ᐊᐅᓚᑦᓯᓂᖅ ᐊᓂᑦᓯᕕᕐᓂᑦ

ᐊᐅᓚᑦᓯᓂᖅ ᐊᐅᓂᑦᓯᕕᕐᓂᑦ ᐱᔭᑦᓴᓕᐸᐅᔮᓗᖅ ᓄᓇᕕᒻᒥ ᑭᓯᐊᓂ ᑕᒪᒃᑯᐊ ᑲᒪᕆᔭᐅᑦᓯᐊᒍᓐᓇᑐᑦ. ᐱᔭᑦᓴᐅᑉ ᐊᑐᓕᕐᑎᓯᒍᑎᖓ ᐊᒥᓱᓂᒃ ᑭᒡᒐᑐᐃᔨᒻᒪᕆᓕᒃ: ᑯᐯ ᑲᓇᑕᐅᓗ ᑲᕙᒪᖏᒃ, ᐊᒻᒪᓗ ᓄᓇᕕᒻᒥ ᓄᓇᓕᓐᓂᓗ ᑎᒥᐅᔪᖏᑦ ᓂᐅᕕᕐᑎᓯᔩᓗ (ᓂᐅᕕᕐᕖᑦ, ᐊᐅᓪᓚᑎᑦᓯᔩᑦ, ᓴᓇᕋᑦᓴᓂᒃ ᑲᒪᔩᑦ, ᑕᒪᒃᑯᐊᓚᑳᑦ.). ᓄᑕᐅᓯᓕᕐᑎᓯᓂᖅ ᐊᐅᓚᑦᓯᓂᕐᒥᒃ ᐊᓂᑦᓯᕕᓐᓂᑦ ᒪᓕᒐᓕᐅᕐᓂᑯᑦ ᐊᕙᑎᒧᑦ ᐱᐅᔪᑐᐃᓐᓇᐅᖏᑦᑐᖅ; ᐃᑲᔪᕐᓯᒍᓐᓇᒥᔪᑦ ᐃᓄᓐᓂᒃ ᑮᓇᐅᔭᓕᐅᓂᒃᑯᓗ. ᑐᑭᓯᒍᓐᓇᐅᑎᓂᒃ ᓄᐃᑦᓯᓱᑎᓗ ᓀᓪᓕᕆᐊᒍᓐᓇᑕᓂᒃ, ᐊᑐᕆᐊᓪᓚᒍᓐᓇᑕᓂᒃ, ᓴᓗᒻᒪᓴᒍᓐᓴᑕᓂᒃ ᐊᒻᒪᓗ ᐅᑎᕐᑎᒍᓐᓇᑕᓂᒃ.

ᖃᒻᒥᖅ ᐊᑑᑎᔭᐅᓚᐅᔪᐃᑦ

  • ᓀᓪᓕᑎᕐᓯᒪᔪᖅ ᑐᓯᔭᐅᓚᐅᔪᖅ ᐊᐅᓚᓂᕐᒧᑦ ᐊᒻᒪᓗ ᐊᕙᑎᓕᕆᓂᕐᒧᑦ ᑲᑎᒪᔨᖏᓐᓄᑦ ᐱᖁᔭᖅ Bill 65 ᐱᑦᔪᑎᒋᑦᓱᒍ, ᐸᕐᓇᓯᒪᐅᑎᒃ ᐊᕙᑎᖃᕐᓯᐊᓂᕐᒧᑦ ᑲᒪᔨᑦᓯᐊᓗᑎᒃ ᐊᓂᑦᓯᕕᒻᒨᑐᓂᒃ ᐊᒻᒪᓗ ᐊᑐᕐᑕᐅᕆᐊᓪᓚᒍᓐᓇᑐᓂᒃ ᓄᐊᑦᓯᓂᖅ.
  • ᐊᑐᐊᕋᑦᓴᖅ ᐊᑎᓕᒃ ᐊᐅᓚᑦᓯᓂᖅ ᐊᓂᑦᓯᕕᓐᓂᒃ ᓄᓇᕕᒻᒥ (Portrait of Waste Management in Nunavik) ᑐᓂᔭᐅᓚᐅᔪᖅ ᑯᐯ ᐊᒻᒪᓗ ᑲᓇᑕᐅᑉ ᑲᕙᒪᖏᑦᑕ ᐊᐅᓚᑦᓯᕕᖏᓐᓄᑦ JBNQA-ᒥ ᐊᕕᑦᑐᓯᒪᔪᖅ 23 ᐊᐅᓚᑕᖓᒍᑦ.
  • ᐃᓚᐅᓂᖓ ᓄᓇᕕᒻᒥ ᐱᐅᒡᒍᑏᑦ ᓄᓇᒧᑦ ᐊᑦᑕᓇᒍᓐᓇᑐᓂᒃ ᐊᐅᓚᑦᓯᓯᐊᕐᓂᒧᑦ ᐱᓇᓱᖃᑎᒌᑦ ᑎᓕᔭᐅᒪᒍᑎᓖᑦ ᑐᓴᐅᒪᐅᑎᓂᕐᓂᒃ ᑭᒡᒐᑐᐃᔨᒻᒪᕆᓐᓄᑦ ᐊᒻᒪᓗ ᑲᕙᒣᑦ ᑭᒡᒐᑐᐃᔨᖏᓐᓄᑦ ᐊᑦᔨᐅᖏᑦᑐᓄᑦ ᐊᐅᓚᑦᓯᓂᖅ ᐊᓂᑦᓯᕕᒻᒨᑕᓂᒃ. ᐱᓇᓱᖃᑎᒌᑦ ᓇᓗᓀᕐᓯᒍᓐᓇᓱᑎᓗ ᐱᓐᓀᓗᑕᓂᒃ, ᐅᓇᒻᒥᓇᐅᑎᓂᒃ ᐊᒻᒪᓗ ᐋᕐᕿᒍᓐᓇᑕᓂᒃ ᐊᓂᑦᓯᕕᓐᓂᒃ ᑲᒪᑦᓯᐊᒍᓐᓇᓂᕐᓄᑦ ᐃᓄᓕᒫᑦ ᐃᓗᓯᖏᑦ ᐱᑦᔪᑎᒋᓪᓗᒋᑦ ᐊᕙᑏᓪᓗ ᓴᐳᑦᔨᓂᖓᓄᑦ.
  • ᐱᕙᓪᓕᐊᕋᓗᐊᕐᓱᑎᒃ ᐊᕐᕌᒍᓂᒃ ᐊᒥᓱᓂᒃ ᐊᓂᑦᓯᕕᓕᕆᓂᕐᒧᑦ, ᓴᓗᒻᒪᓭᓂᕐᒧᓗ ᐊᒻᒪᓗ ᑲᒪᔨᑦᓯᐊᓂᕐᒧᑦ ᐱᐅᒡᒍᑎᓂᒃ ᓄᓇᒧᑦ ᐊᑦᑕᓇᒍᓐᓇᑐᓂᒃ ᓄᓇᕕᒻᒥ, ᓄᓇᓖᑦ ᑲᕙᒫᐱᖏᑦ ᓱᓕ ᑐᓴᐅᒪᒍᑎᓂᒃ ᐅᐸᕐᖃᔭᒐᑕᖕᖏᑐᑦ ᑌᒪᑦᓭᓇᖅ ᖃᓪᓗᓈᑦ ᓄᓇᓕᖏᑦ ᐊᒻᒪᓗ ᓄᓇᖃᕐᖄᓯᒪᔪᐃᑦ ᓄᓇᓕᖏᓐᓂᑦ ᑐᓴᐅᒪᒍᑎᑖᒍᓐᓇᒪᑕ ᓇᓕᓕᒫᖅ ᑲᓇᑕᒥ. KEAC-ᑯᑦ ᑕᒐ ᐃᑲᔪᕐᓯᕋᓱᑉᐳᑦ ᑐᑦᓯᕋᒍᑦᔨᓱᑎᒃ ᑮᓇᐅᔭᖃᕐᑎᓯᐅᑎᓂᒃ ᑯᐯ ᑲᓇᑕᐅᓗ ᑲᕙᒪᒃᑯᖏᓐᓄᑦ ᐸᕐᓇᓯᒪᐅᑎᓕᐅᒍᒪᑦᓱᑎᒃ ᐊᕙᑎᒥᒃ ᐱᔭᑦᓴᓄᑦ.
  • ᖃᐅᔨᓴᕐᓂᖅ ᓴᓗᒻᒪᓴᒍᓐᓇᑕᓂᒃ ᐊᒻᒪᓗ ᓴᓇᒍᓐᓇᑕᐅᔪᓂᒃ ᐱᔭᑦᓴᖅ ᑎᒥᐅᔪᑦ ᑲᒪᔨᑦᓯᐊᕆᐊᖃᕐᓂᖏᓐᓄᑦ ᓴᓂᓕᐊᓂᒃ ᓄᐊᑦᓯᓂᕐᒧᑦ (Regulation respecting the Recovery and Reclamation of Products by Enterprises) ᑎᑭᐅᑎᒐᓱᑦᓱᑎᒃ ᓴᓂᓕᐊᓂᒃ ᓄᓇᒧᑦ ᐊᑦᑕᓇᒍᓐᓴᑐᓂᒃ ᓀᓪᓕᕆᐊᕐᑎᓯᓂᕐᒧᑦ ᐊᓂᑦᓯᕕᒻᒨᑕᓂᒃ ᐊᒻᒪᓗ ᐱᐅᒡᒍᑎᓂᒃ ᓴᓇᔩᑦ ᐅᑎᑦᑎᓯᕕᐅᕆᐊᖃᕐᓗᑎᒃ ᓂᐅᕐᕈᓯᐊᖏᑦ ᐱᐅᒍᓐᓀᐸᑕ.
  • ᖃᐅᔨᓴᕐᓂᖅ ᐊᒥᓱᓂᒃ ᑐᓴᐅᒪᒍᑎᓕᓐᓂᒃ ᓴᓗᒻᒪᓭᓂᕐᓄᑦ ᐊᑦᑐᑕᐅᑐᐊᕐᒪᑕ ᓄᓇᒧᑦ ᐊᑦᑕᓇᕐᑐᓄᑦ ᓄᓇᕕᒻᒥ ᐃᓚᐅᑎᑦᓯᓗᑎᓗ ᐅᔭᕋᓐᓂᐊᑎᒃᑯᑦ ᕿᒪᑦᑕᕕᓂᖏᓐᓂᑦ ᖃᐅᔨᓴᕐᕕᕕᓂᕐᓂᓗ ᐊᒻᒪᓗ ᒥᕐᖑᐃᑎᑦᓯᔨᓄᑦ, ᓄᓇᒧᑦ ᐊᑦᑕᓇᕐᑐᓄᑦ ᐊᑦᑐᑕᐅᒪᔪᓂᓪᓗ ᑲᓇᑕᐅᑉ ᓄᓇᖓᓂ, ᑲᓇᑕᐅᑉ ᑐᓴᐅᑎᖏᓐᓄᑦ ᐃᓱᓕᖏᓐᓄᓗ, ᐊᒻᒪᓗ ᐅᒃᑯᐊᑕᐅᓯᒪᔪᒥᒃ Asbestos Hill ᐅᔭᕋᓐᓂᐊᓂᕕᓂᖅ.

ᐊᐅᓚᑕᐅᔪᑦ ᓄᓇᓕᓐᓂᑦ

KEAC-ᑯᑦ ᐃᑲᔪᕐᓯᒍᒪᕗᑦ ᓄᓇᕕᒻᒥᑦ ᐊᒻᒪᓗ ᓄᓇᓕᓐᓂᒃ ᐃᓚᐅᒍᒪᔪᓂᒃ ᓄᐃᑦᓯᓂᕐᒧᑦ ᖃᐅᔨᒪᑎᑦᓯᓂᕐᒧᓗ ᐊᕙᑏᑦ ᐱᓐᓀᓗᑕᖏᓐᓂᑦ ᐊᒻᒪᓗ ᐊᓂᑦᓯᕕᓂᒃ ᐊᐅᓚᑦᓯᓯᐊᕈᓐᓇᓂᕐᓄᑦ.

ᐃᒥᒐᖃᐅᑎᕕᓂᕐᓂᑦ ᓴᓇᕐᕓᓂᖅ
2008-ᒥ ᐊᒻᒪᓗᕆᐊᓪᓚᖅ 2018-ᒥ, KEAC-ᑯᑦ ᓄᐃᑦᓯᓚᐅᔪᖅ ᐊᑭᓐᓇᒥᐅᑕᓂᒃ ᓄᓇᕕᓕᒫᒥ ᐃᒥᒐᖃᐅᑎᕕᓂᕐᓂᑦ ᓴᓇᕐᕓᖁᔨᑦᓱᑎᒃ. ᐊᒻᒪᓗ, KEAC-ᑯᑦ ᑲᔪᓯᑦᓱᑎᒃ ᑐᓴᐅᒪᐅᑎᓂᕐᒥᒃ ᑯᐯ RECYC-QUÉBEC-ᑯᖏᓐᓂᑦ ᓄᓇᕕᒻᒥᐅᓗ ᓂᐅᕕᕐᕕᖏᓐᓂᑦ ᐊᑐᓕᕐᑎᓯᓂᕐᒧᑦ ᓴᓇᕐᕚᑎᒋᓂᕐᒧᑦ ᐃᒥᒐᖃᐅᑎᕕᓂᕐᓂᑦ (2 L-ᓖᑦ ᒥᑭᓂᕐᓭᓗ).

ᒪᓕᒐᑦᓭᑦ ᑲᒪᑦᓯᐊᓂᕐᒧᑦ ᐱᐅᒡᒍᑏᑦ ᓄᓇᒧᑦ ᐊᑦᑕᓇᒍᓐᓇᑐᓂᒃ ᓄᓇᕕᒻᒥ
2016-ᒥ, KEAC-ᑯᑦ ᓄᐃᑦᓯᕆᐊᓪᓚᓚᐅᔪᑦ ᐱᖓᓱᓂᑦ ᒪᓕᒐᑦᓴᓂᒃ ᑐᓂᔭᓂᑦ ᑲᕙᒫᐱᓐᓄᑦ, ᑎᒥᐅᔪᓄᑦ, ᓂᐅᕕᕐᕕᓄᑦ ᐊᒻᒪᓗ ᐃᓄᓕᒫᓄᑦ ᐅᐸᑦᑕᐅᕕᓐᓄᑦ ᓄᓇᕕᒻᒥ ᖃᐅᔨᒪᐅᑎᓂᒃ ᐱᐅᒡᒍᕕᓃᑦ ᓄᓇᒧᑦ ᐊᑦᑕᓇᕐᑐᓂᒃ ᑲᒪᔨᑦᓯᐊᕆᐊᒥᒃ.

  • ᒪᓕᒐᑦᓴᖅ No. 1: ᐱᐅᒡᒍᑎᕕᓃᑦ ᓄᓇᒧᑦ ᐊᑦᑕᓇᒍᓐᓇᑐᑦ ᑲᒪᕆᔭᐅᑦᓯᐊᕆᐊᖃᓂᖓᓄᑦ ᒪᓕᒐᑦᓴᖅ ᓄᓇᕕᒻᒥ ᑲᕙᒫᐱᓐᓄᓗ ᐊᒻᒪᓗ ᑎᒥᐅᔪᓄᑦ
  • ᒪᓕᒐᑦᓴᖅ No. 2: ᐱᐅᒡᒍᑎᕕᓂᕐᓂᑦ ᓄᓇᒧᑦ ᐊᑦᑕᓇᒍᓐᓇᑐᑦ ᑲᒪᕆᔭᐅᑦᓯᐊᕆᐊᖃᕐᓂᖓᓄᑦ ᓄᓇᕕᒻᒥ ᐃᓄᓕᒫᖏᓐᓄᓗ
  • ᒪᓕᒐᑦᓴᖅ No. 3: ᓄᓇᒧᑦ ᐱᐅᖕᖏᑐᖅ ᑯᕕᑉᐸᖅ ᑭᐅᑦᓴᐅᑎᒋᕆᐊᖃᕐᓂᒧᑦ ᐸᕐᓇᓯᒪᐅᑎ ᓄᓇᕕᒻᒥ ᑲᕙᒫᐱᖏᓐᓄᓗ ᑎᒥᐅᔪᖏᓐᓄᓗ

ᐊᑕᐅᓯᕕᑦᓱᑎᒃ ᐊᑐᕐᑕᐅᓲᑦ ᐴᑦᓴᔦᑦ
2008-ᒥ, KEAC-ᑯᑦ ᑐᓂᔨᓚᐅᔪᑦ ᐃᑲᔫᑎᓂᒃ ᑰᑦᔪᐊᑉ ᑲᕙᒫᒋᖓᓄᑦ ᐊᑐᓕᕐᑎᓯᓯᓚᐅᔪᑦ ᐱᖁᔭᓂᒃ ᐊᑐᕐᑕᐅᖁᒍᓐᓀᓱᒋᑦ ᐊᑕᐅᓯᕕᑦᓱᑎᒃ ᐊᑐᕐᑕᐅᓲᑦ ᐴᑦᓴᔦᑦ ᓂᐅᕕᕐᕕᓂᒃ. ᐊᒻᒪᓗ, ᐊᑐᕆᐊᓪᓚᒍᓐᓇᑐᐃᑦ KEAC-ᑯᑦ ᐃᓕᑕᕐᓇᐅᑎᖓᓂᒃ ᐊᓪᓚᖑᐊᕐᓯᒪᔪᓖᑦ ᑐᓂᔭᐅᓯᓚᐅᔪᑦ ᓄᓇᕕᐅᑉ ᓄᓇᓕᖏᓐᓄᑦ ᑲᔪᓯᖁᔨᑦᓱᑎᒃ ᐊᑐᓕᕐᑎᑕᐅᓚᐅᔪᒥᒃ ᐱᖁᔭᑎᒍᑦ ᓄᓇᕕᐅᑉ ᓄᓇᓕᖏᓐᓂᑦ.

ᓴᓃᑦ ᓄᓇᒧᑦ ᐊᑦᑕᓇᕐᑐᑦ
ᐊᕐᕌᒍᖏᓐᓂᑦ 2005-2009-ᒥ, KEAC-ᑯᑦ ᐃᑲᔪᕐᓯᓚᐅᔪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ ᐱᕙᓪᓕᐊᑎᑦᓯᓂᕐᒧᑦ ᐱᒋᐅᕐᓭᓂᕐᓂᑦ ᖃᓄᖅ ᑲᒪᕆᔭᐅᔪᑦᓴᐅᒪᖔᑦᑕ, ᓴᓇᕐᕙᑕᐅᔪᑦᓴᐅᒪᖓᑦᑕ ᐊᒻᒪᓗ ᐊᐅᓪᓚᑎᑕᐅᔪᑦᓴᐅᒪᖓᑦᑕ ᓴᓃᑦ ᓄᓇᒧᑦ ᐊᑦᑕᓇᕐᑐᑦ. 2007-ᒥ, KEAC-ᑯᑦ ᑮᓇᐅᔭᖃᕐᑎᓯᓚᐅᒧᑦ ᐸᕐᓇᓯᒪᐅᑎᒥᒃ ᓴᓂᕐᓂᑦ ᓄᓇᒧᑦ ᐊᑦᑕᓇᕐᑐᓂᒃ ᑲᒪᔨᑦᓯᐊᓂᕐᒧᑦ ᖃᐅᔨᒪᐅᑎᓂᒃ ᓄᓇᓖᑦ ᐊᓂᑦᓯᕕᖏᓐᓂᑦ.

ᐊᑦᓴᓗᐊᕕᓃᑦ
ᐊᕐᕌᒍᖏᓐᓂᑦ 2006-2009-ᒥ, KEAC-ᑯᑦ ᐃᑲᔪᕐᑕᐅᓱᑎᒃ RECYC-QUÉBEC-ᑯᓄᑦ ᐊᑐᓕᕐᑎᓯᓚᐅᔫᒃ ᐊᑦᓴᓗᐊᕕᓂᕐᓂᑦ ᑲᒪᔨᕆᐊᒥᒃ ᖃᐅᔨᒪᐅᑎᓂᒃ ᓄᓇᕕᒻᒥ ᑲᔪᓯᖁᔨᑦᓱᑎᒃ ᓄᓇᕕᐅᑉ ᑲᕙᒫᐱᖏᓐᓂᑦ ᑯᐯ ᐊᑦᓴᓗᐊᕕᓂᕐᓂᑦ ᑲᒪᔨᓂᕐᒧᑦ ᖃᐅᔨᒪᐅᑎᖏᓐᓂᑦ ᐱᖁᔭᑐᖃᐅᒻᒪᑕ.