COFEX-North ᑐᑭᑖᕈᓐᓇᑐᖅ ᐃᓄᓕᒫᕐᑎᓯᓚᖓᒻᒪᖔᕐᒥᒃ ᖃᐅᔨᒋᐊᕐᕕᖃᕆᐊᖃᕐᓂᒧᑦ.

ᓄᐃᑕᑎᑦᓯᒍᑎ ᐊᑖᓂ ᓀᓪᓕᑎᕐᓯᒪᔪᓂᒃ ᑐᑭᓯᓇᕐᑎᓯᔪᖅ ᐱᓇᓱᐊᓲᖏᓐᓂᒃ COFEX-North ᑲᕙᒪᑐᖃᒃᑯᑦ ᓱᕐᕋᑕᐅᓂᕐᒧᑦ ᖃᐅᔨᓴᕈᑎᖏᓐᓂ ᒪᑉᐱᕋᐅᑉ 23 ᐊᑖᒍᑦ JBNQA-ᒥ.

 

COFEX-ᑕᕐᕋᒥ – ᑲᕙᒪᑐᖃᒃᑯᑦ ᐊᕙᑎᓕᕆᓂᕐᒧᑦ ᐊᒻᒪᓗ ᐃᓅᖃᑎᒌᓄᑦ ᓱᕐᕋᑕᐅᓂᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᑦ
ᐱᖁᔭᑎᒍᑦ ᐱᒍᓐᓇᐅᑎᖏᑦ	ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓ (JBNQA), 1975
ᖃᓄᐃᓕᖓᓂᖏᑦ ᕿᒥᕐᕈᔩᑦ	ᒪᕐᕉᒃ ᑎᒡᒍᐊᕐᑕᐅᒪᔪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ (KRG) ᐊᒻᒪᓗ ᐱᖓᓱᑦ ᐃᓚᐅᔪᑦ (ᐃᓚᐅᑎᓪᓗᒍ ᑲᑎᒪᑎᑦᓯᔨ) ᑎᒡᒍᐊᑕᐅᒪᔪᑦ ᑲᕙᒪᖓᓄᑦ ᑲᓇᑕᐅᑉ.
ᓱᕐᕋᑕᐅᓂᕐᒧᑦ ᖃᐅᔨᓴᕐᕕᐅᔪᖅ	ᐊᕕᑦᑐᓯᒪᓂᖓᑕ 7 ᐊᑦᔨᖑᐊᖅ 1
ᐱᓇᓱᐊᕐᑕᐅᔪᓄᑦ ᐊᑐᕐᑐᑦ	ᐱᓇᓱᐊᕐᑕᐅᔪᑦ ᑲᕙᒪᑐᖃᒃᑯᓄᑦ ᐱᔪᓐᓇᓂᖃᕐᕕᐅᔪᖅ ᐊᓪᓚᑕᐅᒪᔪᖅ ᐃᓚᒋᐊᕈᑎᒥ I JBNQA-ᒥ ᐱᓇᓱᐊᕐᑕᐅᔪᓪᓗ ᕿᒥᕐᕈᔭᐅᒋᐊᓖᑦ ᕿᒥᕐᕈᔨᐅᓂᕐᒧᑦ ᑲᑎᒪᔨᖏᓐᓄᑦ.
ᑲᒪᒋᓗᐊᖕᖑᐊᑕᖏᑦ	–        ᕿᒥᕐᕈᓗᑎᒃ ᐊᕙᑎᓕᕆᓂᕐᒧᑦ ᐊᒻᒪᓗ ᐃᓅᖃᑎᒌᓄᑦ ᓱᕐᕋᑕᐅᓂᖏᓐᓄᑦ ᐱᕙᓪᓕᐊᑎᑕᐅᔪᓄᑦ ᐱᓇᓱᐊᕐᑕᐅᔪᓄᑦ ᑲᕙᒪᑐᖃᒃᑯᓄᑦ ᐱᒍᓐᓇᓂᖃᕐᕕᐅᔪᒧᑦ. –        ᐃᓄᓕᒫᓂᒃ ᑲᑎᒪᑎᑦᓯᓲᑦ ᖃᐅᔨᒋᐊᕐᓂᒧᑦ, ᕆᐊᖃᑐᐊᕋᒥᒃ, ᐅᖃᐅᓯᑦᓴᖏᓐᓂᓗ ᐊᒻᒪᓗ ᐃᓱᒪᒋᔭᖏᓐᓂᒃ ᐱᑎᑕᐅᖃᑦᑕᓱᑎᒃ ᐃᓄᓕᒫᓄᑦ. –        ᐅᓐᓂᑑᑦᔨᓲᖅ ᑲᕙᒪᑐᖃᒃᑯᑦ ᐊᐅᓚᑦᓯᓂᓕᕆᔨᖓᓄᑦ ᐊᖏᕐᑐᓴᐅᒻᒪᖔᑕ ᖏᒻᒪᖔᑕᓘᓐᓃᑦ ᐱᓇᓱᐊᕐᑕᐅᔪᒧᑦ ᐊᒻᒪᓗ ᖃᓄᐃᑦᑑᑎᓪᓗᒍ. –        ᐱᓇᓱᐊᖃᑎᖃᓲᖅ ᐊᐅᓚᑦᓯᓱᓂᓗ ᐃᓚᖃᕐᓱᓂ ᐊᓯᖏᓐᓂ ᐱᒍᓐᓇᑎᑦᓯᔨᐅᔪᓂᒃ ᐃᓚᐅᔪᓂᒃ.
IA ᐱᓇᓱᐊᕐᓂᖏᑦ ᐃᓘᓐᓈᒍᑦ ᖃᐅᔨᓴᕐᑕᐅᓂᖏᓐᓄᑦ	–        ᐱᓇᓱᐊᕐᑕᐅᑎᑦᓯᒐᓱᐊᕐᑐᖅ ᑐᓂᓯᓲᖅ ᐱᓇᓱᐊᕐᑕᐅᔪᒧᑦ ᑐᓴᐅᒪᑎᑦᓯᒍᑎᓂᒃ ᑲᕙᒪᑐᖃᒃᑯᑦ ᐊᐅᓚᑦᓯᓂᓕᕆᔨᖓᓄᑦ. –        ᑲᕙᒪᑐᖃᒃᑯᑦ ᐊᐅᓚᑦᓯᓂᓕᕆᔨᖓ ᑐᓂᓯᓲᖅ ᐱᓇᓱᐊᕐᑕᐅᔪᒧᑦ ᑐᓴᐅᒪᑎᑦᓯᒍᑎᓂᒃ COFEX-North-ᒧᑦ. –        COFEX-North  ᕿᒥᕐᕈᓂᖃᓲᖅ ᐱᓇᓱᐊᕐᑕᐅᔪᓂᒃ ᐊᑐᐃᓐᓇᕈᕐᑎᓱᓂᓗ ᒪᓕᒐᕐᓂᒃ ᐊᖏᓂᖓᓄᑦ IA. –        ᑲᕙᒪᑐᖃᒃᑯᓂ ᐊᐅᓚᑦᓯᓂᓕᕆᔨ ᐁᑦᑐᐃᓲᖅ ᒪᓕᒐᕐᓂᒃ ᐱᓇᓱᐊᕐᑕᐅᑎᑦᓯᒐᓱᐊᕐᑐᒧᑦ. –        ᐱᓇᓱᐊᕐᑕᐅᑎᑦᓯᒐᓱᐊᕐᑐᖅ ᐊᑐᐃᓐᓇᕈᕐᑎᓲᖅ ᓱᕐᕋᑕᐅᓂᕐᒧᑦ ᐅᖃᐅᓯᐅᔪᓂᒃ ᐊᒻᒪᓗ ᑐᓂᓯᑦᓱᓂ ᑲᕙᒪᑐᖃᒃᑯᑦ ᐊᐅᓚᑦᓯᔨᖓᓄᑦ. –        ᑲᕙᒪᑐᖃᒃᑯᑦ ᐊᐅᓚᑦᓯᔨᖓ ᐁᑦᑐᐃᓲᖅ ᓱᕐᕋᑕᐅᓂᕐᒧᑦ ᐅᖃᐅᓯᐅᔪᓂᒃ COFEX-North-ᑯᓐᓄᑦ. –        COFEX-North ᕿᒥᕐᕈᓲᖅ ᓱᕐᖃᑕᐅᓂᕐᒧᑦ ᐅᖃᐅᓯᐅᔪᓂᒃ ᐊᒻᒪᓗ ᐃᒣᓗᖁᔨᒍᑏᑦ ᖃᓄᐃᑦᑑᓂᖏᓐᓂᒃ. –        ᑲᕙᒪᑐᖃᒃᑯᓂ ᐊᐅᓚᑦᓯᔨ ᐁᑦᑐᐃᓲᖅ ᑭᖑᓪᓕᐹᒥ ᑐᑭᑖᕈᑎᐅᔪᓂᒃ.
ᐊᓯᖏᑦ ᑐᓴᐅᒪᑎᑦᓯᒍᑏᑦ	–        ᑲᕙᒪᑐᖃᒃᑯᑦ ᐊᐅᓚᑦᓯᔨᖓ ᐱᓇᓱᐊᓲᖅ ᐊᑯᓐᓂᖓᓃᑦᑎᐅᓱᓂ COFEX-North-ᑯᑦ ᐱᓇᓱᐊᕐᑕᐅᑎᑦᓯᒐᓱᐊᕐᑎᓄᓪᓗ. –        ᑲᓇᑕ ᑯᐯᓪᓗ ᑕᒪᕐᒥᒃ ᐊᖏᖃᑎᒌᒍᑎᒥᓂᒃ ᑲᑎᑎᑦᓯᓲᖅ ᒪᕐᕉᓄᑦ ᓱᕐᕋᑕᐅᓂᕐᒧᑦ ᕿᒥᕐᕈᓂᐅᔪᓂᒃ ᐱᓇᓱᐊᕐᑕᐅᒍᑎᖏᓐᓂᒃ ᐅᖃᕐᑕᐅᔪᓂᒃ JBNQA-ᒥ ᐱᑕᖃᕐᑎᑕᐅᔪᓂᒃ ᓲᓱᒋᔭᖃᕐᓂᒧᑦ ᐱᒍᓐᓇᐅᑎᓂᒃ ᓱᓕᓂᕃᒍᑎᓂᓪᓗ ᓄᓇᕕᒻᒥᐅᓕᒫᓄᑦ. –        ᑲᕙᒪᑐᖃᒃᑯᑦ ᐊᐅᓚᑦᓯᔨᖓ ᑐᑭᑖᕈᓐᓇᑐᖅ ᐱᒋᐊᕐᑎᓯᒍᒪᖕᖏᓂᕐᒥᒃ ᐱᕙᓪᓕᐊᓂᖓᓂᒃ ᐃᓇᖏᕐᑕᐅᑐᐊᕈᓂ ᐊᓯᐊᓄᑦ ᓈᒻᓈᕐᑐᓂᒃ ᐱᑕᖃᕐᑎᓯᔪᓄᑦ ᐃᓚᐅᓂᖏᓐᓄᑦ ᓄᓇᖃᕐᖄᓯᒪᔪᓄᑦ ᐅᕝᕙᓘᓐᓃᑦ ᑲᕙᒪᑐᖃᒃᑯᑦ ᑯᐯᓪᓗ ᑲᕙᒪᖓ ᐊᖏᖃᑎᒌᑦᑐᕕᓂᐅᑉᐸᑎᒃ ᑲᑎᑎᑦᓯᓂᕐᒥᒃ ᑖᒃᑯᓃᖓ IA ᐱᕙᓪᓕᐊᑎᑦᓯᓂᖓᓂᒃ JBNQA ᐊᑖᒍᑦ. –        ᐱᓇᓱᐊᕐᑕᐅᔪᑦ ᑲᕙᒪᑐᖃᒃᑯᑦ ᐱᔪᓐᓇᓂᖃᕐᕕᐅᔪᒥ ᐅᑯᐊᖑᔪᑦ: ᒥᕝᕖᑦ ᓴᓇᒻᒪᖏᑦ, ᐃᒪᕐᐱᒧᑦ ᐱᑐᑦᓯᒪᔪᑦ ᓴᓇᒻᒪᖏᑦ, ᐅᓇᑕᕐᑐᓭᑦ ᐱᒋᐅᕐᓴᓂᖏᓐᓄᑦ, ᓯᓚᓐᓂᐊᕖᑦ, ᓄᖑᓱᐃᑦᑐᒥᒃ ᐅᔭᕋᓐᓂᐊᓃᑦ. –        ᐃᓚᖏᑦ ᐱᓇᓱᐊᕐᑕᐅᔪᑦ ᖃᐅᔨᓴᕐᑕᐅᖏᓐᓇᕆᐊᓖᑦ (ᐃᓚᒋᐊᖁᑎ I ᐊᕕᑦᑐᓯᒪᔪᒥ 23, JBNQA), ᐃᓚᖏᓪᓗ ᖃᐅᔨᓴᕐᑕᐅᒋᐊᑐᖕᖏᑐᑦ (ᐃᓚᒋᐊᕈᑎ II ᐊᕕᑦᑐᓯᒪᔪᒥ 23, JBNQA), ᐃᓚᖏᓪᓗ ᐃᓱᒪᒋᔭᐅᔪᑦ ᖃᐅᔨᒪᓇᖕᖏᓂᖏᓐᓂᒃ (ᐱᓇᓱᐊᕐᑕᐅᔪᑦ ᐊᓪᓚᑕᐅᓯᒪᖕᖏᑐᑦ ᐃᓚᒋᐊᕈᑎᓂ I ᐅᕝᕙᓘᓐᓃᑦ II). ᖃᐅᔨᒪᓇᖕᖏᑐᑦ ᐱᓇᓱᐊᕐᑕᐅᔪᑦ ᕿᒥᕐᕈᔭᐅᒋᐊᓖᑦ ᕿᒥᕐᕈᔨᐅᓂᕐᒧᑦ ᑲᑎᒪᔨᖏᓐᓄᑦ ᑐᑭᑖᕐᑕᐅᓂᑦᓴᖏᓐᓄᑦ ᕿᒥᕐᕈᔭᐅᒋᐊᖃᕐᒪᖔᑕ. –        ᑭᖑᓪᓕᐹᒥ COFEX-North ᕿᒥᕐᕈᓂᓕᕕᓃᑦ ᐱᓇᓱᐊᕐᑕᐅᔪᓂᒃ 2013-ᒥ, ᓴᓪᓗᐃᑦ ᐁᑉᐸᖓᑕ ᐅᒥᐊᖃᐅᑎᖓᓂ ᐊᒻᒪᓗ ᐃᒪᐅᑉ ᐊᑖᓅᕐᑐᑦ ᑲᒪᒋᔭᐅᓂᖏᓐᓄᑦ ᐱᓇᓱᐊᕐᑕᐅᔪᑦ.