ᒣᑯ ᐹᕆᑦ

ᒣᑯ ᐹᕆᑦ ᐊᖓᔪᕐᖄᑉ ᑐᖓᓕᖓ ᓴᓗᒪᔪᓂᒃ ᐱᑦᓴᑕᖃᕐᕕᑖᕐᕕᒥᒃ, ᐊᕙᑎᓕᕆᓂᕐᒥᓗ, ᓄᓇᓕᕆᓂᕐᒥᒃ ᐊᒻᒪᓗ ᒥᕐᖑᐃᓯᕐᕕᓂᒃ ᐊᐅᓚᑦᓯᕕᖓᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ. KEAC-ᑯᓂ ᐃᑲᔪᕐᓯᓕᕐᑐᖅ ᓄᐃᑕᐅᒋᐊᖕᖓᓂᕕᓂᖓᓂᑦ 1990-ᒥ 1999-ᒧ ᐅᓪᓗᒥᒧᓪᓗ.

Theresa Chemaganish

ᒥᓂ ᑯᔩ

ᒥᓂ ᑯᔩ ᐱᓇᓱᐊᑦᓯᐊᓯᒪᔪᖅ ᐱᓇᓱᓐᓂᓕᒫᒥᓂ ᐱᐅᓯᐅᒥᑎᑦᓯᒐᓱᐊᕐᓂᒥᒃ ᐃᓅᓯᖃᑦᓯᐊᖁᓪᓗᒋᑦ ᐃᓄᐃᑦ ᓄᓇᕕᒻᒥ, ᑲᓇᑕᒥ ᐊᒻᒪᓗ ᑲᓇᑕᐅᑉ ᓯᓚᑖᓂ. ᐃᓅᓕᕐᓯᒪᔪᖅ ᑲᖏᕐᓱᒥ, ᓄᓇᕕᒻᒥ, ᐱᓇᓱᒐᖃᖃᑦᑕᓯᒪᔪᖅ ᐊᑦᔨᒌᖕᖏᑐᓂᒃ ᐊᒻᒪᓗ ᐅᐱᒋᔭᐅᓂᖃᕐᓱᓂ ᒪᑭᕝᕕᒃ ᑯᐊᐳᕇᓴᒃᑯᓂ, ᑲᓇᑕᐅᑉ ᐊᓪᓚᕕᖓ ᐃᓄᐃᑦ ᓯᓚᕐᔪᐊᒥᐅᑦ ᑲᑎᒪᔨᖏᓐᓂ, ᓄᓇᕕᒃ ᐃᓕᓐᓂᐊᓂᓕᕆᓂᕐᒧᑦ ᖃᐅᔨᓴᕐᑏᑦ, ᓄᓇᕕᒻᒥ ᓂᕿᑦᓯᐊᓄᑦ ᐊᒻᒪᓗ ᖃᓄᐃᖕᖏᓯᐊᕐᓂᒧᑦ ᑲᑎᒪᔨᖏᑦ, ᐊᒻᒪᓗ ᓄᓇᕕᒻᒥ ᐃᓗᓯᓕᕆᓂᕐᒧᑦ ᐱᒍᑦᔨᕕᖓ ᐊᒥᓱᐃᓪᓗ ᐊᓯᖏᑦ.

ᐱᑖᕐᑎᑕᐅᓯᒪᔪᖅ ᑲᓇᑕᒥ ᓄᓇᖃᕐᖄᓯᒪᔪᓄᑦ ᐱᒍᓐᓇᓯᒍᑎᒥᒃ ᑐᓂᔭᐅᓯᒪᔪᖅ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒥ ᑐᓂᔭᐅᓯᒪᑦᓱᓂ, ᐊᑕᓂᐊᓘᑉ ᐊᕐᕌᒍᓂ ᐊᕙᑏᑦ ᑕᓪᓕᒪᓂᒃ ᐊᑕᓂᐊᓘᓂᖓᓄᑦ ᐁᑦᑐᑕᐅᒍᑎᒥᒃ ᐊᓪᓚᕕᖓᓂ ᐱᓯᒪᔪᒥᒃ ᐊᑕᓂᐊᓘᑉ ᑭᒡᒐᑐᕐᑎᖓᓂ ᑲᓇᑕᒥ, ᑌᔭᐅᓂᖃᕐᓱᓂ ᑯᐯᒻᒥ ᐅᐱᒋᔭᐅᒍᑎᒥᒃ ᑯᐯᒻᒥ ᐃᓕᑕᕆᔭᐅᒍᑎᑖᕐᑐᕕᓂᐅᑦᓱᓂ ᔫᓂ 2013-ᒥ ᐊᒻᒪᓗ ᐃᓚᒋᔭᐅᑦᓱᓂ ᑲᓇᑕᒥ ᐃᓕᑕᕆᔭᐅᒍᑎᑖᕐᓂᕕᓂᕐᒥᓄᑦ 2017-ᒥ. ᒫᓐᓇᒋᐊᖑᓂᕐᓴᖅ 2022-ᖑᑎᓪᓗᒍ, ᐱᑖᕋᑖᕐᓂᒥᔪᖅ ᐃᓕᑕᕆᔭᐅᒍᑎᒥᒃ ᐃᓕᓐᓂᐊᕕᕐᔪᐊᖓᓂ ᒪᓐᑐᔨᐊᒥ ᐱᓯᒪᔪᒥᒃ. 2013-ᒥᓂᑦ, ᒥᓂ ᐱᓇᓱᒐᖃᖃᑦᑕᓯᒪᔪᖅ ᐳᕐᑐᓂᕐᓴᒥ ᑐᑭᒧᐊᑦᑎᓯᔨᐅᓂᕐᒥᒃ ᓄᓇᕕᒻᒥ ᐃᓗᓯᓕᕆᕕᖓᓂ ᐱᒍᑦᔨᕕᒻᒥᒃ, ᐅᑭᐅᖏᑦ ᓈᒻᒪᓯᒻᒪᑕ ᓄᕐᖃᕋᑖᕐᑐᕕᓂᖅ ᔪᓓ 2023-ᒥ.

ᑖᕇᓴ ᑦᓯᒪᑲᓂᔅ

ᐸᐅᓪ ᙯᓕ

ᐸᐅᓪ ᙯᓕ, LL.D-ᓂᒃ ᐃᓕᓐᓂᐊᒍᑎᑖᕐᓯᒪᔪᖅ., ᐱᖁᔭᓕᕆᔨ, ᐃᓕᓐᓂᐊᑎᑦᓯᔨᐅᑦᓱᓂᓗ ᐱᖁᔭᓕᕆᓂᕐᓄᑦ ᓚᕚᓪ ᐃᓕᓐᓂᐊᕕᕐᔪᐊᖓᓂ ᐊᒻᒪᓗ ᑲᓇᑕᒥ ᖃᐅᔨᓴᕐᓂᓂᒃ ᐊᖓᔪᕐᖄᒍᑦᓱᓂ ᐊᕙᑎᓂᒃ ᐱᖁᔭᓕᕆᓂᕐᒧᑦ (Université Laval and the Canada Research Chair in Environmental Law). ᑎᓕᔭᐅᓚᐅᔪᖅ KEAC-ᑯᓄᑦ 1999-ᒥ.

ᐋᓐᑎᕆ-ᐋᓐ ᑳᓂᐅ,ᓯᕗᒧᐊᕐᑎᓯᔨ 2024-2025-ᒥ

ᐋᓐᑎᕆ-ᐋᓐ ᑳᓂᐅ ᐃᓕᓐᓂᐊᕕᐊᓗᒻᒥ ᐃᓕᓐᓂᐊᕆᐊᖕᖓᐅᑎᖓᓂ ᐃᓕᑕᕐᓇᐅᑎᑖᕐᓯᒪᔪᖅ ᓄᓇᒥᐅᑕᓂᒃ ᖃᐅᔨᒪᓂᕐᒧᑦ ᒪᓐᑐᔨᐊᓪ ᐃᓕᓐᓂᐊᕕᕐᔪᐊᖓᓂ (University of Montreal) ᐊᒻᒪᓗ ᐃᓕᓐᓂᐊᑎᒻᒪᕆᐅᒍᑎᒥᒃ ᐃᓕᑕᕐᓇᐅᑎᑖᕐᓯᒪᔪᖅ ᑕᕆᐅᕐᒥᐊᑕᓂᒃ ᑲᒪᑦᓯᐊᕆᐊᖃᕐᓂᒧᑦ ᑯᐯ ᐃᓕᓐᓂᐊᕕᕐᔪᐊᖓᓂ ᕆᒨᔅᑭᒥ (University of Quebec in Rimouski). ᓅᕕᒻᐱᕆ 2020-ᒥᓂᒃ, ᐱᓇᓱᐊᓕᕐᑐᖅ ᑲᓇᑕᒥ ᒥᕐᖑᐃᓯᕐᕕᓂᒃ ᐊᐅᓚᑦᓯᕕᖓᓂ ᓇᐹᕐᑐᓕᓕᕆᓂᕐᒧᑦ, ᐆᒪᔪᓕᕆᓂᕐᒧᑦ ᐊᒻᒪᓗ ᒥᕐᖑᐃᓯᕐᕕᓕᕆᓂᕐᒧᑦ
ᒥᓂᔅᑕᒃᑯᖏᓐᓂᑦ ᑐᑭᒧᐊᕐᑎᓯᔨᐅᑦᓱᓂ. ᐋᓐᑎᕆ-ᐋᓐ ᐱᓇᓱᐊᕐᓯᒪᒻᒥᔪᖅ ᐊᕙᑎᓂᒃ ᖃᐅᔨᓴᕐᓂᓄᑦ ᑕᕐᕋᒥ ᐅᔭᕋᓐᓂᐊᓂᕐᓄᓗ. ᑎᓕᔭᐅᓚᐅᔪᖅ KEAC-ᑯᓄᑦ 2020-ᒥ.

ᔮᓴᒪᓐ ᐱᐊᕐᔪᕌᓐ

ᔮᓴᒪᓐ ᐱᐊᕐᔪᕌᓐ ᓄᓇᖕᖑᐊᓕᕆᔨ. ᐱᓇᓱᐊᕐᓯᒪᔪᖅ ᐊᕐᕌᒍᓂ ᖁᓕᓪᓗ ᒪᕐᕈᓗᓐᓂᒃ ᐊᓪᓚᕕᖓᓂ ᐃᓄᓕᒫᓂᒃ ᑲᑎᒪᑎᑦᓯᓂᕐᒥ ᐊᕙᑎᓕᕆᓂᕐᒧᑦ (BAPE). 2019-ᒥᓂᑦ, ᐱᓇᓱᐊᕐᓯᒪᔪᖅ ᑐᕐᖃᑕᕐᕕᖓᓂ ᐊᕙᑎᓕᕆᓂᕐᒧᑦ, ᓄᖑᑎᑦᓯᒐᓱᓐᓂᒧᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ, ᐆᒪᔪᓄᑦ ᐊᒻᒪᓗ ᒥᕐᖑᐃᓯᕐᕕᓄᑦ ᐊᒻᒪᓗ ᒫᓐᓇᐅᔪᖅ ᐱᓇᓱᑦᑐᖅ ᐱᓇᓱᒐᖓᓂᒃ ᑐᑭᒧᐊᑦᑎᓯᔨᐅᓂᕐᒧᑦ ᐱᓇᓱᖃᑎᒌᓂᒃ ᓯᕗᓕᕐᑎᐅᓂᕐᒧᑦ ᐊᕙᑎᐅᑉ ᓱᕐᕋᑕᐅᓂᖓᓄᑦ ᖃᐅᔨᓴᕐᓂᒧᑦ ᐅᔭᕋᓐᓂᐊᓂᕐᒧᑦ. ᑎᒡᒍᐊᑕᐅᓯᒪᔪᖅ ᐃᓚᐅᓂᕐᒧᑦ KEAC-ᑯᓄᑦ 2024-ᒥ.

ᒫᒃ-ᐋᓐᑐᐊᓐ ᔨᕉ

ᒫᒃ-ᐋᓐᑐᐊᓐ ᔨᕉ ᐊᒥᓂᒃ ᐊᕐᕌᒍᓂᒃ ᐱᓇᓱᐊᕐᓯᒪᔪᖅ ᖃᐅᔨᓴᕐᑎᐅᓱᓂ ᐊᕙᑎᒥᒃ ᐊᒻᒪᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂᒃ ᑲᓇᑕᒥ ᐊᒻᒪᓗ ᓄᓇᖃᕐᖄᓯᒪᔪᓄᑦ ᐱᒍᑦᔨᓂᕐᒧᑦ ᑲᓇᑕᒥ. ᒫᓐᓇᐅᔪᖅ ᑲᒪᔨ ᖃᐅᔨᓴᕐᓂᒧᑦ, ᓄᓇᓕᓕᒫᓂ ᐱᓇᓱᐊᖃᑎᒌᓐᓂᖅ ᐊᒻᒪᓗ ᓄᓇᖃᕐᖄᓯᒪᔪᓕᕆᔩᑦ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓄ ᑲᓇᑕᐅᑉ ᖃᕙᖕᖓᓂᖓᓂ ᐊᒻᒪᓗ ᑯᐯᒃ ᓄᓇᓕᖓᓂ ᐊᓪᓚᕕᖓᓂ.

ᐱᐊᕐ-ᐄᕝ ᑳᓄ

ᐱᐊᕐ-ᐄᕝ ᑳᓄ ᑎᒡᒍᐊᑕᐅᓯᒪᔪᖅ ᑲᑎᕕᒃ ᐊᕙᑎᓕᕆᓂᕐᒧᑦ ᐊᔪᖀᒋᐊᕐᑎᖏᑦᑕ ᑲᑎᒪᔨᖏᓐᓄᑦ 2023-ᒥ. ᐊᑐᓕᕐᑎᓯᓂᕐᒧᑦ ᐊᐅᓚᑦᓯᔨ ᒫᓐᓇᓂᑕᕐᓄᑦ ᐊᖏᖃᑎᒌᒍᑎᓄᑦ ᑲᓇᑕᐅᑉ ᓄᓇᖃᕐᖄᓯᒪᔪᑦ ᐱᓇᓱᐊᖃᑎᒌᓐᓂᖏᓐᓄᑦ ᐊᒻᒪᓗ ᐅᑭᐅᕐᑕᑐᒥᐅᑕᓕᕆᔨᒃᑯᓄᑦ ᑲᓇᑕᒥ. ᓯᓚᑦᑐᓴᕐᕕᔪᐊᒥ ᐱᔭᕇᕈᑎᑖᕐᓯᒪᔪᖅ ᐃᓄᓕᒫᓄᑦ ᐊᒻᒪᓗ ᓄᓇᕐᔪᐊᒥᐅᓕᕆᓂᕐᒧᑦ, ᐃᑲᔪᕐᓯᓂᖃᓲᖅ ᐱᓇᓱᐊᕐᓯᒪᓂᖃᒻᒪᕆᑦᓱᓂ ᑲᕙᒪᒃᑯᓂᒃ ᐱᒍᑦᔨᓂᕐᒥᒃ ᐊᒻᒪᓗ ᐱᓇᓱᐊᕐᑕᐅᔪᓄᑦ ᐊᐅᓚᑦᓯᓂᓕᕆᓂᕐᒧᑦ.

ᒪᕆ-ᓄᐃᐊᓪ ᕗᕐᓃ

ᒪᕆ-ᓄᐃᐊᓪ ᐱᔭᕇᕐᓂᐅᑎᓕᒃᐳᕐᑐᓂᕐᓴᒋᐊᓪᓚᒥᒃ ᐅᖃᖃᑎᒌᓐᓂᒥᐊᒻᒪᓗ ᐱᓇᓱᑦᓯᒪᓕᕐᑐᖅ ᐊᕐᕌᒍᓂ15 ᐅᖓᑖᓄᑦ ᐱᓇᓲᑎᓂᑦ ᐊᒻᒪᓗNPO-ᓂᒃ ᓄᓇᖁᑎᓂ ᐊᒻᒪᓗᓄᓇᓕᓐᓂᐱᕙᓪᓕᐊᑎᑕᐅᓂᖏᓐᓂᒃ.ᑐᑭᒧᐊᑦᑎᓯᔨᒋᔭᐅᓕᕐᑐᖅᓄᓇᖃᕐᖄᓯᒪᔪᐃᑦ ᐱᓇᓱᕝᕕᖓᓂᐃᖃᓪᓕᐊᓂᓕᕆᓂᕐᒥ ᐊᒻᒪᓗ ᐃᖃᓗᖃᕐᕖᑦ ᓇᔪᒐᖏᑦᑕᓴᐳᒻᒥᔭᐅᒋᐊᖃᕐᓂᖏᓐᓂ ᑲᓇᑕᐅᑉᑕᕆᐅᕐᒥᐅᑕᓕᕆᕕᖓᓂ.ᑎᓕᔭᐅᓚᐅᔪᖅ KEAC-ᑯᓄᑲᑎᖕᖓᔨᐅᓂᕐᒧᑦ 2022-ᒥ.

ᐊᓪᓚᑎᒻᒪᕆᖓ: ᐯᓐᔭᒥᓐ ᐸᑦᓇᐅᑦ

ᐯᓐᔭᒥᓐ ᐸᑦᓇᐅᑦ ᐊᓪᓚᑎᒻᒪᕆᐅᑉ ᐃᓂᖓᓂ ᐱᓇᓱᑦᑎᐅᓕᕐᑐᖅ 2013-ᒥᓂᒃ.

ᐊᕙᑎᓂᒃ ᖃᐅᔨᓴᕐᑎ: ᓈᓐᓯ ᑎ

ᓈᓐᓯ ᑎ ᐊᕙᑎᓂᒃ ᖃᐅᔨᓴᕐᑎᐅᑉ ᐃᓂᖓᓂ ᐱᓇᓱᑦᑎᐅᓕᕐᑐᖅ KEAC-ᑯᓂ 2012-ᒥᓂᒃ.

ᒪᓕᒐᓂᒃ ᖃᐅᔨᓴᕐᑎ: ᑯᔨᔅᑏᓐ ᓛᒻᐯ

ᑯᔨᔅᑏᓐ ᓛᒻᐯ
ᐱᓇᓱᑦᑎᑖᕆᔭᐅᓯᒪᔪᖅ
ᑭᒥᕐᕈᔨᒋᔭᐅᑦᓱᓂ ᐁᕆᓕ 2022-ᒥ